Isaac Toast (新城市廣場三期) (Closed)

「Isaac Toast」的人氣有多強勁，相信也不用多說了。筆者記得在韓國旅行時，曾經在早餐時段光顧過，當時排了一條人龍。但若能在早上吃了一份熱騰騰的三文治，是多麼幸福的事呢。香港海外店開設在沙田新城市廣場內。店外有牌子表示每天只製作500份。店內是開放式廚房，店員們都在埋頭苦幹製作味美的三文治：可以看到方包被放在鐵板上新鮮出爐的過程。筆者和友人各點了一份三文治、一杯餐飲。打開的一刻已經垂涎三尺！吐司材料豐富，中間夾著「Isaac」特色方型煎蛋，是一份吸引的輕食。香港海外店限定口味有3種款式。筆者不執輸的點了其中一款，就看看有什麼特別吧！吐司中間的impossible奄列，看到impossible字眼就知道和素食有關了。奄列夾雜著植物肉和牛油果，美味又富口感。除了奄列，還夾有煙肉、酸瓜片、水牛和車打芝士，進食時拉出長長的芝士絲非常治癒。吐司還塗上pizza蕃茄醬和isaac magic sauce，酸甜味道令人越吃越開胃。這是友人點的口味：超級蝦吐司。蝦吐司材料也不弱。中間的主角——蝦肉漢堡經香炸，惹味又有彈牙感。另外也夾了方型雞蛋、芝士、栗米、酸瓜、椰菜絲。這樣一計，營養其實蠻充足。

早前透過網上知道，韓國人氣Issac 吐司係沙田開左，因為多年前係韓國食過一直都想再吃，今次特別前來吃。因為新城市廣場第三期都係新開好多舖都圍緊板，用左少少時間先揾得到，不過記住A311舖就好易揾到，同埋商場都有好多指示一去到就見到排緊長龍就知道到了。 大家未諗定食咩吐司，可以入去拎份menu 出黎排住慢慢揀，我大概等左20分鐘就入去點得餐，再等多20分鐘就食得啦為左好味既吐司係值得等架我今次就叫左香脆薯餅吐司，入面有芝士亦都有蜜糖芥末醬，我仲特別要求多醬添。一咬落去汁就佈滿哂個口，蜜糖都滲入哂個包，而薯餅真係好脆又大塊，真係好好味，亦都有多層次既口感，價錢亦都正常。不過下次想來試試較貴的64蚊吐司，想看看有甚麼特別。

Waking up early during holidays means you get the privilege of avoiding long queues for the latest spots to check out in HK! Tried the “HK Exclusive” toast which was a mixture of cabbage, ham, egg and a special jam but didn’t like it at all... it was waaay too sweet for my liking. Their other was the “Ham special toast” which was a lot better - basically the same ingredients but also with cheese, corn and pickles & mayo instead of the jam. In terms of the service, I guess it’s a new shop with li

Isaac Toast所賣的看似只是平平無奇的三文治，卻有著「韓國國民早餐」之稱，絕對有其獨一無二的魅力之處，雖然從未在當地品嚐最正宗的出品，但終於在香港開設分店方便一試。除了一系列經典三文治外，更有三款香港限定口味，包括SBS人氣歌謠吐司、熱溶超級芝士吐司及超級吐司2.0，另外亦有多款飲品及炸雞選擇。當日下午近四時到達，從排隊到拿取餐點共等候了四十幾分鐘；店內雖然設有座位但數量不多，故此不少客人均選擇外帶。MVP超級蝦吐司 ($51)麵包塗上牛油烤香鬆脆，吉列蝦肉漢堡質感爽彈但已經略為變軟，配上粟米、煎蛋、車打芝士、酸瓜和大量椰菜絲，整體味道偏甜。超級吐司2.0 ($69)IMPOSSIBLE素肉漢堡質感鬆軟多汁，加上炸薯餅口感豐富，畫龍點睛之處在於醬汁用上燒烤醬及甜辣醬令味道更上一層樓，比起超級蝦多士更勝一籌。雲呢拿奶昔 ($41)奶昔質感相對稀身並不算相當稠密，味道有如白朱古力一樣，甜度偏高但卻恰好正合我意。奇異果汁 ($34)奇異果汁酸甜有致感覺清爽天然，開胃解膩。整體而言我和朋友均認為食物味道方面的確屬水準之上，美中不足之處在於等候時間偏長，安排尚有改善空間，店員會分批將近十

Issac吐司.韓國的issac toast終於在HK也吃到了!!! 除了韓國都有的款式之外 也有三款香港限定口味😉而issac toast最令人著迷就是甜甜的鬆軟麵包!超級吐司2.0.其中一款香港限定口味～ 特別之處是那一塊”肉”其實是impossible meat🥩 雖然是素肉 但都好juicy 十分逼真 與吐司亦好夾! MVP辣雞吐司.一開頭以為是雞扒 但原來是雞漢堡扒😆 辣味主要是來自雞漢堡扒內的青陽辣椒 辣度不算輕🤣還試了草莓和奇異果汁！ 兩杯都清新好飲 不會同有藥水味 不錯！

呢排假日商場人流唔多，估唔到呢度都仲係排緊長龍。由排隊落單到食到大概等30-40min。櫃台附近有menu可以排住隊睇。我地叫左煙肉薯餅超級吐司同MVP煙燻漢堡吐司。個煙肉薯餅toast（$49)- 好邪惡，炸薯餅，好肥嘅煙肉，芝士...不過個醬同啲料味道幾夾，幾好食，只係油膩左少少...🙈MVP煙燻漢堡($49)- 個名有MVP以為好特別😂原來都只係漢堡toast... 裡面有椰菜絲，感覺無咁油，個醬都幾match，但味道無咩特別同食mos burger漢堡包差唔多,不過塊包唔同左。Lunch時間店員有好多網上外賣平台單，所以要等耐少少。

🥪MVP煙燻漢堡吐司💲49牛油吐司烘得唔香脆，好似食緊一塊普通嘅牛油麵包😅， 都幾足料，用左Isaac Toast特色甜辣醬好惹味😋，食完好有飽肚感。.🥪雙重芝士薯餅吐司💲44雙重芝士係 車打芝士＋水牛芝士，芝士份量足夠👍🏼🧀，不過水牛芝分佈不均，得中間先有一大pat😂，芝士同薯餅好夾，唔錯😋。.🍫🥛朱古力奶昔💲41口感順滑，朱古力味香濃，甜而不膩。索價$41，好彩都算大杯🙃。排左20mins先埋到去order，再用多20mins等野食🙃。係好食既，但又唔及韓國好食🙃；係唔貴既，但比韓國貴大概1/3🙃；其實都預左既，沒比較沒傷害丫麻😛。📌 座位極少📌 得一個焗爐，所以要等好耐📌 食完自己交還餐盤，做個有手尾既香港人😊

每次去韓國首爾旅行都一定會幫襯 Isaac Toast 呢間人氣爆燈既吐司連鎖店，依家終於唔洗再去韓國就食到喇 😍 重要係沙田新城市廣場開咗 👍🏻 超級方便呀 😝今日下午去到好彩人龍都唔算太長，只有大約六至七人排隊，為免累積太長嘅人龍同一個人會買十幾件既關係，餐廳規定每人只可以買兩件，我覺得安排得幾合理 👍🏻 大概等咗十分鐘終於到我喇。有十二款吐司揀，自己比較鍾意食蝦，所以叫咗 MVP 超級蝦吐司，因為餐廳唔係好大而且座位偏少，所以叫咗外賣返車食 😋MVP 超級蝦吐司 ($51) : 以 $51 蚊食件三文治嚟講自己都覺得有啲貴 😝 不過又唔係日日食就無所謂 ; 配料有雞蛋、粟米、蝦、車打芝士、椰菜絲、酸瓜相當豐富，配埋蜜糖芥茉醬好味到暈。

韓國人氣最盛的吐司店進駐香港，而且落戶沙田，日前路過時見有長龍，因當時沒有預排隊的時間，唯有暫時作罷。今次與朋友到附近看戲，尊誠再訪，終於可以再嚐當年在首爾試過的滋味。輪到我們，因為是即叫即做，落單後需要等大約20分鐘。吐司店新張首兩個月，在香港有特別三款香港限定版的吐司，我們當然不會錯過機會，就點了其中兩款，一客熱溶芝士超級吐司、一客超級吐司2.0，飲品就要了一杯愛文芒果汁及一杯奇異果果汁。熱溶芝士超級吐司內有素肉、牛油果、煙肉、車打芝士、忌廉芝士、酸蘿蔔、pizza及蕃茄醬，材料豐富，用上兩種芝士，忌廉芝士做成熱溶的效果。麵包烘得脆脆的，除了芝士外，煙肉及牛油果亦做成不同的層次感。超級吐司2.0有薯餅、椰菜絲、及酸瓜，配上燒烤醬及甜辣醬，薯餅的香脆與椰菜絲的味道合起來很特別，不同的口感配合得很有特色。飲品中聽朋友說愛文芒果汁較為濃稠，芒果味香濃，甜度適中。我的奇異果果汁則沒有那麼稠，味道清新。完成一個輕食，可以去看戲了。

經常到首爾旅行的人，一定對當地大大份，又香又脆的三文治回味不已。早前聽聞有韓式三文治店計劃來港開業，可惜一直只聽樓梯響，直至最近從媒體報導得知，有「國民早餐」稱號的「Isaac Toast」已於上月進駐沙田，的確是個好消息。Café 裝修得很精緻，門面用上紅白兩色作配搭，加上老遠就已經看到「Isaac Toast」的標誌大茶杯，十分搶眼。客人可以揀外賣或堂食，不過店舖座位唔多，而且大部分都以高腳凳為主。點咗兩份香港限定口味的三文治同兩杯飲品。SBS 人氣歌謠吐司 ($34)：三文治用料非常豐富，除了有來自韓國的甜美士多啤梨果醬外，還有厚蛋、火腿和椰菜絲等，食落外層香脆，內裡軟熟，入口不會過濃或過膩，味道鹹中帶甜，但又完全沒有違和感，反而鹹甜兩者平衡得非常之好。至於另一份熱溶芝士超級吐司 ($64)：內餡就包括有水牛芝士、雞蛋、IMPOSSIBLE 奄列(素肉+牛油果)、煙肉、pizza 蕃茄醬、椰菜絲、酸蘿蔔、車打芝士和 Isaac Toast 獨家調配的 magic sauce。單係材料就已經夠曬煞食，不過最令人驚喜嘅，就是內裡的特調醬汁，味道甜甜酸酸，能為烤多士去掉不少膩感。愛文芒

被形容為「韓國國民早餐」嘅𝙸𝚜𝚊𝚊𝚌 𝚃𝚘𝚊𝚜𝚝🇰🇷終於登錄左香港🇭🇰‼️其實 MEUN 就同韓國差唔多😯不過多左 3 款香港限定🤗識食嘅我當然要試就試香港限定🤭熱溶芝士超級吐司🧀🥪香脆煙肉🥓配上水牛芝士同車打芝士🧀加上 Isaac 秘制醬汁㊙️同 Pizza 蕃茄醬🥫，除左可以拉絲之外🤪仲帶尼左滿滿嘅味覺享受🤤超級吐司 2.0🍞呢款用上𝙸𝙼𝙿𝙾𝚂𝚂𝙸𝙱𝙻𝙴嘅植物漢堡配上薯餅🥔番茄🍅椰菜絲同酸瓜🥒仲有燒烤醬、甜辣醬同 Isaac 秘制醬汁😚 植物漢堡同真肉質感差唔多，亦都好 juice😋整體個 Toast 好濕潤💦份量好大，食完飽肚感十足😊所以呢款 Toast 蛋奶素食者嘅朋友絕對可以一試🤩朱古力奶昔🍫朱古力味幾濃，而士多啤梨奶昔🍓味道無咁濃，但兩款都幾甜

次次去親韓國都食嘅Isaac，終於都係香港開第一間分店，諗起次次去韓國晨早流流勁凍食，真心爽，今次仲要係沙田新城市廣場開鋪，簡直係非常方便👍🏻去到都有不少人排隊，雖然人流很多，但員工服務都好好，幾有禮貌👍🏻去親韓國都係係街邊食，但今次呢間分店，有埋座位同檯，可以堂食！裝飾風格都舒服簡約餐牌～超級吐司2.0～用料好豐富，有牛、蛋，仲有好多配菜⋯⋯口感豐富，味道唔錯，我覺得好食過韓國🤣MVP超級蝦吐司～呢個我都好期待，最後果然冇令我失望，入面塊炸蝦勁足料，好多蝦，但醬汁都整得好好味，成個吐司都好夾奇異果汁～味道適中，唔會太同太甜，幾好飲青提子梳打～整體來說，香港Isaac ，質素都好高，可以一試

韓國Isaac登陸沙田，向樓下冇理由唔去朝聖一下⚠️食物：⭕️MVP辣雞吐司 $44三個之中最好食，芝士鋪向辣雞上，加上我最愛的甜辣醬😋⭕️韓式煙肉吐司 $38略略普通左少少，椰菜蓋過了煙肉的香味。⭕️SBS人氣歌謠吐司 $34香港獨有，用了草莓cream，小朋友超中意！⭕️士多啤梨果汁 $34 ⭕️奇異果果汁$34⚠️環境：唔知係咪新開張，落單到出餐既流程有啲慢，前前後後等左接近25分鐘同埋排隊亦只有一張餐牌...⚠️價錢：人均$61

我一直很想品嚐韓國人氣吐司店Isaac Toast的吐司，可是每次去澳門匆匆忙忙，吃不到當地的Isaac Toast分店。不過最近沙田新城市廣場開設全港首間Isaac Toast分店，我終於可以嚐嚐這名氣韓國吐司。我和閨蜜在排隊時研究吃那款吐司好，閨蜜說她在韓國吃過雙重芝士薯餅吐司很好吃，所以她決定吃雙重芝士薯餅吐司，回味當時的美味，另配喝奇異果果汁。至於我的目光當然投放在香港限定的吐司，香港限定吐司有三款，分別是SBS人氣歌謠吐司，熱溶芝士超級吐司及超級吐司2.0，我最後選了超級吐司2.0和士多啤梨奶昔。雙重芝士薯餅吐司毫不花巧，吐司夾著薯餅，忌廉芝士與車打芝士，黃色作為吐司的主調。薯餅炸得香脆不油，忌廉芝士非常幼滑，入口即化，車打芝士芝味十足，跟蜜糖香烤的吐司甜滋味鹹甜交錯，別具風味。超級吐司2.0畫面邪惡，吐司採用Impossible漢堡，超厚實大塊，高度讓人無法一口咬下。漢堡肉味濃郁，肉汁豐腴，火候控制得剛剛好，原來它是全植物製造的，與真肉無異，意想不到呢。薯餅沒被燒烤醬和甜辣醬變得軟腍，仍保有脆度，非常厲害，且醬料甚有韓式風情，滋味無窮。奇異果果汁真材實料，閨蜜說奇異果果汁濃

最近韓國人氣三文治快餐店登陸沙田新城市，我當然趁住個熱潮去試吓啦!店外有小人龍排隊，等落order，都幾誇張。我同朋友一人揀咗一款吐司同一杯飲品，每人$100有找，因為真材實料、大大份，尚算抵食。吐司全部用上韓國直送醬料，麵包會塗上牛油再煎香，內裏配料豐富，的確比想像中好食。MVP超級蝦吐司 $51配料有芝士、生菜、炸蝦、青瓜等等，配以蜜糖芥茉漿，味道甜甜地，我好鍾意。超級吐司2.0 $69呢款係重量級，睇吓牛肉幾厚身！醬汁口味係燒烤醬加甜辣醬，非常惹味。特濃朱古力（凍） $34士多啤梨果汁 $32飲品方面，朱古力比果汁好飲，但份量偏小。作為韓國人氣美食，果然名不虛傳，期望香港開多啲分店，咁就周圍都食到。