伊呂波燒肉 (Moved) New Location

慶祝同事升職， 我們便選擇了這裡的午餐。平均每個午餐百多元，價格比晚餐相宜，值得一試!我們一行三人也點了$110的伊呂波午餐，感覺這個最抵食。有幾片刺身，牛舌沙律，西蘭花，泡菜，天婦羅，蒸蛋，燒肉(牛或豬)，雪糕或餐飲。刺身正常，不會太薄。蒸蛋很滑，天婦羅的皮很薄。基本上食過前菜也有點飽。燒肉我們選了豬和牛， 豬肉的肥肉燒完之後很香口。牛肉雖然不是和牛，但也很林，肥瘦適。以這個價錢可以食到這個質數的食物，真的很不錯。但晚市會貴很多，我個人覺得午市較抵食!但原來要了餐飲便沒有雪糕，我們不知道的情況下全部點了餐飲。這樣式的裝潢，環境很舒服，也不會有很大的油煙味。值得再去!

很美味的午餐，個餐本身有牛肉同豚肉，但我點全牛，另有珍珠飯，沙律，湯，泡菜，甜品。牛肉很有牛味，很林很滑完全沒有半點渣。點醬汁更美味。牛肉份量合格不會少。真係物有所值，很有日本氣質 個餐很別絰，每樣都有d。比想像中好，會再黎

食過伊呂波午餐，想試晚餐好耐。今日決心同女朋友試，金牛就飛走了。侍應安排我地坐係大廳中間的榻榻米座位, 位就非常寬敞, 坐得很舒服，但要除鞋先坐得，個人覺得比較麻煩。。。點左個海鮮併盤$4xx，份量少到喊, 完全是一人份量， 蝦十分生猛新鮮，上檯時腳還在動，都算幾大隻，還有膏，可惜得一隻，燒三文魚則很多油份，好滑溜，幾特別。燒牛舌厚身爽口彈牙，值得推介。重頭戲是和牛，油花分佈平均，入囗即溶，回味無窮，真的不得了。可惜索價太貴，不值，無下次。 

同朋友2個人去食，裝修好靚，好有日本feel。坐位是榻榻米。9時多入場有不少客人。沒有油煙味。叫左，巨峰梳打：味道夠濃，好好味厚切牛舌，燒完半生熟食，味道幾好海解拼盤，海鮮種類算多的了。材料算新鮮，很是鮮味，沒有調味料，完全原味。但是多為刺身材料，不是有太大的驚喜。分量也太少。和牛肉眼幾好味，很滑，肉味一般。豬腩肉片，薄薄一片，不鞋口，也不爽口。。。值得一提的是豉油不咸的，醋也是不酸的。。。。。。服務員落單也有漏單。總結：食物ok，但價錢超貴。2人一杯飲品＄1360。完全物非所值。

星期日～今日和妹妹一聚。上個月去完日本吃和牛後！一直想吃燒肉，所以挑選了幾間應該不錯的，名家。牛角。和宴。伊呂波。 最後，我們做了錯誤的選擇—伊呂波不明白，那麼多的好評從那裡來。 1。餐廳裝修～一看是不錯的，餐廳面積一有點細。沒辦法，香港串金尺土。而餐牌有點黏黏的。。我坐中央的tatami～燒爐開火關火的位置就在我腳附近，一餐40分鐘的飯，員工已經叫我讓開5次（2次是開關我用的爐）。為什麼火爐開關要在腳邊而且是客人坐的位置？！2。食物～肥比叫了個和牛燒肉150元 ，妹妹就叫伊呂波定燒肉110元。和牛燒肉，很差，很硬，我燒到5成熟，卻是很硬，你確定這是和牛？和我在日本吃的相差太大，我明白150元的和牛午餐不應抱太大期望，但那質素也太普通！配菜極少，幾條芽菜，1塊泡菜，幾條菠菜，味道一般。妹妹的伊呂波燒肉，沒有加大，只有數件肉，但有天婦郎，牛舌沙律刺，$110，是抵食的！刺生都新鮮！差不多吃完的時候覺得不飽想加牛舌，但最後決定把45元的牛舌費用留給下一個地方吃燒肉好了。3。服務～肥比明白！這個不算是高級的餐廳。但員工的服務態度不太好！後上的天婦郎是被員工一聲不嚮的掉在枱上。到燒肉燒完配菜還

第一次來到伊呂波，點左2個餐， 試試''和牛海鮮合盛''。和牛海鮮合盛: 拼盤有牛肩，菜沙律，牛胃，牛小腸豆腐粉絲石頭窩， 海鮮薄餅及虎蝦。套餐包括泡菜，沙律，大蝦2隻，煎餅一份，豬肉，牛舌，牛肉，雞肉，價錢都算經濟。牛肉肉色鮮紅，肉質新鮮，醬汁醃得很惹味。牛舌爽口值得推介。牛脊脂肪分佈平均，充滿油香，好軟滑。海鮮分量少，味道一般。煎餅味道一般。 

日本回港都無一個月，好想食日本野，睇食評呢間好似吳錯，就你啦聽聞午餐平好多，咁就揀星期日同老公去食午餐啦一去到門口，嘩 好日本feel呀連放喺門口d報紙雜誌都係日本架，令我好似仲喺日本咁因為我地無訂位，所以要等位，大約10mins，好快有，但入面好full ga..booking最好今次叫左個伊呂波套餐要牛肉，和牛套餐，加多碟牛舌 伊呂波套餐，有牛舌沙律：西蘭花：茶碗蒸，超滑：天婦羅，粉唔會過多：魚生，新鮮：miso湯：白飯：大約記得係咁多，最重要係牛肉，雖然係午餐，但牛肉一d都吳差，我喺香港食過最接近日本質素，牛肉我們加左30蚊加大份量。 和牛套餐，配菜少d..天婦羅，牛舌沙律，西蘭花呢個套餐係無嘅。和牛油脂比例均勻，食入囗未去到即溶有少少咬囗，呢種我至中意 牛舌，有6塊，超正 燒完千其吳好點醬汁，會無咁好味。我地係吱檸檬汁上塊牛舌度，嘩，成塊牛舌牛味變重左，超正！ 有雪糕做甜品架總結，呢間無論裝修，食物，服務都令我好似置身於日本，午餐呢個價錢真係好超值，推介！！！！

這陣子想食燒肉，心中念念不忘純和牛/伊呂波。最後，男朋友預約了伊呂波星期日的一點 (星期日還是有Lunch set)來個"Quick Lunch"。記得上一次遲了10分鐘去，他們沒有幫我留檯，要另外再等20-30分鐘，所以今日早上上完堂便立即「飛」去尖沙咀，幸好還趕得及。今次點了:   伊呂波套餐($110 + 10%)- 有前菜，蒸蛋，牛舌沙律，刺身，天婦羅，燒肉一碟(豬)，飯，麵豉湯，甜品(Tofu 雪糕) 和牛套餐($150 + 10%)- 有前菜，蒸蛋，刺身，飯，燒肉一碟(和牛)，麵豉湯，甜品（tofu 雪糕）伊呂波套餐點了豬肉，但個人覺得雞肉好食點，豬肉瘦了點 而牛的質素與價格都成正比，份量適中。其他都soso，值得一提的是，蒸蛋很滑！問了男朋友要不要「加大」(+$30)，但他表示要少食多滋味，明明就是自己的肚腩太大，裝什麼哈哈！不過我看很多人都有「加大」份燒肉，亦有三個人叫兩個餐，然後「加大」(好像有點八卦，但真的會留意一下別人都在食些什麼)！好吧，總括而言這個Lunch set 是抵食的，值得我由沙田跑出來尖沙咀！食飽飽行一行Tomlee，又是時候趕回去上堂了。

很少和他來尖咀搵食, 原因是難泊車, 今晚突然想食日本燒肉, 特地要他陪我來嚐一嚐。燒肉來說, 我喜歡的有盛八, 價錢不貴而且味道好。韓國錦城的水準好像比以前差了。和宴都好, 價錢就貴多一點點。星期五的晚上, 到處都是人, 好彩來到有位, 以前試過銅鑼灣的伊呂波, 尖咀的還是頭一趟。入到來環境就是有種舊舊的感覺, 可能已經開業多年吧。來到座位要除鞋, 就是一般日本燒肉店的, 但可以選擇的話, 我倆都會選擇到不用除鞋的店 (我倆是一對懶人!! )點了我喜歡的牛肋骨和他必點的牛舌, 就是喜歡肉上滿滿的蒜蓉碎, 香香的。 肉味都達標準。他也點了三文魚生, 他的最愛, 但味道一般, 始終不是魚生店吧!還有我必吃的牛肉辣湯, 辣味恰到好處, 不錯。坐近後門的我們間中聞到陣陣的煙味, 是員工在後門食煙嗎? 影響了我們的食慾。員工也在我們用餐時用噴霧式洗潔液噴洗隔鄰客人已離座的位置, 與我們的食物相距差不到半尺, 而那時大約晚上十時多, 有這樣迫切的需要在客人用膳時清潔嗎? 

even we reserved table a week ago, we still need to wait for a short period of timethe waiters are not quite helpful  maybe they are really really busy...they wont  explain too much about the menu....we finally order a beef set (they hv different price level, we chose the middle one)好香牛肉味，好juicy， 尤其係牛舌，好爽口！個賣相唔錯肥瘦肉分佈幾均勻。至於啲肉質係唔係鞋...都要靠自己cooking skills好唔好我唔會煮到well done! 牛始終太熟就會影響個肉質...我要特別提嗰個魚生刺身, 真係超級新鮮！D肉係好爽而且個廚師刀工十分之好!! 肉與肉之間連少少血絲都冇，而且都冇切到魚骨所以個賣相真係好好啊！色香味俱全！

聖誕節放下晝,放工之後同同事黎食餐好既慶祝其實都係第一次黎食,因為都好貴,以前都唔捨得食,今次都係食lunch set試下和牛牛排肉定食 (厚過上等牛排肉少少, 嫩滑, 肉味濃香), 上等牛排肉 (薄薄的一塊, 唔可以燒咁耐, 唔係會比較乾同韌), 牛肋條 (唔知點解變左牛肋圓粒, 肉質都幾腍)厚切胸外膜 (柚子胡椒) Outside Skirt lunch set (唔知係咩部位, 個侍應遲疑亂講係咩橫隔膜附近都唔知信唔信好; 肉味濃, 食落好似牛柳咁腍滑, 塗埋d柚子幾新奇; 刺身無期望, 亦符合預期,少少硬咁; 麵豉湯味道不俗; 日本米涼涼的無乜特別好食, 不過混著美味牛肉肉汁都添了一碗) 熟習左先控制到由五六成到七八成熟, 雖然真係比普通燒肉好食, 但都唔係好食得出不同部位同種類之間既分別, 可能真係要食貴價類個d先有睇頭, 暫時都係o係神戶食牛個次既感覺先夠刻骨銘心食下傾下到人地落場先最後一台走,好滿足

今日朋友約下午LUNCH 立馬提意去食度間既LUNCH SET無BOOK位 上到去 等左15-30 MINS 傾下計 好快就入得格局十分日本FEELING 除鞋就入去坐墊~點了1個燒肉SET + 1個和牛拼盤SET + 1個牛舌 2杯巨峰乳酸，落完單好快就上菜，哇 好豐富AR~ 每SET都有面豉湯、前菜 (泡菜)、蒸蛋、沙律、西蘭花、白飯1碗。我地全部都清哂，值得一提既系個蒸蛋真系好滑，有肉粒同蟹柳架。牛肉好多AR 唔會將價就貨，好好味 燒耐左都仲好JUICY，豐富的一餐。

1個人下午喺尖沙咀做完野....見做野做得辛苦就當然要獎勵下自己 食好野....伊呂波實際上我就食過幾次 1次喺晚市 2次喺lunch....食既野 款式喺差唔多 不過lunch 喺足足平咗3分2...我叫咗1個set(百幾$), 包括 1碟牛肉(可以選雞 and 可以加錢加大分肉)..不過我就無加 但我加咗牛舌.....都喺40幾(比夜晚平好多)....個set 有飯, miso soup 1個茶碗蒸, 漬物 ,salad, sashimi 同埋 天婦羅 分量喺好夠 唔會又貴又唔飽肉喺非常新鮮 油脂平均 唔韌 亦唔會話太膩 送飯 very nice~~~~牛舌爽口 唔會太厚 or 太薄..... sashimi 就差少少 食得出果日gei tuna 唔喺好fresh~~ miso soup就夠熱 同埋唔淡味, 好多日本料理 都做到面豉湯好淡同好凍.......lee 到gei 湯就ok~~好暖胃~~tempura armarm 炸出來唔會太油同好熱gei!! 個salad 喺牛舌沙律....值得1讚喺非常之有誠意 牛舌分量唔少 唔會好似出面日本料理lunch 定食 d salad 喺

見到openrice個食評咁高分~於是就提早book左枱去trytry 啦黎到係坐他他咪架...幾有日本feel...d野食幾新鮮...龍蝦上到枱都仲郁郁地....長腳蟹都幫我地剪開左大半先上枱..係幾方便嘅...佢有d和肉粒同埋和牛片..其實我牛唔會話食得好熟.6-7成都夠...幾有口感..但味道淡左少少...豬肉方面我地果碟肥膏比較多...好似人地d五花腩咁~haha~呢樣真係麻麻地另外有個燒芝士波..真係唔係好得..一擺落個爐..搽完野..其實都已經燒燶左..佢冇油俾客人加架...好易痴...唔係咁好...同埋有時燒緊肉...咁啱埋頭苦幹咁食野...有搶火情況..果下都幾危險..侍應有介紹我地食刺身..其實刺身個味道我覺得都幾普通..唔係話特別鮮..而且款式唔係多,但係幾片已經百幾蚊啦..

好朋友生日見食評都唔錯所以試下.去到樓下櫃枱已經一個職員都無,行到上樓企正係入面都只見職員好忙咁係面前行來行去仍然無人理,要叫先有人來帶位.之後安排坐係大廳塌塌米,環境都算幾有特色好有日本風味. 特上牛肉併盤-牛肉有筋,西冷牛的血水有點腥,牛舌口感爽爽地但味道個人覺得又唔係講到真係咁出色.而且入面無一種是能食到和牛入口即溶的感覺.整體味道只屬不過不失不及之前去過既和牛店.燒螺片-都算幾新鮮厚薄適中食落爽口,只是味道略為淡了一點.猪肉片-切成薄薄的已經調過味,所以燒完之後幾香口唔錯.海鮮鍋飯-成個飯係被蛋汁包住煮到淋晒完全無想過會係糊仔來,而入面只得一隻蝦同一隻斬開左兩邊既蟹腳之外就只得少少既微形蠔同元貝係度,食落口無海鮮味之餘還有點味精味.完全唔掂.環境係幾特別,但地方唔夠又要做塌塌米大廳,我朋友放在路邊的鞋經常被職員踢飛左去.而且永遠無人來加茶,每次都要叫先做.個爐燒到火紅都無人理,所以一下唔覺就會燒到過熟,但隻碟一吉佢又會見到仲好快手識得即刻同你收走個喎…最激氣係7點入坐食到7點50分已經走來問我可唔可以買左張單先,我一星期前book枱明明話比我食到8點半喎.咁都算喇,點知我一點頭