Interval (The LOHAS康城) (Closed)

晚市外賣Pizza，即叫即做；pizza係薄批，拎返屋企pizza邊仲係脆；pizza味道好平衡，有墨汁香又有少少辣開胃，大蝦食落爽口應該算新鮮。結論：好好食，好食過坊間連鎖pizza鋪好多，連呀媽平時麻麻pizza都話好食

繼續探索商場食肆，今次輪到試吓呢間西餐廳。假日關係，沒有set lunch, 只有a la carte menu。今日食咗個好豐富嘅早餐，所以只係簡單點左兩個輕食。餐廳環境唔錯，值得一提係佢有部份係戶外枱，天氣好嘅時候出去坐幾好feel，亦都適合有養寵物嘅朋友。話說我哋點左一個Egg Benedict, 一個牛油果多士。唔知係咪人多嘅關係，食完哂Egg Benedict飲埋杯嘢，個牛油果多士都係未到。好彩我哋兩個係share食，否則一個真係等到天荒地老先有得食，呢樣野真係有待改善。講返食物質素，Egg Benedict 味道都可以，可惜分量略為細咗少少，個蛋煮耐咗少少，做唔到平日蛋漿流出來效果。值得一讚配料煙肉同沙律菜都做得好，味道好夾。另一個鮮牛油果多士，牛油果配合火腿同酸種麵包，味道好豐富，賣相好靚。Mocha味道都可以，特別要讚下個拉花做得好靚，飲得特別開心。

經歷過近期落雨及寒冷天氣，今日中午難得天氣放晴重遇陽光，決定沿海旁從將軍澳南一直行去日出康城，然後去 Interval 下午茶 hea 下，對抗疫情已經兩年了，避免抗疫疲勞，必須要自我調節下生活先可😂Interval 門面亮麗簡潔，以白及淺灰色裝修為主，有戶外坐位，不過只供外賣用膠杯碟，個人不大喜歡咁樣飲咖啡食蛋糕，所以都係選擇室內坐算吧😃一個人點左一杯 Flat White 一件 Tiramisu ，兩個嘅質素都唔錯，特別係個 Tiramisu，好軟滑有 PICI 嘅口感，不過就細件左啲😅，一個人靜靜地邊飲邊食邊loop手機，好 relax 就 hea 左個半鐘，不錯的 coffee shop👍

本想行個大運🧧，行行下口渴☕，又想搵個地方坐下，經過商場見到呢間cafe環境唔錯，又有outdoor位（⭐⭐溫馨提示：如果坐outdoor,要當外賣⭐⭐），試試佢啲咖啡☕點了1 個$68下午茶set, 合供有3款，可惜賣晒，只有提拉米蘇🥧，我都覺得試試無防，主要都係想試下佢啲咖啡☕，手機落單📱，讚，我最愛❤️提拉米蘇賣相一般，似洗碗海棉🤣，食落口感軟綿綿，少少咖啡香味，唔錯單點了一杯鮮奶咖啡☕$38，有拉花，上菜快，咖啡豆都係standard, 加埋鮮奶，不過不失，咖啡杯沒有耳仔🍵，有啲似中國茶杯, 但攞咖啡有點唔方便⭐⭐跟餐咖啡份量同單點差頗多⭐⭐，約酒樓茶杯size, 如果口渴朋友敬請留意！ 一分錢一分貨，沒有免費午餐！

一直都想試下屋企樓下嘅Interval，今次終於試左佢嘅DINNER，選擇多而且食物質素令人驚喜！🥩  Grilled Black Angus Striploin私心特別推介 - 澳洲安格斯西冷扒煎得十分香口，而且有炭燒的味道肉質軟嫩，一啲都唔老而且肉味香濃 配菜烤焗蒜頭粒都超級好食🧄 簡單用鹽調味烤焗得又香又甜，用黎伴牛扒一流⁡🍤 Blue Shrimp Linguine 藍蝦意大利扁麵，扁意粉煮得很煙韌，藍蝦輕輕煎過後肉質彈牙，配上香濃的蝦汁，十分鮮味🍕Squid Ink Octopus Pizza 墨魚汁章魚伴鰹魚花薄餅上鋪滿鰹魚花及章魚粒，配上自家製的墨魚汁餅底，滿滿的蕃茄蓉濃濃的拉絲芝士Pizza餅底厚度適中，而且烤得好香，邊位仲好鬆化又唔會過硬🍰 Basque Burnt Cheesecake 巴斯克式芝士蛋糕外表焦香，入口creamy，芝士味濃郁雖然已經好飽，但因為太好食，最後都食哂了🍵 Pistachio Latte第一次飲開心果latte，入口順滑，而且有好香濃的開心果味裏面仲有啲開心果果仁碎粒，飲落口感十足

🎄聖誕前夕帶埋囡囡同公公食聖誕大餐🍽️🍴，因為前幾日搞左個聖誕party，公公要照顧太公所以冇嚟到，今晚補番數。❤️同公公去咗附近the Lohas行街，晚餐就去咗4樓💕interval食西餐。我哋一行三人叫咗個二人餐，再加多個 main course，非常豐富😍😋 🥤飲品：冷泡烏龍茶 清新解渴，茶味清香，啱曬公公飲。海鹽朱古力香濃美味，入口幼滑。薑汁黑糖桂花燕麥奶 見到配搭幾新鮮，所以就點咗。薑味適中唔會太辣，暖笠笠嘅熱飲啱冬天。⭐二人餐包兩客羽衣甘藍沙律及兩客餐湯， 一個湯揀咗是日餐湯嘅薯仔煙肉湯，另一個升級做龍蝦湯。👍😋主菜：帕爾馬火腿薄餅芝士溶化拉絲，味道香濃，配搭火腿鹹香及脆卜卜嘅餅底，好高質💜😍🥩烤澳洲M5和牛肉眼扒 和牛肉眼好肥美，肉質帶粉紅色，好嫩滑。🥘龍蝦汁燴意大利飯配藍蝦 意大利飯彈牙，龍蝦汁香濃。🍝意式肉醬意粉面頭鋪滿芝士，番茄肉醬濃郁美味👍🍨甜品：Tiramisu幾大件， 鍾意佢濃郁咖啡味帶淡淡酒香。檸檬撻 非常清新，檸檬嘅酸味好開胃。巴斯克式蛋糕芝士蛋糕芝士鹹香細滑，有流心效果。今晚呢餐真系滿足難忘，我地3個都好滿意💯

之前試過Interval既咖啡幾唔錯，最近入黎搵frd食野。發現佢地晚市多左好多選擇，所以一於試下佢😛⁡《Grilled Black Angus Striploin $248》澳洲黑安格斯西冷扒，肉質軟嫩，肉味濃郁，以少許鹽簡單調味，再加上烤蔬菜已經好好食！不過最令我驚喜既係嗰個烤焗蒜頭🧄🤩將整個蒜頭塗滿橄欖油和海鹽再攞去焗，散發出濃郁的蒜香，而且口感十分軟糯🤤，連埋烤肉汁一齊食同牛扒好夾！⁡《Blue Shrimp Linguine $168》藍蝦配意大利扁麵，用上鮮茄蝦湯做Pasta醬，配搭清新的羅勒，相比其他蝦類，藍蝦更鮮甜爽口，連埋濃郁的蝦醬汁，感覺將蝦味Double Up！平時中意食Shrimp Pasta既人，呢個一定唔會令你失望！⁡《Squid Ink Octopus Pizza $168》墨魚汁章魚伴鰹魚花薄餅，用上Sourdough做Pizza餅底，有炭香之餘做到口感軟熟帶有嚼勁～今次一反傳統叫左墨魚汁番茄醬Pizza，淡淡的咸香配搭微酸的番茄醬，再鋪上軟綿綿的Mozzarella Cheese、章魚粒同鰹魚花，有少少似食緊墨魚汁章魚燒，幾有新鮮感。⁡《Basque

行完街就梗係要搵嘢食，去到4樓見到依間西餐廳裝修簡約但係好有品味，仲有outdoor area，就入去試吓。🍕墨魚汁章魚拌鰹魚花薄餅非常有動感😆因為熱力令鰹魚花不停擺動。薄餅邊唔會過厚而且烤得好香脆，章魚粒夠軟唔會韌，仲有満滿嘅芝士，拎起嘅時候勁拉絲😍🍚龍蝦汁燴意大利飯配藍蝦真係好好味😋每一粒意大利飯都被香濃嘅龍蝦汁包裹住，真係啖啖鮮味。大大隻藍蝦肉質爽口彈牙而且鹹鮮味十足🤤🥩澳洲安格斯西冷扒肉質軟熟又多汁，牛肉味香濃又唔會臊。不得不提係配菜烤蒜頭🧄粒粒都係糖心，超好味🤩我點左杯熱Flat White，店家選用高質嘅埃塞俄比亞咖啡豆，豆味香濃順滑又唔酸☕️朋友就點左杯”Pink”，初初仲以為係普通嘅粉紅Lemonade, 點知原來係用咗洛神花，飲落酸酸甜甜好開胃🥤最後食埋甜品～巴斯克式芝士蛋糕🍰口感非常creamy順滑，每一啖都食到濃濃嘅芝士味🧀真係如Menu上面所寫嘅Nothing More, Nothing Less‼️呢間餐廳絕對有下次‼️下次嚟嘅話要喺日間坐喺outdoor享受下陽光嘆吓 😌

約了好耐冇見嘅老友食飯 ，要搵番間好食😋同坐得舒服嘅地方！佢提議黎呢間#Interval, 我當然ok 啦😙。餐廳裝修帶優閒感，開揚且燈光明亮，坐位闊落坐得都好舒服🥰，尚有Bar 位同室外坐位可供選擇，室外空氣清爽。Blue Shrimp Linguine,藍蝦🍤扁意粉，蝦輕煎了咬落柔軟又彈牙，醬汁是鮮茄蝦湯配鮮羅勒很鮮味，意粉煙韌又掛汁，很不錯啊😌。Charcoal Grilled M3 Wagyu Beef Tenderloin, 火候控制得剛剛好，表面煎得香口，呈淺紅色的肉肉，令人好開胃，牛味濃郁肉質柔軟，帶有些少根位增加口感。 Charcoal Black Sesame Latte,拉花細緻精美，芝麻是餐廳自己磨制的，故好濃郁可口，又唔會過甜，非常之好飲的Latte。係夜晚唔想飲咖啡嘅另一選擇。Basque Burnt Cheesecake，入口細滑帶點濕潤感，芝士味香濃, order個時都怕太多食唔晒，但我地一啖接一啖，很快便清左碟，好味呀😙。店員都很親切有禮，而上菜時個碟是微暖的，很貼心啊😙。

𝕀𝕟𝕥𝕖𝕣𝕧𝕒𝕝Pizza Margarita with Parma ham ($138)Caesar salad($128)Spaghettini carbonara ($128)Pizza sourdough 餅底算做得唔錯，薄得黎有少少煙韌口感，加左$15有多幾塊parma ham 又算係幾抵👀味道口感都多左啲層次😌Carbonara 嘅豬面頰咸肉味太濃，稍為蓋過左芝士嘅香至於Caesar salad真心失望，只係將沙律菜沾滿沙律醬，講唔上好新鮮，雖然有溫泉蛋加番啲分，但呢個價錢未免有點overpriced 了🙈

this restaurant opened a year ago but I had tried the tea set ( toast and coffee $100) last time. Today I pass by it and see the notice board shows up $78 special lunch for red shrimp risotto including coffee. wowoow......i should try their lunch at this special price.   I ordered lunch special + dirty (added $4)Dirty is quite good! The portion is quite small.  This size is fit for female but I don't think male feels enough for this portion. 

告知侍應生熱朱古力來時已變暖，他竟然話怕燙傷顧客的咀，專登的！我唯有叫佢在menu注明<暖>而不是熱！成40元1杯但份量似espresso. 酸種面包100元1個亦比其他店舖貴，但不是更出色。

Starbucks咖啡唔係好。但想揾咖啡店座下傾下計見佢都係咖啡店所以簡左呢度。首先，三個floor staff係門口位。但無一個望住門口。企成3分鐘都無人安排入座。但其實個三個人只係吹緊水。點decof,無，silkmilk，無。最爆係杯咖啡黎，係無碟，無匙，都無糖。枱面係得食意粉嘅匙，即湯匙？？？floorstaff 係就咁兩隻手指吊住杯邊拿杯咖啡黎。佢又熱又唔方便，對客係唔衛生，因為佢手指就係掂杯邊，個個就係你要飲嘢落口個位。本人住過澳洲英國意大利。從未去過一間咖啡店係咁serve啲客。如果咁樣唸住自己係創新另類，咁係好失敗。即頭不文不類。

趁住放假，去左將軍澳康城行下行到差唔多就入去呢間餐廳諗住食小小野一坐低侍應話PIZZA SOLD OUT如果下次想食，可以預約既時候請餐廳留起我見又唔太肚餓就簡單叫左一件Tiramisù 加一杯熱朱古力首先講下件Tiramisù 好滑唔會太甜，咖啡酒份量岩岩好，唔會太濃真係幾唔錯而杯熱朱古力就一般冇咩特別整體黎講平日想安靜食個Lunch/Tea/Dinner 可以考慮呢間

經開都想試試左之後就無下次餐廳design都幾upbeat, modern 但係野食飲品選擇好少尤其係服務真係不敢恭維連男經理都係好有進步空間Outdoor area屬係公眾地方，唔需要係interval 買嘢飲野食先可以出入電話嗌完野 呼喝你自己拎excuse me 10% service charge for self pickup? 😙總結: 唔suggest大家幫襯此分店，cyberport, sheung wan common ground d staff正常好多，唔洗本身想chill 但係去康城分店就差過係屋企飲capsule