一喜‧涮涮鍋

Open Now

Now Closed

太古站B出口整電梯所以行左去A2出口一出就系康怡廣場 見到甘多美食 就膽粗粗上左三樓食下涮涮鍋一坐低當然又系掃code即點肥牛食下啦有美國啲 澳洲啲同日本啲我就選左澳洲啲安格斯牛板腱 當然仲有廣島蠔同埋帆立貝落完單就梗系九秒九衝出去外面攞醬料同埋野飲，口味就因人而異我依d重口味就當然系選蒜蓉加大量啲蔥過口癮見到仲有海量啲白菜，因為白菜通常多泥 要洗多功夫，可見這間店製作用心！雪櫃仲有我最鍾意啲韓式飲品，有曬韓文 可是平時飲不到的啊回到座位，這個椰子雞白湯時間剛剛好開始滾，點的牛肉也到了，肚餓的我當然是錄一錄牛就點汁放入口so yummy!!! 就是入口含住那種牛肉味慢慢浸入味蕾的感覺與此同時，隻手當然是將剛才攞的烏冬呀 木耳 冬菇 西蘭花 蓮藕 蕃茄茄 等等 一鑊熟甘加入湯度 跟手就再去放題攞定雪糕系有海量啲日本雪糕同埋甜品嘿嘿 攞定放番枱面等佢溶少少再食 到左最佳嚐味時間 無甘硬食 簡直系一流以上就系我一個勁肚餓啲人如何用20分鐘就極速食完一輪放題 xD由於放題可以食一個鐘，所以唔夠飽就可以重覆再做多兩次 哈哈是次最正的不得不提當然是牛肉，個人就覺得澳洲的最正，口感一流 食過返尋味下

今日響太古呢頭做完野，雖然天氣好熱不過我哋兩公婆對火鍋嘅熱愛同氣溫完全冇關係，火鍋癮起上黎嘅時候，一年四季都係食火鍋嘅好日子~ 所以我哋就即刻搵吓附近有咩好食又抵食嘅火鍋之選大集團嘅火鍋我哋都試過，咁啱見到呢間係我哋之前未試過嘅，一於試吓啦~ 我哋平日夜晚去好彩唔洗等位，餐廳都坐滿咗七成~ 事不宜遲，我哋即刻落單，湯底方面我哋今日想清清地冇叫麻辣所以嗌咗椰子雞湯，不過餐廳係一人一鍋嘅，就算兩個人想食嘅湯底唔同都冇問題當然我地馬上叫咗幾碟牛肉試試，澳洲安格斯牛板腱真係無得輸，肉味香濃得來脂肪分布平均唔會太肥，就算減緊肥嘅人食都唔會有罪惡感，所以其他肉同海鮮我哋都係叫咗一碟試吓，都係正常發揮啦~ 係澳洲安格斯牛板腱我地叫完都一碟又一碟，餐廳質素都好穩定，唔會第一碟特別靚之後嗰啲越嚟越差，抵讚而蔬菜方面都有好多唔同選擇，唔會來來去去得幾款，又健康又食得開心~結果我哋兩個都食到捧腹而回，下次如果經開呢頭都可以再過嚟試吓其他湯底

一喜‧涮涮鍋太古康山道1-2號康怡廣場北座3樓T2號舖一人一鍋 九大湯底 五款免費 另外四款需要加$10全新滋味椰子雞，白湯鍋熱帶風味清新椰汁魚日式鮮甜雞白湯滋味結合一開始先煲3分鐘 等到雞肉熟晒先飲個湯如果之後再飲個湯就會比較油膩 因為豚肉 牛肉嘅油脂出晒嚟四個長大雪櫃 一個蔬菜櫃 甜品 雪糕雪條自助區域 丸類 麵類 小吃 炸物自己拎澳洲安格斯牛板腱 雪花油脂比較均勻特選美國CHOICE牛肩肉 極品美國CAB牛肩胛肉 呢兩款肉味重啲 比較精瘦日本豚肉 薄切輕輕淥大約7秒就OK海蝦 帆立貝 廣島蠔

一喜 涮涮鍋太古城康山道1-2號康怡廣場北座3樓T2號舖坐港鐵太古城站A2 行兩分鐘就到😄 鋪面簡單清爽，光線足夠，乾淨，夠寬闊😁可以同朋友享受一邊打邊爐一邊傾計😋 椰子雞湯： 有紅棗 有杞子 有椰子片 雞件 幼滑湯底充滿椰子味，很不錯的😋澳洲安格斯牛板腱： 切薄片，新鮮肉質， 肉和脂肪均勻，放入口咬肉汁豐富😋極品美國CAB牛肩胛肉： 第一次食，切薄片，新鮮肉質，外表好靚似地圖，涮一涮樣子可口，食入口彈牙，美味豐富，口感很好😋海蝦，廣島蠔，帆立貝，墨魚仔 ：新鮮味道不錯，入口豐富，彈牙😉原隻放入口😋美味還有自助區有好多選擇: 油麥菜，唐生菜 ，娃娃菜👏 甜不辣，有豆卜，魚腐，豆腐和玉子腐，金針菇，南瓜，粟米，芝士腸，丸類，烏冬，生麵等等😋😋仲有熟食，麻辣魚皮，墨魚仔 ，Kimchi，炸薯圈，炸帶子，炸蝦等等😋飲品: 烏龍茶 咖啡 檸檬汁 還有更多 飲品隨意飲😉最後，食杯雪糕😋

今次同同事放工來左位於太古嘅火鍋店——一喜·涮涮鍋。呢間餐廳係一個放題任飲任食火鍋店，環境舒適，位置極之方便，就係太古地鐵站嘅上一層。店舖裝修寬敞舒適，每個座位都有一個火鍋爐，可以一人一鍋，滿足每個人對於口味湯底嘅不同選好，而且更加衛生，唔使同同事交叉感染。餐廳除咗提供新鮮嘅肉類同海鮮選擇，仲有各種熟食小食可供選擇。至於飲品方面，都有十多款不同嘅飲品可供選擇。如果想飲生啤，就要加錢啦。最後，仲有各式各樣嘅甜品，佢哋有唔同款式嘅蛋糕，同埋泡芙。而最正嘅係佢哋有明治雪條。

今日我地黎到太古站旁的商場，A2出口的北館好多野食，我地決定食呢間日式shabu shabu🤤我地揀左澳洲安格斯牛板腱放題，d牛肉質素好靚😋😍 連加一係$305。我地揀左一鍋椰子雞湯、一鍋花膠湯，好足料！仲有廣島蠔、海蝦、帆立貝、墨魚仔，出面自助區亦有好多選擇，例如油麥菜、生菜、蛙蛙菜、豆卜、魚腐、豆腐、金針菇、南瓜、芝士腸、丸類、蟹柳、福袋、烏冬、粟米等等。 肚餓嘅可以食住炸物先，有炸薯圈、帶子、燒賣、薯角；亦有飯同紫菜絲，撈埋一齊好正。醬料區好多選擇，有蒜蓉、芝麻油、燒肉汁、芫荽、蔥、飯素等。飲品區亦有可樂、涼茶、桃🍑汁、菠蘿🍍汁、芒果🥭汁、橙汁、蘋果汁、忌廉梳打、紙包飲品。平時好難會買到，我趁機飲多幾款😋👍🏻 甜品有泡芙、切餅、小撻；雪糕有好多隻味，如海鹽、芒果、益力多、開心果、富貴黃金果等。我自己最鍾意Tiramisu 提拉米蘇口味🤤🤤唔會太甜，好清爽😘店員服務態度好好，會細心觀察你的需要，主動幫你加湯/收碟🥰。地點方便，下次會再黎食

同家人一齊去十下十下，一行8人，等位等左大半個鐘😑😑😑，冇計，人多ma有位入座，覺得個場比較細，比出面其他一人火鍋店細一半左右，唔怪得等咁耐🥲🥲咁店家見我地等得耐，都好好人咁主動送左2碟鮑魚比我地😝😝，唔錯👍👍湯底選擇幾多，但係麻辣既只得鴨血湯，我個人鍾意麻辣，但唔鍾意鴨血，所以我就叫其他湯😅😅食物黎到都幾新鮮，牛肉唔錯👍尤其我地可以任食生蠔😋😋😋不過可能收鋪關係，最後嗰轉生蠔唔新鮮，有陣腥味🤔🤔個場可能比較細，啲自助夾菜既料感覺款式比較小，但係都算ok 既。因為有2個小朋友喺度，我地成晚比較蹧，真係好對唔住各位食客，可能影響到佢地食野🙇‍♂️🙇‍♂️🙇‍♂️🙇‍♂️🙇‍♂️🙇‍♂️

一喜‧涮涮鍋 （29/5/2024）今日同朋友去太古城親友屋企打麻雀，打完後就同朋友去食晚飯，我同朋友都好喜歡食火鍋，親友就介紹我哋去康怡廣場北座一間火鍋店食，佢話間火鍋店啲食物好好食，價錢亦唔貴。這間火鍋店叫一喜‧涮涮鍋，位於太古康山道1-2號康怡廣場北座3樓T2號舖，港鐵太古站A2出口，行幾分鐘就到，非常方便。火鍋店環境闊落，乾淨企理，地方光猛，設有自助區，枱與枱之間空間都大，座位都寬闊，令人坐得舒服。店員有禮貌，服務態度好，來這裏食真係唔錯。這間火鍋店是日式唰唰鍋放題專門店，有90分鐘主餐牌放題，火鍋店以QR CODE掃碼任食下單叫牛肉、豬肉、雞肉、海鮮，店內就有全部自助區域，任選任食嘅食物，包括有小食、前菜、粉麵飯、蔬菜類、丸類、甜品、飲品，真係有好多食物任食，仲有成10種嘅調味品任選來點食物。我哋就叫咗澳洲安格斯牛板腱唰唰鍋放題，湯底選擇都唔少亦各具特色，我哋點了椰子雞白湯鍋，湯裏面有熱帶風味清新椰子、日式鮮甜雞、紅棗、蜜棗，真係滋味結合，亦有益氣補腎之用，湯底清澈乳白色，入口鮮味清甜，火鍋前我都飲咗幾碗。食火鍋怎可少得吃肉類，牛肉就點了我哋至愛的澳洲安格斯牛板腱和極品美國牛

太古城呢個住宅同商業聚匯嘅地方，竟然甚少放題選擇，幸好我已搵到心水 - 一喜 . 涮涮鍋 🫶🏻平凡嘅星期一晚過到嚟，驚見餐廳有逢一、二、三特定嘅第二位同行食客半價優惠，晚市光顧美牛三重奏或以上級別放題即可享有，令本身已經超抵食嘅放題套餐抵上加抵！ 😆 今期餐廳推介椰子雞白湯鍋，同澳洲安格斯牛板腱放題，一於一試💪🏻 一上鍋，椰子雞白湯香噴噴😍 飲落好清甜，而且喺湯底裏面搵齊晒雞肉、椰子、紅棗同杞子各種湯底材料，果真係真材實料，雞肉多汁、味濃又滑，出乎意料咁高質🤗 個湯底同大陸出名椰子火鍋相比，有過之而無不及，咁就唔駛咁遠水路🚇返大陸食啦😉值得讚，一人一鍋，衛生又方便 🫶🏻澳洲安格斯牛板腱望落油花均勻，一睇就知道靚🤤 食落牛脂肪非常鮮美又唔膩，絕對係一啖一塊停唔到口🥹特選美國 CHOICE牛肩肉同極品美國CAB牛肩胛肉，油脂比例冇澳洲安格斯牛板腱咁高，但一樣肉質鮮嫩，主打濃郁牛味👅鐘意食蠔嘅我，實在喜出望外套餐有廣島蠔任食❤️ 蠔肉 size 令人滿意，味道 creamy，兩隻兩隻食，不經意食10隻8隻冇難度😎自助配料區有好多選擇，火鍋配料同炸物都有，而且擺放得好企理，迎合各顧客不同口味同需

今天我和朋友來到了位於太古康怡廣場的ー喜・涮涮鍋吃火鍋放題。我們選擇了澳洲安格斯牛板腱涮涮鍋放題，用餐時間90分鐘。餐廳的火鍋每人一鍋，可以自由選擇湯底。我們都選擇了椰子雞白湯,湯頭鮮美濃郁，椰香味恰到好處，雞肉份量充足。這裡點餐非常方便,只需通過餐廳提供的QR code下單。我們的放題套餐提供了澳洲安格斯牛板腱、特選美國CHOICE牛肩肉、極品美國CAB牛肩胛肉等肉類，肉質新鮮、軟嫩。除了肉類，他們還提供了各種新鮮的蔬菜、海鮮等。除了主餐，餐廳還提供了各種小食、飲料和甜品外面自取，款式繁多。值得再黎。這裡環境整潔乾淨，空間寬倘，用餐時坐得舒適。職員有禮，服務周到，會主動收走空碟。

打邊爐絕對是無分時節！一喜• 是我常去的火鍋放題食店之一，這裏環境乾淨企理，坐位寬敞舒適，湯底有10款不同選擇，不時會有一些限定的特別款式，今次我們選擇的是椰子雞湯，鍋底10分清甜滋潤，推介！餐廳提供不同等級及部位的牛肉可供任食，當中包括必食的安格斯牛，牛肩胛、豚肉 片，雞肉等各種優質肉類，每樣都很新鮮。火鍋配料加上各種甜品約有多達50款，汽水咖啡也是任飲～整個套餐抵食而且食材很有誠意，不會因為價錢優惠而影響質素，絕對是超值之選。

今日同朋友去太古食火鍋放題，一人一鍋，星期一至五晚，任食90分鐘連加一服務費都係$305，相當抵食。晚市火鍋放題有6款選擇，我哋揀既澳洲安格斯牛板腱套餐，可無限追加澳洲安格斯牛板腱、特選美國CHOICE牛肩肉、美國CAB牛肩胛肉、日本豚肉、廣島蠔、帆立貝、墨魚仔、海蝦，另外仲可以任食自助吧既火鍋配料包括各式丸類、蔬菜類、炸物、飲品及甜品。湯底方面有多達9款選擇，我哋揀左新推出既椰子雞白湯，配料有椰肉、雞件、紅棗、杞子，湯底滿滿椰香味，雞肉在火鍋烹煮中，仍能保持鮮嫩口感。我特別鍾意澳洲安格斯牛板腱，切成薄片，肉質細膩，如大理石紋般既油花，只需輕輕涮過熱湯一次，牛肉就會變得軟嫩，入口即化，令人回味無窮。整體嚟講，火鍋店環境寬敞，座位舒服，食物種類多，而且新鮮高質，值得再回訪。

太古不嬲多好嘢食，今日試下康怡廣場開左冇耐既牛肉放題：一喜涮涮鍋唔同價位都有唔既選擇我就揀左澳洲安格斯牛板腱（晚市時段 ＄305/—位 90分鐘）今次叫左好多款牛肉湯底方面，係一人一窩，我就叫左椰子雞湯😋好多配料，有大量雞肉牛肉方面，呢個餐可以無限追加：澳洲安格斯牛板腱特選美國CHOICE牛肩肉極品美國CAB牛肩胛肉三款都極肥美油脂好豐富無諗過放題餐廳會有咁高質素既牛肉😛我仲另外叫左帆立貝、墨魚仔份量係一客一件，好適合任食，唔會黎得太多而且全部都好新鮮❤️自助吧仲有好多丸類同菜不得不讚係啲菜好少係平時放題見到好有誠意😋另外飲品區都好多選擇 啤酒都好多款甜品區都有驚喜有好多港式口味的雪糕其中奶茶味都出色好啱食完大量牛肉之後俾另一層滿足自己😆值得Encore 的牛肉邊爐放題❤️

一喜•涮涮鍋⭐️澳洲安格斯牛板腱火鍋放題作為一個打邊爐愛好者，日日都想打邊爐。尋日收咗工之後約咗朋友，去咗太古嗰邊食火鍋放題。想食牛味濃啲又有咬口嘅牛肉，揀咗澳洲安格斯牛板腱放題。湯底就揀咗雞白湯，味道唔會太濃，食日式邊爐鍾意配埋清d 嘅湯底。呢一個放題set有三款牛肉可以揀，我覺得幾款嘅quality都唔錯，而且佢仲連埋海鮮，性價比都幾高。出面自助區嘅蔬菜丶丸類丶飲品同甜品選擇都唔少，仲要有啤酒任飲，如果有鍾意飲酒嘅朋友食呢間真係幾抵食。

太古康怡廣場有間日式火鍋放題，好耐無食過，今日餓餓地入去試下先。裝修好簡約乾淨，店員都好好服務。蔬菜，前菜同甜品都係雪櫃獨立裝好，好衞生乾淨。任食90分鐘 （每位計埋加一大約$300）唔同時段價錢會有唔同優惠😋椰子雞白湯底 （另加$10）有雞肉同椰子片，好香椰子味，都好特別特別介紹：😋澳洲安格斯牛板腱😋特選美國choice牛肩肉😋極品美國CAB牛肩胛肉😋日本豚肉😋日本廣蠔😋墨魚仔😋海蝦平時任食日式火鍋既牛都唔係太高質，但哩度既牛同豬質素都好高，超新鮮有肉味。店員話即叫即切，所以好新鮮。仲有日本廣蠔，墨魚仔，海蝦任點。食物吧可以有好多丸類，蔬果及其他熟食食材供應，款式都比較特別，好岩我哩d愛蔬菜既人士。感覺哩個火鍋都比較健康。另外仲有多款飲品及甜品供應，真係好爽，任飲。啤酒就另加$58 任飲。只係食肉都夠抵食，如果約唔到人一齊打邊爐，哩度都係一個唔錯既選擇。⭐️⭐️⭐️⭐️（5星為滿）一喜‧涮涮鍋 (太古)太古康山道1-2號康怡廣場北座3樓T2號舖飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #日式餐廳 #香港特色餐廳推介 #吃貨 #