宜家家居咖啡室 (Closed)

其實我好耐之前已經都去過沙田間宜家食佢cafe d野..上個月都去過..係覺得d野食唔係幾熱..尤其是跟肉丸o個d薯條..沙田o個間係可以用凍黎形容 咁諗住bf放假..就去宜家食野啦..不過廢事咁遠..所以就去九龍灣o個間喇點知仲衰囉...唔知點解d肉丸冇得配薯條囉!!!得薯片?!下...乜唔係同一集團黎架咩??個煙三文魚呢就唔知點解好少沙律囉..沙田o個間都唔係咁! 仲有o個盒醬一開就倒晒d汁出黎要數到最唔得莫過於d侍應.. bf話要刀..講左幾次..個女人話"下..乜冇咩..o個度喎"..bf再睇多次:"唔係喎..真係冇喎"之後有第二個女侍應黎問乜事bf話"我想要刀..出面得匙"點知o個個女侍應竟然拎左一包"匙"出黎..諗住俾智哥哥抽幾隻出黎用..bf見到就即刻呆左..:"下..我要刀喎"個女侍應先拎d刀出黎.. bf起碼講左成十次要刀..亦都分別同兩個女侍應請左..但..都要攪好耐先拎到刀..究竟點解呢?唔通o個兩個女侍應係"撞聾"!!! 以後都唔會再黎呢間宜家cafe食野..呢間宜家最可取只會係出口o個個美食站ge$9熱狗餐同爆谷囉...千祈唔好上去cafe食呀..食到一肚氣咁

環境優雅，價錢廉宜，是宜家CAFE的特徵$5一隻熱狗，加多$4就有一杯汽水，去邊度搵？宜家的肉丸、三文魚也是相當好味的！而且，CAFE任坐唔嬲，唔會有人趕你走，實在是約朋友吹水的不錯地方選擇

最鐘意黎宜家食意粉海鮮菠菜忌廉意粉配汽水($26)真係好多料,有好多魚肉,蝦,八爪魚圈,仲好多汁不過份量唔係好多,1個女仔食岩岩好...但d服務真係幾差下好cool,叫幾聲先理你

上一次見到有兩款味道,但今次只得一款原味muffin,冇計啦,照食~再拎多個迷你雪糕柸. 雪糕幾好喎,細細地,唔洗食咁多,又可以止下甜點癮.而呢個muffin 都好好味哦,好似有小小薑味,又有小小香蕉味,蛋糕好軟熟.但收錢的姐姐個樣係勁cool的,語氣好冷漠,一點都唔nice.

$19 茄醬肉丸抵食！推薦$9露荀湯very Creamy,Hot dog 要G/F 至有.假日人山人海，都後平日至好去

因為去９展睇ｃｏｎｃｅｒｔ．又無時間食野，’又衝入ｉｋｅａ食返小小野先好似無左好多野食咁既～？千萬不要食佢ｄ　ｐｉｅ／ｔａｒｔ．好難食～”意粉，無食．因為好大碟～”我地食左肉丸同埋雞ｐｉｅ同埋三文魚我本身想食三文魚包多ｄ架～肉丸加埋ｄ　茄汁真係好好味．下次我會買幾包返屋企食。三文魚ｍａｍａ　地．．雞ｐｉｅ，不用說。食唔哂．難食．食完，好口乾！

本來最鍾意係食佢地既熱狗,六蚊,又平,又大條…但無…惱!惟有食瑞士肉丸…幾好食,係肉丸配鮮茄醬,食落幾有肉味 再來一個咖哩牛肉批,個皮好鬆化,正!咖喱汁好香口! 汽水…就唔講了!坐得幾舒服架,就算唔係買傢俬都會嚟食!

無論是否需要置新傢俱，或更換家庭用品，主人都非常喜歡去逛『宜家傢俬』，當然乖巧的奴隸獸亦會尾隨喇！今次決定在此食晚飯。我們點了：1. 瑞典肉丸配鮮茄醬（HK$19，十粒）：此菜式使我們想起數年前，在瑞典吃的肉丸餐，味道如何？已經忘記了。反而記得在瑞典買一條Wall’s Magnum 雪條就要港幣二十多元。現在HK$19 就有十粒瑞典肉丸，雖然味道只屬一般。可謂超抵食。2. 瑞典凍蝦（HK$22）：蝦頗新鮮，味亦鮮甜，可惜只得一角檸檬作Dressing，不過蘸著肉丸的鮮茄醬來食，味道亦不錯。3. 肉醬意大利粉配汽水（HK$26）：肉醬有濃郁的香草味，而且有大大粒肉碎，食落不會糊口，奴隸獸一邊食一邊讚好。4. 公主忌廉餅（HK$9）：好甜，味道好一般。

肉丸配鮮茄醬：雖然只係普普通通o既肉丸加上蕃茄醬不過食落幾有肉味唔似出面有d 好難食o既麵粉丸咖哩牛肉批、咖啡合桃批：o里度有好多唔同款式o既批d 批皮都幾鬆脆今次食o既咖哩牛肉批唔錯不過咖啡批就唔係好o岩我口味喇其實佢仲有個吞拿魚批都幾好杏仁餅：最初見到個杏仁餅其實都唔知佢係乜不過之前未食過就即管試下啦食落個口感都唔錯清楚感覺到好多碎左o既杏仁o係口今餐食左咁多野再加兩支果汁總共用左大概100蚊都唔算太貴啦o里度有少少相http://eat-together.blogspot.com/2008/01/cafe-ikea.html

來九龍灣一轉主要是借fancl會員咭給姐姐的同事，她人在彩虹返工，而最近的fancl分店在德福廣場，所以集合地就在這了。我和朋友早早來到了，午餐當然在宜家傢俬的餐廳解決^^(哈)~~~白汁豬肉片意粉，汽水$26：豬肉片較'鞋'；白汁是啡啡地色，稀稀地，味道唔錯；意粉都幾多。煙雞沙律：薯仔沙律，i love呀，好好食，料又多；但雞只是普通白烚雞片，不是煙的。肉丸：肉丸和鮮茄汁如果熱返一點更好；配菜是薯片(﹖﹗)，雖然怪怪的不過都唔錯。黑椒肉碎批：牛肉碎不多，一啖批一啖肉夾起來剛剛好，反而食唔到有黑椒味；批做到很乾身，唔油，食半件都不會膩。整體上比預期的好吃。

去ikea 食甜點,見到可愛的朱古力cup cake. 本身都冇抱期望,但竟然有驚喜.朱古力味濃,蛋糕好鬆軟,想再食啊!連埋coffee 都係$12.

下午和薑餅人去睇戲前在這裡食午餐.黑椒牛肉批–很惹味, 酥皮香而不太肥膩.芝士肉丸飽–飽凍兼韌, 但肉丸幾香, 芝士再多些更好.白汁露筍雞肉意粉–淡得如水, 露筍又腥, 雞肉又無味.奇異果汁–唔酸嘅, 唔太似奇異果.

說的是銅鑼灣分店.食完砂煲又想食甜品, 經過Ikea便試下軟雪糕.軟雪糕$2超抵, 唔太甜, 但個cone唔好食, 似食無味瓦通紙.

週末跟小朋友一起來這裡逛街，適逢下午茶時間，就順便來這裡要點糕餅及飲品。以價錢、環境、食味及氣氛，絕對不用懷疑，輕膳用完，繼續樂透的行程！

前晚去左德福IKEA閒逛, 經過cafe見到D切餅好想食, 最後買左件美式杏仁餅, $9實在太抵喇, 有好多杏仁, 又香甜滑溜, 薄薄的分量剛剛好, 不會太膩. 日後想食cake時唔駛買d又貴又有雪櫃味的切餅了.