五十嵐日本料理

Open Now

Now Closed

五十嵐是一家風格簡約的平民式平價日本餐廳，致力於提供道地的日本美食，讓客人享受美食。推薦菜品： 雞扒烏冬雞扒烏冬介紹： 雞扒烏冬是和味小館的招牌料理之一。這道料理以烏冬麵搭配嫩滑的雞扒為主，經典而美味。烏冬麵的口感Q彈，搭配著清淡的高湯，讓人愛不釋口。雞扒則是用嫩雞胸肉製作，經過特殊調味醃製，烹煮後保持了肉質的鮮嫩多汁，給這道料理增添了豐富的蛋白質。餐廳的廚師們巧妙地將醬料調和，使得這碗烏冬在口味上保持了平衡，混合了淡雅的湯底和微微的醬香，令人回味無窮。這道雞扒烏冬無論是作為主菜或是小吃都非常適合，不僅價格平價，而且味道鮮美，絕對能夠讓你在和味小館享受到道地的日本美食。

食過幾次，都正正常常，不過不失，唔知係咪夏天太熱，食物容易變壞同處理得唔好，今日叫左個鍋燒讚岐手打烏冬，烏冬份量比較少，都ok la, 但兩件炸雞係酸既，最後佢地有換過比我，亦都講左幾次唔好意思，但當晚返屋企就痾左兩次，雖然無肚痛，但明顯係食物質素出左問題，希望鋪頭都注意下，仲有，今日一入到間店，有一陣“up”既臭味，平時去都無，唔知點解咁大陣難聞既味.....

呢間野喺北角已經歷史悠久，相信住北角嘅人都食過好多次！有啲人話好難食，但我覺得以呢個價錢都相當抵食😂😂另外唔知係轉咗手定乜咩，而家啲店員態度好左好多！要幫佢平反下先🤣和風牛肉便當（$47）味道方面，確實唔夠出邊好食調味稍為遜色咗少少但佢勝在份量夠多！份量大家可以睇吓幅圖，飯餸同菜都幾乎塞爆曬！仲要有兩粒餃子✨餐係包埋嘢飲同麵豉湯，雖然杯嘢飲甜咗少少，但整體來講都係非常滿足嘅一餐🤍如果想食平少少，又想食日式嘢，食呢間啱晒🫶🏻

Igarashi Japanese Restaurant is believed to be familiar to most people, including me, who have found its traces in many public housing estates, and now seeing it again and eating it in it really fills my heart with all kinds of feelings. I am also quite satisfied with this dining experience, it even exceeded my expectations. First of all, in terms of the restaurant environment, compared to other restaurants located in North Point, Igarashi is really narrow, and the surrounding environment is al

《五十嵐》這一個名字，已經聽左好多年了。昔日，去到公共屋邨商場，好大機會都會遇到這基本上主打基層市民生意的日本餐廳。後來，時代變了，屋邨商場大 upgrade，《五十嵐》好像突然消失了一樣。不過，近來來到北角返工，再加上朋友告知，新都城大廈商場內仲有一間《五十嵐》啊。我不入《五十嵐》，大把人入《五十嵐》，來了兩次，這店都是高朋滿座的啊，值得介紹一下。那天來，我看中了蒲燒鰻魚飯。一片仔鰻魚，多多的菜，只收 $55 一客，的確可以經濟實惠地滿足要食日本菜的心理。一片仔鰻魚，香口嫩滑，醬味濃郁，伴入飯中更顯味道甜美。這一個鰻魚飯多菜，對我這些出到街比較多食肉既人來說，突然來了一份多菜少肉既飯，OK 架。改日來，我點了一份滑蛋豬扒飯。絕非薄切的吉列豬扒，夠口感也夠香，金黃色的滑蛋汁配上半熟的洋蔥，立即令到這一個飯更加之香口。整個飯的味道可以說是濃濃烈烈，性價比甚高的啊。兩次來的飲品都是跟餐不用另加錢的凍柑桔檸蜜。餐廳的指定特飲，不過不失。我視其為一杯大熱天時消暑飲料，感覺都可以既。來了兩次，的確是我不入《五十嵐》，大把人入《五十嵐》。食物質素，應該就是將貨就價啦。高朋滿座的原因，就是平兼唔會唔

今日第一次嚟呢度食嘢星期日好多人，戴眼鏡嘅服務員都好有禮貌，幫我哋搵位，落單嘅服務員雖然講嘅中文唔正，但亦都好有禮貌幫我哋落單，食物價廉物美，好正常都幾好食，唯獨是，俾錢嘅時候，有個阿姐叫我等，我有聽佢講等，冇吹過佢，然後佢問我幾多號枱，我由一入到去坐低食完都冇人同我講過係幾多號枱，何況我又唔係喺度工作，我叫佢自己睇返張單，佢竟然發脾氣同我講：我咪叫咗你等我囉！其實佢未ready，咁佢問我哋做咩，最後梗係發佢難渣鬧翻佢轉頭認住呢個女人，成個場最冇禮貌係佢

五十嵐相信不少人的的回憶，但不是我的🤣剛好有KOL挑戰這間有劣食傳聞的日式，總結食評居然是很不錯，特別是泡菜豬肉鍋。剛好我在餐廳附近，所以便去實測一下。基於對餐廳沒有期待，所以才有驚喜。定食原價$60，下午茶時段2-6pm減$5，所以只要$55就有齊鍋物、日本飯、麵豉湯和飲品，價錢上超值。👍🏻而食評基本上和KOL一致的，所以出品質素穩定也沒有見到有人拍攝就煮好一點😁。豬肉是爽口不算太薄，最喜歡亦令人意外的是他們的豆腐好滑（比x福牌的蒸煮豆腐更滑），泡菜湯是酸甜不辣的，味噌湯居然是和附近的日料店是一樣的🤣而且泡菜和粉絲份量很多，基本上一個細食的人可以分開食兩餐🤣飲品也可以不加錢選擇淳茶的紙包飲品，但不知道是不是長期有（向老闆查詢較好)侍應的態度也不錯，聽說現在是家庭式經營，所以食物品質好多了。雖然環境一般，食物味道不是超級好卻不會覺得難食，但經過沒想到吃什麼，也可以選擇的一家餐廳。

上星期五中午食晏時間去咗北角一間叫五十嵐嘅餐廳食，我們兩個人，叫了一個飯一個麵：雞肉煮蛋飯、生牛肉拉麵。即使中午午餐時間，等既人唔多，基本即入，食飽埋單人均$45左右。以下係餐牌：而家餐廳做緊抗疫優惠：食物方面雞肉煮蛋飯：我有要求走洋蔥，雞蛋幾好食，蛋滑！但雞肉唔知係咪放錯咗調味料，d汁食落係有些少酸味😂😂 蔥花在餸面感覺好唔錯。生牛肉拉麵：同事話牛肉熟既程度剛剛好，拉麵湯味道正同事細食都成碗食哂，比著我應該唔夠食😆😆 明顯飯既量比拉麵多最後兩個人食了$86，包埋野飲，兩個人都食得滿足。

嚟左呢區一段時間，一路都冇試過呢間拉麵...老實講 ,佢個舖面真係唔吸引 不過因為我老公係台灣人， 佢有時會好掛住台灣啲平價拉麵。 我真係唔識點煮畀佢食 於是乎呢個星期六我搵次機會去會一會佢， 叫咗佢嘅海鮮拉麵。其實我覺得佢都有啲誠意， 最少會有一隻鮮蝦， 畀你剝下殼... 個湯底都算OK. 不過個麵就真係好林下, 估唔到咁我老公都覺得好食🙀 仲再encore一次！ 所以食物呢d嘢, 真係各花入各眼😂

餐廳非常貼心，疫情其間所有套餐減價，除了減價之餘，還會主動提供消毒啫喱比客人，鰻魚炒飯真的有火喉，鰻魚夠嫩，不會很硬很乾，很好味，而且份量也很足，以一般坊間鰻魚炒飯都＄70多，這個鰻魚炒飯套餐包飲品才＄68，現在更減＄5，真的很抵食

在北角偶然下行到商場內側，當時亦已接近晚上九點，就坐點餐，兩個人每人點了分別一個豬頸肉拉麵和薑汁雞柳日式便當，便當餐還跟一個日式麵豉湯，湯內還有紫菜雖然略鹹，原本便當真係跟中華沙律，但本人唔食，跟店員溝通他馬上幫我換了一個飯後甜品香蕉糕，真讚！服務貼心，食品價格相易，每個餐還免費送一杯凍檸檬汁，下次必定再試其他食品。

耐不耐都係來北角行下, 貪佢多嘢食又多嘢行. 行到攰攰哋就食返個tea坐下. 見<<五十嵐>>tea set升級咗, 加咗少少價, 都試下!!  <<日式叉燒拉麵>>有四大塊叉燒, 仲有半隻流心蛋同蟹柳, 伴以粟米粒及紫菜, 非常豐富. 湯底都唔錯, 夠味又唔會太鹹.<<海鮮拉麵>>有兩隻大蝦, 三塊魷魚, 兩隻元貝, 幾隻蜆仔, 伴以粟米粒及紫菜, 又係非常豐富.湯底因為有海鮮仲更加鮮甜!!  跟餐仲有埋柑桔檸檬蜜, 用埋自帶飲管就更加good!!! 

北角新都城百貨商場側門入口處外有多間食肆。其中一間是日本料理叫五十嵐，座位三十個左右。主要做街坊及附近寫字樓的人生意，常常坐滿食客。首先一讚是店員都很勤力兼有禮貌的服務態度。今天叫了個下午茶餐，日式叉燒拉麵加凍柑桔檸蜜走冰$36。日式叉燒拉麵，麵質都算不錯，日式叉燒夾雜肥肉，切成薄塊亦有咬口。還有半隻雞蛋、紫菜、椰菜、假蟹柳、粟米粒、炸蒜粒等配料，湯底味道都唔錯。凍柑桔檸蜜，要了走冰，甜甜的飲到尾帶點苦甘味。

每次行經新都城都會心思思想食50嵐，經常見到鋪頭大排長龍，同隔離嘅大型連鎖店不相伯仲，下午茶比較抵食，但放工食親都係晚市，價錢相對較貴，但個人覺得都係抵嘅。之前食開50嵐招牌饅魚便當🍱入面有沙律蔬菜炸物等等嘅配菜，飯嘅份量都幾多。今次特登試吓個金菇肥牛卷飯，一上枱發現份量非常多，味道唔算好濃好鹹，送飯啱啱好。朋友們食咗個滑蛋牛肉飯同拉麵，雖然客人比較多，等待嘅時間長咗，但食物質素唔錯。順帶一提，之前有位員工態度不太好，今次冇呢個情況出現

北角搵食記 #3呢度係我每日必經之地由第一日睇樓經過嗰陣開始呢陣濃烈嘅港式日本拉麵味令我留下極深刻印象因為實在太懷舊啦！lol極似細個去屯門華都食嘅拉麵當年初初接觸日本拉麵好鍾意食，每次去都好開心而家正宗日本拉麵比比皆是過江龍競爭又激烈應該唔會再覺得呢種港式味好食架啦好啦寫咗一堆廢話今次去食都係純粹貪得意懷舊一下 😂店員好友善咁帶我入座落單時我話想雞扒另上佢面有難色，但係話可以幫我同廚房講(近期都有另一間餐廳樓面話嗌另上會畀師傅鬧，唔知點解呢？)飲品送凍柑桔檸檬 (定係蜜？唔記得咗)好經典嘅配料... 同麵條...個麵係合乎預期地唔好味 😂但係煎雞扒又有啲驚喜喎！幾香，唔肥膩杯飲品，死甜，飲唔晒...平日午餐照價減5蚊咁樣一餐唔使$40，幾平但論味道，就唔抵啦 😂睇一睇 Openrice 先見到好多人劣評服務態度但我去食當日嘅兩位店員都好 nice唔知係咪已經換咗人呢？貪快貪平可以一試鍾意食日本拉麵而有要求嘅話就免了 🙈