宜家家居美食站

Open Now

Now Closed

試下新野都可以幫生活增添下趣味，宜家傢私出左‘黑糖珍珠奶茶新地’好似幾得意，去左荃灣分店試試先！🥰🥰‘黑糖珍珠奶茶新地’$13用個大紙杯裝住，珍珠數量都頗多，有十幾二十粒🎱🎱，屬於軟身個隻唔會好硬，雪糕本身都幾香茶味，外面會淋上少少黑糖醬加重甜味，食落真係幾似‘黑糖珍珠奶茶’，最可惜係雪糕質地唔夠軟綿，唔夠滑！😞😞！見佢有買另一款雪糕🍦只係$4.5，不如都試下😃😃點知.........🥴🥴大吉嶺紅茶雪糕🍦筒跟本就同‘奶茶新地’同一樣野，只係冇左珍珠同黑糖醬，點解要改兩個唔同嘅名稱，真係越食越嬲😡😡

宜家的小食站一向係行街醫肚不二之選，肉丸,熱狗又平又好食。除左熟食，ikea 每隔一段時間都會有吾同味道的雪糕推出，今期係豆腐花味軟雪糕🍦($5),豆腐味香濃,面頭灑上黃糖做topping, 個idea好搞鬼。雖然味道上都吾算太突出，不過$5黎講，性價比都幾高。再食埋乳酪加mochi 芒果醬($10)乳酪雪糕酸味味，fresh💕同出面食的乳酪味吾同，冇甘甜，偏酸，芒果醬和Mochi 的甜反而有中和酸的作用。

一去ikea 家居美食站，立即看下有冇出新口味新地筒，有「愛文芒果新地筒」，顏色好像好漂亮啊，味道就唔知如何呢。$5 一個新地筒實在好抵食，味道是清香甜味，因為愛民芒不似呂宋芒的香，所以味道唔濃，但食落有啲似沙冰嘅感覺，冇咗雪糕嗰種柔順，但係都唔錯。

急凍挪威煙三文魚好味好多時都會喺IKEA買急凍挪威煙三文魚用來做三文治🥪，有原味 成份有三文魚和鹽，香草味口味味道比較濃郁，成份有三文魚、鹽、糖、白胡椒、叼草等，三文魚都係在挪威養殖，經過加工而成。如果直接食會比較鹹，所以用來做三文治係比較理想，可以加上蕃茄、蔬菜、炒雜菌等，一個非常簡單方便的午餐。每包三文魚有200g，售價@$66.00,今日安裝了yuu app，買兩包三文魚有八五折。

上一篇講到食完個瑞典瑞士卷，走時見到佢做緊榴槤味雪糕🍦限定，食完甜品再食雪糕太邪惡啦🤦🏻‍♀️咁我同🤴🏻落返去美食站買雪糕同時買左款小食😌😌先講個榴槤雪糕就有兩款：‘D24榴槤新地筒’$9比起平時嘅雪糕🍦都貴左幾蚊，味道ok有榴槤味🙂🙂‘特濃D24榴槤新地‘$19，雪糕都係榴槤味雪糕，貴$10就係貴在個一篤榴槤醬，唔好睇少呢篤醬，會提升個榴槤味好多濃郁好多👍🏻👍🏻M記之前出嘅同味雪糕🍦要$50，IEKA就$19，味道我覺得就一樣，咁揀邊個呢？🧐🧐小食：香草忌廉芝士薯蓉條$10內有3條短短地嘅薯蓉條，咬落有香草及忌廉味，但芝士就少少囉😐😐，好在炸得好香口又夠熱！🤤🤤$10有咁嘅質數👍🏻👍🏻👍🏻IKEA小食可唔可以唔好轉得咁快，追都追唔切😵😵

今日去ikea 買家居用品，竟然有意外收穫。我想先去美食站買個飲品，見到新推出的新地，有特濃D24榴槤新地 及 D24榴槤新地筒，不防一試。買了新地筒 及 新地試一下，新地筒就只有榴槤新地，而特濃新地杯則有新地外還有D24榴槤蓉，新地本身已好香，加上榴槤蓉更加美味，分別只售$9 及$19，超值好味😋。

幾年前同fd係沙田食過一次 感覺唔錯 個陣荃灣都未開 咁見好耐冇食過 聽講又平又多野食 咁就同fd入去食下啦 朋友就話7樓多啲野食 有得坐底食同主要係食正餐 咁3樓就多數係食小食為主 同埋冇得坐底食 只係企係側邊食 當日係星期六 大約下午4點幾5點左右 因為太耐冇食 所以乜都想試下 兩個人好似食左100蚊左右 叫左兩隻雞髀 15粒肉丸配薯蓉 一個蔬菜薯餅 兩份蜜糖腸 12蚊3條 同埋叫左個類似雞蛋仔既野 一粒粒咁既 面頭有少少藍莓醬同cream我同朋友都覺得雞髀係最好食 又香口又滑 好食到會再返黎食 第二好食係薯餅 呢個真係唔錯 幾好味 之後第三好食就係好似雞蛋仔咁一粒粒既 味道唔錯但最估唔到 肉丸同蜜糖腸係最難食 先講肉丸 食落口勁乾身 個汁食落冇乜味 朋友都話之前食落唔係咁 可能咁岩今次整得冇咁好 所以先咁難食 仲叫左15粒 仲食唔晒 掉左 蜜糖腸入面係冇乜問題既 幾好味既 但估唔到個皮係硬到唔知想知 要咬勁耐先咬到 真係第一次食到咁難食既腸仔 呢兩樣野真係有啲失望 不過雞髀真係好好食 相信會再特登返黎食 希望下次再黎食 肉丸同腸唔會咁差 同埋下次會上7樓坐底試下其他野食 見佢有牛

以往到Ikea都是以外賣為主，相信10個有9個香港人都試過王牌$9熱狗🌭️，確實係平靚正好味，今次因為搬新屋需時睇傢俬，便試試坐低吃晚飯，確實有驚喜。大大隻德國豬手卻是$70有找，不要以為如此平價無質數保證，豬手卻是媲美正宗德國餐廳的質素，外皮香脆香口，砌開是啖啖肉還有肉汁的，最喜歡還是內裡無窮無盡的骨膠原，絕對是必吃之選。另一款主菜三文魚，肉質不會太乾身，味道同樣是ok的。而最最最抵食莫過於加$7便可無限任飲咖啡或汽水，有冷氣座位又舒服，可以再次光顧的。

宜家家居美食站的豆付味新地很香滑今日專誠去ikea 吃新地，前天有兩種口味 Tiramisu 及 豆腐味新地，我吃了tiramisu 口味，今天只得一種口味- 豆付味新地。哈哈，味道唔錯喎，有淡淡的豆腐香味，新地上面灑上少少黃糖，可以點綴一下又可以提味，新地滑滑的，唔會太甜，只售$4.50 好抵食。

去ikea 購物少不免就是去美食站看看有什麼新出品，今午2時許美食站也有很多捧場客，人人都在吃熱狗似的，哈哈，我也十分喜愛，自己加啲汁加啲醬，有趣又抵食。今日新地有兩個口味，Tirumisu 和豆付口味，今日食Tiramisu 味，其實冇乜特別只係新地加上可可粉，但好似幾有型而矣。明天再嚟食豆付味。

我見識少，一路都唔知宜家有豬手食，講出嚟重比同事笑，不過佢地都好有愛❤️。重即刻約話帶我去見識下聽講話宜家唔係日日有豬手，你食唔食到就睇你彩數，而睇嚟我今日既運氣都唔錯😚以63蚊嚟講係絕對抵食既，但食落同德國餐廳既，當然有相當距離。只可以話好抵食令外值得推介既係呢個小食拼盤，係而家茶記一個下午茶都三十幾既市道下。我覺得買呢個返公司同同事開心share下係一個唔錯既選擇其他就唔多講，都係大路宜家出品，肉丸依然美味😋

情人節限定 🌹玫瑰紅莓味新地筒🍦玫瑰紅莓味新地筒是情人節限定產品，今天剛好見到 當然要試下這個新地筒。淡淡的粉紅色，樣子吸引，味道有淡淡的玫瑰花香，紅莓味唔突出，整體來説是靚靚的，味道淡淡的，但同樣吸引了好多食物購買。見到有一對小情人正猶豫可唔可以除口罩吃東西，最後都選購了新地筒。希望疫情快些過去，大家回復正常生活，香港加油💪 情人節快樂。

就快到新年啦，咁當然要裝飾下屋企啦，所以特登嚟荃灣嘅宜家傢俬嗰度行街睇吓有冇嘢買下，行完之後就當然睇下有無野食啦！咁我相信好多人都知道宜家傢俬最出名嘅，就係熱狗，單買一隻熱狗$7，如果你連汽水嘅話就係$10，汽水係可以任飲嘅，好似大約10幾年都無加價，兼且第二出名嘅就是肉丸，除咗以上兩樣之外，仲有爆谷，軟雪糕等等..可以食，今日我竟然見到有雞髀，咁當然要試吓啦，只需要$15就可以啦，認真講句雞髀好難會唔好味，所以價錢合理就可以啦，值得推介。

在8咪半飲完茶 到樓上的宜家家居美食站走走，見到有香辣雞鎚好抵食，又幾吸引於是買咗一份來試吓。只售$13的香辣雞鎚有三隻，肉質唔錯，外皮都好鬆脆，但係佢叫做香辣雞鎚就唔夠辣啦，連小朋友食咗一隻都唔覺得辣。宜家家居美食站真係好多便宜的小食，得閒就去尋寶啦。

可以咁平的 popcorn 🌭🍦😋好少去 ikea，因爲好似行極都行出唔到出口，所以興趣不大。今天在8咪半 見到有電梯直達美食站 又不防去看看。嘩！有我愛極的 popcorn 爆谷，小包售7元，大的只售$10，好抵呀，大的是滿滿一袋 而小的只有一半，買了一包大的，好吃又唔會太甜。這𥚃還有好多平宜的食物，下次再來。