印尼沙爹屋

Open Now

Now Closed

🐂🐖🐔串燒（$41)今次嚟到筲箕灣東大街呢條食街掃街，第一時間就過黎地鐵站隔離嘅呢間印尼沙嗲屋食串燒，叫咗牛肉($11)、雞肉($11)同豬頸肉($19)，串燒即叫即燒，等左幾分鐘就有得食，份量仲要勁多！豬頸肉有好多件，燒得好香肉質嫩口，每一啖肉全部鋪滿晒沙嗲汁，好惹味！撈埋飯都仲得😋 不過牛肉同雞肉就麻麻地，下次返嚟會試吓羊肉。整體味道係唔錯而且都幾抵食！記得記得夜晚先好落嚟，因為淨係做晚市架咋

星期日坐完電車經過東大街見到好多人係度掃街加上有電話台係度擺街站十分之熱鬧, 就買左2串沙嗲係度食一串雞, 一串牛。牛係好食d 因為肉質好同有牛味。。。餐廳有chair俾係坐低食。。我坐低食食下好快食哂因為太太辣了, 所以係隔離買左鮮揸果汁飲。。

尋日係電視上見到介紹呢間話有燒白鱔，又介紹牛肉串好味，今日就收工過去試下，我驚會有好多人，要等好耐，所以係搭車時就打電話過去叫定，我買左兩串牛肉，兩串白鱔，兩塊雞扒同一塊豬頸肉，滿心歡喜買返屋企同老公試下，點知發現雞扒燒得太耐，好鞋👎🏼豬頸肉麻麻地，介紹串牛肉係唔錯，唔會燒得太熟，但發現只得兩串牛肉，我最想試嘅白鱔完全唔見有，超失望錢就照收，這是他們做生意的手法嗎？感覺被騙，唔會再有下次了😤

去開買雞蛋仔，等緊其間聞到好香串燒味，見到都好多人幫襯，於是又忍唔住幫襯埋一份～雖然都幾多人等咁，但效率好快，好快就有得食點左一串腎$11、一串雞$11、一串牛$11腎：很薄片，唔係爽果隻口感係偏淋身，個人不是太喜歡牛：不過不失雞：最好味，好滑好juicy，有燒烤味，個沙嗲醬係幾得，帶辣

It was a Tuesday around 20:00 and I got food to take away. They do not have an English menu, but the lady who took my order speaks English very well. She helped me pick out what I was wanting.I ended up getting a pork, beef, and chicken satay skewer with rice and sauce. I also ordered a side of steamed cabbage.I arrived home around 30 minutes later and my food was still warm. So I ate it without heating it up. Combination satay skewer with rice: The satay sauce itself was phenomenal. I asked for

星期日去左朋友屋企打牌叫左印尼沙嗲屋既外賣做晚飯以前中學時期已經成日食一直都好欣賞佢啲串燒同薯！仔！餅！我地今次叫左一推必食串燒，我最喜愛既薯仔餅，馬拉棧炒通菜，印尼炒粉同沙嗲豬頸肉飯正到爆先講串燒：即燒串燒 平時我行過都會買黎當零食 配上沙嗲醬好好食再黎馬拉棧炒通菜，印尼炒粉同沙嗲豬頸肉飯：熱辣辣 好濃味 岩哂我呢啲口味重既人特別鍾意佢個炒粉最後要隆重介紹：薯仔餅！！！！！真係勁爆好食 每一粒入面勁薯仔 好香口 逢星期六，日先有得買架！！！一定要食最重要係 食完咁多野 都係每人$36蚊好抵食呀

講到食又點可以唔去出名多野食嘅筲箕灣東大街係B1出口一出就聞到陣陣串燒香味就係印尼沙嗲屋喇牛雞是必食之外另一必試就係魷魚鬚骨👍🏼👍🏼👍🏼辣辣地嘅沙嗲汁淋上去真係好正 而且價錢唔貴食多幾串都得啊🙊________________________裝修環境：✨✨服務態度：✨✨✨食物質素：✨✨✨✨(5個✨為滿分)價錢：$10/1串________________________唔信我嘅可以自己去試試😂

難得人在筲箕灣，覺得怎麼也要帶點「手信」給媽媽才對，我想媽媽品嚐一下印尼沙嗲屋的黃薑飯，因為香港的印尼餐廳買少見少，至今只有峇里餐廳媽媽才滿意。跟老闆吃完晚飯黎，在走前買黃薑飯給媽媽，但原來印尼沙嗲屋只有星期六，日才會供應黃薑飯，店員問我要雜菜飯與否，跟黃薑飯配菜一樣的，最後買了雜菜飯回家。媽媽說巴東牛肉煮得挺軟腍的，很少印尼店會花時間烹煮，不過它的味道不夠濃香，沒用椰絲等調味料提味，浪費了這牛肉。炸雜菜餅挺不錯的，香脆不油膩，份量足。價錢方面媽媽覺得合理，因為現在不少印尼餐廳訂價偏貴，我跟媽媽說可能印尼沙嗲屋外賣自取關係，相對成本較低。

平時喺附近收工，都會特登行過嚟呢間印尼沙嗲屋度，叫一兩串沙嗲作為零食或者買返屋企做餸。呢度平時都開得好晏，不過每次一開門就有唔少為食貓喺附近排隊，為嘅就係一串兩串香辣嘅沙嗲呢度嘅沙嗲，精華就在於佢個沙嗲汁，識食一定要食辣， 個沙嗲汁應該係落咗花生，食落超級香，同埋佢個辣汁真係幾辣下，夏天一路食一路出汗，真係好爽皮

今天買了半打牛串外賣，回家打開一看，只得五串⋯⋯心情馬上滑落，這是變相加價嗎？牛串味道是美味的，肉也很軟，汁醬很香。但店主也太粗心大意了吧！誠意分大打折扣⋯⋯希望這只是偶然發生的意外吧！

食完安利意猶未盡，到熟悉的小店印尼沙爹屋嚟兩串沙爹羊！好多人鍾意食牛，但鍾意羊就相對少，供應嘅餐廳也少得多，但個人意見沙爹同羊最夾，而印尼沙爹屋的羊串無論味道、價錢、份量都滿分，推介👍🏽👍🏽👍🏽

下午四點開到凌晨深夜，食一次就會上隱。叫了牛($10)羊($10)豬頸肉($18)白鱔($23)。即叫即燒，要等幾分鐘，全部串燒均炭香味十足。一定一定要加其實唔辣的辣醬，平時叫飯加要另加$5，但叫串燒老闆就會好唔客氣畀一大盤你。質地更似沙嗲醬。現場即時立食，老闆見我地二人share就自動畀多幾支竹籤。竹籤尾拆咗一拆嘅係羊，非常肥美同冧，油香四溢，完全沒有騷味，平靚正之選。牛反而就失色咗啲，好韌，偏乾，無牛味。豬頸肉是一塊剪開碎上，食時好方便，爽口彈牙。燒白鱔獨特的魚香濃烈，魚皮滑嫰而且魚油份十足。

除太安樓及西灣河道一帶外，筲箕灣也是我消夜的不二之選！是晚下班心裡囉囉攣，最後與朋友一起去買宵夜回家。晚上將近十一點，印尼沙嗲屋竟沒有人輪候買食物！印尼沙嗲飯 - 因我搖晃地拎回家，所以賣相才不美觀！飯的份量不少！略嫌質感太稀，淋上沙嗲汁拌勻食會較好。靈魂的沙嗲汁食落味道頗香濃，有微微花生粒佐伴增加口感！牛、豬、雞肉串 - 看落實在難以分辨，近乎一樣的感覺！竹簽紮得實淨，沙嗲汁豐富到極，沾滿整條肉串！牛、豬、雞肉串食落柔軟且容易咬開，肉味則不過不失！

今日想邪惡下。要掃街，一定由東大街出發（本來係太安樓出發，但是日佛誕假期，好多鋪休息，轉戰東大街）行近地鐵站已聞到好香不知名味道，見到好多人企係度食嘢或者等食物，因為有好幾鋪小食店係左近，今次專程要嘗沙嗲。嚟兩串沙嗲羊串（$11串）大大件又多汁。沙嗲汁，有辣同唔辣。花生味好重，可咬到粒粒花生，睇相都見到一粒粒。肉質可算多汁，但又點兒膩口，如果煮得乾身少少仲好。唔多食到羊味，全被個汁搶哂鏡，好味道全因為個沙嗲醬，好味鋪頭細細，服務態度好好，賣街坊，人情味下次試多幾款，再報導。

食完隔離的格仔餅，我必定會食一兩串惹味沙嗲先至搭叮叮走撞正不是食飯時間，只有一兩個人在排隊，等了5分鐘便有得食了 每串沙嗲約有五塊肉，經醃製後肉質柔軟，醬汁有淡淡花生香味，真想把醬汁連同飯一起吃清光