皇玥

Open Now

Now Closed

一年話咁快又到中秋，每年都會搞盡腦汁睇下買邊間月餅比媽咪老豆食好，今日我醒了係鑽石山做野時順便shopping 比我見到皇玥💪， 即入去睇下順便買返盒月餅。皇玥的月餅包裝好精美，特別係個盒，係皮革咁夠哂型格，食完月餅一定會留返來裝手飾。今次買的係經典流心雙輝月餅 (流心奶黃 + 流心芝麻) ， 拎到返屋企為食謙已經忍唔住話要切來食了😅😅😅。😋流心奶黃 ～ 餅皮夠鬆軟，內餡綿密，而奶黃的甜味加上蛋黃的鹹香，整體的搭配融合為一。 🥰流心芝麻 ～ 一切開芝麻餡已經流緊出，接都接唔哂🤣，濃郁的芝麻香味，甜而不膩，非常岩我。一盒有齊兩味岩哂心大心細的我。

記得之前公公婆婆話皇玥嘅蛋捲幾好食, 今日收工去左荷里活廣場拎護膚品, 經過皇玥就打算入去買兩盒蛋捲, 點知比小妹見到已經有月餅賣😱😱 月餅款式好多, 有流心抹茶, 流心芝麻, 流心薑汁, 流心榴槤月餅, 流心奶皇, 花膠奶皇月等等, 小妹最後就揀左盒有兩款口味嘅月餅帶番去比屋企人試下!! 🌟流心抹茶月餅綠茶饀用左上等抺茶製做, 一切開就聞到淡淡嘅綠茶清香, 食落餅皮酥脆, 入面嘅饀口感綿密唔漿口, 甜度適中!🌟流心奶皇月餅小妹拎左月餅叮左黃金20秒, 拎出嚟已經聞到好香牛油味, 一切開奶黃同鹹蛋黃嘅香味就會散發出嚟,流心蛋黃隨即爆出, 食落咸咸香香, 甜而不膩!

和家人飲完茶逛荷里活廣場，行經皇玥店舖，見貨品擺放整齊，餅盒包裝精緻又美觀，吃完🥮禮盒更可留作首飾盒之用嚮應支持環保♻️👍。裝修格調高，掛有水晶燈真靚靚。店員耐心介紹各類月餅系列，七月底前購買可享有四送一優惠。我選左低糖系列夠健康。低糖經典雙輝月餅🥮八個裝：有低糖奶黃和低糖芝麻。低糖奶黃：奶味香濃，質感幼嫩，味道清香，不太甜超正低糖芝麻：芝麻味十足，打開包裝袋就聞到芝麻香味，口感軟滑細膩，月餅皮的蛋味很香。👍👍👍家人都讚美味。

因為之前食過皇玥的月餅，覺得好好味，所以提早訂給家人食。最接近工作的地方的皇玥餅店，就在鑽石山荷里活廣場1樓。就在龍蟠苑地鐵站出口那邊，上一層電梯，就已經見過。裝修擺設得整齊，有格調得來，又不失中式餅店的傳統性我買了精選中秋禮盒裏面包括流心奶黃月餅，原味蝴蝶酥，牛油脆曲奇，伯爵茶蝴蝶酥，椰絲脆曲奇，流心芝麻月餅等等。包裝盒相當貴氣，內裏有好多款式。店員亦很細心講解，奶黃月餅需要放在陰涼地方便可，但不需放在雪櫃裏，以免影響口感。流心奶黃月餅我覺得好好味流心非常creamy ，但又不會太油膩，甜度剛好，沖杯清茶伴食，確實一流😊👍👍另外伯爵茶蝴蝶酥都好特別，吃起來有一陣伯爵茶味，很喜歡吃。另外原味蝴蝶酥和牛油脆曲奇都很不錯。詳細睇餅內的介紹，原來已經攞過Monde Selection 的最高金獎，質素有保證，值得推介。

我自己平時就經常去呢度買嘢食，因為自從知道半島嘅廚師嚟咗呢度，呢度嘅野都幾好食。我起初上網見到呢一個伯爵茶蝴蝶酥，呢一個蝴蝶酥一望就知道有濃厚嘅茶味，承諾亦都令我覺得冇買錯， $138 ，價錢唔算太平，但係就比較高質。我另外亦都買咗呢一個同口味嘅薄脆，之前朋友食過芝士味，佢同我講呢一款食品外脆內軟，非常好，所以我都特登買咗嚟食。$68來講，入邊有兩包，夾埋應該有二十幾塊，質感嘅話都算非常唔錯，茶味亦都幾濃，我會再買來食。

妹妹就嚟結婚呀💞💞開心,做姐姐嘅一定要幫手,負責禮餅唔想傳統夾心餅,太傳統嗰啲又唔係咁受歡迎終於畀我搵到黃月薪出咗喜餅禮盒最尾揀咗金源玥喜餅禮盒$138好靚呀除咗係有原味蝴蝶酥,好靚呀😍蝴蝶酥採用法國天然嘅牛油所以牛油特別香,仲好松化添．食嗰陣時真係要用隻碟載住呀🤣🤣糖果子,係傳統特色糕點,係我哋中國文化嘅代表呢．牛油雞蛋仔出嚟又靚又從化仲好有牛油香㖭👍買滿50盒仲可以有回禮小餅送😍又有心思又好味👍

朋友成日都話皇玥既餅好好食, 終於買左黎試, 真係無介紹錯~一入到店面, 真係花多眼亂唔知簡咩好, 店員好細心介紹, 最後簡左兩款, 三個口味, 咸甜都試下!1. 蕃茄．芝士薄脆精裝禮盒 $1182.  伯爵茶薄脆精裝禮盒 $68薄脆口感: 如其名, 又薄又脆, 但又帶有豐厚既牛油香蕃茄味: 有乾蕃茄味, 係意式風情既味道! 唔係蕃茄薯片味, 呢個咸咸地加牛油香, 一流!芝士味: 勁濃郁, 食完直頭係芝味係口中唔散架伯爵茶: 比較特別, 本身餅乾係甜甜地, 好香烘焙感, 加上清香茶味, 好夾好balance~原來佢仲有買4送1優惠，等我下次買多幾款試下先~

自己平時都唔係經常嚟呢啲地方，但係自從上年買完月餅之後，知道半島嘅師傅嚟咗呢度，所以對呢個品牌嘅印象亦都好正面。我自己喺鑽石山收工，就想買少少嘢食返去請屋企人食。店舖裏邊有好多唔同款式嘅蛋捲，有蕃茄味、榴槤味、各式各樣；我自己就聽聞佢呢度嘅脆片好食，所以特登買咗一盒芝士味返屋企食。呢個脆片本身一啲都唔貴， $68 ，裏面有兩大包，每包有十幾塊左右，咬落去嘅時候，非常脆得來，慢慢食嘅時候，濃厚嘅芝士味慘晒出嚟，係嗰種一食再食會上癮嘅感覺👍

皇玥最近開咗唔少既分店 真係總有一間係左近🤩 4月竟然進駐左荷里活廣場 住附近既我今日經過就試左2盒薄脆餅番屋企做下午茶啦👅今次試既分別係蕃茄．芝士薄脆精裝禮盒同埋伯爵茶薄脆精裝禮盒🎁 薄脆餅包裝精美 打開見到佢哋嘅餅做得好似薯片咁薄 口感非常輕盈鬆脆 仲要係非油炸 咁就食得健康又放心啦🤩 蕃茄味食落好似平時蕃茄百力支咁 鹹鹹地 作為零食一流👍🏻 芝士香濃惹味 不過最鍾意既都係伯爵茶 伯爵茶味好香 值得一試 下次仲可以試下佢地其他產品🌟