一休(居食屋)日本料理 (38廣場)

Open Now

Now Closed

同朋友行完T.O.P同旺中後就發現呢間隱藏係茫茫大廈之中嘅日本料理，我同友人作為日式料理狂，當然迫不及待去試試啦～一入店內就即刻感受到充滿濃厚日本氣息，日本燈籠、不同種類清酒、裝橫等都讓我和朋友感受到去日本食嘢嘅感覺。呢間日本料理有包羅萬有嘅食物，唔單單有生食嘅壽司、卷物、刺身，仲有熟食嘅燒物、一品料理、揚物等。因此，無論男女老幼，甚至不太喜歡生食類的朋友們都可以嘗試此餐廳， 感受一下日本文化嘅氣氛。我哋係主食方面叫咗三文魚生飯同埋吉列豬扒拉麵。三文魚生飯味道清爽、口感柔軟，並且豐富多彩，由於生魚片本身的鮮美和米飯的口感，味道相當美味。吉列豬扒拉麵味道濃郁，豬扒的肉質鮮嫩多汁，拉麵則有彈牙的口感，配料的添加也能增加菜品的風味層次。吉列豬扒拉麵是一道豐富的料理，口感和味道都很濃郁，適合喜歡重口味的人士品嚐。而小食方面，我哋就叫咗黑松露薯條同埋炸雞軟骨粒。黑松露薯條味道香濃、口感酥脆。黑松露醬本身帶有濃郁的香氣和味道，加上和馬鈴薯的搭配，使得薯條的味道更加豐富，非常好食而且好適合黑松露愛好人士品嚐。炸雞軟骨粒味道鮮美、口感酥脆。經過炸製後，雞肉軟骨外層酥脆，內部則帶有咀嚼感，並帶有濃郁的雞

約咗朋友喺旺角做facial，做完Facial就好肚餓，在附近搵嘢食，日本菜我很喜歡，當然選擇它。點了一個雜錦壽司拼盤，拼盤有吞拿魚花之戀，三文魚花之戀，磯燒鮑魚壽司，珍寶赤蝦壽司，和牛壽司，油甘魚壽司，帶子壽司，章紅魚壽司，海膽軍艦，吞拿魚壽司等，各款壽司質素都相當新鮮，花之戀是我喜歡的壽司之一，飯團被鮮紅肥美豐膄的三文魚刺身團團包着，表面再加上粒粒晶瑩剔透、咬口十足嘅鮮魚子，以及清新開胃的沙律醬，口感豐富澎湃，入口卜卜脆，淡淡滋味。三文魚腩肥美嫩滑油脂鮮超美味，油脂分配平均，肉質細膩，入口有口感，有着濃郁的鮮味。點了半打日本生蠔，生蠔飽滿肥美，口感富彈性，肉質鮮甜嫩口又滑，蠔味濃郁甘香，帶有淡淡的海水味，蠔味餘韻久久不散，生蠔十分新鮮。總括刺身和壽司都10分新鮮，性價比高。

今日去咗旺角呢邊食晏晝，同兩個朋友一齊食！就去咗朗豪坊附近呢一間日本餐廳食飯！見到呢一間餐廳嘅lunch Menu都好抵！就決定入去試吓！餐廳位置係1樓，樓下可以選擇搭lift上去！午餐時間都好多人，好彩唔使等太耐位置！首先推介嘅食物有牛油果軟殼蟹壽司，一份有6件！呢個價錢嚟講非常抵食，軟殼蟹同牛油果嘅配搭非常match! 軟殼蟹炸得好酥香，唔會有太乾嘅情況出現！我同朋友都非常鍾意食！亦都比出邊嘅價錢抵食！🙉🙉🙉 玉子壽司嘅價錢亦都非常抵，所以我同朋友就叫咗兩件！玉子非常香甜，亦都充滿蛋香味，食得出店家係自家製嘅玉子，店家係講明係自家製壽司，唔係用機嗰啲，呢個價錢有手握壽司食到真係CP值超高！比目魚西京燒亦都非常出色！佢燒得啱啱冇太熟嘅情況出現，每一啖都充滿魚油香，再配以少少沙律，正！最後食埋個牛肉壽喜鍋，個湯底非常甜，食到捧住個肚走😂😂😂佢下晝亦都有好多唔同午市套餐，午市係唔收加一，非常抵食，難怪成場都係好多唔同嘅上班族同埋學生！有機會會再返嚟呢一邊再試吓其他唔同嘅嘢食！值得推介🙃👍🏻👍🏻👍🏻👍🏻👍🏻

今日嚟到旺角呢一間一休日本料理食lunch，我哋今日三個人一齊嚟，好彩都唔使等好耐就有位，餐廳下晝嘅時間差唔多滿場，都幾誇張！佢最大嘅特色係午市唔使加一，亦都標榜所有嘅壽司都係手握壽司，唔會係用機做💥厚燒玉子，玉子燒首先嚟到嗰時候熱辣辣，亦都非常厚身，咬落去有好鬆軟嘅口感，充滿蛋香！份量都好多，有六件，同餐牌嘅相，絕對冇花冇假，非常對得住呢一個價錢CP值極高！！💥酥炸軟殼蟹，一上碟嘅時候有原隻軟殼蟹 旁邊仲有少少沙律菜，同埋蕃茄仔軟殼蟹炸得好香，時間控制得啱啱好，唔會有太熟嘅情況出現，軟殼蟹亦都非常juicy! 食落去亦都有蟹香！超級好食！💥蕎麥冷麵配日本醬油，佢本身個冷麵汁係用日本醬油，再配以芥辣同埋一隻鵪鶉蛋，撈埋一齊之後嘅口感非常好，蕎麥麵亦都爽口彈牙！份量嚟講都算唔少，同朋友一人一啖，正💥明太子雞翼，好耐冇食明太子雞翼，有少少期待，炸得非常香，即叫即做，係傳統日式明太子雞翼嘅做法，值得推介俾大家！💥凍荔枝梳打，夏天飲呢一個梳打，簡直係一流，非常解渴，荔枝味亦都非常濃郁，好飲過出邊嗰啲珍珠奶茶嘅荔枝梳打！跟餐只係$12！總括嚟講呢一間餐廳非常抵食，有機會一定會再返嚟幫襯，餐廳位置

選擇困難症患者最鍾意「我全部都要」，想食天婦羅拼刺身、壽司、烏冬等，全部任君選擇，拼到啱心水為止🥰另外都有各款定食，連鰻魚飯都有，喺平價餐廳見到，都幾驚喜，友人都覺得算唔錯，不過唔記得咗影低🫠🍤🍣 什錦天婦羅壽司定食 $72 跟麵豉湯 🥤🍇 提子梳打 + $5天婦羅蝦2件、蔬菜天婦羅3件整體嚟講夠香脆，冬菇等蔬菜表現比蝦更出色，一啲都唔膩🍻壽司：三文魚、鯛魚、吞拿魚、劍魚腩、熟蝦、帶子一分錢一分貨，當然唔會可能預計會有勁高質嘅壽司魚生，不過都難免有少少失望，平平哋想過吓口癮就無妨🤔

同幾個朋友響旺角做完嘢走咗上去食午餐，地點本身已經夠方便，仲要係一樓基本上唔使等電梯直接下載去都得。我哋未有1:00就上到去，所以都仲有位，過多15分鐘左右就開始好多人上嚟。因為同朋友一齊傾工作嘅嘢只係簡單咁叫咗一個極上北海道帶子丼，不過傾緊計唔記得影相先就已經攞開咗塊薄荷葉同啲芥辣。整體來講呢個價錢有咁足份量嘅海鮮刺身已經好好，同埋識落都好新鮮，特別係佢主題嘅北海道帶子真係唔錯。跟住我哋仲叫咗個明太子雞翼每人一隻，賣相唔算好特別，但係食落口都覺得好味。除咗落單嗰陣時個app有陣時反映唔到之外，其實整體來講食物嘅質量同性價比算好好，之後睇吓有冇機會同朋友再去食個晚飯試多啲其他嘢。

而家出親街食飯，閒閒哋都$100-$200落樓，日本嘢無幾百蚊都食唔到。朋友發現咗呢間喺旺角抵食嘅日本料理，午餐都係幾十蚊，魚生丼飯都唔使$100。我哋過咗午餐時間，單點都唔貴～餐廳都門闊落，幾好坐，有日本風味。Menu 好多嘢食揀，選擇困難嘅我哋都揀咗好耐😂😂朋友同我都係三文魚控，一定要揀三文魚刺生，有十片，片片都厚切，好正呀！跟住串燒我哋叫咗香草燒雞翼，同埋和牛粒串燒，都好香口呀～和牛粒夾住啲配菜(洋蔥、青椒)一齊食，感覺唔油膩👍🏻跟住，仲叫咗個牛油果北寄貝沙律，佢哋裝到滿滿的，好似個小山丘咁😆，每啖都有粒粒北寄貝，混入啲牛油果裏面，都好清新🍀最後，仲叫咗牛肉豆腐鍋，個汁好似壽喜燒啲汁咁甜甜哋，牛肉都好香牛味，豆腐滑滑的，好好味😋去開旺角，又有一個好選擇👍🏻🤗

我喺朗豪坊睇完戲已經大約7:00pm ,又係時候搵嘢食，點知喺附近俾我發現一間價錢親民嘅居食屋，就喺正KFC 隔離，地點非常方便，入面地方非常寬敞最適合成班朋友一齊吹水傾偈嘅地方生蠔望落去好新鮮,入口蠔味香濃,味道鮮甜有獨特嘅海水味,肉質厚厚而且有彈性,口感脆脆爽滑肥美,唔需要調味,淨係食個鮮味已經好足夠。三文魚腩刺身有八片,望落去層次分明帶少少魚油脂肪,口感嫩滑,三文魚鮮味好突出,加上魚腩嘅脂肪，令到口感更加綿軟，清甜,魚油嘅香味充斥口中,真係好喜歡呢個清爽細嫩嘅口感。仲叫咗個雜錦壽司拼盤（戀火）$248，入面有珍寶赤蝦，和牛，油甘魚，帶子，鱆紅魚，磯燒鮑魚，三文魚花之戀同埋吞拿魚花之戀 ,我最鍾意食嘅當然係帶子壽司帶子味道非常鮮甜，切到非常厚身，入口仲有口感，壽司嘅飯並不多，刺身嘅size非常大，一啖入口非常滿足，另一款不得不提就是磯燒鮑魚壽司，鮑魚係用醬汁同埋昆布慢火去問令到鮑魚嘅肉質保持鮮嫩，又彈牙，濃郁嘅湯汁鎖住喺鮑魚入邊，廚師果然有料到花之戀壽司係由兩篇三文魚魚生包住沙律醬再加埋魚子，造成貌似一朵玫瑰花，外觀做到非常吸睛，三文魚夠晒新鮮味道鮮甜，配埋沙律醬令到三文魚嘅甘味增

朋友介紹既日本餐廳！平價 經濟 ， 位置又方便用QR code 落單 上菜都幾快 好適合一班朋友聚會傾偈食嘢，最重要價錢夠實惠叫左刺身同壽司，味道不錯有時如果想食日本料理，價錢平平哋呢間都係一個幾適合嘅考慮地方！

見到佢有好多好評，今日就同朋友上去試試佢大約1點左右嚟到，座位好多但就唔算多人一坐低係用QR code 落單，選擇好多，刺身同熟食都有唔少選擇我就叫咗三色刺身飯($60)，朋友就叫咗網燒美國牛仔扒($60)我個三色刺身好薄，無乜味朋友個網燒美國牛仔扒就似港式的扒餐味當然佢咁平，都無打算將佢同正式的日本餐廳比較，但就唔好對佢期望太高，我會話佢係一間港式的日本餐廳值得一提係，佢lunch time 就唔收加一

呢間絕對係我嘅食堂，一諗唔到食咩就會食佢🤫因為真係有平，又大食又多選擇😌佢嘅清酒煮蜆，簡直係我食過咁多間最好食嘅。清酒味好濃，顯多數都會好甜，入面仲加咗檸檬，更加之鮮味🤤第二樣必叫一定係炸墨魚咀，好大疊好啱送酒

呢間係算幾平價嘅一間日式餐廳，有丼飯揀，大食嘅朋友仔仲有飯可以選擇，但係魚生🍣唔算好新鮮，如果冇乜特別要求嘅話都可以試吓，因為個人來講咁平㗎仲要食得飽呢個價錢來講算唔錯，加上平日去都要排隊🤔

今天去左一間近旺角嘅日本餐廳,先叫左鹽燒多春魚同牛油果北寄貝沙津, 開下胃口之後就叫左壽司拼盤(梅)。拼盤有十二件壽司，有三文魚腩，和牛，帶子，劍魚腩，甜蝦，北寄貝，磯煮鮑魚各一件，加州卷兩件和是日精選壽司兩件。壽司唔錯而且有新鮮 牛油果軟殼蟹卷, 牛油果足料, 食落去內脆嘅蟹肉, 口感唔錯 火焰胡麻蝦卷蝦嘅熟度啱啱好,而且有我最鍾意食嘅胡麻 芝士吉列蠔卷Total 4件, 芝士入口即熔, 吉列蠔更加係食完想再食 火焰三色卷入面最好食係帶子卷, 就算一分為二都好厚身, 食落好有滿足感, 配埋卷物入面既青瓜、玉子燒, 就算加左沙律醬都唔會重口味, 反而幾好食

Today, I went to a Japanese restaurant near Mongkok Sushi platter (ume)左壽司拼盤(梅).  The platter has 12 pieces of sushi, including salmon belly, wagyu beef, scallop, swordfish belly, sweet shrimp, northern shellfish, boiled abalone, two California rolls and two selected sushi of the day.  Good sushi and fresh 牛油果軟殼蟹卷 Soft-shell crab roll with avocado, full of avocado, eat the crispy crab meat, the taste is good 火焰胡麻蝦卷 Flame Flax Shrimp RollsThe cookedness of the shrimp is just right, and there is

油尖旺一向係搵食好地方，呢次黎到旺角近朗豪坊一間樓上食店，裝修雅緻，座位舒適，出Lift即刻有員工招呼，由於時間頗早，所以可以自己揀選心儀位置，同時食物亦好快上枱，日本茶以茶包自行沖泡，茶不濃帶少少香!醬油七味燒左口魚邊壽司$18女友鍾意食左口魚，於是點左呢個一件，夾起壽司飯冇散，沾沾醬油Washabi仍然堅挺，左口魚入口充滿油脂分佈均勻，認真唔錯，佢其他壽司都價錢宜人，但女友今日冇胃口，所以冇嗌得好足槍燒三色飯$72三色飯由三文魚、左口魚及帶子組成，配合醬汁淋面，一啖飯一啖魚剌身非常之開胃鰻魚卷$58一set六件鰻魚卷，點點醬汁，Size男仔岩岩好一啖入口，細嚼之下魚同飯撈埋一齊感覺魚身清淡新鮮有咬口天婦羅手打冷烏冬$88烏冬實淨，冇一pat野chi埋一齊，凍身沾上冷麵汁後一雪入口，天婦羅出黎油份不高但保持乾脆，咬落去蝦隻仍然有彈牙感覺火炙吞拿魚沙律$58一個沙律最緊要係材料要夠鮮，呢個完全符合要求，配合上白色甜甜酸酸既沙律汁，餐前食可以開胃，餐後食可以清新口腔，我係覺得好味架！呢個值得推介，份量味道都唔錯，仲要有幾塊厚切既吞拿魚放面，佢個沙律汁會分開上，你鍾意沾食或者倒哂落去都冇問