海岸餐廳

Open Now

Now Closed

外賣咗個啫啫雞煲返屋企食，一食冇味嘅。。。已經係雞脾肉竟然都可以煮到柴到雞胸咁。。。啲肉又硬又柴，豬膶都係煮到燶晒有陣苦味。。以前食過九龍嘅都好好食好juicy, DB食就中伏啦

愉景灣簡直是香港的世外桃源，風景非常美麗，是渡過週末的好地方🥰一向覺得愉景灣的餐廳比較貴，今天竟然發現了一間比較廉價的餐廳。到達的時候剛好是下午茶時間，見餐牌的選擇十分多，小食有西多、三文治、雞翼、豬扒包，飽肚的又有牛腩、魚蛋湯粉麵等我我叫了豬扒包有點失望，麵包比較細，豬扒煎得不夠香，薯條也不脆牛腩河值得推介，牛腩吃落有咬口，而且醃得入味，湯河浸在濃濃的湯內很好吃😋西多不過不失，可取之處是熱辣辣，煎得剛剛好，非常金黃，但不會過「膿」，切開西多有花生醬，一啖一口，十分美味餐廳雖然沒有浮誇的裝修，但乾乾淨淨，坐得也算闊落。見不少愉景灣的居民在此餐廳用膳。作為遊客，在遊覽愉景灣之餘，吃一頓平平哋的下午茶，也是不錯的選擇😇

第一次喺愉景灣食早餐， 周圍行，好多食肆都未開門，好彩見到呢間好似快餐店嘅冰室， 所有食物都係食慣嘅，貼地嘅 ，行入去仲有海景位，而且好少人。於是就去揀早餐，兩個人都有選擇困難症，睇咗好耐，終於有結果啦。 一開估， 兩個都揀咗雞扒米粉，真係心有靈犀，🥰🥰不過飲品不同，一杯奶茶，一杯咖啡。望住海景等嘢食， 啲食物都唔錯，40蚊一個早餐算係幾平，碗雞扒米粉好大，夠熱。👍嚿雞扒都ok，我杯咖啡更加好，食得好舒服。第一次食海景茶餐廳 ，個感覺都幾特別 ，40蚊就有個海景早餐真係好平好抵。但係發覺一個特別嘅情況，呢度嘅服務人員啲態度都有啲問題，一朝早黑口黑面，悔悔氣氣，問問題嗰陣時愛理不理，我哋叫兩碗都係米粉，但係張飛就打咗一碗通粉一碗米粉，話畀佢聽嗰陣時，只係好晦氣咁改咗。嚟呢度嘅環境同嘢食都唔錯，諗住都畀好評㗎啦 ，但係呢啲咁嘅服務態度唔要得，🙄所以都係要反映下，希望以後可以改善。💪愉景灣呢個社區咁靚，希望啲配套服務都可以跟得上。🤓

遠道而來想食泰菜，無奈在疫情下已結業，讖諗試試上海小籠包，但兜來兜去都搵唔到，神推鬼㧬撞入海岸快餐店，食完毀發現小籠包入口係地下。望望餐牌錯字極多喎，雞脾雞髀、油麵莜麵、刀切麵刀削麵、楊州揚州、柱候柱侯、等等。眼見清一色出餐部都係較年長員工，熱誠有禮貌。胡椒豬肚雞湯飯，煲湯雪藏雞髀肉鞋肉霉沒有味道，淡茂茂的雞粉胡椒水，豬肚算是彈而不苦澀，試試無妨再試投降，只食兩啖全部放棄。炸雞髀沙律，不可以單買散叫炸雞髀，必須跟套餐，好吧好吧。炸到畸形縮埋一舊彎彎曲曲，薄薄雞皮鬆化奇脆無比，是唯一可取之處，白白雞肉乾硬鞋兼無味。咖哩牛腩湯河，沒有生麵或即食麵選擇，只有莜麵或刀削麵，那唯有食河粉。微暖的清湯，湯底清淡咖哩水汪汪，全瘦牛腩鞋鞋無渣還趙得到。咖哩何解要落芽菜要落蔥花？兩種我都不吃的，要耐心地全部挑走。河粉實淨而短短散碎的，食到疾住疾住，免強求其是但倒晒落肚收工。青紅蘿蔔豬骨湯，油油而味道單調唔難飲，免強求其是但倒晒落肚。

星期六到愉景灣，下午茶時間，不想吃得太飽，所以選了這港式餐廳。環境 ：居然有海景價錢 ：茶餐廳價錢，位於愉景灣，真心抵食物質素 ：以這個價錢，不錯店內座位多雖然有收銀機，可能疫情關係，需要到自助機點餐最愛海景座位，茶記都有這享受一流公司三文治餐配紅豆冰 （忘記價錢，都是茶記價）份量可以，有蛋、雞肉、少量生菜、蕃茄紅豆冰雖然不是十勝紅豆，但軟硬度剛好，豆大少ok鹹牛肉蛋三文治餐 配 凍奶茶 $45蛋煎剛好，好蛋香

2021-4-3  中午12:00-14:00在愉景灣的食肆十分旺場，座無虛席。我們在14:00後才在「海岸餐廳」享用午餐，餐廳是快餐式，先購票，後取餐費。竽頭炆油鴨飯，竽頭腍又粉很可口，油鴨炆到無味道，飯與餸份量都很多。椰汁焗雞皇飯售罄，改叉燒飯，飯與叉燒份量都不少，叉燒色、香、味、尚算俱佳。肉片炒麵，炒麵份頗多，拍照片時已經吃了一半，肉片少得則寥寥可數，像豉油皇炒麵，味道尚可。有現金優惠券是抵食得多。

星期日去到愉景灣，想食個下午茶🧐揀左海岸餐廳，難得係愉景灣揀到間似茶餐廳既🤭2:30下午茶都有唔少選擇仲要星期日都有下午茶👍🏻我就揀左炸雞翼配薯條 $42老公就揀左雙拼燒味湯粉$56等左一陣，叫number 就岀去counter 自己拎炸雞翼薯條🍟薯條係粗身，但好似冇落鹽🧂雞翼感覺似生炸👍🏻有2隻全翼，都算抵食燒肉叉燒瀨粉🥢燒肉脆卜卜半肥瘦叉燒好味，肥瘦恰到好處淨係對住個view 都好正🏖

因為工作而到愉景灣，順便食埋lunch就選擇了海岸冰室一入去就已經見到個海景餐價大約$6x~7x選擇了 黑淑牛舌焗意粉$65加凍奶茶$3黑淑牛舌焗意粉比像中好食牛舌有7,8件 意粉軟硬適中但如果多d汁會更好以$6x可以望住個海景食，係愉景灣黎講真係平、靚、正食完仲可以出去影相打卡

每逢假期， 香港打工仔梗係瞓多一陣得一陣，所以晨咁早嘅早餐時段唔會太多人！呢度平時揾個位都難， 邊由得你任揀！🤤難得一刻嘅寧靜，好舒服！ (呢句老板唔啱聽😡)晨光初現，鳥語花香 ……！🐦🌻🌷🌳🌴睇睇有乜好食先?!聽醫生講，話早餐食多啲蛋白質有益， 咁我咪揀咗呢個囉！塊煎豬扒幾大件，佔咗個湯碗一半面積。 有埋青豆、粟米，紅蘿蔔 ，夠曬營養！新鮮出爐厚多士， 夾埋脆邊荷包蛋同蜜味茄汁豆， 蛋白質達標啦 !港人例牌每日一茶！假期間中早啲起身， 享受吓難得嘅悠閒，一樂也！

相信如果不是愉景灣對非外國人的餐廳實在太少選擇，這間快餐店應該早關門了。就是哪種早上麵餐連湯底都只是微熱，而麵仍是略生的哪種。很多食物的味道只算合格，但價錢在愉景灣當然會較市區貴10多元。雖然愉景灣非西餐的選擇不多，但我早已放棄這家店，另一半原因是他的經理做了10多年，又只是大集團下的一間小餐廳，變成了山寨王，只要賺錢，對客人的態度不敢恭維！希望他們公司管理層能改善食品水準和經理待客的禮貌，否則待新商場開始營業，有其他選擇時，相信其他客人都會跳船。

第一次去愉景灣，仲要係朝早，真係唔知食乜好。行左一下坐船附近既舖頭，都係得咖啡店開門，可能因為多外國人住既關係，都係西餐同咖啡店🙄跟住上openrice搵，發現到唯一一間貌似有中式野食既店。入到好既格局好似某某連鎖快餐店😂睇menu居然見到有五香肉丁出前一丁，即刻叫黎試下。外貌幾好，仲有兩隻太陽蛋，熟度適中。出前一丁真係有包油俾你，無呃人🤓總體黎講 野食幾好，就環境普通，價錢都合理，下次會番黎食。

以前同朋友嚟食過一次呢到嘅香葉茄子豆腐覺得幾好食一試難忘，市區又冇呢味餸所以冇咩機會食得到，今次入嚟愉景灣揾朋友諗住"舊地重遊"所以叫咗佢幫我去海岸餐廳叫香葉茄子豆腐嘅外賣上佢到食，因為好肚餓一直滿心期待，點知一打開見到味餸我就呆咗，同以前食過個碟個賣相唔同，可能係轉左師傅，不過諗住都算啦可能一樣好食呢，但呢碟嘢真係唔得，個茄子係就係幾入味但係仲係硬硬地唔夠淋，仲要加埋啲嘅青椒紅椒九唔搭八咁都唔知做乜嘢，豆腐又唔好食價錢仲要比以前貴咗

愉景灣食肆很多 ，但主要以西餐為主， 若想吃燒臘或傳統的粥粉麵飯 ，就只有這間茶餐廳--海岸餐廳!餐廳平日是裝修師傅的飯堂， 到了週末或假期就是遊客天地, 餐廳幾邊都有大窗，邊吃飯邊看景一樂也！這裏的燒臘向來水準不錯， 今天就試了一個燒肉飯， 這個燒肉做到了基本的要求， 皮脆肉嫩，沒有臭豬味，份量也足， 不妨一試！

本來佢係快餐店格局，收你幾十蚊一個餐，食物質素固然唔可以要求太多，但食物唔夠熱依個位其實好容易可以做好d，我地點了三個餐，分別是燒味飯，肉片炒河及米線，飯和炒河都是可以的，但燒味及肉片都是涷的，令成個餐大打節扣。

復活唔想同人逼？唔想過一個人山人海嘅假期？ 愉景灣係一個很不錯的選擇,  人流少, 地方大, 富有置身外國悠閒的感覺, HEA完當然要搵地方醫肚, 愉景灣食店其實都好多選擇, 我地揀咗一間快餐店 ~ ISLAND CAFÉ, 價錢比較實惠。午餐時段食物選擇很多, 中式、西式和泰式也有。海南雞飯 ($68)非常豐富的海南雞套餐霸王花湯 ~ 有點似老火湯, 錯湯頭略嫌偏鹹, 快餐湯算不錯了。海南雞 ~ 分量夠多, 雞無乜雪味, 浸得入味, 雞肉都算滑。黃薑飯 ~ 淡淡的黃薑香, 飯粒乾身有咬口, 又冇雞油飯咁油膩, LIKE。蒜蓉甜酸辣醬 ~ 即紅色嗰碟, 甜甜地、辣辣地、酸酸地, 好鬼惹味, 用來撈黃薑飯或伴鷄食都好正。炆文 ($56連熱飲)炆得乾身, 配料足, 用大量洋蔥、芽菜及豬肉絲炆, 米粉及配料盡吸醬油, 幾好食架, 仲勁大碟。好味背後.....相信味精落得很重手, 何解？ 因為食完餐飯勁口渴, 飲咗400ml 冰水解毒也不行, 要灌多一支凍烏龍茶才冇咁口渴, 如果你唔介意味精重, ISLAND CAFÉA是不錯的選擇。