一喜‧涮涮鍋

Open Now

Now Closed

到了一喜火鍋食放題，火鍋放題任飲任食真係太正啦！眾多湯底就叫左骨膠原美顏玫瑰花膠雞白湯，滋味濃郁又滑口，好似喺面膜入面咁護膚咁啦！而且湯底都唔會太辣，啲人唔太受辣嘅都可以放心食。最正嘅係任食牛肩胛肉，啲肉質鮮嫩多汁，一咬就嘩啦！而且火鍋放題嘅好處就係自己可以掌握食物嘅熟度，想食嗰啲熟啲嘅就煮耐啲，唔想食嗰啲嘅就煮短啲，好方便！味道濃郁嘅牛肩胛肉同埋骨膠原湯底好夾，夾住牛肉之後入湯煮熟，啲湯汁就會滲入牛肉入面，令味道更加濃郁。再搭埋温泉蛋汁，天衣無敵呢！還有自助area,大量精緻丸類，時蔬，甜品等等，都係任食！價錢唔貴有質數。

好耐冇打過邊爐，趁天氣仲係涼涼哋，即刻同朋友嚟康怡廣場呢間新開嘅「一喜‧涮涮鍋」食返個午市放題。餐廳主打一人一爐火鍋，而我哋今次就揀咗個 90 分鐘「美國牛肩肉放題」 ($158)，套餐包美國牛肩肉、美國豚肉、特選雞腿肉同大量火鍋配料，全部都可以任食。湯底點咗骨膠原美顏玫瑰花膠雞白湯 (+$10@)，湯身呈乳白色，中間放了一大朵玫瑰花冰，再以玫瑰花冧作點綴，賣相極美觀。舀起見到湯底入面有唔少花膠，滿滿骨膠原，滋補又養顏。牛肩肉肉質細緻、牛味濃郁，入口爽滑有嚼勁。豚肉肥瘦適中、雞腿肉肉多極厚，咬落啖啖肉，嫩滑又 juicy 。另外餐廳設有自助放題區，有冷盤小食、新鮮野菜、丸類、甜品、雪糕同明治雪條等供應。前菜小食有味付螺肉、中華沙律、玉子豆腐等，另外仲有紫菜絲同飯素，客人可以自己 DIY 炮製紫菜飯。飲品方面，種類亦非常之多，由果汁、茶飲、汽水，以至咖啡等，應有盡有，相當抵食。

康怡廣場剛開業不久嘅一喜．涮涮鍋，係一家日式火鍋放題專門店，晚市120分鐘放題設早鳥及宵夜時段優惠，最平$128就有交易！特選美國牛肩肉放題 $258正價$258， 早鳥優惠$248，宵夜時段$218嘅放題套餐！特選美國CHOICE牛肩肉｜特選美國CAB牛肩胛肉食火鍋放題最怕就係得第一轉肉係靚，而一喜．涮涮鍋就絕無偷工減料嘅情況，值得推祟！CHOICE牛肩肉嘅牛味勁濃！而CAB牛肩胛肉嘅口感就軟嫩啲！兩者都好值得瘋狂encore！美國豚五花肉｜美國豚肉｜精選美國肥牛五花肉軟滑又夠肥美！瘦身嘅豚肉都唔錯！肥牛都幾滑溜！骨膠原美顏玫瑰花膠雞白湯 ＋$10｜完熟番茄湯有粒玫瑰冰做賣點嘅雞白湯，內含花膠可美顏！番茄湯同牛肉係絕配！自助區丸類、蔬菜類、飯麵、漬物、甜品、飲品、甜品都係自助形式，選擇夠晒多！熟食一喜．涮涮鍋嘅炸物真係做得幾出色，個人推介珍寶炸帶子同埋天婦羅海苔魷魚！

天氣一凍就想去打邊爐🍲！今次見到呢間好新想試下~我地今次試左個湯底係骨膠原美顏玫瑰花膠雞白湯，聽到個名都夠曬骨膠原，女人至愛~💁‍♀️佢呢個特色係將個雞白湯整成一朵玫瑰花，放入湯到就得架啦，湯入面仲有花膠同玫瑰花，成個煲都係骨膠原，夠補夠養顏❤️呢個餐係特選美國牛肩肉眼，可以任食牛肩肉、牛肩胛肉、牛五花等等，D肉都唔差架，肥瘦適中，入口頗有肉味，而且亦有唔少海鮮同蔬菜等選擇，亦有多款丸類同腸類等等，食物種類都算豐富有得揀！另外飲品都大眾化，唔同牌子汽水同茶都可以揀，甜品都小巧精緻，亦有唔同口味既雪糕，食到咁上下就可以食返粒泡芙做結尾🥰

好耐無打過邊爐，今晚就約左朋友黎個一人一鍋打邊爐先。呢間店係新開，時間尚早未算太full。放題套餐有6款，而湯底都有成9款選擇，我哋就揀左特選美國牛肩肉眼放題。骨膠顏美顏玫瑰花雞白湯：估唔到湯底都有得打卡，雞白湯用左玫瑰花造型。雞白湯奶白色，味道唔太濃，又唔覺得好多油，我就幾鐘意。完熟蕃茄湯：蕃茄湯底酸酸甜甜，朋友至愛。火鍋配類擺放乾淨企理，類種多。小食如螺肉同中華海蜇、蔬菜同甜品都在雪櫃分開擺放，飲品都係外面自取。炸物：小食有炸帶子、炸帶子、炸魷魚鬚、炸蕃角同章魚小丸子，全部剛剛炸起，熱辣辣。肉類：用qr code落單，即叫即切。兩款牛係特選美國CAB牛肩胛同特選美國Choice 牛肩胛，豬就係精選美國豬五花。每款油花分佈平均，口感OK，最緊要係無限encore。海鮮類：呢個都係用qr code落單，有青口同墨魚仔，兩款都幾大隻，帶鮮味，墨魚仔咬落爽口。 其他配料：自取有丸類、菇同菜心，樣樣食D都幾飽，幾豐富。甜品：雪糕係香港製造，雪條係明治雪條。另有仲有芝士蛋糕同泡芙等，雪櫃仲有幾款，味道不過不失。

新年想食個邊爐，平平地同媽咪去左食《一喜．涮涮鍋》揀左B餐特選美國牛肩胛肉放題媽媽揀左沙嗲湯底，有花生香味唔會特別咸；我揀左貳辣鴨血湯+10，初初食覺得係小辣程度，但越煲越辣，麻得過癮、鴨血份量都算多特選美國Choice牛肩肉同特選美國CAB牛肩胛肉係今次邊爐嘅重點，因為真係雪花分佈適中，而且唔會切到細細片，大啖一大塊肉好滿足，而且入口唔油膩，亦唔會因為過左時間夾起會老會柴肉，值得encore再encore~美國豚五花都好值得關注，唔會有豬嘅騷味，唔會太厚太薄太油，同兩款牛同列頭三位必食除左普通肉類之外，仲有一啲炸物可以order ，全部都新鮮炸唔會有反炸油溢味，加分~另外仲有蔬菜同丸類自助區，魚腐、墨肉丸、福袋係私心推介飲品同甜品都係任食，雪糕有香港本地品牌coco berry，Lotus 焦糖餅味如果見到一定要食返杯呀~

一喜‧涮涮鍋 地址: 太古康山道1-2號康怡廣場北座3樓T2號舖電話:=====================日本shabu shabu 在香港食很貴，上次同朋友去了食一間人均500多，仲要肉同料都好小款。食完好似無食過一樣，之後同其他友人講起，佢介紹呢間比我，高cp 。骨膠原玫瑰花膠雞白湯，對女人來講，骨膠原就是美麗指標。肉片類保持新鮮，用qr code 輕鬆落單， 點了大量牛同豬。 蔬菜丸類等就放在自取區。今次去做緊優惠，指定套餐第2位半價，好抵！叫得放題shabu shabu,飲品當然也包括在內啦，甜點如一口cake 是常見那些，如puff, cheese cake 仲有雪條。雖然食甜食不妨留小小肚空間

突然想打邊爐，一人鍋放題係一個選擇，揀咗Set B，少有地食咗6碟牛，90分鐘時間好快過。湯底：美顏玫瑰花膠骨膠原雞白湯丶杞子杏汁雞白湯主菜：特選美國CAB牛肩胛丶特選美國Choice 牛肩胛除咗火鍋配料，仲有幾款熟食，炸帶子丶章魚燒丶魷魚鬚丶枝豆等自助區丸類飲品：道地茶類丶港式汽水丶韓式汽水等蔬菜：最鍾意係豆苗丶萵筍，同埋短暫出現過嘅蕃茄冷盤：中華沙律丶螺肉等甜品：一口蛋糕丶泡芙，試咗幾款，朱古力brownie最好味雪糕：推介meji雪條

一個人食野真係好自在，唔使同人傾計，慢慢咀嚼，慢慢享受。但人係群體動物，一齊食飯，談天說地，所得到的歡愉又唔喺單純食物可以比到。呢間餐廳名改得好，一喜，一起食飯， 一齊分享歡喜。而我今次搵到志同道合一齊中意食野嘅朋友一齊黎食，更加可以話係喜上加喜。(搞到唱新年歌咁) 🍖影相最中意影大堆頭，呢度嘅配料，充足又新鮮，而且分類清晰，急凍嘅丸類，腸類放係一邊，另一邊就係切好左嘅瓜類或者菇菜，比如窩筍粟米蕃茄等等。然後大葉既蔬菜會放喺雪櫃，令佢更加保持新鮮。以上安排嘅好處，就係令人覺得非常齊整，井井有條。我覺得咁樣客人喺夾野既時候，都會因為咁樣而格外小心，提高整體既衛生情況。 🍖鍋底方面，我地揀左花膠雞同埋胡椒豬肚，我見大部份都係揀一樣一鍋，我地問店員有冇傳統駌鴦鍋，諗住有氣氛d，原來真係有，我覺得係食材以外，呢一個offer，亦都會直接構成客人選擇呢度嘅原因。 🍖我地揀左簡單嘅美國牛肉b set，佢有海鮮雞肉豬肉可以選擇，但我地全程都無叫，因為牛肉已經好好味，橫切面大大塊，厚薄適中，而且唔會痴埋，又唔會散，證明解凍做得好好，安排足夠時間處理切割，牛味亦都濃郁。 🍺✨️哩度仲有自己直接係啤酒機斟嘅

康怡廣場3樓有一間一人火鍋，二百幾蚊就可以食到美國Prime級數嘅牛肉，美國豬肉片一樣好好味。❤️湯底方便我哋分別叫咗杏汁雞嘅湯底同埋一個花膠豬骨湯底。兩個都好養顏。😏出邊有好多肉丸同埋蔬菜選擇，推薦大家食入邊有粒粒芋頭嘅芋頭丸，麻糬福袋都好好味，裏便大粒麻糬非常煙靭。🉐👍芽菜 芋頭 韭菜 南瓜 冬瓜呢一啲常見嘅配料都有得選擇。想食得飽啲仲可以選擇拉麵，同埋紫菜撈飯，加多隻溫泉蛋就好正啦。另外我都叫咗個炸帶子做小食，同埋墨魚仔😉臨走當然要食返個雪糕啦！呢度雪糕起碼有五款口味，我就選擇咗焦糖同埋花生醬味，正!逢星期一二三呢度仲有優惠做緊，第二位有半價。超級抵。

今日約左朋友在太古見面，想搵間坐得舒服又可以傾得耐既餐廳食晚飯，朋友二話不說帶左我黎一喜涮涮鍋打邊爐。餐廳位於商場內夠晒方便，而且座位闊落坐得舒服。最重要係餐廳環境衛生度高，不時會有員工清理自助bar枱面。餐廳有提供唔同等級嘅肉類，客人可按喜好選擇。我哋就試咗最普通嗰隻，但其實食落一啲都唔差，牛肉好有牛味，唔會嚡口。如果對食譜有要求的話可以試吓佢哋最新嘅十勝和牛套餐。自助吧好整齊，環境衛生唔錯，會定時清潔，而且素菜的種類多，職員refill嘅速度都快。牛肉色澤紅卜卜，無雪藏味，只要你食得到就可以無限encore。湯底都有9款，我就試咗佢嘅麻辣湯， 10分推介俾食得辣嘅朋友，因為我低估咗佢嘅麻辣程度。有啲特別款式嘅雪糕，推介佢哋自家製嘅雲呢拿味雪條。

前排過年凍冰冰又去打邊爐喇，發現我都幾鍾意打邊爐康怡開了間新的火鍋店，由食材、飲品、甜品雪糕款式非常豐富😁美食推介：💛湯底：骨膠原美顏玫瑰花膠白雞湯，湯底以甜雞白湯熬製，配上玫瑰花及花膠非常清甜，而且滿滿骨膠原🤭💛特選美國牛肩肉：肉質非常嫩，入口即溶，正呀🥰好好食👍🏻💛特選美國牛肩胛肉：牛味濃，非常之肉嫩👍🏻牛肉必食推介😋💛火鍋材料丸：一整個雪櫃上放滿不同得丸類任你夾，🥰好正呀👍🏻👍🏻💛蔬菜：款式非常多👍🏻勁多款蔬菜食勁爽呀！💛甜品：有多款不同品牌的雪條及雪糕，而且仲有軟雪糕機👍🏻雪櫃甜品都好多款式，除了迷你蛋糕，布甸外，仲有乳酪及豆腐花。💛飲品：各款汽水飲品，應有盡有，非常豐富👍🏻

呢間午餐放題好平,多選擇,一人打邊爐都得。叫左玫瑰花膠雞白湯,個玫瑰係有雞湯既精華,幾靚幾特別。呢度有唔少野食同甜品可以自取。我叫左個牛肩肉餐,可以任叫牛肩肉、雞肉同埋豬肉片,其他配料可以自取。自取既比較多唔同款式既丸,蔬菜、芋頭、粟米、同埋麵。如果想食飯都有,可以加紫菜同埋飯素。我食牛肩肉為主,味道都唔錯,同埋食左d丸都好快飽。比較中意生菜,放左係雪櫃,比較新鮮同脆。呢度係自助落單既形式為主,要添食都好方便。

趁著過年前打埋最後一次邊爐，今晚揀左港島線太古站旁康怡廣場新開業嘅「一喜·涮涮鍋」，都市傳說名字加「·」就會變高級⋯晚市正價時段嘅5款放題選擇由$218至$528不等（星期五至日及公眾假期+$10）自助取餐區包括各式丸類、魚腐、蔬菜、出前一丁、烏冬，仲有白飯任裝⋯骨膠顏美顏玫瑰花雞白湯：雞白湯呈奶白色，帶鮮咸香，唔會過份濃郁，而且唔會太膩，尤其食牛肉唔想用太濃湯底遮蓋牛肉鮮味。特選美國CAB牛肩胛肉：牛肉切得相對大片，食落好有肉感，脂肪比例較多，故油香豐富，同時，肉質滑嫩，牛味亦夠濃郁，屬呢個價位不停追加之選。精選美國牛五花：牛五花脂肪比例更多，油香的確更高，但肉味一般，不及CAB牛肩胛肉。特選美國CHOICE牛肩肉：呢款牛肉脂肪比例較低，肉味適中，但肉質唔夠滑，食落都係無CAB牛肩胛肉咁有balanced嘅感覺。美國豚五花肉：豚肉五花，肥瘦相間，豚味及油香並重。炸物小食包括章魚小丸子、炸帶子、炸魷魚鬚等等不足十款選擇。什丸有龍蝦丸、芝士丸、貢丸、魚旦、魚腐，各式蔬菜瓜類芋頭土豆等等都有。甜品方面有數款芝士蛋糕、泡芺、雪糕及雪條，唔係特別premium嘅款式，所以我都只係試少少味，主攻

年近歲晚，不停地吃團年飯，多數團年飯都是小菜盆菜，但今日的團年飯是日式火鍋，在康怡廣場北座三樓，一間新的火鍋店，晚飯時間排曬長龍，放題90分鐘，餐廳可以做幾輪生意，200幾蚊一個放題，食材超新鮮，品種唔洗好多，最緊要平靚正。近排日日都吃，所以湯底我們都揀最清淡的昆布鰹魚湯底，甘甜又健康，咁樣更加可以食到食材嘅鮮味原味。我們選了牛肩肉放題，數碼點餐效率非常高，點完1分鐘就送到。肉類和海鮮用數碼點 ，蔬菜腸仔肉丸就隨便在自助區囉，飲品調味品全部自助，仲有小食和甜品大量供應。牛肩肉又嫩又鮮甜，喺湯裡滾4秒啱啱好，點啲蒜蓉豉油非常惹味，天花板級數。食完牛肩肉又點咗日式腩肉， 瘦多肥少，食落都係好嫩口，豬有豬味，🐖🐖牛有牛味，🐮🐮食材絕對百分百新鮮，青口隻隻都係肥嘟嘟，新鮮有光澤，食落鮮甜完全冇渣。蔬菜區最特別係有鮮嫩豆苗，放入煮過牛肉的湯底裡面，鮮香嫩綠清甜爽口，冬天豆苗喺特別好食，其他蔬菜我地都逐樣試，有南瓜粟米冬瓜窩筍韭菜豆腐生菜油麥菜大白菜芽菜等等等等等。食到肚滿腸肥之時，仲可以飲杯熱咖啡，或者雪糕，或者甜品，回味新鮮嘅牛肉同豬肉嘅鮮甜，團年飯食火鍋都唔錯。👍👍