花甲年華

Open Now

Now Closed

酸菜魚配白飯$68魚無味花甲無味粉絲一夾就斷 加半棵娃娃菜湯無味唔酸唔辣另外自己加咗金菇 +$6所以唔肯定本身有冇金針菇豬手 +$204大舊有酒味但唔濃爽口 如果用加配價錢可以試吓茄子 蒜味+$15還好 偏細 唔入味但最差係員工落單個個女仔講完唔該想落單佢仲整自己嘢慢慢行過去然後一句野都冇講就等我出聲十問九唔應同一個問題問2次都可以無視比單直接揸爛無對單又真係漏咗野比我我即刻講返漏茄子佢直接將成個碟都係油既茄子我要用手接住

消費券到手，當然要去行街！去左yoho mall, 行到攰諗食咩，最後決定去food court, 第一次去foodeli，比想像中大，座位亦好寛闊，揀左去最入面嘅花甲年華;-) 望住夜景食，感覺不錯！友人叫左小辣花甲粉，好惹味，戴住口罩都聞到香味！我就叫左軟殼蟹花甲烏冬（要加5蚊），不過就傻豬豬地叫左清湯…無比較無傷害，確實係太清，清到無咩味，好彩都多花甲，軟殼蟹都好正！！送一包紙包飲品，整體都ok la！

元朗Yoho竟然有一間food court,都幾大，行到最入搵到呢一間舖，咁我就叫咗一個最平嘅粉， $58 ，係小辣嘅花甲粉。我覺得個湯底係好惹味，我都數過總共有15至17粒蜆，料係足，而且仲包埋一包紙包嘢飲，價錢正常。我朋友叫咗個軟腳蟹，要$78 ，我就覺得唔係幾抵，佢仲要叫清湯烏冬，有啲唔係好夾，清湯其實真係冇咁惹味，食唔到嗰個感覺。軟腳蟹得壹件，有啲唔係幾夠喉。因為喺food Court度食$78都係有少少貴

位於元朗Yoho一期二樓Foodeli內一角，要行到最入才見到。花甲粉湯底有原味、胡椒和番茄，選了胡椒味。上桌用砂煲盛載，粉和湯都用錫紙包實，應該是原煲焗而不是煮的。打開錫紙一看，起初有點失望，花甲只見到幾粒，幾條金菇，賣相麻麻。試一啖湯，還算清甜，胡椒味足夠。試一口米線，唔錯，軟硬適中，不會太過腍啤啤。試一隻花甲，新鮮，雖然細細隻但不韌，好吃。但是為什麼花甲愈吃愈有？摷吓摷吓，原來全部沈底，整碗米線總共有19隻之多，之前以為得幾隻是錯怪了它。想吃得清淡得來又夠味的話，是不錯的選擇。

元朗國多好西食，個個都知，就連元朗Yoho mall Food Court都好多高質食肆。 今日去咗食花甲年華。花甲年華主力賣花甲粉。花甲粉係一種用錫紙將高湯同花甲、米線以封閉形式熬制而成嘅小食。主要流行於中國東北同西南一帶，包括重慶、四川、湖南等等。今次喺花甲年華點咗：🐮珍寶肥牛花甲粉 - 胡椒湯 + 一包飲品$65 - 胡椒湯惹味，唔辣又唔會太重手，粉絲勁大份 ，肥牛都多，而且粉絲索晒啲湯，所以好味仔😋🐟南充酸菜魚花甲湯鍋 (跟一個白飯+一包飲品) $68 - 印象好深嘅係個魚好滑🤤同埋冇骨，可以大啖大啖咁食🤤花甲粉既然係黎自於四川，自帶辣就係佢嘅風味。呢個酸菜魚個湯底有小小辣，但唔會太搶，嗜辣嘅我同我朋友都勁滿意。兩個人兩個鍋，本身跟粉絲同飯，仲要兩份食物個份量都唔細，兩個人食真係勁夠飽。

上次係Yoho mall Foodeli Food Court食完台灣野，今次試隱藏係最入面嘅花甲粉我估應該幾好味，當日好多人幫襯，因為即叫即整所以等左15分鐘先有得食～🌟南充酸菜魚花甲湯鍋 $68酸菜魚好滑無骨，花甲粉絲索晒啲湯，個湯係麻大過辣味，食到舌頭👅同嘴有麻痹感，又麻又小小辣超過癮，用湯佐飯食超下飯，仲送左包野飲，老公例牌揀綠茶🌟珍寶肥牛花甲粉 $65肥牛真係好大塊，份量又多，我揀左米線底🍜配香辣湯，怕死嘅我揀左小辣，呢個辣到啱啱好，米線係軟彈有咬口個種，但都好掛到湯，配埋金菇花甲一齊食勁惹味，飲品揀左柑橘檸檬甜甜地幫手解下辣

形點food court真係平民福音，好多高質抵食嘅餐廳，而且戶外雅座亦相當靚🌸🌼🌳👍🏻今次搵到間臥虎藏龍的超正食店：《花甲年華》👍🏻😋‼ 估唔到喺香港可以食到正宗花甲粉🤩👍🏻，係有D難搵，係food court的最入面，大家一定要去，因為超抵、超大碗、超好食‼️📌巴渝水煮肥牛花甲湯鍋🌶🐮🍲$68巴渝水煮惹味香濃😋，可以選擇爽快大辣🌶🌶🌶，或初嗜小辣🌶牛肉肥瘦平均，份量夠多，食到落底仲有好多牛肉‼️花甲量多，鮮味無窮🐚，令湯底多了一份鮮香😋👍🏻🐚‼️📌南充酸菜魚花甲湯鍋🐟🍲$68呷一ロ酸菜湯，味道香濃🤩，酸度適宜，配料分量十足，花甲份量闊綽夠多🐚🐚🐚，無骨魚片，肉質滑溜 🐟🐟可以選擇配飯、粉絲、河粉或米線等，我揀了吸湯力超高的粉絲，完全俘虜了我們個胃！😋😋😋💯👍🏻👍🏻👍🏻📌招牌焗蠔🦪🦪 $30兩隻賣相相當吸引，蠔肉鮮味十足，配合他們的特製蒜蓉，真係一隻接一隻吃不停🦪😋😋👍🏻👍🏻📌焗茄子$30剁蓉蒜瓣，蒜香香氣撲鼻🧄，依附着軟嫩的茄子，吸入所有醬汁和蒜香，完全俘虜我們的饞嘴😋😋👍🏻100分💯💯

其實入到 food court 係完全唔知食咩好，但係見到人哋有一兜有個錫紙包住嘅嘢，好似幾得意咁，咁就係搵下邊一間，就一於試一試兩個人就叫咗兩個主食同埋一個小食首先朋友就揀咗一個 珍寶肥牛花甲粉胡椒湯底配粉絲， 肥牛算多起碼都有六、七件， 胡椒湯底唔算好濃，剛剛好唔會蓋咗花甲嘅鮮味我自己揀咗一個酸菜魚， 裏面已經有一啲粉絲，但係仲配多一個白飯，結果最尾食唔到個白飯淨係食咗個酸菜魚酸菜魚一我覺得係偏麻辣，唔係好酸，非常啱我口味，因為我係唔鍾意太酸，但係鍾意食辣，裏面有勁多魚柳，而且魚肉非常結實， 唔會一夾就散，食完會有一啲回辣小食就揀咗烤茄子，面啲醬好惹味要吃多一點蔬菜職員非常細心，拎完兩個餐，淨番個茄子唔記得咗拎店，員仲喺個food court裏面搵返我，拎畀我，服務態度良好

同行嗜辣🌶嘅朋友行完全場之後，見到近戶外位置🈶️間花甲粉，諗都唔使諗就行埋去😆話好掛住之前喺大陸食嘅味道🤤南充酸菜兩花甲湯鍋配一碗白飯🍚酸酸辣辣嘅湯及吸🈵️湯汁嘅餸菜用嚟送飯一流😋 無骨魚塊都幾滑👍🏼焗茄子🍆本身單點係$30，但點花甲粉加配就平一半🤩茄子上🈵️🈵️嘅蒜蓉🧄同樣好好送飯🍚大辣嘅軟殼蟹花甲粉🦀湯底真係幾夠辣，尤其是粉絲吸曬啲湯，真係食🉐️好過癮😚軟殼蟹都唔算細隻，亦炸🉐️幾香跪。

大概已經有兩年無返過內地，差唔多遺忘咗當地出名嘅花甲粉絲煲！得知原來元朗YoHo food court開咗一間花甲粉絲為主嘅小店！原來除咗有花甲粉絲仲有特色涼菜、即叫即燒燒物！胡椒豬肚雞花甲粉絲煲！全隻雞上！香甜嘅胡椒豬肚湯，仲有好多嘅花甲😍好鮮甜唷！！！金菇啜完胡椒豬肚湯好入味😍仲可以食到蒜香燒茄子😍每束茄子肉都沾滿蒜茸，惹味非常！燒生蠔🦪雖然蠔肉唔算大隻，但鮮味十足！早知叫多兩份！簡簡單單嘅下午茶滿足左我對花甲粉絲嘅慾望！仲有埋惹味嘅燒物！正😍

再來foodeli 晚飯，這裏太多食肆，就算是街坊每晚來，也要一兩星期才能試完眾多食肆。見到美食廣場深深處的花甲年華，名字改得有點玩味，招牌也做得象花樣年華的懷舊，食物又怎樣呢？主打花甲粉，原來還有酸菜魚、水煮魚、醉雞卷等。花甲粉可選不同湯底和配料，總可配出自己喜愛的味道。鮮甜花甲粉$58,配有紙包飲品，以沙鍋上桌，錫紙墊底，包著花甲粉，湯汁一滴不漏焗在錫紙裡。選了胡椒湯底，最愛胡椒揮發性的辣香，令粉絲吸收湯底味道，吃著更入味。超多的花甲，雖然細細隻，但煮出來令胡椒湯底更鮮甜，真的邊吃飯邊喝湯，而且花甲新鮮，吃著特別的鮮甜，這是最基本，也是最好吃的花甲粉！南充酸菜魚花甲湯鍋$68,配白飯和紙包飲品。這是意想不到的，把甲花甲粉的概念變成酸菜魚，首先有酸菜湯、魚柳，酸菜特別多又爽，味道不太咸，只有微酸，辣度是小辣，小心別把泡椒也當成酸菜吃了，這就會變成大辣。魚柳做的酸菜魚也不錯，很滑，價錢這麼便宜，也不期望是貴價魚類，但配有花甲粉墊底，酸菜魚頓時增加鮮甜味道，而且粉絲容易吸收湯底，比起正常的薯粉墊底，更加入味！粉絲和花甲份量又多，這個價錢吃到酸菜魚是超值的。另點了小食酒釀豬手$20, 女士

好多唔同款式嘅花甲粉仲有唔同小食即叫即煮香噴噴 好吸引粉會用砂煲+錫紙咁上所以食到最後都仲係熱辣辣又嗌咗兩個粉share南充酸菜魚花甲湯鍋 $68湯底酸酸辣辣 好惹味同啲魚好夾魚肉無骨 肉質都幾鮮嫩份量好足除咗好多魚、花甲、粉絲 連配菜都好多再配埋白飯少少覺得太多嘢食😂珍寶肥牛花甲粉 $65(胡椒湯)一打開已經聞到好重胡椒味飲落去都無失望 湯底好濃 好好飲冬天飲一定好暖粉絲吸晒啲湯 邊有得輸啊花甲份量都唔少 同埋幾肥美而肥牛就相對一般般純粹為滿足想食肉嘅慾望🤭酒釀雞卷 $30初頭以為係圓形卷埋切開嗰啲上到嚟依個presentation 有少少嚇親😂望落白雪雪 但好在都入味同埋唔會好乾正常質素啦

位於元朗形點入面既foodeli，呢間餐廳係專食花甲粉既，而係香港有得食花甲粉都係比較少見，既然有得食咁就去試試啦～對比起美食廣場入面既其他餐廳，呢間花甲年華當日所見都幾多人食，同埋佢由落order起計都有寫明要等10-15分鐘，但當日去到由落order起計足足都等左25分鐘左右，不過當日佢亦好多人幫襯，所以都無辦法，因為佢就算係即叫即製，而佢既爐頭亦唔多，所以就要等得耐啲啦～而今次就揀左酸菜魚配花甲，配白飯～首先佢每一兜都係用錫紙包住既，感覺上都覺得唔錯，而入面以花甲既數量都有好多，大概都有十幾隻以上，雖然有啲係無開口既，但整體黎講佢花甲既量都多，而魚既比例反而少啲，同埋魚肉就似係果啲急凍魚柳，鮮味就無乜啦～而味道方面就有啲同想像中唔同，首先個酸菜湯底只得死辣既味道，因為佢加左好多辣椒仔落去，但個湯底既酸度不足，同埋食酸菜魚比較喜歡有啲麻痺既感覺，但呢碗酸菜魚就無乜麻度啦，而魚肉亦未係好入味，花甲食落正常，以味道嚟講個人覺得就一般水平啦～總結以呢間花甲粉嚟講，份量方面都算唔錯，但味道方面就同想像中既就有啲唔同，如果係好想食下花甲粉解一解癮既話，呢間都可以考慮下既～