愛爾蘭瘋薯 (Closed)

原本賣$25-30 一客的薯條現只售十元!雖然份量大小,口味選擇都隨著這個優惠價而調整.但是,這個價錢份量足以滿足一些口癢癢的食友了記得早前,我與很多人一樣 都聞風而至,開業不久便不惜排隊很久,用$30 買了一碗 芝士薯條!!!薯條帶著薯皮,是原隻薯仔切成的,然後炸得甘香脆口! 內裡軟軟的~薯味十足!在佈天蓋地的芝士下,整個薯條無論在味覺視覺臭覺上都給我很大的滿足感喔!芝味甚濃,將整個暮條吃光了 都仍然剩下大量芝士在底..WOW. 份量驚人呀!!而最近的蜂密芥末暮條.想不到蜂密 和 芥末的味道咁夾!!芥末的香辣味加上清甜的蜂密味. 合併出全新的香味!雖然價錢平了很多.份量亦減少了.那個醬汁都夠食哂整個暮條! 希望 瘋薯能勝出這場薯條減價戰!!

阿妹話想食,所以買番屋企比佢做宵夜要左x蒜醬,超咸,但好脆口加埋芥末同茄汁簡直一流隔左幾日買左隻酸忌廉都唔錯,但係好滯,唔太啱我食食過隔離個間,一比較下,呢邊真係略勝一籌1.薯條脆口2.醬汁好味3.凍左都唔會一pat pat以後都會幫襯佢btw~熟食店外賣要加$0.5膠袋錢真係

吃過好多次瘋薯了，前陣子因為它的卡路里而卻步（一杯有上千卡）其實自己也不算太喜歡吃，之前都係陪人食居多這晚別飯後行過，見到瘋薯大減價！由$28大減至$10！咁抵，自己又口痕，好難唔食！食餅雞旦仔都要$11啦！今次又係叫左特調酸忌廉原來減左價，份量也齊齊減少！不過我都係過下口癮，少d反而更合女仔心意薯條熱辣辣，但比之前遜色了，多了油，無之前咁脆因為特價，所以只可以選一款醬單單配特調酸忌廉好滯，加少少茄醬會較開胃，當然加埋蜜糖芥末就仲正！走時見到隔離新開的炸薯條，也是$10！面對位置更方便的競爭對手，瘋薯唔減價，就真係好難捱得住

上次去過佢間分店食過好失望今次見到10蚊 就諗住試下叫左個蜜糖芥末再次抱著期望去吃, 怎料失望而回薯條好硬, 麥記仲好食過佢醬汁...一pat pat..好怪好難食...唔會再有下次!!!

今次係我第二次食瘋薯，店員無介紹錯，蜂蜜介末瘋薯好creamy，甘甘地嘅介末令本來已經外脆內軟既薯條更甘香！ 今次仲平到$10有交易，雖然份量相對減少，但係我就好喜歡呢個改變，可以試多幾款嘛！ 想當初要卅幾蚊先有交易，依家旁邊已有類似店舖嚮旁邊頂爛市，競爭所及Ireland's Potato亦執左幾間，非改革不可，又再一次証明有競爭先有進步！

昨晚同男友去壽司, 點知食唔飽. 行行下街, 見到呢一間賣 "薯條", 而家做緊 promotion. 男友立即話試喇... 我地叫咗一個 "特制肉醬汁薯條" $10一個細...好好味... 另加 $8 就有一杯 "特濃古古力" 好飲 男友再食一個 "瘋味魚狗" $12 又係好味. 都加了 $8 要了一杯 "熱情果", 雖然碌了少許. 不過都 ok.

呢間野之前吃過1次魚柳餐其實都幾抵$30有魚柳,薯條,肉醬薯容,沙律,飲品抵過&好吃過好多快餐店但耐何無位坐,捧住企係度吃都幾麻煩今日經過,見做緊$10客薯條,見未吃野,就買左兩客啦其實原價係$20,見個勢似係比隔離鋪搶生意先減價隔離鋪都有1樣款既薯條,熱狗賣,仲要劈價所有野吃,野飲一律$10噤既勢唔減價真係無得做....(原價$20買幾條薯條算係貴左D)叫左蜂蜜介末 同 肉醬味 薯條蜂蜜介末味道特別D ,但好似蜂蜜味太多,蓋左介末味肉醬味無乜特別,都係普通肉醬噤主要都係D 薯條粗D,吃落有口感突然間賣$10就即刻多返好多人買$10真係合理d, 我本身都識得呢D食品批發既 成本幾多,賣幾多先可以賺返賣$20個數,我都大約可以計算到如果KEEP得住呢D人流其實係更加好賺多好多捧場客(我會係其一)以前呢間野排曬長龍買,依家隊都唔洗排香港人既口味係轉得快依家賣$10,第日賣耐左又無人買既話就真係等摺埋所以段估佢遲D都會加返價遲D如果變返$20既話應該唔會吃呢個吃魚柳餐仲好,都有薯條,野吃又多幾款(鐘意吃魚柳多過薯條)未吃過呢度D薯條,真係要趁減價買$10試下

之前瘋薯熱潮時，與好友在銅鑼灣店試了酸忌廉薯條，感覺很像漿糊，沒有酸忌廉味，決定不會再試。今次與BF路過旺角店，他說未吃過，那就再試一次，看看會不會有改進。這次要了芝士醬汁，等了很久，但當時只有幾個客，staff並不忙，在搖頭聽歌，都不知在幹什麼，這種工作速度，人多時肯定死得！但估計這間店都不會人多了！終於來了，份量好像比之前少，以這個價值來買薯條，很不值！芝士醬很多，但吃到一半已凝固，我和BF都不敢把這塊N個卡路里的芝士吞下，吃到底時就掉了！吃完後覺得很肥膩和熱氣，下次一定不會再吃！但熱狗類可以考慮！難怪很多分店都做不住，而且要加賣其他小食，除非超鍾意薯條和芝士，又不怕肥，否則試一次都夠了！

食完阿媽靚湯米線，實在太清淡，想食煎炸熱氣野平衡番，在旺角大把選擇，先去肥姐食串豬心豬腎，再買杯瘋薯滿足一下！曾經瘋摩一時的愛爾蘭瘋薯，今時今日已經無復當年勇，唔使再響街頭排大隊，十分方便，但相比起隔壁的一眾人氣台茶店，場面真係冷清得多。要了特價的法國芥蜜醬口味 ($20)，即叫即炸，不一會就拿到手。在窄巷內吃新鮮熱辣的薯條，瘋味十足，實心薯條炸得夠脆口，是這裡的信心保証，但醬汁味道調較得不太均勻，差不多全是蜜糖的甜，芥末只集中在某個位置，那份刺激感做得不夠徹底，仍有改善空間。瘋薯曾有過一剎那的光輝，那時候人人抱著羊群心態瘋狂的買，供不應求下，其出品的素質也變得十分飄忽。我樂見它回歸平淡，不用再費時排隊，又可以食到它的真正味道，廿蚊雞食得過！

上次在葵芳第一次吃愛爾蘭瘋薯感覺欠佳，今次來到旺角，見人不太多，就俾多次機會佢，睇下今次會唔會好食d。呢次試的不再是薯條，而係一樣比較新的出品「英式瘋炸魚柳條配特調酸忌廉」，加多杯汽水，都係$25啫。因為呢度地方狹窄，又沒有座位，要站著拿來吃不太方便，幸好旁邊賣章魚小丸子的舖頭外面有些地方可以讓人把食物放在上面，不過拍起照來，就見到放魚柳條的地方有章魚小丸子的字在上面了。哈哈！話說回來，這次的炸魚柳條雖然還是和上次在葵芳一樣是用酸忌廉來做調味醬汁的，不過這次的感覺比較好，沒有那麼濃稠，而且那些炸魚柳條是即炸的，當然是熱騰騰，外脆內軟的啦，不過魚味就欠奉了。雖然這次吃的炸魚柳條未算得上是很好吃，不過總比上次好味道，就給它合格吧！

星期日擺咗個烏龍，所以响旺日無啦啦走咗出旺角，咁既然去到旺角無理由唔去愛爾蘭瘋薯整番隻熱狗架！ 雖然我們四人都極飽，但係都不忘買番 3隻熱狗回家！點知返到屋企唔夠ㄧ個鐘我哋三個就消化咗兩隻半熱狗啦，大家都仲未夠喉添！唉…早知就買 4隻大狗啦…嗚嗚嗚…我只係買咗$9 嘅細狗咋！（都唔夠攝牙啦！）仲要無得簡我最鐘意嘅芝士腸添！嗚嗚嗚…不過好彩條不知名嘅腸都好好味＋埋酸瓜醬，哇！好好味ㄚ！無論如何我下次ㄧ定要買 2 隻大狗！哼…我好想食ㄚ…（遙遠的牠） 我最鐘意係佢哋嘅熱狗係芝士腸加蜜糖介辣（$20隻），佢哋嘅熱狗腸都幾大條嫁，個飽又軟硬適中，所以整體嚟講都好好味！（我們覺得）由于，老公唔鐘意食芝士腸，佢嫌漏喎！所以我咪 order 咗個煙肉腸加酸瓜醬比佢囉！依！但係都幾好味喎！佢呀（我老公）！連响超市買嘅極品車打芝士腸都話漏，仲食到打晒冷震添！哇！我同阿仔就話不知幾正！（減價都要買成 $49.9 包嫁） 不過，我試過佢哋嘅焗薯皮，味道都係ㄧ般啫，始終覺得個香味‘踭’D，但係佢都係好過我上

今日經過登打士街，見到愛爾蘭瘋薯唔係好多人...就買左佢既「車打芝士通心薯角」...之前見到佢係雜誌賣廣告已經想試，佢既介紹好吸引而且有我最愛~cheese等左5分鐘左右，份量算ok即叫即炸所以好熱，但係個面都算油...味道不過不失、入面通心粉份量ok、美中不足係唔夠芝士...薯條會再幫襯通心薯角就免啦!!!因為太肚餓...無影到相 >.<

上年每次行經登打士街,都會見到勁多人排隊,多到嚇壞你,所以都未試過不過現在少左好多人,,今日行經登打士街,難得瘋薯冇人排隊,就決定一試,由於人不多不用等太久就有得食la,order了以下幾樣1芝士十肉醬瘋薯單叫一種汁要$28太貴la,2種汁就$33,價錢可以接受,味道是不錯的薯條粗幼適中,不會太油,但為何肉醬冇肉？2酸忌廉薯條,賣相不錯的,最鐘意是食落口的口感,感覺好涼爽,熱熱的薯條配上冷的酸忌廉,最鐘意食哩種食後感：覺得好肉痛,價錢太貴la,和希望有座位坐,食得舒服點嘛！

瘋薯登陸左香港咁耐，一直都無緣一試。一直都覺得 ”好炸"，食完一定生痱滋!終於，日前想食薯條既時候就買杯黎食，送埋我杯珍珠奶茶。招牌芝士 + 酸忌廉 ($33)薯條厚切長身，新鮮即製。雖然係新鮮炸，但係一D油都冇架! 同M記差好遠!食落都冇油唧出，亦沒有油膩感，真係好神奇! 由於唔似炸, 其實好似食薯蓉咁，而且冇M記的薯條有落slat調味，所以薯味好突出。:招牌芝士係將溶左的車打芝士淋係面頭，好橙! 不過唔會好咸，我好鐘意!食食下凍左少少仲可以拉下D芝士，好正! 芝士的份量亦足夠。 酸忌廉係凍既，一冷一熱幾好free 味道唔係好酸，反而似cream cheese。如果酸D會仲好!幾清新，mix埋芝士一濃一淡好得意。份量都唔少架，底下可以食到啖啖 酸忌廉厚來一杯瘋薯都唔係好多，兩個頭share又或者一人做lunch就最好啦我覺得物有所值，因為係食到直眞正的薯條! 而且fiilling唔係求求其其，我寧願貴D都要食好D!

應該係新一年第一餐肥膩野!$29.9幾得喎,$33芝士mix肉醫似乎貴左少少!原來佢地有個磅,磅下每碗薯條分量,唔怪得賺到錢!個沙律好fresh,食薯條有D菜,加上開胃,唔錯!魚柳即叫即整,炸個下真係好大聲,所以食起來熱呼呼的,十分香脆!加上有杯汽水,小弟覺得係瘋薯店超值之選!