宜家家居美食站

Open Now

Now Closed

ikea真係我同朋友既飯堂😂😂每次諗唔到食咩，總有朋友會提議食ikea，特別係山窮水盡既時候，佢真係糧尾救星無他既，ikea既選擇多，而且每樣都唔貴，買二百蚊已經好似食自助餐咁😂先講個湯—忌廉蘑菇湯，唔會溝太多水，飲落真係有蘑菇味薯格—每次黎都必食曹格😂😂😂一杯大大份，雖然好少買到新鮮炸起既，但淋左都依然香口肉丸—呢個唔洗我講啦掛，基本上每枱都會點，2蚊一粒啖啖肉，而且唔會乾爭爭，我就鐘意點嗰個藍莓醬食既小食拼盤—呢個真係無得輸，因為有我最愛既蜜糖腸+雞翼，蜜糖腸仲係脆皮架，食落甜甜地，雞翼雖然凍左，但唔會油膩，食落有輕微辣味，肉嫩+少少汁。仲有啲蔬菜(粟米)，都算健康😂最後主角出場—豬手豬手大大隻，不過就需要自己切骨，都頗費時。豬皮骨膠原滿瀉啊，超黏口，而且煮得夠火候，皮都算係入口即融。豬肉更係冇得彈，咸香，而且嫩，呈淡淡既粉紅色，證明佢會過老而且我係街都未食過咁平既原隻豬手勁食

今日約左個知慳識憸既朋友仔，佢話要食大件夾抵食既晚餐。我一諗就諗起宜家傢私的美食區係幾甘抵食。去到掛住傾計，都無咩點影相。每次去到一定要食個豬肉丸配薯蓉。真係好味道又抵食。我最鍾意佢加埋藍莓醬，甜甜的，豐富左成個味蕾。岩晒一家大細一齊去食，有兒童餐，款式又多款，食甜品又得，食下午茶餐或晚餐都得，甘識得配合客人的需要，抵佢甘多人去食。人流仲要滔滔不絕。所以就算品係去宜家傢私行街既我，平時都都好鍾意去宜家傢私食飯。坐又舒服，又可以吹水唔使就時間限制。推薦！！

出九龍灣大昌維修汽車 免費換氣袋……等攞車 行去 Mega食早餐 唔太遠輕鬆漫步最低食必選 IKEA food court又可以hea 漫嘆人生 廚師真好人 提我早餐夠收啦"精選早餐"真係咁…咁低 $23 雞扒香 煙肉脆 滑旦嫩滑 煎蕃茄半件 但薯餅太油 炸得太脆口 薯肉乾咗啲紙杯1只 自助咖啡 奶糖 免費添加講真…任飲都冇本事飲得多 滾水自行取用 大集團唔孤寒兒童餐 $16 又係低 但…雞肉丸劣雞肉丸5粒 薯蓉球 + 蘋果 + 飲品 係低食嘅但雞肉丸勉強食咗2粒就放棄冇雞味 過咸 肉霉 草腥味 …… 雞肉丸瑞士牛肉丸 5粒+薯蓉 唔再係$10 加咗價 $1210粒+薯蓉 $20 舊價 最低食15粒+薯蓉 $32 ……

同太太行開megabox行傢俬鋪，行到有啲累，就去左ikea美食站買啲小食，啲食物都真係幾抵食，一個熱狗餐都只係十蚊仲包可樂任飲！不過今次我地叫左3款小食: 瑞士肉丸，脆皮腸同蜜糖雞翼。瑞典肉丸就一向都係我地至愛，要加大量紅果醬食，解左肉丸嘅膩。而脆皮腸都相當好食，雖然得3條不過好厚肉。而雞翼就有驚喜，估唔到都整得幾高質，塗左雞翼表面蜜糖，有少少脆身，而入面啲肉係嫩滑嘅，真係好好味，好Juicy，成餐都唔駛40蚊，CP值相當高，下次行開megabox要歇歇腳都黎ikea食個tea。

做嘢經開九龍灣 聽講宜家傢俬入面咖啡室非常之抵 所以就入去一探究竟 一入到去 真係o曬嘴 因為講緊一個熱狗餐亦都係十蚊 冇聽錯 係十蚊 佢包一個熱狗 加一杯汽水 汽水係任飲 冇錯係任飲 咁嘅價錢 咁嘅食物 仲可以喺香港邊度有呢？叫咗個熱狗同個卷包 個卷包好普通 包係幾硬 個人唔太鐘意 熱狗個包好鬆軟 唔會硬香腸亦都有水準 而醬汁係可以自己加 包括千島醬同茄汁 我比較鍾意點茄汁 食落非常之好食 而可樂由於同出面嘅可樂係一樣嘅 所以係普通料

今天來到MegaBox，逛過宜家傢俬後，當然要來這個價格相宜的美食站。這次依然人頭湧湧！排隊的客人很多，等候大約十分鐘後，才來到收銀處。快快手取得美食，走到較遠的高腳枱那邊，慢慢享用。蕃茄水牛芝士餡餅 抬頭看餐牌，有本月推介，新款式，所以試試。這個薄薄的餡餅，跟手掌大小相若。表面乾身，內裡的香草蕃茄醬，加上份量很少的芝士。芝士份量不足以拉成絲！即係～味道＝香草茄汁意粉。還一廂情願的，以為餡餅肉充滿水牛芝士，有＜爆芝＞口感。十元的餡餅，不能要求太多了。　幸好有６粒肉丸搭夠，這個下午茶，價格超值。

行開呢邊megabox拎嘢, 見有啲肚餓, 就去左ikea美食站買熱狗食喇。熱狗包微熱, 腸繼續都皮脆, 一邊食熱狗, 一邊飲杯可樂。講真$10有包有飲品, 仲要可以refill飲品, 真係堅抵, 係長期糧尾嘅朋友。今期買熱狗餐用八達通俾錢仲可以加3蚊有5粒燒賣。燒賣就麻麻地, 麵粉多, 甘3蚊有5粒都唔可以要求甘多, 下次可以唔食。之後, 仲買左雞肉丸, 芝士薯波拎返屋企食呢!雞肉丸加埋啲汁有啲咸, 雞肉丸口感同瑞士肉丸都似。芝士薯波係炸好的, 所以唔脆, 聞落雖有芝士開, 但食落就差少少。下次都係食蔬菜薯餅喇。依家有紙袋可以俾人拎走, 都幾好!!

週日去到megabox ikea，買幾個貯物箱，本來就唔打算食野，因為啱啱飲完茶，偏偏見到個雪糕，又忍唔到口。雲呢拿新地配心型窩夫伴棉花糖 $4 (原價$8)屋企附近並冇宜家，亦都唔會追住黎食，所以呢個雪糕我係第一次食，亦都out out的唔知佢已經賣緊幾耐，相信已經有一段時間 (?)4蚊雞貪得意試下。雲呢拿雪糕偏甜，溶得比較快，不過都幾滑溜。棉花糖都唔係貴野，但份量都幾多。心型窩夫簡直就係…難食，哈哈。食落質地較硬，而且有少少油膩感。不過，4蚊雞，貼地價食杯雪糕，無妨；8蚊當然唔會食，食m記好過。窩夫就…唔想嘥野不如叫「雲呢拿新地配心型窩夫伴棉花糖，走窩夫~

IKEA 宜家 為慶祝 瑞典窩夫節 , 由即日至 25/3 把原本 $ 8 一杯減至 $ 4 一杯軟雪糕加片瑞典心形窩夫及幾粒棉花糖 , 細細一杯足夠一人過瘾嘆～新地配心型窩夫拌棉花糖 $ 4 : 軟雪糕有奶味，但是不是濃奶香的那種，入囗快溶，有一些碎冰口感；心形窩夫咬落是脆而偏向硬，所以沾着軟雪糕同吃，窩夫變軟一點也加多一點香甜；咀嚼棉花糖時是可以用煙韌來形容，甜味算高～縱使這杯軟雪糕在坊間的風評不太好，但是自己覺得它又不是難以入囗的品質，以 $ 4 一杯的售價來把味蕾甜甜的清涼一下也算是不錯 ~#每客人限買2杯～本篇完 ~

去開Megabox 就算食飽飯都會去Ikea食個熱狗餐，因為又抵又好食，今晚老婆話要試新出個朱古力雪糕窩夫，咁我又可以順便食隻熱狗啦！熱狗餐真係冇得輸，可惜要配百事而唔係可口可樂～新出嘅朱古力新地配窩夫賣相唔錯，朱古力新地都幾濃味，之但係嗰件窩夫就完全唔掂，乾爭爭仲咸嘅？乜我唔係食緊甜品咩？呢個新產品因為件窩夫而賣相加分，同時亦因為件窩夫而味道扣分，正宗嘅好睇唔好食🙈，不過$8就算啦～

食熱狗係每次行完兩層之後嘅指定動作, 宜家熱狗真係食極都唔厭, 當然抵食係佢最大優點!!! 咪睇少麵包同腸仔呢個咁簡單嘅配搭, 試過其他國家麵包軟淋淋嘅熱狗之後, 原來香港哩個係咁好食! 不過人地國家嘅醬除咗茄醬同芥末醬之外, 仲有酸瓜醬可以唧~ 所以唔同國家嘅IKEA都有佢有趣獨特之處.除咗熱狗之外其他小食我係好少試, 今次唔知點解見到呢個素菜丸配小麥抓飯好想試, $8有5粒素菜丸都幾抵食, 不過有些少乾身, 一人食5粒唔係好頂到, 反而配嘅小麥抓飯又幾好食喎, 有露筍, 小麥, 番茄等材料配搭幾清新,

之前在FB看見lkea推出朱古力新地，作為一個朱古力控，當然第一時間走去試，可惜上星期到銅鑼灣店已經沽清了，今日到Megabox購物，當然要一試😍去到雖然人不算多，不過見大部分人都在吃朱古力新地，即是未沽清，終於可以試到了～賣相不錯，不過朱古力味略為不足，棉花糖似是卡夫出品，但心形窩夫就真的難以下嚥，吃不出窩夫的味道與口感，而且是咸的，又乾又難食，下次再幫襯一定要走窩夫😣雖然已經吃過晚飯，但每次來到，必定要叫個熱狗餐，熱狗餐仍是$10好抵呀！

炸雞柳配紅莓子醬係好好味！*如果分開炸雞柳同個紅莓子醬試味，個味道係會好普通的…但係如果兩者撞埋一齊黎食，竟然係好好味既配搭！*個紅莓子醬係淺粉紅色，可能初頭第一次見既話會覺得好奇怪，唔敢擺落口，但配埋個雞柳係堅夾的！😍😍😍👍👍👍

上星期專登去九龍灣食ikea，貪佢夠平，食左必叫瑞典肉丸，小食拼盤，焗三文魚長通粉同甜品紅果子杏仁慕絲配鮮士多啤梨。焗三文魚長通粉好難食，不過咁平，都冇得要求咁多，因為d芝士好硬，凍凍地; 甜品既餅底幾好食，總括黎講，性價比都高。BTW，裝飾完環境都係咁舒服😁😁😁

今次黎又有新menu，成隻烤雞都唔駛一百蚊，仲好大隻。Grilled chicken 肉質好嫩滑，個sauce底有crispy garlic，記得點到底食。仲有雜菜食，健康！呢度都可以食steak，一D都冇overcook，可以試下。緊唔少得食肉丸，真係冇得輸，cp值爆燈！心形waffle 格仔餅配雪糕連朱古力漿，係新品，好食！