Insanity

Open Now

Now Closed

經app 訂咗外賣送貨，總共叫咗5樣食物，包括煙三文魚意大利長通粉，雞肉意大利扁面，意大利辣肉腸pizza，炸魷魚及雜錦香腸拼盤，總數約為$500。其中煙三文魚意大利長通粉及雞肉意大利扁面係正常預期嘅份量及味道都係正常。但係個意大利辣肉腸pizza就味道一般。最離譜嘅係個炸魷魚及雜錦香腸拼盤，好似食剩咁，同app 幅圖差勁遠，幅圖嘅份量減少一半先啱！！又唔係話特別好味！之前未食過呢間，諗住試吓，點知就中伏！！

住南區近近地，唔洗出銅鑼灣，就食到市區質素既西餐，唔食pizza都可以食意粉同埋墨西哥餅，都係大概110到，又係好食。呢間其實係美食平台叫過好食先book黎食。同埋好飽，份量唔小，希望佢繼續做得住地點：方便，距離黃竹坑地鐵站不用5分鍾既距離，ovolo hotel環境：星期六日頭，好似包場咁，後尾先有一檯外國人，冇咩客，氣氛冷清左啲，但sofa坐得舒服員工：員工有禮，會問番啲野食好唔好味

呢間餐廳, 味道真心好食. 推介有白汁蘑菇雞胸飯, 正宗意大利飯, 咖哩雞飯. 小食一定要食雞翼, 大大碟, 味道有啲似.星加坡馬來西亞混合版嘅口味，香口，另松露薯條即叫即炸十分好味. 意粉方面佢哋個大蝦意粉相當好食, 新鮮海蝦意粉硬度適中. 如果鍾意飲番兩杯嘅話可以同在場經理叫佢介紹紅酒白酒佢哋經驗十分豐富,同埋介紹啤酒嘅質量相當高. 有happy hour 所以整體我覺得性價比不錯. 

一直都好想試呢間餐廳，但因為見到openrice d comment 唔係好好，有啲卻步。今日老闆唔喺公司，所以可以食耐少少，即刻同外國同事落咗去試呢間餐廳，點知落到去又見到隔離team嘅經理，所以影咗好少相。我哋叫咗兩個餐，lunch set有湯或者沙律比你揀, 我揀咗南瓜湯，而同事就揀咗沙律。另外飯我就嗌咗個白汁蘑菇雞胸飯，同事就叫咗一個魚飯，味道比我想像中好食好多。今日撞到經理，搞到影唔到好多相，下次一定會再encore，影多啲相畀大家睇。

Wong Chuk Hang is always like a food desert… Thanks to the opening of Insanity earlier this year, there is finally a bar here. Not a really spacious interior, but more than good enough for a quick lunch or evening drink. During the day, it serves a variety of modern western lunch sets, each comes with an appetizer, main course and drinks. .Salmon salad (included in lunch set) The appetisers are quite delicately-made compared to other western eateries. Ordered the salmon salad out of the four opt

真係食到r爆頭ಠ_ಠ勁貴一碟野又唔好食嗌左六樣野全部一打開都呆左 尤其係個pizza上面個啲肉係可以用手指數岀黎 個pizza係薄到紙咁然後百幾蚊 完全唔知食左乜(⁎⁍̴̛ᴗ⁍̴̛⁎)好似食左一陣風咁個蒜蓉包仲誇張 好似用像皮做嘅咁 乾到痴左線😀😀😀😀咬都咬唔開 個口感差都算 咁貴以為好好食啦 點知得個少少少少少蒜味 然後 個咩虎蝦意粉 又係食到r哂頭 係得油味 知唔知咩叫百幾蚊食油炒意粉😀😀見佢app張相好正啦 點知蝦又細 意粉又難食 真係好唔好意思收百幾蚊就賣一碟好似啲快餐店整岀黎嘅意粉？？？ಠ_ಠ仲有個risotto 啲米勁硬 個心係好似生生地咁總之全部野都細細份又難食又貴 真係比多一倍價錢都唔會再揀翻依間餐廳☺️☺️真係唔知邊個比自信同勇氣佢😃😃😃

我地叫左兩個pizza，啲料俾得好少，雞肉pizza得5夠十舊雞肉，啲甜椒同洋蔥都係得幾條，賣相同味道不太滿意。意粉方面除左黑松露扁意粉好食啲外，虎蝦意大利麵係冇味既，淨係食到啲油味，同埋蝦既數量冇menu show出黎既咁多。我地仲嗌左個三文魚調味飯，啲飯都有少少硬，但味道都還okay.整體來說覺得唔太抵食，啲量少之餘又少貴。我地嗌左2個pizza，2個意粉，1個調味飯同一份蒜蓉包，冇野飲，埋單七百幾🙂

煙三文魚燴飯啲飯勁硬 好似未煮熟咁！！煙三文魚得幾塊細既都算，意大利燴飯唔會硬到咁，個個食完都覺得啲飯似未煮熟而且份量又少 完全唔值$100up!!!蒜蓉包$55得4小塊！好似橡筋咁！完全唔明點解蒜蓉包可以整到咁，睇相就知，咁大個盒得4舊仔仲收我$50咁上下。虎蝦意粉得兩隻細蝦好失望但有個黑松露帶子意粉係唔錯，但咁多樣野食得一樣係ok😢呢個價錢好多選擇，唔值得簡呢間。食物質素同價錢完全不成正比。總結，以後唔會再食呢間。

三百幾蚊叫外賣，嗌咗個西冷牛扒，佢俾咗一舊唔知乜嘢嘅牛扒我，我要5成佢比十成我！跟住再叫黑松露飯，個飯係唔熟㗎 ！你做唔到生意你唔好做吖嘛！簡直就係垃圾之中嘅垃圾！真係覺得好過分，未試過見到有一間餐廳係咁樣做嘢，真係唔會再有下次，你做foodpanda如果你已經last order，你可以唔接個生意來做，你唔好接咗來做之後你咁樣呀嘛，你咁樣同玩人哋有咩分別姐！簡直就係痴線！🔥🔥🔥🔥🔥🔥🔥🔥🔥🔥