鐵牛台灣牛肉麵 (金巴利道) (Closed)

嚟尖沙咀行吓街，突然肚餓就見到呢間台式鋪頭就行入去試吓，佢個位置喺地牢，一落到去就係收銀同埋落單嘅地方，而餐廳坐嘅位置都好寬躺，每張枱之間都有足夠嘅距離。台式麻辣牛肚牛筋麵牛筋炆得相當入味，而麵條亦無煮得過耐，只係牛肚絲份量比較細份鹽酥雞滷肉飯便當鹽酥雞新鮮炸起，熱辣辣，好香脆便當上面仲有少量肉燥，但如果肉燥分量多啲就好啦洛神花特飲自己對洛神花呢款飲品冇咩抵抗力只要係街邊見到逢親有洛神花三個字嘅飲品，我都忍唔住買一杯嚟試吓，今次呢杯特飲洛神花味相當夠，又唔會太甜，讚

-鐵牛都算係一間唔錯既台灣菜，我都可以話係鐵牛既常客，午餐，下午茶同晚餐都食過， 食物質素唔錯，上菜亦快👍🏻👍🏻——1️⃣招牌紅燒牛肉麵牛肉好淋，好鮮既牛肉味，而且有四舊大大舊既湯底雖稱不上係真材實料，但其實味道都幾鮮甜，有少午牛肉湯味麵方面為粗身，有麵味，亦有咬感😋😋2️⃣ 鹽酥雞肉燥飯便當而我個人就中意食便當，貪佢有三款小食🤣🤣 雞粒香口美味，好有酥香，肉燥飯亦不吝嗇，有滿滿既肉燥在飯上，好有滿足感

間嘢十一點半一開，我就衝入去。環境都唔差，乾乾淨淨。有啲餐廳一開門就入去嘅話會有陣臭味，但係佢無，所以即刻印象唔差。嘢食嘅選擇都幾多幾吸引，樣樣都想食，諗咗一輪終於諗到。主菜叫咗一模一樣，奮起湖燒雞腿排肉燥乾拌麵超級好食。個雞皮好好好好脆，咬落去，sok一聲，啲肉好腍、好嫩。個汁都好特別，再加埋嗰少少蔥花就fresh。我最中意飲冬瓜茶，喺好熱既情況下，飲啲又甜又冰涼嘅野好爽。朋友就飲咖啡，佢話係好味嘅咖啡味🤡平均每人八十幾蚊，行開肚餓我都覺得可以再去。

今天可以接老公收工成功所以去慶祝一下到處走走發現尖沙咀這邊有間鐵牛就入去了原來這邊地方超大，而且冇諗過仲有好多位😱尖沙咀區食飯時間喎😱😱下次可以記底呢個地方搵食我地分別都叫左牛肉麵，湯底味濃，麺夠咬口，牛肉煮得夠冧👍🏻老公同我不同，他order的是牛筋麺牛筋都係煮得夠冧夠味👍🏻而且我幾鐘意佢地D酸菜配料不過飲品來講個珍珠奶茶D珍珠真係麻麻地好味🙈不過佢係麺加錢有飲品如果原價一定$28一定唔會叫🙈

為大家介紹性格比超級高的台灣菜。佢下午茶只係36蚊！仲要免加一！！可以揀滷肉飯、肉燥麵、擔擔麵同麻醬乾麵之後再揀三個配菜同野飲。我就揀左鹽酥雞、小香腸同滷味爽耳配滷肉飯再加杯珍珠奶茶。雖然份量吾算好多，但一般既女仔應該都夠飽。

又到食午飯時候，同個女同事商量食什麼，大家都明白食飯時間都比較難取位，都冇什麼要求食什麼，所以行到邊間有位就坐低，已經行咗兩間都冇位，就去咗鐵牛台灣牛肉麵，地方大容易有位，紅燒牛筋腩麵湯底濃，第一次食覺得牛肉淋好味。

推介------------紅燒牛肉麵 + 肉燥小茄子牛肉麵湯底濃香、麵身質感彈牙又掛湯﹐厚切牛肉牛筋炆得軟綿入味﹐牛味濃厚﹐非常好吃。油泡茄子配上肉燥﹐蔥花和醬油﹐不油不膩﹐非常滋味。不推介------------鹽酥雞 + 飲品鹽酥雞本來炸得乾身又酥脆不油膩﹐而且炸粉是一粒粒的脆米粒﹐吃起來卜卜脆感覺特別﹐但吃下雞肉有蘇味真的令人大打折扣。台灣奶茶茶底不濃不香﹐味道很淡。檸檬紅茶不過不失﹐沒有太大驚喜。

去尖沙咀食個飯，上網搵下有咩台式料理，就搵到呢間，尖沙咀都有兩間店，斷估唔差得去邊圖中酸菜鹵大腸小食一碟，大家估下幾錢？一大杯蜂蜜綠茶，加珍珠，蜂蜜綠茶冇得難飲嘅，正正常常，但係啲珍珠煲唔透，中間硬小食拼盤，炸地瓜ok，兩粒波唔記得係乜，食完唔太知係乜，最正係鹽酥雞，質感脆皮得黎，入面唔乾，調味適中唔太鹹碗牛筋牛肉麵都係正常啦，麵質都唔錯開估時間到！大腸小食七小舊，賣$48，食碗麵都係五六十，貴得離地，重點係味道冇特別，落單埋單又要行去櫃面，冇service都收咁貴

話說今日經過尖沙咀，見到一間台灣鐵牛牛肉麵，本身自己係台灣既fans，一黎夠平，二黎又大份，所以就急不及待入去食。入到去係自助點餐，諗好食咩就出收銀買咗先，然後就會送餐黎。其實我覺得咁樣仲好，因為有時啲職員忙到都唔得閒理我地，自助形式仲好我order咗個滷肉飯，仲有啲小食配菜，有生菜有榨菜好開胃。雖然碗飯唔係太大碗，但因為有好多舊雞扒嘅關係，我都食到好飽，雞扒炸得好乾身，但加咗個秘製汁，所以唔會太熱氣，整體來講性價比好高，又平又大碗好抵食下次一定要食依度嘅另一個招牌牛肉麵

突然想食台灣嘢食，記起鐵牛嘅嘢食都唔錯就去食下台灣嘢食只下癮.......下午茶時段唔算太多人，坐得好舒服。睇好咗決定食乜嘢就要去收銀嗰度買單俾咗錢先跟住嘢食就會送上。肉燥湯麵配鹽酥雞，滷味豬耳同埋椒麻牛肚絲。肉燥湯麵清清地，麵條彈牙唔會煮得太淋。鹽酥雞外脆內暖，吾會太dry。滷水豬耳都算入味。牛肚絲食起嚟有少少似譚仔風味，不過真係好辣，唔食得辣嘅朋友就唔好叫啦⋯⋯每次食鐵牛佢哋嘅水準都可以維持到👍

尖咀午餐，對一眾打工仔而言，是一個巨大的挑戰，『平』、『靚』、『正』係首選 👍🏻👍🏻👍🏻根據以上三大原則，美麗華鐵牛，當然係大家不二之選，$60包餐前小食、主菜、主食、餐飲。今次，我選了「香酥排骨便當」，香酥排骨外脆內軟，對於奉獻一生致力瘦身事業的妙齡而言，是一大掙扎，當然，我們最後都選擇了投向美食的懷抱，修身這件事，都係留返食飽後再從長計議 😝😝😝

首先講講環境, 地方好大好寬敞可以同朋友坐得舒舒服服咁慢慢食、傾下計叫野食係要自己填好張紙之後拎出去俾錢, 好快就會有人送餐黎我同朋友都叫左個招牌紅燒牛肉麵, 但係我轉左做新竹米粉先試左啖湯, 一啲牛味、香料味都冇, 得個咸字牛肉位置唔錯, 有筋又有肉, 但炆得有啲柴米粉好吸湯, 相信如果個湯底好味嘅話應該會唔錯朋友嘅麵就正正常常見到咁多好評諗住可以係香港食到正宗台灣口味嘅牛肉麵但係個湯底只有色, 而冇香、味, 扣晒分

今日放工同班同事食飯，行遠少少去咗美麗華個邊，原來依到有間食台灣菜嘅餐廳，咁岩我同同事係台灣菜愛好者，所以晚餐就揀咗入去食啦。小碗滷肉飯 其實個份量都幾大，滷肉嘅肉比較瘦但食落軟嫩，而且味道好濃好入味，加上肉量好多足夠撈曬成碗飯。肉燥拌青菜 肉燥煮得入味帶少少甜，生菜烚得岩岩好唔會過煮，保持爽脆同埋翠綠。滷大腸豬耳 豬大腸食落入味無異味，大腸肉質煙un有嚼勁，豬耳同樣非常入味 食落有膠質帶脆口。炸花枝丸 炸得香脆唔油膩，花枝丸彈牙 入面仲有粒粒花枝，外脆內軟 口感豐富。台灣紅茶 味道夠地道 又香醇又易入口，百香QQ 飲落酸酸甜甜 好足料。

尖沙咀黎講，算係大間。叫左麻辣擔擔豬軟骨，辣度唔算辣，適合香港人。可能因為lunch time多人，擔擔麵不夠淋，豬軟骨不夠入味。最好味就係佢既辣。朋友叫左蕃茄牛筋腩，佢話一般般。性價比不高，依一區係咁嫁啦

同男友去左尖沙咀行街，突然傾盆大雨，所以拿拿臨搵間餐廳避下雨，食住等停雨。見到美麗華隔離竟然有間鐵牛分店，見之前旺角間鐵牛好好食，而且見衣間唔駛等位，所以諗都唔諗就揀左食衣間喇。我地叫左招牌紅燒牛肉麵，紅燒牛筋拌麵，肉燥茄子同香酥炸雞。第一次試個牛筋拌麵，牛筋炆得好林，個汁配拌麵唔會太咸，男友好鍾意食衣個。我平時都指定動作叫紅燒牛肉麵，仲會連個湯都飲埋佢，但今次個湯真係好咸，我試左幾啖就無再飲佢個湯，但啲牛肉同麵既硬度都仲keep 到水準。佢啲牛肉應該係用牛肋條黎整，所以肥瘦好平均，夠林，又唔會un👍🏻個肉燥茄子都唔錯，茄子有走左油，所以唔會太林，肉燥粒好似都炸過所以脆脆地。成餐最唔好味係個炸雞，上枱時已經唔熱，咬落去啲肉仲要鞋，啲香酥味只留係面果層粉，裡面咩香味都無。個炸雞差到極點👎🏻 食完就明白點解衣間分店唔駛等位又坐唔滿。