INN - I’m Not Nothing (Closed)

今日星期五，但心情有d 鬱悶，想食個靚飯享受一個人的時間。係元朗行左一陣，想搵一間靚的、氣氛又好、又唔太嘈的餐廳，行左一陣，見到呢間餐廳的氣氛唔錯，價錢又合理，咁啱有位就決定一試。我鐘意佢用的雲石枱面，感覺好高級呢本身鐘意食意大利飯的我，見到佢有龍蝦牛肝菌意大利飯，只係$148，價錢合理，就叫了呢個加香蕉朱古力奶昔。其實佢有套餐可以選擇，但本身唔鐘意飲湯，所以散叫，又平少少。龍蝦意大利飯一上枱己聞到好香，雖然得半隻龍蝦，但一啲都唔細隻，仲有好多蝦膏，加入蝦膏連飯食，仲香仲好食。龍蝦肉好彈口，有龍蝦味，啖啖肉、好味。意大利飯硬適中, 牛肝菌的比例都唔少想令自己開心d,，飲香蕉朱古力奶昔係唔錯的選擇，朱古力唔太甜, 加入cream 一流，香蕉味唔會搶過朱古力味，好飲之餘也令自己開心d.

來到元朗，一早就計劃好一整天要吃什麼～雖然沒有訂位，但剛好還有吉枱，店員有主動給籃子放手袋。要留肚吃之後的小店，這次lunch只點了兩款：班尼迪蛋波菜巴馬火腿法式班戟這家的班戟做得幾出色，薄薄地，很多波菜和火腿～班尼迪蛋的流心效果和班戟都幾夾。套餐包了一個湯和普通餐飲，或半價叫menu上的其他飲品。肉桂蘋果杏仁片忌廉班戟滿滿的蘋果，不甜很好吃！叫lunch set加的甜班戟可以減$10建議客人來到才加水就比較好～

店子門口同室內都種了盆栽、綠樹，裝修行輕奢華風🪞感覺可以在這裡待一個晌午，享用美食和美景消暑一下。🥗 牛油果三文魚配法式香醋汁沙律碗 ($72)牛油果熟成剛好，整片稍壓即蓉狀，入口香滑。香醋汁同沙律菜食落好清爽。三文魚花卷狀 🌹 賞心悅目份量特多，本身想清淡一下，都食到好飽🤣🥫餐湯蘑菇香味濃郁，質地幼滑。🍹 香橙芒果薄荷梳打 ($48)大片香橙墊底，飲到底仍然滿滿果甜，夏日飲梳打最解暑呢🌿餐廳嘅甜品同Crepe都好吸引，下次再試。

餐廳充滿歐陸風情，播放外文歌曲，給人外國旅行感覺。坐低後職員比左一個籃我哋放袋，幾貼心。是日餐湯係蘑菇湯，蘑菇味香濃，blend 得幾滑。鍾意重口味，職員好好幫忙加黑椒，微微辛辣加添風味。英式炸魚薯條（$82）：魚肉嫩滑，外皮香脆，切開後有啲散。可能掛住影相放涼左令粗薯條表皮稍硬但內軟，配有沙律菜，份量足料。香燒焗豬肉眼配肉桂蘋果醬（$98）：豬肉眼好厚肉，但一啲都唔韌而且軟腍，燒焗得剛好，切開帶粉紅色。肉桂蘋果醬有驚喜，之前係其他餐廳食蘋果醬都冇加肉桂，但肉桂令果醬更香，同豬肉眼一齊食令味道更豐富同冇咁膩。伴有雜菜同薯蓉，份量都不少，抵食。Iced long black ：咖啡唔太苦，偏fruity，容易入口。Sparkling water ：有檸檬令有汽水更清爽。佢啲crepés 同甜品都好似幾吸引，有機會想下次試吓～

今日去開元朗，想搵間靚靚餐廳食吓，一search open rice發現附近有間西餐, 裝修得好鬼靚，即日book晚餐都book到喎（可能因為係weekday啦）。 原來book左8:00pm, 最後早左到，7:30 佢都俾我入，太好啦。果晚我叫左個龍蝦意大利飯，龍蝦開邊半隻，隻龍蝦size比較細，而且近蝦頭位置空左，疑似被廚師偷左d蝦膏咁樣，有d失望。 不過，意大利飯係好正嘅，個汁好夠味，飯的口感剛剛好，食完又唔覺太heavy。我地加錢跟餐，有個磨菇忌廉湯，不過不失；餐茶可以揀$28飲品，其實得普通檸茶檸水係$28或以下，揀其他飲品就半價。我揀左杯凍Mocha, 來到發現好苦，問佢攞左杯糖水加落去就正常返晒，咖啡味十足，有奶有口感，唔係好稀果種，都俾80分。另外，叫左一份炸魚薯條無跟餐，塊炸魚比較油，唔夠脆，而且得一塊魚，太細塊。試埋甜品，香蕉朱古力pancake, 唔錯。試左咁多味，埋單都只係$380，都幾抵食。下次會再來。環境方面，坐室內晚上燈光都幾暗，枱同枱之間比較密，影相就麻麻地，但勝在新裝修，裝修設計都打高分，室名位反而光線充足，仲可以帶狗，遲d涼小小可以試坐outdoor

見到朋友貼圖介紹忍唔住假日就12點黎到食啦lunch set會跟埋個蘑菇湯。係我鐘意既口感同都creamy叫左一個野菌忌廉雞肉配法式班cake卷$75第一次試咸甜呢個combination我自己就覺得幾得意。不過小朋友就麻麻地鐘意英式炸魚配薯條$82呢個我就有驚喜因為元朗好多cafe d 薯條都係唔好食勁快淋。但呢間保持到個脆度而且炸魚都滑👍小朋友大愛蟹肉南瓜🎃意大利飯$88我就覺得唔係好夠南瓜甜味相比就無咩特別 下次可以唔食🤣榛子朱古力香蕉棉花糖忌廉crepe.$68呢個好明顯係港媽同小朋友要叫架啦😁其實都已經好飽但真心鐘意呢度d crepe.無果陣怪既麵粉味所以我清晒😁野飲當日就係士多啤梨藍莓奶昔所以叫晒梳打飲竟然小朋友好鐘意。無抗距d 香茅味lunch 食得好滿足。而且價錢我覺得好合理對比其他cafe 唔算貴

呢度環境食物服務質素都幾好，充滿文青少女味，係女孩子相聚好去處，為拍拖👫勝地都okayyyy, 燈光效果唔會太光太暗，啱啱好，預先book位仲有野送tin ,整體都好滿意😍會再encore

INN - I’m Not Nothing 📍元朗鳳攸南街9號好順利大廈地下60號舖#元朗搵食 #元朗好去處👉🏻香煎牛油波士頓龍蝦牛肝菌意大利飯 $148呢個龍蝦意大利飯真系不得了! 隻龍蝦好新鮮又好有海水既味道，唔似平時龍蝦梅晒咁，加上佢啲龍蝦肉同蟹肉都大大舊，淡淡肉😍好正。而個飯睇落好creamy 食落又唔會有好膩既感覺，仲有好香個種菇味！👉🏻 澳洲肉眼扒8安士配薯菜燒汁 $158份量十足既澳洲肉眼扒，除左個肉眼扒之外仲會配有粗薯條和沙律，唔會食到你好濟嘅感覺。小編今次都系叫左五成熟，肉質都嫩同埋容易咬開，牛味夠濃，煎封後都能夠鎖住個肉汁。而個薯條是新鮮炸的薯條🍟亦都好香脆。📢環境方面，餐廳裝修別緻，系走小清新風格既， 而且都坐得舒服，好適合同朋友食飯傾吓計。美味指數：⭐️⭐️⭐️⭐️環境指數：⭐️⭐️⭐⭐️服務態度：⭐️⭐️⭐️️️️翻兜指數：⭐️⭐️⭐️（滿分為 5⭐）#全力食｜#密密食｜#情侶檔搵食｜#小店推介｜#餐廳

TGIF，朋友黎到元朗一齊覓食。經過鳳攸南街，被INN嘅裝修所吸引。係門口一望入面，以白色為主調，配以植物/乾花，環境真係唔錯。一開始入面冇晒位，所以坐住出面，後尾店員好好，幫我哋調返入去。主菜叫咗香煎牛油波士頓龍蝦牛肝菌意大利飯。最愛係佢好creamy嘅口感。Cream完美地包著意大利飯，收汁收得剛剛好。牛肝菌味十分突出。龍蝦鉗已經挑咗出黎，好方便食。龍蝦肉肉質厚實，亦有鮮味。朋友叫咗意式茄醬松露芝士意大利雲吞。雲吞飽滿，雲吞皮唔會太厚。食落松露味突出。飲品叫咗香蕉朱古力奶昔同香橙芒果薄荷梳打。估唔到普普通通嘅奶昔有驚喜。外表有朱古力醬掛杯效果，係呢啲細微位見到店員嘅用心。一飲係好濃嘅香蕉味，係天然嘅香蕉味，之後朱古力味就搶返主導。香橙芒果薄荷梳打芒果味重。由於朋友肚餓，食完意大利雲吞未滿足，再點甜品。Tiramisui 被朋友視為「是日幸福」。底層係濃x嘅咖啡味蛋糕，軟熟同moisture ，面頭有口感細密嘅cream，比例1:1，味道口感恰到好處。朋友大讚Tiramisui，為咗佢都值得encore。好期待佢其他甜品同意大利飯，我都係對主食情有獨鍾！

📍元朗 -#INN-I’m Not Nothing——-煙肉椰菜花忌廉湯🥓-香煎牛油波士頓龍蝦牛肝菌意大利飯龍蝦🦞-低溫慢煮澳洲牛柳8安士配紅蔥頭紅酒汁🥩-香蒜辣椒伏特加煮鮮馬拉蜆🌶-派對白桃烏龍茶🍑-西柚檸檬梳打🍹——-呢度環境係唔錯 燈光會較昏暗 蠻有feel嘅cafe -不過圓枱設計 野食放唔到太多 餐枱感覺好迫😢——煙肉椰菜花忌廉湯🥓飲落去唔算順口 會湯到有椰菜花粒 但味道好香好特別 加埋煙肉特別夾 意外發現椰菜花忌廉湯可以咁好飲😋香煎牛油波士頓龍蝦牛肝菌意大利飯龍蝦🦞今日叫嘅野食裡面 呢個飯係最好味嘅🤤 性價比係最高👍🏻 除咗牛肝菌外仲加埋鴻喜菇配埋龍蝦🦞口感味道都好豐富 我好中意佢煮意大利飯嘅口感 唔太硬又唔太腍 十分適中 推介👍🏻👍🏻低溫慢煮澳洲牛柳8安士配紅蔥頭紅酒汁🥩呢個澳洲牛柳$208 牛柳肉質唔算太嫩滑 但個紅蔥頭紅酒汁我自己就幾中意啦 配菜方面除咗薯仔好食之外 蘆筍同蕃茄都一般般 蘆筍草青味太勁又唔靚 蕃茄仔無烹調過 有啲失望☹️香蒜辣椒伏特加煮鮮馬拉蜆🌶好少係cafe見到有蜆食 我同朋友就忍唔住叫咗啦 佢地嘅馬拉蜆都幾大隻 啖啖肉🤣個湯煮得

🍽 野菌忌廉雞肉配法式班cake卷Crepe 包住忌廉雞肉，蘑菇鋪面，加上鹹芝士，帶出食物味道。🍽 班尼的蛋菠菜巴馬火腿配法式班cake班尼的雞蛋，一切開，蛋汁即刻流出，配合巴拿馬火腿嘅鹹味，菠菜嘅亂，火箭菜嘅獨有味道，令整體口感非常好。☕️ Long black 香和味濃郁!

蘑菇忌廉湯蘑菇味很濃，必定是以新鮮蘑菇即磨煮成。（正）蟹肉南瓜意大利飯蟹肉味好鮮甜，南瓜汁把每一粒意大利飯都封住，意大利飯有趙口，賣相也出色。（正）玉桂蘋果杏仁片忌廉Crepe 有D冧，蘋果都過冧，加上杏仁片可增加口感，再加上cream，點綴了甜味，及令口感較滑。（一般）裝修雅致，環境舒服！

完全係比鋪頭門面而吸引左入去😍😍星期三8點左右去到 都等左陣位～ 因為滿席😂 入面好多植物擺設 感覺好舒服☺️ 呢排夏天熱辣辣 忍唔住即刻叫左杯士多啤梨藍莓奶昔 每一啖都飲到士多啤梨同藍莓味 🥰🥰 唔會太甜之餘又唔似syrup 咁假！推介😎下次要試埋香蕉朱古力味🥳 主菜：波士頓龍蝦牛肝菌意大利飯 😍😍好大隻龍蝦呀痴線！平時食龍蝦既risotto 都會覺得龍蝦唔夠味 比個飯搶左味～ 但呢隻龍蝦超重龍蝦味！ 每一啖都好幸福呀媽咪🥳雖然得一隻 但佢size都唔細 岩岩好😚☺️ Risotto 整體都好濃郁！ Creamy得黎有洋蔥既配搭 食哂都唔覺得膩！ 推介 （打緊字既我都好掛住🥺） I will see you again ! 友人叫左個北海道帶子配香蒜辣味意粉～ 一上台已經勁香蒜味😋😋😋😋😋我中意！擺盤都好吸引～ 帶子帶兩粒 仲要大大粒 好鮮！ 好有口感🥰🥰 香蒜辣味意粉最緊要啖啖都有蒜辣味！ 之前成日食過d得蒜味 ... 1 d都唔過癮.. 但呢個辣味好正！ 覺得師傅調味好出色🥰🥰😋 唔會太辣而有好重蒜味🥰🥰 😍😍😍😍好食到忍唔住叫多個小食：fish and chips 全部都係新鮮炸

天氣十分炎熱，今晚不想煮飯😜。老公就提議去屋企附近形點對面雞地食晚餐。我們選擇了《INN》食西式餐🍽。來到餐廳門口，外面都有擺設座位進餐，下次都可以訂外面位，和朋友聚餐時感覺休閑寫意😍。進入店內的環境，燈光暗暗地，播放輕快音樂，感覺好舒服😌。我點了「巴馬火腿籃芝士合桃意大利飯」巴馬火腿食落很重煙熏味，每啖意大利飯都係濃厚芝士汁，配搭蘆筍食可以中和一下味道😋。老公點了「奶油大蝦嫩菠菜煙肉忌廉意粉」咬落蝦肉很爽，意粉比較硬身有咬口，煙肉忌廉汁味道剛剛好，不太鹹😋。今晚很滿足，享受了一餐西式晚餐😍。

An aesthetic cafe with great food and decoration. It has an outdoor seating and we saw someone having lunch with their dog with them. The food was absolutely delicious as we had the set lunch pork chop with cinnamon apples and the crepe with cream mushroom and chicken. The cinnamon can be abit strong for some but I loved it! It’s mostly just on the apples so for those who dislike cinnamon just avoid it and it’s fine 👍 the crepe was packed with fillings and the cream really brought all the ingred