INN - I’m Not Nothing (Closed)

今日入到黎元朗，就真係好想試吓呢間INN，佢有好多分店，元朗呢一間依家夜晚都爆滿人。首先，其實佢裏面環境好chill好文青feel。每個午餐都會有一個湯同飲品。自己就勁中意飲蘑菇黑松露湯！佢係blend爛蘑菇到蓉，再估成既蘑菇湯，非常好飲❣️飲品❣️朱古力奶昔朱古力味好濃，唔似沙冰質地，反而係smoothie個種。另一杯係柚子檸檬疏打！如果淨係得柚子味相信會有少少苦澀，但佢呢個加埋檸檬既時候就會好清新，甜得黎好清❣️啱曬夏天！呢個真係好有驚喜！班尼迪蛋菠菜巴馬火腿配法法式班戟，佢呢間既pancake真心好食。配埋火箭菜，唔會太鹹，啱啱好！香燒豬肉眼配肉桂蘋果醬呢個都要大推！下面係薯蓉，上面豬肉眼都唔會太老，配埋蘋果醬，甜甜地又有肉味，再有薯蓉中和翻個味道，成件事好完滿！呢個質素，唔太貴既價錢，真係值得下次再尼元朗🤤

💖之前經過呢間餐廳，覺得裝修好靚💐今日就嚟元朗分店食午餐，環境幾啱打卡，黑白金嘅色調搭配植物🪴，簡約得黎帶少少奢華感覺😙1⃣️英式炸魚配薯條🐟 $82💖份量都唔錯，炸魚同薯條都炸到金黃色，食落熱辣辣🔥炸魚表皮香脆，厚薄度合適，可以搭配檸檬🍋同他他醬一齊食。入面嘅魚🐟軟嫩，脆皮嘅香脆同魚嘅溫潤令到口感好豐富。薯條🍟炸得靚！調味🧂都好香，配埋茄汁🍅食多陣酸甜味。2⃣️蟹肉南瓜意大利飯🦀 $88💖呢個都幾抵食，因為蟹肉同蟹籽🦀都比得幾多。意大利飯食落有嚼勁，入口creamy，仲有南瓜🎃同蘆筍，食落香甜得黎唔heavy🤤3⃣️西柚檸檬梳打🍋 +$23💖加錢要咗杯特飲，西柚檸檬梳打顏色鮮艷，啱影相📸️飲落好fresh，口味酸甜，入口冰涼🧊4⃣️香蕉朱古力奶昔🍌 +$24💖香蕉味🍌比朱古力🍫重，入口香甜幼滑，面層有忌廉同朱古力醬，一齊飲就更加smooth😚5⃣️餐湯🥣 $0💖lunch set免費🆓嘅餐湯，今日係黑松露野菌🍄湯，飲落有蘑菇細粒，配上奶油入口細滑，仲有香淡嘅黑松露味。💖lunch set都抵食，職員👩‍💼態度幾好。裝修靚，啱同朋友👭一齊嚟嘆tea或者打卡📸️，仲有戶外座位，可以嚟飲嘢chill下。

係一個好大雨既晚上，今次黎左元朗一間好有名氣嘅餐廳食晚餐。 佢個位置係yoho 附近 行5分鐘左右就到好近！個到一帶都係茶餐廳呀，打邊爐呀雞煲個類，但特別有間餐廳門外裝修好唔同 好似間西餐廳係法國小街咁，打下卡都唔錯！今次食左兩個main course 一樣sidedish 同一款甜品連飲品。呢個係牛肝菌龍蝦risotto , 隻龍蝦好有海水新鮮味道，唔似平時龍蝦梅晒咁， 個飯睇落好creamy 食落唔會好膩既感覺 同埋好香個種菇味！呢個係香蒜北海道帶子意粉，有小小辣味，意粉質感唔錯，有兩大粒帶子差唔多有兩個$5咁大！香蒜味道融入左意粉 食落去唔會太辣 但有陣陣蒜香！叫左一份炸魚薯條，以一份小食來講都有唔錯份量、 即叫即炸 加上粗薯條，配上茄汁和沙律醬，開胃之選！呢杯係士多啤利藍莓奶昔，賣相都好吸引，以佢既甜道完全唔係一杯飲品死甜， 佢口濃生果甜味 飲落唔會太甜好易入口。最後一定要講 呢個係tiramisu!!! 好食到流口水！ 個cream 本身有奶油香但唔甜 撈埋底既咖啡食係一百分！份量可以足夠兩個人食、我可以講呢個甜品媲美5星酒店質素。

呢間舖頭個位置之前都係開西餐廳 今次路過見到轉咗新嘅餐廳 入面嘅裝修打卡就啱曬 所以就決定迫朋友一齊喺度食午餐 雖然醉翁之意不在酒 但佢嘅食物都係唔錯 我同朋友都揀咗呢個免治雞肉漢堡配有沙律同薯條 套餐有包埋餐湯餐湯係濃濃嘅蘑菇湯 好香又好味 再講下個主角啦 雞肉用嚟做漢堡我相信好多人都會擔心會唔會好乾好柴 但呢個食起嚟又唔會 而且都幾大塊漢堡 仲夾咗啲泡菜喺度 味道比起平時有啲唔同 有新鮮感 除左泡菜仲有一啲生菜同蕃茄食起嚟有啲蔬菜平衡番 感覺冇咁邪惡配菜連皮薯條好食 而且熱辣辣炸起夠曬香口 沙律仲有我用上鐘意嘅日本蘿蔔 不過由於佢嘅漢堡份量真係好大我同朋友都食唔曬成個漢堡 因為我哋兩個仲加咗杯好味嘅飲品朋友就要咗香茅薄荷葉梳打我就揀左香橙芒果 加左薄荷葉非常清新 加埋香橙芒果甜品 香茅就有自身獨特香味 梳打夠汽成杯飲品真係夠晒gur

經過元朗見到呢間Cafe環境都幾靚，所以就揀咗呢間食晚餐。見到餐牌，食物都唔算太貴，我哋一行兩個人叫咗一個羊架、一個黑松露薯條、龍蝦意大利飯。叫咗一杯朱古力香蕉奶昔同埋白桃茶。黑松露薯條有一個黑松露醬，用嚟點薯條一流，會令啲薯條冇咁乾。另外，薯條都好重黑松露味，食到停唔到口。而龍蝦意大利飯都好有驚喜，隻龍蝦啲肉都好有彈性，個意大利飯好重菇菌味，好入味。羊架一定要叫，我哋叫咗七成熟，切開真係感覺七成熟，因為我真係好驚一啲餐廳明明要七成但係入邊就熟得滯。羊肉咬落去完全唔會硬，好淋。而且羊架唔會太騷，就算我朋友不嬲都唔太好羊肉嘅都覺得好好食。整體來講，呢間餐廳都非常值得大家嚟試吓，環境舒服，而且嘢食真係好好食。

入到去感覺覺得好靚先，雖然餐廳細細，入到去好細心比左個籃比你放袋先，到叫野食，湯好飲，生蠔ok好食，蠔size細左少少啫，因為得一款蠔，蠔價錢合理，40幾蚊隻，係食呢啲size嘅，我就叫左帶子意粉，帶子煎得好食同大粒，個意粉都相當出色，唔會過林，鍾意食佢少少硬得黎，覺得剛剛好嘅質感，個意粉汁都好好食，唔溜唔淡味道適中，好食👍👍👍，男友再叫左牛扒，牛扒就普通，之後叫左個棒子朱古力香蕉班戟超正超好食❤❤❤總括黎講我會返轉頭食嘅👍👍👍仲有飲品都好靚同好飲💕💕

元朗西餐廳多的是，搵一間有特色嘅都唔算太難，搵一間真係好刻骨銘心嘅係要花啲心思。今日去咗一間叫做i’m not nothing 嘅餐廳地方唔算好大但係嘢食就不得了。環境佈置得非常精美。英式炸魚薯條：粉漿鬆脆，濃烈魚味，點埋自製醬汁非常之味。薯條香脆，好香薯仔味。香煎北海道帶子配香蒜辣味羅勒意粉：帶子煎到香口，意粉熟到程度啱啱好，加埋蒜香羅勒葉，絕配，同時間好乾身。日式味增比目魚配意大利瓜蕯拉意粉：比目魚好大塊，煎到好乾身但係入邊都係Juice，好飽肚。

看見這裏有一個戶外的座位可以帶寵物，就前來一試。叫了一個帶子西瓜沙律，牛扒，西柚梳打和香蕉朱古力奶昔。帶子西瓜沙律的份量很足夠，也很好吃，朱古力香蕉奶昔是網上推薦的，感覺還好吧好像沒有什麼特別，但是西柚梳打就10分好渴在說一說牛扒吧，薯條是新鮮炸的薯條都打得挺香脆， 牛扒叫了五成熟，很奇怪地牛扒有一半是真的五成熟，另一半是10成熟 味道是正常啦

話說今日唔洗ot 早左好多收工😍 咁啱見到哩間西餐廳仲有位 唔洗等😈咁就緊係即刻入去食個靚靚晚餐啦！！！！（平時平日晚餐時間唔book係食唔到架）除左室內位仲有三張室外位 適合養寵物既大家同狗狗一齊共享晚餐🤘🏻🥰🥰🥰提提大家餐廳係冇動物食物提供架 要自準😈餐廳入面都好冇風格 簡單得嚟更突顯休閑氣氛 好適合情侶/好朋友去😉😉😉由於我地喜歡水牛芝士 所以頭盤點左個水牛芝士沙律🥗 哩個沙律既重點係大大塊既水牛芝士！！！ 平時叫沙律多數都係用一粒粒既芝士 好少見咁大塊 超級滿足😋😋😋😋食完頭盤就叫個小食 雞中翼 第一啖咬落口好有驚喜 係辣架個汁🤩🤩🤩 廚師都好貼心 將每雞翼一開二 方便入口😋😋😋終於到主菜- 龍蝦牛肝菌意大利飯先唔講隻龍蝦 個飯好Creamy 個汁好濃郁 但一d都唔油膩 仲令人想食多幾啖😍😍😍😍一個字 正！

再食多一次inn，因為餐廳係返工附近，而且日日都好多人排隊，今日早咗收工即刻去食。入邊環境一樣咁優雅，見到唔少人都打卡。可以嗌嘢食另外再加$變套餐，因為唔係好肚餓所以單點左意粉。香煎帶子配香蒜辣味意粉 帶子煎到剛剛好，外脆好香！食咗出去啱啱煎好仲要入邊係勁軟。意粉軟硬適中，唔會覺得好辣，仲有陣陣嘅羅勒味。奶油大蝦嫩菠菜煙肉忌廉意粉意粉軟硬適中，醬汁creamy，味道香濃。大蝦爽口彈牙，好鮮甜，煙肉同菠菜吸收晒啲奶油香味。香橙芒果薄荷梳打夏日解渴必飲，香橙同芒果味道清新，帶陣陣薄荷香味。

今日朋友推介我來呢到食西餐。入到餐廳，店員好貼心錦拿左個藤籃比我地去放低d個人物品。店內環境幾有氣氛，同朋友來食野傾下計幾好。今次我地點左幾樣野食，首先係蜜糖燒豬手，燒得幾好，D肉唔會好干，仲有少少汁，配上酸菜食，好夾。之後叫左個澳洲肉眼配薯條，薯條炸得好脆，肉眼扒整得岩岩好，好有肉汁。然後叫左個炸魚薯條小食，呢個份量其實可以當一份正餐，大過手板嘅魚柳，切開魚肉唔干，D肉仲有小小汁，魚肉滑。加埋沙拉醬食，正。主食來啦，我地叫左個茄醬松露芝士雲吞，首先個醬汁好好，唔會太酸亦唔會好稀，醬汁剛好掛係d雲吞到餐飲方面我地叫左一杯熱巧克力，同一杯西柚檸檬蘇打。兩杯都唔錯，巧克力好香一上台就聞到香味，另外個拉花幾好睇。而杯西柚檸檬蘇打，外相幾好，味道酸酸甜甜錦，好正。最後叫左份士多啤梨藍莓班戟。

元朗隱世好店。面積唔大，晚上去都好多人排秘製蜜糖燒豬手配酸椰菜 豬手好大，食落去軟林林，骨膠原多。燒菠蘿又甜又軟。不過豬手燒得唔係算好脆好在性價比高，4個人分都得，切開左係好大份。奶油大蝦嫩菠菜忌廉煙肉意粉 樣子平平，但最有驚喜就係佢！菠菜唔算多，但大蝦多，同埋好彈牙，奶油配忌廉係好食黑松露薯條 薯條大條👍🏻👍🏻 又長又厚榛子醬香蕉棉花糖crepe 皮薄，榛子醬多，又多cream，係唔錯既

晚餐到家附近的一家西餐廳，點了兩份套餐和一個小食。餐廳裝修別緻，走小清新風格。澳洲肉眼扒8安士配薯菜燒汁，份量十足，牛扒以粗薯條和沙律襯底。牛扒點了三成熟，肉質軟嫩容易咬開，牛味夠濃，煎封後仍然能鎖住肉汁。菜式提供了芥未醬，燒汁和茄汁，搭配香脆粗薯條滋味無窮。意式茄醬松露芝士意大利雲吞賣相精緻，酸中帶甜的茄醬令菜式不會過膩，味道更有層次。雲吞內的餡料豐富，口感細緻，松露和芝士味道香濃，雲吞皮厚薄適中，不失咬口。英式炸魚薯條配上他他醬和茄汁，加一點點檸檬汁味道更清新。炸魚外脆內軟，魚肉嫩滑，魚肉本身也有適當調味，加上他他醬就更開胃。沙律菜新鮮爽脆，帶微酸醒胃又解膩，能中和吃太多肉類的膩感。

今日放工，終於可以同老公撐枱腳。真係好累好想relax下同浪漫下，就揀左屋企附近呢間西餐廳。呢間小店晚餐時段全場爆滿，好彩老公一早book左位，所以唔洗再等位。餐枱圓形帶雲石面，感覺高貴華麗。炸魚薯條份量適中，炸魚香脆粉薄，炸到金黃色，時間控制得好好，仲好juicy。薯條係直紋形狀，唔會太乾太咸，送到黎仲係熱辣辣，非常滋味。比目魚配薩丁粒意粉呢個真係好特別。比目魚煎得香口嫰滑，一d都唔乾，再點少許醬，味道好濃好鮮，帶出魚香味出黎。一粒粒好似飯既意粉好得意，當中係菠菜汁再加少許南瓜粒和芝士，睇落去好似份量好少，但食完都真係夠晒飽，真係不能睇小。傍邊仲有幾粒蕃茄，串埋一起，真係幾有特色。帶子羅勒意粉碟上印有店舖既名字，感覺好高成本，帶子大大粒，非常罕見，意粉軟硬適中，份量剛剛好。香茅青檸梳打濃郁既香茅味再配上青檸，味道清新唔太甜，又好飲又特別，岩晒我口味。晚餐時段有套餐，包餐湯和餐飲，夠晒經濟化算。

今天先生早接我收工，一起去食晚飯，我選了這間我想打卡已久的餐廳－ INN I'm Not Nothing。前排和朋友在觀塘逛街時已經有留意，想不到元朗也有，真的很好！適逢夏天，天氣總是較侷促，飲返杯凍奶昔，心情立即舒暢！這杯士多啤梨藍莓奶昔賣相精美！味道真實，口感柔軟，好好飲！小妹知道INN必食是法式班戟，要留肚既關係，所以沒有點想試的意大利雲吞，點了一客幾好評既炸魚薯條。炸魚果然不負所望！用刀一切，外脆內軟，熱辣辣出晒煙，新鮮炸起，正！魚中無骨，啖啖魚肉。不論魚或是薯條也是炸得剛剛好，帶有金黃又不會過燶，而且入口香脆。碟上更準備了些新鮮的沙律菜，讓客人吃完炸物後也可以中和一下。來到令人期待的法式班戟。有四種口味可供選擇，樣樣都好吸引，令我心思思不知如何是好，最後店員推介我食肉桂蘋果, 杏仁片味。班戟塊塊分明，對摺成1/4個大圓，一口便可以嘗到4層的口感，頗有層次感。加上班戟大大塊的，份量充足，絕對物有所值！肉桂、杏仁同蘋果粒配搭出色，有軟硬脆脆的口感，甜甜酸酸味道得宜。其實餐單真的有很多不同的選擇，我相信再去食觀塘店也不會覺得悶。餐廳裝飾擺設也很有心思，坐在植物旁享用晚餐也讓人有放鬆