宜家家居美食站

Open Now

Now Closed

因為經過附近，所以嚟咗宜家傢俬食午餐。我叫左個肉丸配薯蓉，然後加多四隻雞翼。啲肉丸咬落去就散，但保持到肉汁味。加上啲醬汁一齊好好食。啲薯蓉入口即溶，啲雞翼煎得好脆，好香口惹味。喺宜家傢俬食嘢真係幾抵食，食好多野價錢都唔會好貴。

新出呢個小食拼盤真係不得了！有好幾樣好味野加埋就變成呢個咁正既拼盤！雞翼仲係本來咁外脆內軟！粟米都仲係好香牛油味&好多汁！個薯角熱辣辣，入面d薯仔好鬆化好香薯味！最正係個珍寶腸！超肥大！！！真心juicy!!!個皮仲同熱狗個腸一樣咁脆咁好味！仲只係$39！

Valkommen! Welcome to Ikea!星期日假期黎Ikea 行下，雖然宜家買唔起樓，但都想睇下人地既"示範單位"，攞下靈感！行完就係度食埋晚餐嚕！瑞典肉丸5粒拼薯蓉 $10 （10/10）小食拼盤 $39 （7/10）燒全雞伴雜菜 $89 （5/10）肉丸係我每次黎都會叫既必食之選！經濟實惠又好味！肉味香濃，啖啖肉，配上兩個分別鹹、甜既汁，好好味！我一個人可以食十粒！不過今日又食雞，所以叫左五粒！小食拼盤就arm曬心大心細既我，因為有雞翼、薯餅、細碼司華力腸（特別喜歡，皮脆肉嫩）、大量粟米。今次第一次食燒全雞，以為細細隻燒春雞，黎到頓時呆了，好大隻！以size來說，贏曬大xx連鎖店，不過味道就不太行，太鹹，而且雞肉一點不滑，小失望⋯⋯總括來說，ikea真係不錯既平民food court，質素不講得好好，但arm曬想食平既西式野食！又可以行下，係拍拖好去處！

2人份量晚餐，加埋都係$33x, 最貴係烤全雞$8x小食拼盤，因為岩岩放出黎，所以啲食物仲係暖暖地，香腸個皮脆好味，薯餅岩岩炸起好香但偏油，另外雞翼有啲干無汁個皮仲好重香料薯仔放得耐，凍曬無味，諗五到有咩好講，一碟西冷5x幾蚊就五好咁高要求新出品，同樣$5x，龍蝦伴扁意粉，見到已經好吸引，龍蝦好味，用芝士焗，只係肉太少五夠食，意粉偏硬撈埋個汁食，無物特别烤全雞成晚最伏係呢個，好咸！好咸！雞脾肉外，其他肉都好嚡，搞到飲左勁多汽水，個汁甜甜地味道仲好“特别”，不敢恭敬最後甜品，左：芝士切件，右：杏仁切件左：無物芝士味，餅底好甜，食到一粒粒未溶既幼糖，五知係咪蛋糕特色之處，不過件餅一叉就散食到好五爽💀右：一入口就溶，好香杏仁味五會過甜，驚喜，可以試下叫左20粒肉丸無物烹飪技巧，所以味道依舊

黎ikea真係無理由唔食熱狗。佢個熱狗餐平得黎真心好食！個腸超脆！勁好咬口！個包又鬆軟，d茄汁芥末醬仲好有ikea味道添！熱狗+汽水or咖啡都只係$10，仲要無限添飲！難怪次次黎都大排長龍！今次發現仲有好岩香港人口味既檸檬茶！真心正！

今日有事要到九龍灣，諗唔到食咩好就近近地揀左Ikea估唔到8點幾去到仲超多人超多小朋友仲有好多枱要等幸好有一張角落頭無人坐就那那聲放低野去買野食先二個人叫咗8隻雞翼, 3條腸，焗龍蝦，仲有五粒肉丸焗龍蝦($39)有啲濟，仲凍凍地，有少少失望個肉丸($10)依舊好味腸仔($10) + 雞翼($29)個雞翼真係超超超好味仲叫咗汽水($7@)100左右食到飽一飽可惜人多咗少少唔係真係一個一流既選擇

星期六同朋友一行二人行Megabox Ikea, 行行下行朋友話想食甜品,咁我地就去咗Ikea Bistro搵甜野食, 之後我哋睇下個menu發現咗佢哋呢度係有乳酪賣嘅!第一啖食落口過感覺,我同我朋友都話有啲酸, 可能係因為我哋平時都係食雪糕為主唔係食乳酪, 但係佢酸嘅程度唔係太離譜係絕對可以接受嘅,配合埋甜甜地既香莓topping, 不論係佢白中帶紅嘅賣相, 還是佢嘅酸中帶甜嘅味道, 都配合得好好!值得一試!但係坦白講, 之前佢哋依度有得賣軟雪糕, 我鍾意佢哋個軟雪糕多過佢哋個乳酪!

每逢月尾總有幾日特別難捱😀 依個時候 如果唔想委屈自己 又唔想難為銀包 就可以試下宜家依個餐廳 佢啲野俾市面同樣質素既食物平 佢話因為佢要我地自己捧餐同自己回收餐盤 總之你付岀既腳力就換成價廉物美既食物我叫咗薯格 薯格比想像中脆 唔會係放咗好耐既感覺 不過為咗增加惹味 炸既時侯 應該放咗辣粉 所以會愈食愈辣 小食拼盤 真係幾抵食 有雞肉腸 粟米 雞翼四隻 仲有蔬菜餅 雞肉腸唔似廚師腸咁咸 淡淡既肉味 幾好正 蔬菜餅係薯泥 加蔬菜 加小小芝士整成既 都好飽肚

見到報紙買，乳酪雪糕$8，放工即刻整返杯乳酪雪糕入口感到又軟又滑，比較平日所吃的乳酪雪糕，質感輕了一點，就算有醬都不是太甜，對我來說剛剛好，份量夠大，呢個雪糕$8，抵食

每次假日經過ikea的餐廳，一看到那條長龍便會打退堂鼓，但男友說很想試，便一起排隊吧，沒想到人雖然多，但其實人流去得很快。點了三文魚沙律。沙律醬很像千島醬，煙三魚不算太鹹，加分，但沒甚麼特別。本來想試燒牛肉，但看很多人都點了燒雞，便試一下吧！反正又不是很貴。當然少不了招牌肉丸啦。老實說，在點之前呢，是很猶豫好不好點燒春雞的，因實在中過太多次伏──雞肉又乾又柴又不入味，就算是中高價位的餐廳，也出過事。不過！ikea的燒春雞出乎意料地沒有這個問題。櫃台的廚師（？）在我們點餐後，把春雞從加熱的錫盤中，倒進圖中膠盤，再淋上烹調時釋出的油脂醬汁，令燒春雞的外皮保持濕潤。雞肉非常入味，連雞皮吃的話，香草味更濃。而且肉大多是滑嫩juicy，又不會軟爛。連伴碟的蔬菜都不會太生，是略調味過，煮得剛好。如果要挑剔的話，就是雞胸部份有點老，很難嚼。但不到100元就吃到燒春雞，要求又真的不能太高啊！至於肉丸呢，蘸上果醬吃就很無敵了。不過就是微溫。另外，2個人吃完燒春雞，再吃15粒肉丸，其實真的很膩，強烈建議大家不要效法。但話說回頭，說飽說飽，甜品是不得不吃的。吃完上面兩道主菜後，我們二人望著這個蘋果批都面有難

OT到夜左，去食少少野先返屋企，橫掂要去megabox的十二蚊店買野，就黎宜家家俬食下小食先。叫左熱狗，肉丸，粟米杯等，其中熱狗最好食。條腸仔熱辣辣，脆皮腸咬落好juicy，真肉腸非粉頭，個熱狗包都烘過，軟綿綿微暖，自己落少許茄醬芥末醬調味已經好正，唯欠酸青瓜失色了。

每次經過宜家家居，都有一種莫名心癮，無論肚餓與否，都有一種慾望想吃它的超平小食由4/F入口入到去才醒覺從玻璃門看入去的是餐廳不是小食部 為了小食我們從4/F暴走了近15分鐘以上才到達3/F出口對開的小食部見到熱狗Poster的一刻居然有幾分感動，到家鄉了！排隊的人龍都不算太長，3分鐘就到我們了其實單是小食的選擇都有很多，不過我們都是抵受不住心癮，繼續吃熱狗一枱都是食物Peachy.foodie rating: ✮✮✮✮☆(4/5)抵食熱狗自己加醬料，簡簡單單已經幾飽肚，加3蚊仲有無限飲汽水Peachy.foodie rating: ✮✮✮☆☆(3/5)推廣價5蚊有五粒（上圖拍照時已忍不住吃了兩粒）薯味為主加了一些香口的配料，如香草和粟米；芝麻汁味道較淡，可以自行配熱加的茄汁和芥末提升味道；不失為丸肉的健康替代品Peachy.foodie rating: ✮✮✮☆☆(3/5)迎合港人口味，連瑞士品牌都有雞翼賣，雞翼比較瘦但尚算香口星期日人頭湧湧，大家都在努力吃，哈哈

ikea餐廳就去得多，熱狗也食得多了，但原來有乳酪雪糕，真的是頭一次吃！看到$8一杯雪糕，不用猶豫就立刻排隊買，從店裡的poster看，上面原本是有醬料的，但我怕甜，所以就要求去掉了。不用3分鐘就排到，既有效率又買到便宜好吃的，太幸福了。吃第一口，立刻覺得自己平日為何這樣笨蛋，會拿$40或以上去買乳酪雪糕，其實味道跟yomama差不多，口感有一點點不同的，就是ikea這個比較軟一點點，溶得很快。但整體來說，這個價錢，100分！

10蚊! 係香港食野已經好難，仲要有埋杯可樂，好似係無咩可能既事熱狗 汽水 hk10剛行完ikea, 望到個廣告，唔係嘛，十蚊，一定要試排隊不過3分鐘已經拎到，熱狗醬自己加，可樂自己勘，之後行去一張張bar枱度食，十蚊! 就是如此簡單熱狗一個麵包夾住一條比個飽長20%既熱狗遞左比我，飽的確唔算大舊，但條長長熱狗腸的確吸引。行前少少有幾部自助機，有茄汁同芥辣醬自己加，雖然兩種醬料味道唔特別好，但勝在要幾多自己加，感覺好好。熱狗同飽都係暖暖地，飽鬆軟，熱狗腸既皮脆，味道普通，但因為長度關係，第一啖尾一啖一定係腸，感覺非常好可樂係自己勘的，飲可樂，忌廉，橙汁，就算溝埋一齊都得，細路仔一定最鍾意總括，熱狗套餐雖然份量唔大，質素還好，但價錢一定贏足幾條街，加埋杯可樂，一餐豐富下午茶。當係係ikea大出血後既一點點補償吧

佢呢隻夾糖係正賣熟食個邊 呢間我第一次見到有夾糖 好得意 佢既糖都係德國黎 忍唔住試下 完全自助式 冇人係到 自己拎袋 自己夾完再拎出去比錢 佢係夾完之後比錢 出到去磅 我咁樣都買左50幾蚊 雖然佢係德國黎既糖 不過佢既糖好一般 味道唔太討好 亦冇口感 好林 好似棉花糖 不過係冇彈性 同埋我夾左明明係可樂味 食落去好酸 外面似酸莓 得好小可樂味 真係好麻麻 唔會再試