道生麵館

Open Now

Now Closed

之前見到有人推介呢一間餐廳嘅蕃茄湯底，今日路過即刻試吓佢！餐廳面積唔大，所以好多時都要搭枱，而職員態度都唔係太友善🤭午餐時段目測大部份人都係OL~ 佢哋全部都識清湯牛腩，唔知係咪好食呢~雞扒烏冬，食得出係啱啱煎嘅雞扒，仲有少少脆皮，如果可以嘅話我想叫佢雞扒另上😝蕃茄湯底係蕃茄薯仔湯嘅味道👅味道唔假，淡淡蕃茄味呢一個牛小排煎到粉紅色，但相對嚟講就有啲un喇，唔太推介，相信叫招牌牛腩嗰啲會更好🤭

今日去到北角朋友介紹咗去呢間舖頭食嘢我就揀咗清湯牛三寶河食牛腩嘅肥瘦比例不錯，食物不會痴牙牛筋夠腍，冇硬梆梆嘅感覺牛肚就正正常常冇特別佢湯底清甜好味係用牛骨湯嚟整嘅整體感覺幾好

牛魔王糧尾恩物‼️香港出街食飯五六十蚊走唔甩，依家仲食到牛小排！！！北角依間小麵館主打清湯腩同新鮮蕃茄湯，貨真價實，CP值爆哂登！心郁想食牛嗰陣會再黎！—— 牛小排鮮茄濃湯烏冬 $58本身抱住懷疑嘅心態叫﹐點知啲牛小排真係掂喎！！！夠晒油花，入口好嫩，一咬肉汁油脂齊哂，一碗五塊已經好夠食，呢個份量啱啱好唔會食到膩。以後想食牛小排，除咗燒肉店，呢度真係平靚正首選！—— 雞髀扒鮮茄濃湯米線 $58即叫即煎好有誠意！大約要等10分鐘，雞扒又厚又大嚿，淨係食雞都好飽😂份量超足！雞髀肉特別滑，外皮煎得好香。蕃茄湯清清哋唔係超濃湯嗰種，食得舒服，有屋企煲蕃茄湯嘅感覺🍅—— 油菜 $20🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️ 📍 道生麵館 (北角)北角英皇道560號健威坊LG樓L15號舖🔎分類搜尋：#FTHK_港式 #FTHK_北角

服務整度極差，出產極度慢，做個牛腩面好似去酒樓食小菜咁，都唔知佢地點生存。第一次嚟，叫個坑腩河，追左四次單，到最後發蘭渣至有，足足等左等左45分鐘。諗住係個別事件啦，今日再去過，排第一個，叫個崩沙腩面，因為提早發蘭渣，等左20分鐘碗面至到，碗面嚟到已經差不多變左面漿。整體崩沙腩亦不外如是，決定唔會再去第三次。

黎到北角捐窿捐罅搵嘢食 俾我搵到呢一間細細間嘅麵舖 原來暗藏美食 一望個餐牌就俾蕃茄湯吸引住 牛小排蕃茄烏冬都只係夠$58一碗 如果想轉稻庭烏冬就要加$10 另外仲有燒雞髀扒烏冬都係$58咋！ 蕃茄湯底冇味精 飲晒成碗都冇罪惡感 如果個湯底可以落返少少豉油或者鹽調一調味會更加正！不過而家呢個價錢絕對冇得頂 晚巿嚟講仲可以六十零蚊食到一碗麵都算係唔錯 如果想飲嘢都只係加$6就可以配到餐飲

我自己好鍾意食牛腩麵，所以一知道某網紅推介呢間，我即刻搵機會嚟試吓。據講呢度嘅崩沙腩同坑腩都非常正，所以心諗兩樣都好啱我食。當日12點鬆啲去到，門口已經排咗一條長龍。不過我預咗一定要食，所以都唔介意排隊。派咗七八個字，就輪到我哋。由於係小店，所以都知道一定較為逼夾，需要搭枱亦都好合理。我哋兩個人分別叫咗坑腩河同片頭河，但佢話坑腩同崩沙腩都賣晒，所以只有普通腩。所謂嘅普通腩就係比較瘦嘅部份，雖然我覺得如果牛腩比較瘦就係有啲伏，但係既然嚟到都試吓啦。食物送上嚟覺得賣相仲勉強可以，牛腩黐到少少肥膏，食落口唔算太乾柴，但係亦冇10分精彩嘅味道。而最令我失望嘅係佢嘅河粉，質地比較爽硬，一啲都唔滑，而且個湯冇味，所以食落就係淡淡咁。我反而覺得個片頭河啲片頭仲比較OK。結果就係食晒啲牛腩同片頭之後，就算數。好可惜今次食唔到坑腩或崩沙腩，所以未能作準。。

買個外賣，出個陣個啊姐痴錯單，好彩自己睇睇，差d攞錯人地個份。同個啊姐講，完全冇表示，仲要收埋我本來手上張單。當佢痴錯，出左去繼續等，加加埋埋等左半個鐘都未有，同個啊姐講，佢淨係識繼續做自己野，完全唔理人，唔會同你跟，再追佢就話整緊整緊（廚房冇入過，一句嘢都冇講過）。最後仲會問翻你想點，忍唔住最後退錢唔要睇返搜尋網站原來自己唔係第一個有咁嘅經歷嘅人，請個咁嘅員工黎倒自己米，咁既態度祝你間餐廳生意興隆

今日係2024年10月20號，我中午12:05落單，等到12:35都仲未有得食。真係想知平時幫襯開嘅人究竟係耐性比我好？定係真係值得等咁耐？一個麵檔出餐時間嚟講簡直係零分！樓面服務態度都差得很，我已經冇同其他城市比較，香港飲食業走下坡的確係有原因！好食唔係大晒，更何況我食都無機會食，因為半個鐘已經係我等餐嘅極限！真係唔係個個識煮兩味就可以開檔做生意，唔識管理就請人幫你管。好好奇平時一至五嘅午市係點搞？排隊後再等半個鐘？未食已經夠鐘返公司啦大佬！

和傳承一樣，要吃就要一早專心來排隊，比傳承更慘是，道生出食物的時間也算是我去過的麵店數一數二最長，你如果一開鋪第一轉入不到去，就真要罰企多大半個鐘，我正是，那天34度，烈日下，店其實還有五個位，我第一轉本來可以入到，後來才知店長遲到，有位也可坐，這原則也令人大開眼界，沉着氣，期待美食。由排隊到麵送到大約花了75分鐘，坑腩一入口已知是非同凡響，非常新鮮，牛肉味極濃，配着坑腩獨有的脂香，既軟糯，卻又有咬口，每一口都是回味無窮，湯頭也是亮點，清甜滾燙，淨渴湯也十分滋味。普通的牛腩就的確一分鐘一分貨，雖然仍是水準之作，但吃來有渣，所以坑腩絕對是不二之選。要選，傳承是第一，道生是第二，其他，恕不入流。

叫左一碗牛腩河、湯淡、心知不秒、牛腩係俾左瘦腩、－𢇁絲似煲湯肉、趙到牙軟、竟然中間夾到二舊質地腍啲！我都唔想浪費食物、但柴到真係趙到有D攰、最後我未試過食剩牛腩而走、反應俾收銀知道、佢冇應表情、我有我講、佢有佢收錢、今日嘅服務態度已經唔得了！唉, 二個字「失敗」小店，我都屬於支持小店、但網上介紹即去試、｜最後總結、係一碗煲左湯嘅牛腩河、湯淡、服務應該收善下、一個食淨牛腩嘅客、店主見到都應該問吓個客人 、否則只會越來越少生意！

本人好鍾意食清湯腩，好鍾意周圍去試吓，但成個香港島都搵唔到好正嘅牛腩店，最後終於搵到道生！佢真係可以同旺角傳承媲美！不過真係要排好耐隊，今日我11點10分已經到咗，前面已經有人排隊，明明上午11:30先開門，點解可以咁早嘅呢？為咗食好嘢，冇辦法！排咗半個鐘，終於入到去食到，崩沙腩應該得好少碗，真係要好早去先有機會食到，入到去已經話冇晒！最後唯有食爽腩，不過一樣驚喜！碗牛腩真係用新鮮牛肉，完全食得出！而且湯底比較淡，肯定冇加味精！所以見到好多人都話要加腩汁，但我就唔同意，嚟到就係想食原汁原味！睇吓碗牛腩真係靚到呢！所以話港島區佢真係可以話係第一！去到九龍同新界就唔敢包！而且佢啲牛肉係啱啱好，唔會太腍，而且好有咬口，又唔會過韌！值得一提，佢嘅煎雞扒都好好食！真係去到現場先煎，去到都可以試埋！

全店得一個上年紀既樓面應付排隊，樓面，聽電話，寫單入機，外賣，咩都無系統，落個外賣單， 其實只要5秒，但單間野要等10分鐘先落到，吾等得千奇吾好嚟，先後次序完全冇系統。 亞婆年紀大， 吾摧得 ， 問佢得未， 佢答你未， 佢要做好寫哂樓面每一張枱，先得間幫你寫外賣， 間野幾好食都好， 做野咁亂一定得失客，何況香港人吾等得，咩都要快，要生存，咁既速度效率得服務，堅吾得。

今期興食牛腩，又見到人哋介紹話呢間好食。星期日 早上11:20 到，門口已見長長的人龍，已經預計崩沙腩無望。11:30 左右開門，入邊唔夠20個位，已經一次坐滿。好彩都叫做第一輪入到。11:40左右落單，已經知道崩沙腩賣晒，唯有改食坑腩。等等等等等… … 等到12:20 先有人同我哋講，啲牛腩未夠火候。🙄吓，我等咗差唔多40分鐘，你先同我講未煮好？我忍，當你細鋪慢工出細貨。又再等等等等等 … … 由落單開始，等咗成粒鐘。12:42 分碗粉先到。諗住你啲牛腩會驚為天人，牛腩質素不過不失，點知道有幾舊咬唔開😒 ，除咗個湯底係冇味精👍🏼碗粉其實同出邊啲清湯腩分別不大，我完全感覺自己喺度浪費生命。食唔夠5分鐘，就叫我轉位，話出邊啲人等咗好耐，褪啲位出嚟俾佢哋！ 你估我想喺度座咁耐，你碗粉一早到，我一早食完就埋單走🤬成碗粉唔夠10分鐘就食完，埋單走😡總結：食物冇特別，非常差嘅體驗，冇下次

今日11:50到，已有人龍。等了5分鐘，店員出來說已沒崩沙腩和坑腩，開門25分鐘巳沽清。後來在店內，店員說每天只有10份。他們備貨太少了。崩沙腩可以理解，但坑腩是很普遍的，一隻牛可供很多的。等到12:40才有位，但下了單也要到1:15才有得食。牛腩是新鮮和靚的，但湯頭一般。湯麵舖要等那麽久，運作有問題。已開了一段時間也沒改善。怕這店也做不長久。幾拾一碗粉，要等30分鐘才出貨。翻枱慢，看人手也最少有4個。如何夠本但日後客少了才作改善，恐怕也太遲了

《令人失望的道生面馆》 近日，我在道生面馆的用餐体验极差，让我不得不一吐为快。 首先，这家面馆完全不听顾客的意见。当我善意地提出一些关于菜品口味和服务的建议时，工作人员不仅没有虚心接受，甚至表现出一副满不在乎的态度，这让我感到自己的声音被无情地忽视。 其次，他们连电话也不听。我曾试图通过电话提前预定菜品或者咨询相关信息，然而电话那头始终无人接听，这给我的安排带来了极大的不便。 最让人气愤的是，下午三点去的时候，居然连牛腩都没有了。作为一家面馆，连基本的食材供应都不能保证，这实在是难以理解。 而当我向他们投诉这些问题时，他们接受投诉的态度依旧没有任何改变，依旧冷漠、依旧无视，仿佛顾客的感受对他们来说毫无意义。 总之，道生面馆在服务和经营管理方面存在着诸多严重的问题，如果不能及时改进，恐怕会失去更多的顾客。希望他们能够重视这些问题，尽快做出改变，否则终将被市场所淘汰。莫奈何實在沒有緣份。