印尼沙爹屋

Open Now

Now Closed

今晚本身想係印尼沙爹屋買外賣飯盒既，但我想食既印尼黄薑飯已經賣晒，所以先轉食烏冬，但食完烏冬都係忍唔住過黎買兩串沙嗲黎食，要左豬肉同牛肉。雖然呢間好多人都盛讚佢既沙嗲好好食，但我自己就覺得未至於甘誇張，可能我都係覺得未做到東南亞當地既味道啦。豬肉好食過牛肉，豬肉比較嫩囗，牛肉鞋少少，剩係食到沙嗲味。沙嗲醬有好多粗花生粒，要左小辣。另外，佢仲有唔同款既炒粉麵飯，炒菜，飲品，都唔貴。不過要有心理準備等下啦。

每次見到都十分多人排隊，而且香氣四溢，終於一試。串燒不熱的，肉很普通又有點靭，而沙嗲汁更有花生香但沒有其他味道。可能那些串燒不是現燒吧。等待中我見大多數點飯盒，但我應該不會再幫襯的了。

就係低調高手隔離幾個舖位，見到呢間印尼沙嗲好多街坊排隊，當然唔執輸試下。佢大大個餐牌棟係門口，非常方便大家睇。餐牌上面每樣野都好想食，今次就小試牛刀，試下佢 d 串燒先，下次再尼試埋佢 d炒飯炒菜。我地叫左沙嗲牛肉，沙嗲雞肉，雞腎，雞軟骨，燒白鱔，鮮魷。辣度就叫左少辣。大約等左 10 -15 分鐘先有，始終多人買。有 d 人會係後面擔櫈仔坐低慢慢等。燒白鱔燒得好香！只係有少少骨，但好食~雞軟骨佢唔會燒得好乾，唔會咬到牙痛~雞同牛都好食，美中不足係小辣的確唔辣，下次我會試下大辣！

住喺東大街係一件幸福嘅事。由街頭食到街尾，真係一個星期都食唔哂今日遲收工，返到嚟已經勁餓，出到地鐵站，即刻比佢個炭燒味吸左過嚟已經幫襯咗叔叔十幾年，由推車仔到而家有鋪。叔叔個沙爹汁依然保持水準

本人係沙嗲控，呢間串燒可能係我係香港食過最好味嘅串燒。本身唔係特別鍾意印尼嘢，但係呢間小店燒出嚟嘅串燒真係好香。所以呢間店係東大街繼低調高手雞蛋仔之後另一間必食嘅店舖。一般嚟講，等候時間都要20分鐘。因為有好多人幫襯，而且係即叫即燒，仲要係用炭火燒。睇住個店員燒燒下要攞啲炭出嚟加碳，你都咪話唔過癮。今日我係附近已經食飽飽，但因為離遠聞到呢間舖嘅香味，所以都忍唔住叫咗個沙爹豬頸肉，盛惠20蚊。我叫咗加辣。等咗20分鐘到就有得食！豬頸肉好爽，切好晒細細份易入口，沙嗲汁又有好多花生粒，好有口感，我每一啖都要點到超多沙爹汁先至入口，大滿足。

繼續掃街，掃街掃到去筲箕灣。除咗有名的低調高手之外，喱間印尼沙嗲屋都好出名！叫左一串沙嗲豬同埋一串沙嗲雞要辣汁等左10分鐘到終於有，望落好吸引，沙嗲唔係一般嗰隻黃黃地，而係feel到濃同稠，即係有料到。咬落唔un，辣到幾夠但唔會死辣，好似有用花生獎調會再來食~

由細食到大既沙嗲串燒，呢間舖頭 係樣大街已經好多年，每次去到都好多人排隊，因為佢個醬汁真係好好食舖頭係正宗印尼人開嘅雖然舖仔細細亦都比較簡陋 但好多人慕名而黎~舖頭主要做外賣既，但如果想堂食佢會俾隻碟你係旁邊食串燒$12一串，都算合理除左串燒仲有印尼炒飯 炒菜等等我係揀左外賣既，兩個沙嗲飯，即係雞牛豬各一串 加個飯 一個辣 一個唔辣外賣醬汁都唔會慳 俾好多你仲可以撈飯好好食！沙嗲汁好有花生香淨係個汁已經好正 可以食哂成碗飯肉質其實就無特別 但醬汁真係一百分不過要留意，佢個辣汁 的確係幾辣架，如果唔係好受得辣就千祈唔好叫😂

我好耐之前已經聽過箕灣有間串燒鋪好出名嘅喇，於是有一日放假，我就專登由柴灣去到筲箕灣食，果然是食過之後呢，原來佢啲醬汁係最好味嘅，充滿花生沙爹味呀，值得推介啊，大家可以嚟一試啊

Fell in love with their sauce. I have tried "pork neck" rice, chicken rice, and badong beef rice. All of them served with some veggies, generous quantity of meat and rice. The price is cheap. The only downside is that they are a take away shop. If you are not going home or to work with the food, you will have to eat standing under hot weather plus warm breeze from the ventilation of the stores.

我同大肥肥👦🏻去咗呢間印尼沙爹屋食串燒，見到都好多人買架🕵🏻‍♀️1️⃣沙爹牛肉 $12我地叫咗辣嘅沙爹醬🌶，食落去就唔辣嘅，甜甜地咁。醃製過嘅牛肉就淋淋地，不過都有咬口嘅。🙆🏻‍♀️美味指數:6.01/102️⃣沙爹雞肉 $12雞肉就有咬勁啲，不過相對沙爹牛肉來講，沙爹醬冇咁入味🙈🙆🏻‍♀️美味指數:6.02/10

呢間串燒店每次經過都必排長龍，今次都湊下熱鬧排隊睇下係吾係真係咁好味先！ 點左豬頸肉，雞翼，牛肉，雞肉，鮮魷同埋腸仔，個人口味不太會吃辣，所以只是點左個吾辣的，第一感覺就係聞落真係好香好香，主要靠個醬汁提味，雞肉略為有D過乾，鮮魷同個汁都好配，豬頸肉係切片，所以食落都好食，不會乾爭爭，其實就無咩特別，但係個醬汁調教得好，配合一齊所以覺得好味！

黎到筲箕灣開工，咁啱隔離就有間沙嗲串燒店當然要即刻試下，好多人排隊，見到職員都好似同啲街坊好熟，好有親切感，會記得佢叫咩食，我係沙嗲串迷，平時好少見到有羊串，所以就即刻叫串羊肉，另外叫多串雞肉，佢有大中小辣揀，未試過就叫少辣，大約等左十分鐘，即叫即燒，配埋大量沙嗲醬，個醬唔稀又唔會太潔，啱啱好👍👍花生醬味幾濃而且香料好足，偏甜，下次應該試大辣，羊肉有少少un, 雞肉好稔，而且我好中意佢超級多醬，每啖都好野味，雞就12，羊就13，推介大家黎食！

路過聞到好香😆又多人買，就試下佢嘅沙嗲牛肉串燒同沙嗲羊肉串燒！兩串都叫咗辣，辣度比我想像中強，本身算食得辣都覺得辣左啲醬汁非常香口，羊肉味都好夠，但兩串嘅肉都比較韌，咬唔開要成舊食😂落完單之後冇收據，全靠老闆娘嘅記憶，記住每個客要咩，再叫佢過去，多人嘅時候唔知會唔會唔方便呢？店舖只做外賣，細細間，睇落有啲舊，應該都有一定歷史要企喺路邊食，不過叫兩串有個發泡膠碟裝住 都算方便

今日經過筲箕灣東大街附近，見到呢間印尼沙嗲屋門口大排長龍，於是就心郁郁想試吓佢嘅串燒。排咗大約15分鐘，終於到我落單，叫咗一份牛肉串燒（$12一串），一份雞肉串燒（$12一串），同一份豬頸肉串燒（$20一串），加辣辣沙嗲汁！之後再等左15分鐘，終於燒好咗我嘅串燒啦。串燒果然冇令我失望，沙嗲汁夠香夠辣，仲唔會孤塞，比勁多沙爹汁我！豬頸肉燒得啱啱好，夠晒彈牙！牛肉亦都唔韌，唔怪得知咁多人願意排長龍去食呢度嘅串燒啦！

行完山⛰️，經過筲箕灣地鐵站，總會諗起呢間「印尼沙嗲屋」，今次途經是晚飯時間約7點鐘，店舖門外約有十幾人排隊。今次點了通菜及四串串燒，包括串燒牛、羊、雞軟骨及白鱔。通菜鮮嫩水份多，味道不會太咸，最有驚喜是串燒白鱔，肉質爽滑香脆，配合秘製沙爹醬汁，帶出白鱔鮮味；牛及羊肉質柔軟嫩滑；唯一可惜是雞軟骨骨粒太硬，難於吞嚥。