Isaac Toast (朗豪坊) (Closed)

isaac toast一早就係韓國食過，之後亦都係沙田分店試過，但唔知原來朗豪坊分店仲有飯卷，有好多野食。今次就試下佢D飯卷同小食啦雞蛋看地球係用雞蛋包既飯卷，雞蛋好香，覺得用雞蛋包左好食好多食晒成盤全份就有少少滯入面有芝士泡菜餐肉等等，全部都好香好味個醬幾夾，不過唔點醬都好食芝士唔會太勁令到太heavy或者唔想食咁多，但有芝士味食飯卷既時候加D泡菜，令到個口感唔同晒，食食下會有D爽口既野，又會好食D而且飯卷夠熱亦夠軟熟墨先生興蝦小姐相信呢個都係主打菜式，墨魚飯卷一向受歡迎有7舊係墨魚7舊係蝦，D炸蝦都唔算細舊，隻隻都同舊飯差唔多咁大嫁炸蝦熱辣辣好香脆墨魚飯卷個飯卷就冇乜墨魚味，純粹得顏色墨魚口感唔錯最後仲有個炸物拼盤，不過其實食完兩盒飯卷都唔係好食得落而且成個拼盤都係炸野，真係有D heavy有炸蟹餅、紫菜飯卷等等...全部都一般般啦因為炸粉都幾大舊炸紫菜飯卷就麻麻地

首先從未食過呢一間ISAAC，未食過韓國或者澳門嘅版本。 今次叫咗一個皇牌火腿吐司;其實都幾好食,個包烘過，不過唔係好脆， 似三文治多過似吐司。個包有少少甜甜地，裏面有雞蛋、火腿、 芝士、 生菜 (個人口味我走咗酸菜)， 覺得生菜唔係好夠，如果多啲生菜同埋爽啲，應該成個包會再好食好多; 唔係好有芝士味，如果唔係餐牌寫話呢個包有芝士真係食唔出有芝士; 如果芝士味濃啲或者有拉絲應該會吸引好多; 個包啲醬略甜， 成個包略嫌有啲濕。

無得去旅行就唯有食下唔同地方既野食當去左旅行啦😫今日去到旺角朗豪坊，因為Isaac Toast嚟左Food Court呀😆雖然見到好大張紙寫住食物預備時間要15-20分鐘，但最後我地等左30分鐘🙈，以12點前都未到繁忙時間黎講都幾慢🧐🍴芝士辣炒年糕拉麵🍜 ($58)上到枱已經唔係好熱了🙈 嗰湯有啲”瓊”，味道就正常啦但份量唔係好多🧐🍴墨先生🦑與蝦小姐🦐紫菜卷 ($32/半份7嚿)一半係墨汁配炸墨魚🦑一半係紅菜頭炸蝦幾有新鮮感😆一啖一粒咁做小食唔錯🤩加上半份已經有7粒，性價比都頗高😋🍴MVP超級蝦吐司🥪($51)Isaac Toast又點少得試佢既toast喎🤩揀左MVP蝦🦐因為見佢配蜜糖芥末醬😆一打開個包裝已經好香☺️有蛋🍳，椰菜，酸瓜，芝士連埋炸蝦塊🍤都幾夾🥰同韓國食既水準相近😋🍴士多啤梨乳酪🍓(跟野食+$18)飲落感覺有啲似沙冰🤣飲到有少少士多啤梨肉係入面，但唔算好有乳酪味😛

想試Isaac Toast好耐😋雖然我仲未喺韓國食過 比較唔到🇰🇷但係覺得價錢唔算貴味道都唔錯 可以一試🥰最鍾意就係佢加咗蜜糖 成塊包食落甜甜地仲好有牛油香🍯🧈💛.忌廉芝士薯餅吐司🥔 $44原本以為個麵包會烘到好脆🥺不過可能啲餡有水份 所以得啲邊邊位係脆 中間部分就腍晒😩但係麵包都鬆軟嘅 所以都唔錯😚內餡係好厚嘅忌廉芝士 再加一片車打芝士同埋炸薯餅🤩個cream cheese好creamy 不過薯餅就唔夠脆😢但係整體食落口感好豐富😍芝士嘅鹹香味都好濃郁🧀.邪惡芝士煙肉吐司🥓 $44呢款雖然叫邪惡芝士 但係個芝士味冇上面嗰款咁濃🧐不過佢用咗mozzarella 所以可以拉絲 多咗軟綿綿嘅口感🤤個nacho芝士醬幾特別 係甜甜地帶微辣 但係芝士味唔算好出🤔內餡仲有粟米雞蛋同煙肉😋個餡比上面嗰款更加豐富🥰原本以為煙肉係煎到脆卜卜嗰啲 不過而家係好似火腿咁 都好食感覺上仲冇咁油🤣

一直對韓國嘅Issac toast念念不忘，諗住嚟依到可以解吓相思之苦點知失望到一個點耶多士嘅選擇都幾多係food court入面自助形式，嗌完嘢食就等食千其唔好對佢有任何期望仲有。千其唔好用韓國嘅味道嚟比較🧐邪惡芝士煙肉薯餅吐司 $51個包......有啲似濕咗水，淋pat pat口感有啲古怪嘅好在嘅係，依個配搭出事率都偏低嘅配埋佢哋嘅醬，都ok lah不過依個價錢，咁嘅質素🧐都係不了皇牌火腿吐司 $34🍞啲菜草青味重到以為自己變咗牛同啲火腿同個包唔係好夾Nacho芝海炸物拼盤 $58望圖好興奮，嚟到就。。。可唔可以比返少少誠意擺盤就咁一堆嘢倒落個狗兜咁啲炸物食落又油仲要個nacho.....無乜味之餘出水嘅喂🤬都失望得幾緊要無下次

去得韓國一定會食嘅Isaac toast，雖然食材簡簡單單，但係配埋自家嘅magic sauce真係好好食，連韓國人都會排隊買嫁🤣**********<MVP煙燻漢堡吐司> $49依個係經典組合，吐司嘅份量都幾重手，裏面有蛋餅、漢堡扒、生菜絲、酸瓜同埋芝士，好難一啖食曬全部配料！不過個醬汁好似無係韓國咁好食，主要係燒烤汁加甜辣醬，但就唔係好食到magic sauce嘅味🧐**********<原味香腸年糕串> $18香腸同年糕拎左去炸，香腸係脆皮腸所以有外脆內軟嘅口感，而年糕炸左之後就更加煙韌，加埋個甜辣醬好惹味，唔食得辣嘅朋友都食到嫁😍<芝士脆薯炸熱狗> $24依條炸熱狗就唔太推薦，裏面條腸仔得最底嘅三分之一長，上面就全部都係芝士，同埋凍左嘅話就拉唔到絲，主要淨係食到番茄醬同芥末醬嘅味😟

第一次試過江龍韓國Isaac toast 叫咗個薯餅嘅吐司再加左杯特飲個吐司先30幾蚊再加個特飲都係四五十蚊 下午茶來講都抵食嘅 個薯餅吐司幾香 好香牛油味 芝士味都好出 個特飲係薏米水啲friend 可以化解左啲油膩

本身係三養辣雞🐤麵Fans,今次見到佢同ISAAC聯成，可以食到唔同嘅三養辣雞🐤菜色，有少少興奮呀🥰🥰叫左個套餐：一份吐司🥪+一杯飲品都要$72其實都幾貴，但冇辦法啦！佢主打即叫即做所以都等左10分鐘，攞上手真係熱辣辣🔥🔥三養地獄辣雞🐤吐司🥪第一口已經感受到ISAAC獨特嘅甜味麵包，肉同菜量唔算太多，剛剛好！再配埋隻蛋🥚，零違和感😚😚，令全件吐司🥪都好夾😆😆可惜辣雞🐤醬汁要食到好中間，閉起雙眼用心感受先feel到佢嘅存在！下次記得多醬💦💦濟州鮮奶抹茶🥤沙冰質地，抺茶味濃郁，鮮奶令到口感幾滑，但碎冰大粒左d,飲時會窒住、窒住咁🙁🙁本來有大辣、辣、BB辣可選擇，但賣剩BB辣比我😗😗，下次試試大辣吧！😝😝

終於試到大熱嘅Isaac toast! 雖然之前佢係沙田已經開左第一間分店，但對我來說太遠了，今次開正係朗豪坊，冇藉口唔試了芝士香腸年糕串（$22）老實說係有啲失望佢係凍冰冰，而且冇咩味，至少我都希望佢哋會將面頭嗰塊芝士燒熔一點，而唔係明顯咁見到放左2塊芝士。。MVP超級蝦吐司（$51）可能都係吐司好，係熱辣辣的。我原本以為Isaac toast嘅吐司會係咸味，但出奇地有好甜嘅蜜糖味好特別！蝦吐司入面有3大隻蝦，蛋，菜等等，口感好豐富～總括而言，下次會想試下其他吐司

🇭🇰Isaac Toast 🥪以前👩🏻家姐👧🏻啊妹去🇰🇷韓國旅行都會食佢做早餐🥪雖然排長龍但姐姐們都好快手起到貨之前sogo好似搞過期間限定但聽聞好多人都係冇去到🤣今次終於有實店 去左朗豪坊food court當日👩🏻家姐交收🥮中間就預左一個鐘去左搵食最後要食5分鐘內食哂..😐再狗衝交收落單等得耐都算排隊落單前邊都係得3個人都等左成十幾分鐘😐最離譜係食物真係等左超超超超超耐😰由落單到見到食物足足等左廿幾分鐘期間都見到有唔少食客等到唔耐煩😐主要原因可能係個日係weekend..店員似乎唔太熟手好多野都好慢再加上外賣單一大堆堂食再加外賣單完全需時勁耐只係7個堂食單號 都等了30分鐘🤬如果可以講明要等30分鐘會更好趕時間真的不了👋🏿食物質素其實都OK 達到期望因為得5分鐘食 冇時間慢慢品嚐食評都打不出太多了😔🥪皇牌火腿芝士吐司（💰$34)家姐鐘意食甜就幾鐘意呢款吐司做到微脆 醬汁甜甜的🥪韓式煙肉吐司（💰$38）-🍢芝士香腸年糕串(💰$22)芝士份量好多 不過芝士味唔算濃拉絲效果都幾勁 香腸同年糕就略嫌乾身左D 味道還好-🥤雲尼拿奶昔(💰$35)味道OK唔過甜不過碎冰較多

平時食開沙田個間isaac，今次經過旺角 突然好想食年糕 但基於自己有食過野 就係旺角isaac單叫左串 「芝士香腸年糕串」過下口忍。等左5分鐘左右，我第一眼係呆左 年糕串上面塊芝士完全係凍架 而且原本無缺片裝芝士（嬲到無影相）之後同佢講 可唔可以熱翻個芝士點知 係啊 ，用火槍係咁E燒兩下 所以入面d拉絲芝士依然完整一粒粒，我一咬落去出事啦 個年糕無味唔緊要 我正係食到油膩味 生油味 完全食唔落 一串野可以搞到個兜全部油唔講以為食完乾炒牛河 （ps.之前沙田食過 完全無呢個問題）

《唔洗去韓國都有Isaac Toast食啦🌟 》.👩🏻‍🍳墨先生與蝦小姐 ($60) 經典芝士火腿Isaac Toast ($29).在韓國心心念念的Isaac Toast在香港終於吃到了💓 飯卷有點像以前在school food吃的一樣，蝦炸得蠻香脆，墨魚有咬口，增加了口感，可是米飯弄得有點過軟，而且缺乏米香味😌 Issac Toast鬆軟的麵包帶有香濃的牛油香，夾住雞蛋火腿玉米果醬肯定不會失手的，7.5/10吧～🌟 不過不失，個人覺得跟韓國的相比，還是韓國的更驚豔💛

今日去旺角，諗都唔使諗就決定去Isaac食吐司， Isaac呢我之前去韓國旅行係必食，就算之前喺SOGO開Pop up store, 甚至去澳門旅行，我都要專登去食。最初唯一擔心呢就係香港個價錢會貴過喺韓國食好多，因為佢開係朗豪坊呀嘛。但係出奇地價錢呢就真係幾合理喎。好似我今日嗌嘅依個火腿蛋吐司，都係30幾蚊，同韓國嘅價錢都係差唔多嘅。因為係現場即時整嘅關係呢，可能就會等得耐啲，今日呢我就等咗大概差唔多20分鐘先食到。但係唔需要擔心嘅，因為間餐廳喺檔口幫嘅foodcourt入面,你搵個靚位坐定定，嘆住冷氣等絕對唔係問題。未打開個袋啊已經問咗嗰種蛋同芝士嘅香味，佢嘅麵包呢系好鬆軟，加上呢牛油，芝士蛋同埋火腿，食完個口呢仲會有浸芝士嘅香味，真係做到齒頰留香，絕對唔係誇張，你咬完一口之後呢，就會不自覺咁樣想咬第二口。佢嘅份量呢，夠兩個人分食下午茶，同韓國嘅味道呢系差唔多。去旺角行街嘅各位，一定要去試試。

期待已久終於有機會係香港一嘗韓國人氣 Issac Toast，特登揀「經典火腿芝士吐司」，希望可以重溫首爾嘅味道⋯⋯可惜，十分可惜，吐司一D都唔脆，味道太甜，完全掩蓋雞蛋火腿芝士的味道！😞咁簡單嘅多士，都可以整到咁難食，只怪間舖嘅員工都好冇經驗，見佢煎蛋都未夠熟、多士未夠脆已經趕住上枱😖樓面D單亂晒，我份多士放係一邊最少5分鐘，一早淋晒😤唔怪之得以Issac Toast 嘅人氣，呢度竟然午餐時間冇人排隊，完全中伏😩

Order 左個classic 火腿芝士toast，味道冇喺韓國食咁好食，喺韓國食過d sauce 好味d本身想買個快toast 就走，點知等左差唔多半個鐘佢有寫出餐出到咩號碼， 不過冇講落單而家係咩Number 呢⋯落完order先發覺張飛差成20個號碼，食飯趕時間就麻煩喇⋯落單前提下個客要等幾個字都好丫⋯