鐵牛台灣牛肉麵 (金巴利道) (Closed)

其實已經食過好多次鐵牛，價錢同味道嚟講，呢間餐廳都算唔錯。呢日行到尖沙咀有突然之間想食台灣野，又唔知食咩嘅時候就嚟翻呢度。今次帶咗逢甲鹽酥雞滷肉便當，鹽酥雞十分香脆，似係啱啱炸起，雞肉似係用咗雞胸肉，味道都唔錯。而同行嘅朋友就帶咗紅燒牛腩配黃金地瓜飯，牛腩炆得好淋，d汁撈飯又好味送飯。睇相都見到呢兩個飯嘅份量有幾多，所以我哋兩個最後都係食唔晒。另外仲嗌左一罐好耐冇飲過嘅蘋果梳打，回味一下台灣的味道。

今日突然好想食台灣野，記得上次經過金巴利道有間鐵牛，所以今日Happy Friday 就去咗同朋友食個lunch! 估唔到佢哋個lunch都幾抵食，我叫咗個炸豬扒飯，原來唔係跟白飯，係滷肉飯，炸漿不會太厚，豬扒肉質都唔錯，好正！仲有三款前菜添，加錢仲可以有杯珍珠奶茶，雖然依家暫時去唔到台灣住，黎食個台灣便當🍱頂住檔先！😄

 A great Sunday off with Mr. bao and just before setting off our shopping day for CNY, we treat ourselves Taiwanese cuisine for lunch. Lucky us - no need to queue up and managed to get a seat straight away. I ordered the Taiwanese beef tendon and brisket noodle soup and changed to rice vermicelli ( I love the rice vermicelliiiiiiiii !!!!) The beef noodles are nicely cooked and portion are just right for me!Mr. bao ordered the bento (but i found the appearance of hibiscus doesn't look as tempting

夜晚係尖沙咀想食台灣野，無意中見到美麗華旁邊有間要落地下層既鐵牛，裝修都好寬落，重點唔洗點等位。價錢以晚飯黎講好平，平均每個餐加埋飲品都唔洗一百仲有找。呢到其實牛肉麵應該係最出名，但我就試左燒雞腿排便當($62)，份量十分足料，就連伴菜都有3碟（生菜、蛋、芽菜)，雞扒好滑冇雪藏味夠大件🍗魯肉飯唔乾有濃濃肉汁味，用黎送飯一流！但份量對於一個女仔黎講真係有d多，我都食剩左D雞扒。⭐️不過留意返餐飲係唔包，要另外加錢。而且呢到係自助式，要出去自己落單（收八達通同現金)／拎水紙巾

其實鐵牛我已經食過好多次 自從小王牛肉麵水準下降咗之後 佢已經係完全取代咗我心目中香港台灣菜餐廳嘅位置😚因為每一次食整體食物都係中上 而且性價比高🙃不過哩間分店我都係第一次食🤓-✏️鮮蕃茄奮起湖燒雞腿新竹米粉 ($68)好足料啊係成個雞腿上嘅套餐🤩超級抵🤩好鍾意佢哩個番茄湯湯底係用鮮番茄🍅而唔係嗰啲好甜好假嘅茄膏 (至少我食落唔覺得係🤣)佢帶有新鮮番茄嘅酸味🍅而且新竹米粉完全索曬啲湯汁好好食!燒雞腿肉嘅肉質未去到超嫩滑 但係都好唔錯 而且啖啖都係肉 感覺好滿足🐣我覺得新竹米粉仲好食過佢本來配嘅麵 大家可以轉呢個米粉試下!!〰️✏️香滷滑牛筋 ($49)又係好抵食 份量超級多 每一條牛筋都係大大條 而且滷得好入味🐮佢係未去到質感超級軟稔 反而係保留咗一定嘅咬口 口感好好🤩個人覺得超好食啊〰️✏️涼拌小黃瓜 ($29)我以為小黃瓜係切片上 點知原來佢係一條條上嘅🥒涼拌汁酸酸甜甜好開胃 而且小黃瓜食落好爽口 作為前菜一流

今日中午來到鐵牛食lunch，午餐最平$46（家鄉滷肉便當），見佢平平地就叫左來試家鄉滷肉便當（$46）滷肉非常多，有肉碎亦有軟骨的肉塊，配上跟餐熱台式奶茶，滿滿台灣風味，抵食又好食加上3小盒特色前菜，有青豆、台灣菜和滷水蛋。如果想食好少少，可以加多少少錢叫雞扒便當/麵，價錢去到$58左右，我自己就覺得滷肉便當就好，加多份主菜就太多太貴了。要留意的是，入座後填好menu，要自己出去枱台付款，不同一般餐廳有店員幫你落單，比較特別。

今日喺假日，凍冰冰唔知食乜好，喺尖沙咀一路行，去到廣場附近見到呢間台灣舖就決定走入去試一試。今晚晚餐係兩個人食，望一望個餐牌，價錢都唔係好貴，所以就決定攞飛入去。一撳咗張飛，都唔使10秒就已經有位。店務員非常好，十分有禮貌。最後點左餐之後，大概5分鐘左右就已經有食物上枱。我地叫咗一碗牛肉麵，湯底非常之濃郁，牛肉亦鬆軟。湯底有些少藥材嘅味道，但係又唔會掩蓋左牛肉嘅香味。另外叫咗個雞髀扒肉燥飯，同埋一個小食拼盤。個肉燥飯嘅雞肉非常之香脆，肉燥飯加上三樣小菜，有種回到台灣嘅感覺，可以一試。但係個酥炸小食拼盤就有啲失準，好似炸得唔夠熱咁。雖然就唔油膩，味道亦都好似喺台灣食嘅小食，但係有得揀嘅話可以先選其他小食。

最近在尖沙咀逛的時候，經過了好幾次這間牛肉麵店，看一看評價也不錯，這天便去試試看。我們三個人，叫了不同的麵餐，可以試三個口味😬店內是自助櫃枱點餐付錢，之後就會有人送餐給你。招牌紅燒牛肉麵: 牛肉炖得好淋，面質Q彈，都很不錯，唯一湯底濃到偏鹹，連我這重口味的人也覺得受不了🤔蕃茄雞扒面: 蕃茄湯底非常濃郁，雞扒獨立分開上不錯👍🏻大腸肉燥面: 雖說是麻辣但也不會辣，挺開胃的小食 鹽酥雞香腸: 不過不失吧用餐環境是挺乾淨的，但這次有一隻蚊子🦟在我桌子附近，被咬了3口，我的血補得回來嗎😭😭

因為好鍾意食台灣野，已經食過鐵牛幾次，今次同朋友再黎食。叫左台灣腸鹽酥雞小食、炸雞套餐加檸檬冬瓜茶、豬耳大腸小食。台灣腸鹽酥雞小食，雞有啲凍，唔係幾新鮮。腸烤得唔夠熱，好一般。呢份雞都唔錯，汁係酸酸甜甜，幾關胃。而一個餐成3款配料小食都好抵食。（野飲要另外叫，差唔多2-30蚊一杯）豬耳大腸都馬馬地，唔夠爽口，大腸又唔係好夠味，兩樣食物都好一般。唔算抵食，又唔係好好食，得閒食下都ok，唔會特登走去食。

呢排心思思又掛住台式牛肉麵🤧🤧放工即刻搵下附近有咩推介先 ，解一解口癮😆😆近近地 就試下呢間係美麗華商場附近🏠鐵牛台灣牛肉麵地方都幾寬闊，座位充足，一啲都唔逼夾！📒個餐牌仲好鬼馬得意😂😂💁🏻‍♀️紅燒牛筋腩乾拌麵有酸菜 同青瓜絲 ，增加爽脆口感👍🏼👍🏼啲牛筋十分大條，食一啖就填滿成個嘴巴😋😋💁🏻‍♀️紅燒牛筋肉麵朋友就食番傳統嘅呢款，有湯汁嘅味道不過不失值得一提，呢間店俾嘅肉十分重量級😳😳食極都仲有😂😂💁🏻‍♀️百香果QQ冰茶🥤底料有椰果同珍珠

同朋友去尖沙咀行街，朋友介紹食鐵牛，果然冇介紹錯！餐廳喺地庫位置，夠大夠多枱，唔知係咪平日下午茶少人d, 果日唔多人，坐得好舒服又唔會趕人走，可以暢所欲言！呢度係排隊買左飛先坐低食既，我點左個下午茶餐，好抵食，我真係好鐘意食鹽酥雞同滷肉飯，味道唔錯，最緊要係抵食，椒麻牛肚絲有點辣，脆薯可以，但唔算好突出，整體係好味的！

午市超多人，等左大概十幾分鐘先有位，聽落唔算多，但對於只有1 個鐘頭食飯既打工仔黎講，上得餐黎只得半個鐘到食，都幾趕，好彩上餐都算快怱怱食完又趕翻公司。#香蒽麻辣擔擔軟骨拌麵午市套餐送熱飲，凍既大部份加$9，價錢係尖東區算中上，但一分價錢一分貨，都幾好食。一上台非常香，麻味較辣味重，豬軟骨入味，而且好淋，麵質偏硬，好咬口，吸晒湯汁，入口好滋味，唯一要彈下係拌麵竟然有咁多湯，同想像中有出入，可能台灣既拌麵係唔同啲。

突然間有一種想食台灣菜嘅衝動，於是在上班的食飯時間匆匆忙忙來到鐵牛🐂。記得第一次吃的時候是和一位好朋友來吃晚餐 ，那次我食紅燒牛肉麵，仍然記得食落口嘅第一下但感覺覺得，嘩好好食呀。今次到來的時候，看見有下午茶餐，感覺非常之抵食，因為一個紅燒牛肉麵都差不多6-70元。而我今次食呢一個下午茶只需要$36所以下午茶份量不是很多，但配埋奶茶一杯就已夠足夠當中的鹽酥雞麻辣牛肚超級好食哦

播住台灣歌曲，食住台灣面食，儘管短短1小時都覺得好似去咗台灣咁鐵牛係香港都有唔少分店，其中呢間係最常去，lunch, teatime都有黎過，今次第一次食呢度dinner同朋友一人叫咗一個餐，佢叫咗辣牛肉麵湯底好似酸辣粉個種味道，唔算太辣，可以湯連麵一齊食。牛肉好諗，易咬開。我點了鹽酥雞滷肉飯套餐，鹽酥雞炸粉不算厚，味道不會太鹹，酥酥脆脆。滷肉飯上的滷肉不只有肉碎，還有大條豬肉條，口感十足！套餐跟了3個小食，滷蛋蛋白都已經變色了，夠入味！

今天來到這家台式食店，1:00pm前客人坐了約八成，不用等位，輕易入座。侍應拿了點餐紙和menu，剔了紅燒牛肉麵加熱珍珠奶茶後找侍應落單，但原來要自己到cashier先付款，有點麻煩，特別是一個人的時候，因為付款後，原本的坐位已給別人坐了，但因為付款時單據已寫上枱號，所以「無得調位」。落單後約5-10分鐘食物便送上枱，賣相和食物質素還不錯，麵質彈牙，牛肉也嫩滑，不過湯底就不太好，帶酸味，我覺得另一家連鎖台式食店的紅燒牛肉麵湯底會較好味。份量也一般，女生還算夠，男生可能會差一點點。至於熱珍珠奶茶我覺得不錯，珍珠煙靱，茶與奶的比較適中。整體來說還可以吧，只是要先到cashier付款這點扣了分，另外湯底方面如果改良一下配方會更好。