一喜‧燒肉

Open Now

Now Closed

男朋友幾個月冇去日本，燒肉癮又起了~~又冇提早BOOK位放工唯有去屯門時代廣場附近睇下有咩選擇。搵到喱間一喜.燒肉388價位有任食燒肉同埋壽喜燒，喱個價位仲包左食安格斯和牛同埋各種海鮮~今日星期三，人流唔算好高，入去侍應哥哥好好咁俾左張大台我地，可以坐得舒服好多!二話不說我地叫左牛油帶子/牛油煮蜆/牛油蠔等海鮮同埋每款牛都禁左一碟試下海鮮類海鮮類既食物大部分都係用左牛油，好香，最推介係牛油帶子，帶子肉厚襟燒，耐左少少都唔怕，我仲特別叫左蒜頭拎黎燒，加落海鮮到食一流!肉類個人最喜歡係和牛牛肩肉~雪花好靚，燒耐左少少都唔會覺得好柴。其次係和牛牛板睷，肉質有彈性。其實牛肉既種類非常多，其實每一款都可以試下，廚房會因應人數多少調整上菜份量有原味/燒汁/鹽醬味簡，我最鐘意鹽醬，簡單調味食到牛既味道又唔會太悶，而且唔需要再點醬。壽喜燒雖然今次黎係為左食燒肉，但壽喜燒係送既又冇理由唔食呢，一上台附送既牛肉片雪花分佈都非常靚，用黎火鍋可以話係入口即溶，另外壽喜鍋可以用黎淥下菜，平衡下油膩感另外，餐廳雪糕/甜品/飲品/配茶/醬料都係自取~種類都合乎期望，唔錯~~

好評 好評 會推介給朋友😊值得嘗試嘅燒肉店😊肉類選擇種類多（不同部位）👍肉質不錯。仲有雞腎、大腸、墨魚仔選擇⋯⋯👍冷盤小食：藤椒魚皮、螺肉、芝麻醬豆腐⋯⋯炸物小食：餃子、春卷、炸帶子、芝士年糕仲有一個超好味嘅海苔魷魚酥👍👍👍👍👍⋯⋯飲品種類繁多👍啤酒、咖啡、熱茶⋯⋯環境衛生乾淨企理（坐得好舒服）👍👍樓面侍應和清潔姨姨都好好禮貌👍👍10月尾試一次，11月2第二次 價錢有$ 138 、$238、$ 298、$ 388、$ 598 有陣時會有優惠，所以幾抵

成日經過見到門口好似好吸引咁..又成日做優惠好似好抵咁..今日lunch去食..幾隻牛肉都勁普通..完全無牛味..枱面果枝汁好難食..粉紅色鹽又勁咸..Qrcode落單..一click入去..好多菜品類都售罄…自助吧唔好期望咁高..全部都係cheap野..甜品完全唔掂..雪糕係香港製造果隻牌子..冷盤都係中華沙律同螺肉果啲…唯一值得讚係女侍應幾有禮貌..做野好爽手..絕對唔會有下次..完全令人失望

之前有喺度食過，食物質素確係唔錯但態度….非常惡劣首先喺門口嗰位接待 我同朋友揀耐少少食邊個餐，佢已經唔耐煩….然後入到去，我見有好多吉位 就輕聲禮貌問個男侍應，請問可唔可以坐出面小小嘅位 佢勁唔耐煩同我講，冇架wo！嗰邊維修緊呀超級超級唔耐煩…..我聽得好唔舒服一肚氣已經唔想留喺度食，直接問朋友，不如走？然後我地就直接走咗冇食 真係第一次….

晚市8點 去拎飛 門口女服務個態度極到惡劣 你部機廢係唔關我地事！ 甘樣趕客 幾平 幾好食都無用啦！ 希望餐廳檢討下 唔怪得星期六晚8點 都可以唔洗排隊 有甘既人企門口做野 同趕客有咩分別？

屯門朋友帶左去呢間一喜燒肉食晚餐我哋揀咗安格斯和牛套餐食90分鐘套餐包咗個壽喜燒鍋 壽喜燒鍋材料好足蔬菜搭配有白菜、豆腐、冬菇、金針菇等通常會一同放入鍋中燒煮湯頭鮮甜 以高湯、醬油、味醂等調味料熬煮而成 口感豐富濃郁薄片嘅金標和牛在高溫下迅速煮熟 肉質保持鮮嫩多汁打邊爐嘅和牛仲可以無限再refill燒肉都一樣唔錯安格斯和牛牛板腱 有原味、燒汁味、鹽味、辛味醬汁牛板腱入口非常嫩同柔軟 完全冇過多嘅筋膜同連縷燒完都好有肉汁美國特選和牛牛肩脊肉牛肩脊肉濃郁、厚實、有自己嘅獨特香味燒嘅時候滲出適量的油脂 非常有口感牛舌好有咬口 燒完牛味都好出仲可以燒豚肉同海老蝦紫菜玉子飯配燒肉一流！炸物都幾唔錯海苔魷魚鬚口感脆得嚟又唔乾澀食落鮮甜鹹香珍寶炸帶子大大粒燒茄子係我favourite 食完仲食埋個開心果味雪糕 勁開心滿足決定下次入屯門再encore!

如果你又想打邊爐又想食燒肉，一喜•燒肉可以一次過滿足你兩個願望！店內肉類種類繁多，每種都有多種不同醃法，不如辣味鹽味燒汁等等，而且有多款不同部位任均選擇，淨係牛為例，又有牛小排牛頸脊牛柳粒牛舌，數之不盡~總有一款啱你食！先講吓前菜，餐廳除咗可以任飲任食燒肉之外，仲有好多小食，例如咖喱魚蛋，例湯等。我拎咗一份中華沙律同埋辣味螺肉食，辣辣地非常開胃～然後品嚐一個涮涮鍋，牛肉吸收晒湯底非常入味，烚一烚即刻拎起非常之嫩滑，而且好有牛味，鍋中仲有其他金菇娃娃菜等，好fresh又消滯吸油，中和返燒肉嘅油份～最驚喜係海鮮都好新鮮，又有好多種類，海蝦大大隻任點唔嬲，扇貝仲有錫紙兜燒溶牛油整，更香油味更滑，入口香到回味無窮！如果你哋鍾意食燒肉，不妨試下一喜，種類多味道好價錢公道，仲有好多海鮮飲品任飲，而家仲有優惠第2位半價，返工咁辛苦對自己好啲，食返餐好嘅氹下自己開心～

本來打算同老闆去食個車仔麵頂下肚就算點知佢原來心心念念想烤肉又唔出聲要人地估一大餐先至講咁食烤肉就梗係食任食啦叫定食一碟邊度夠喉但係又唔想食到成千蚊落樓就諗起一年前曾經黎過呢間燒肉食下午茶放題當時係$178 不過我地黎到都晚飯時間所以都預左$300 左右一個人頭去到門口望下 發現佢有款肉做特價放題晚市快閃:封門柳放題$208就呢個啦其實唔係淨係封門柳可能食GA重有另外三款牛同豬,雞可能燒不過封門柳就最有牛味根據經理同我地吹水時講全隻牛只有一條，緊貼着橫膈膜，此肉與內臟較接近，脂肪不多但肉味濃所以呢個特價烤肉PLAN係好抵食架,咁佢黎食幾款一齊上唔知邊隻打邊隻最後我地試左每款叫一次就知道個分別真係封門柳最有牛味一食就食得出呢個關東煮都可以一試有小小炸物同埋湯同埋蔬菜可以自取我最鐘意呢間佢好多沙律同生菜我最常用黎配肉食夾小小泡菜黎食又有另一番風味飲品選擇都足夠重有低咖啡因冷萃咖啡呢個好飲雪糕就係基本款式冇特別去試我地兩個人埋單,加埋一,都只係$500 爽歪歪重平過打邊爐最緊要任食冇煩惱唔洗就黎就去如果冇要求想再平d佢個下午茶優惠都依然響度重要下午兩點食到五點添我老闆又依依哦哦話早知早d起身

真心唔抵、肉類質素差、選擇少、無特色同環境非常污糟！一家四口食完出去，見到有一對年輕情侶心大心細中，都忍唔住行埋去同佢講一聲：「唔好浪費錢，你去食M記都無咁嬲」就知道係幾咁唔ok啦

今日公司包場食燒肉，本身都係件開心事來嘅，因為我本人都好鐘意好鐘意食燒肉。一入到來，坐低見到個爐咁細都已經預左一次過燒唔到咁多野食，不過呢點無所謂，因為火力夠猛，比出面大大個爐但邊位完全無熱力好D。火力較到5都燒得好快好快。醬汁只有無味燒肉汁同粉紅岩鹽，唔知點評價。肉品本身有唔同汁可以揀，不過食唔出。今日食美國安格斯封門柳放題，D肉上檯其實都OK，唔覺有異味有乜，但燒熟左先知出事。D肉咬極都唔爛，仲要唔係得一兩舊係咁，我食左咁多舊都係超級難咬，食到最後我咬一兩下就已經放棄咬唔落要吐出來。只有一款唔知咩牛係入口即溶，對比之下係極好食。我食咁多次燒肉係第一次食到差唔多舊舊肉都有筋，真係大開眼界。豬肉只有腩肉同豬頸肉，算正常嘅，如果早知我就唔食牛只食豬。甜品唔著墨，雪糕正常，蛋糕類一般，超級細舊。前菜一般水準，應該都係整定個D。侍應服務OK，收碟快，而且態度無唔好，都OK。今日食到一肚氣，我一向唔寫食評都要上來寫第一篇食評。但我食完睇食評，見到呢間野咁多正評就忍唔住諗，係咪大家都食到D我食唔到嘅肉呢🤔 真係唔知喇

喺香港好耐未食過咁任性嘅放題和牛燒肉放題 仲有一鍋壽喜燒 係送架送餐速度都快。 店員會主動幫你換爐 收碟整體都滿意燒肉嘅同時 等緊 未熟。 可以食住隔離壽喜鍋另外仲有分打邊爐專用嘅牛肉燒肉嘅話特選和牛牛肩脊肉美國SRF安格斯和牛牛板腱美國牛板腱 封門柳都係非常之推介味醂魚乾 墨魚仔 雞腎 車海老 牛油燒帆立貝熟食都多選擇 炸元貝 酥炸魷魚鬚 章魚燒 呢啲都係我有點尼食 刺身狂食三文魚環境都係一般嘅燒肉設施 設計精簡為主 食糕以本地品牌作主打 益力多味雪糕幾特別樂放題美國SRF安格斯和牛放題 $388送美國SRF金標和牛壽喜燒鍋限時90分鐘 其實都好夠食 因為你打邊爐燒肉同時進行壽喜燒煮咗5分鐘左右可以飲咗湯底先

「店舖一喜燒肉」 - 一座美食天堂踏入店內,您會發現肉類選擇豐富多樣。無論您偏好牛肉、豬肉還是其他肉類,這裏應有盡有。每一塊肉都新鮮可口,經過燒烤精心烹調,散發著引人的香氣，厚薄適中，特別鍾意佢嘅牛板腱。值得一提的是,店舖非常講究衛生清潔。無論是就餐環境,還是廚房後場,處處井然有序,整潔有致。這不僅讓用餐體驗更加愉悅,也彰顯了員工的專業與用心。當您下單後,不需等待太久,便會快速送達桌前。這不僅令人感到滿足,也讓整個用餐過程變得更加爽快。唔會因為等待時間太長，導致唔夠時間用餐。另外我同時喜愛的螺肉和中華沙律任食，仲有麻醬凍豆腐！除此之外,店家還提供了泡菜和新鮮生菜,讓整個用餐體驗更加豐富多彩。除了燒肉外，仲有壽喜燒湯底嘅打邊爐，一次過滿足兩樣飲食慾望。店舖內飲品選擇多，無論是喜歡解茶,還是其他各式各樣飲品,這裏都能滿足需求。總括來說,「一喜燒肉」能滿足的各種需求,絕對係抵食及超值。它的飲品選擇多。肉類種類豐富、環境清潔整潔,加上快捷的送餐效率等等。無疑是香港找尋燒肉美食的其中之選。

頭先去屯門圖書館還書嘅時候, 見到呢間餐廳有人派傳單而家仲做緊特價添, 鬼咁肚餓嘅我見佢有和牛定食+ Semi Buffet 👍🏻所以二話不說還完書就即刻去, 估唔到佢地方咁大而且Semi Buffet 都仲有好多種嘢食任君選擇, 熟食/炸物/蔬菜類/甜品雪糕樣樣有齊， 而且飲品仲好多添🫶🏻唔好以為佢哋係燒肉餐廳就好大浸油煙味， 講真完全都買唔到而且走嘅時候個身都冇味道， 佢哋嘅抽風系統好好而且非常乾淨， 地方又大坐又坐得舒服😌食物質素同服務都好好，地點好方便喺正屯門市中心😉佢哋而家仲做緊優惠四人同行有一人免費添🥳

今日同朋友去屯門食燒肉放題，星期一至五晚6點後惠顧，90分鐘收費，可免費升級至120分鐘，非常抵食。放題共有4款選擇，我哋揀左「樂放題」美國金標SRF安格斯和牛套餐，贈送三文魚剌身放題及美國SRF金標和牛壽喜燒鍋。餐廳採用QR code 落單，另外自助放題吧就有唔同既火鍋配料、關東煮、炸物、小食、飲品、甜品及雪糕，全部任飲任食。肉類選擇好多，每款牛、豬、雞都可選擇原味、燒肉汁、塩醬、味噌、辛味醬汁，牛既種類超級多，牛魔王不可錯過。壽喜燒湯底甜甜地，配料仲有蔬菜和金菇，食燒肉又可火鍋灼菜，食得更健康。三文魚刺身好厚切，肥美新鮮；炸南瓜餅、榴槤炸彈、日式芝士年糕，即叫即炸，唔會油膩。總結，餐廳環境舒適，上菜快，食物種類多，性價比高。

今日終於試到呢間嘅燒肉邊爐放題，之前星期六日經過都唔少人喺門口等位，今日平日早咗收工，所以就同另一半一齊去試吓，門口好似冇乜人，入到去原來坐滿大半間餐廳🙈🤣餐廳裝修新淨，抽風系統好，食完個身唔會有油煙味，今日試咗樂放題果個餐，大部份食物都係QR code落單，食物都好快送上枱，亦冇漏單嘅情況，有少部份食物係自助既，例如打邊爐嘅蔬菜，餐前小食，部分炸物，關東煮，蛋糕，雪糕雪條，同埋飲品等等飲品嘅款式都好多，一般嘅汽水同韓式汽水，無糖茶都會有，呢度仲有百事生可樂由於本人好鬼肚餓，等唔切打邊爐同燒肉，即時叫咗三文魚刺身同炸魷魚鬚，榴槤波波嚟食，三文魚嘅油脂唔算豐富，但都幾香三文魚味，而魷魚鬚同榴槤波波都係啱啱炸起，所以食落口都熱辣辣脆卜卜好好味壽喜燒邊爐壽喜燒邊爐好快就上枱，仲配咗兩盤金標和牛，牛肉嘅油脂唔算好多，食落口都重肉味同幾軟腍，幾好味😋😋燒肉燒肉亦好快上枱，叫咗好多野食，例如有牛仔骨，牛舌，牛板腱，封門柳，牛油生蠔帶子，蜆，大蝦，豬腩肉，雞腎等等，首先要讚一讚呢度嘅爐，火力好猛，好快就燒熟啲食物燒肉嚟講，我最鍾意食牛仔骨，牛舌同封門柳，牛仔骨燒到好香，貼骨位嘅肉特別香口😍😍而牛舌就