板長壽司 (奧海城3期) (Closed)

板長一直算係我同老死既飯堂之一，基本上食慣左次次都係食返果幾款。今次黎到都係差唔多。奧海城店搬左之後環境光猛同企理左。海膽三色迷你丼 ($38)呢期新推出既海膽三色迷你丼真係幾抵食，因為海膽都幾多，同三文魚子兩樣都夠新鮮。除左平時既三文魚醬油漬壽司之外，呢排我仲好推介柚子碎油甘魚軍艦，同埋薄燒牛肉（雖然呢個好睇個別師傅手勢同心情）。不過如果食得多板長板前既都知道，板長既刺身質素真係每間分店同每次食都唔同，其實中伏次數都好多，我地都已經接受左。呢間分店暫時都未有入黑名單，可以繼續黎！呢期仲有$6芒果梳打特飲，都唔錯的。

今日下午我們去咗奧海城嘅「板長壽司」食下午茶！我們叫咗廣島牡蠣、酒煮日本蜆、壽司定食B、鹽燒秋刀魚定食同北海刺身丼！特飲：富士P「巨峰葡萄梳打」、黑夜宇治「黑糖寒天抹茶」同青森之愛「荔枝青蘋果梳打」！廣島牡蠣係新鮮即叫即開，肉質超肥美厚身，味道超級鮮甜！係本人嘅必食推介！酒煮日本蜆非常大隻肉厚，味道極之清甜！壽司定食B嘅烏冬都幾煙韌彈牙！鹽燒秋刀魚定食嘅秋刀魚表面金黃香脆，肉質相當香滑結實！北海刺身丼嘅刺身好新鮮嫩滑，味道亦好鮮甜！店內嘅環境相當舒服！而店員嘅服務態度亦好親切有禮！

今日下午我們去咗「板長壽司」奧海城店食下午茶！我們叫咗壽司定食A、壽司定食B同壽司定食C！壽司同刺身都幾新鮮，肉質都幾鮮甜嫩滑，定食A同定食C都係配冷烏冬，而定食B就係配熱烏冬，冷烏冬嘅麵質比較煙韌彈牙，而熱烏冬都幾煙韌！蒸玉子蒸得好滑溜，玉子嘅味道都幾香濃！

服務:1. 服務態度過差2. 冇服務咁又點解要俾服務費3. 多謝都冇句4. ByeBye又冇食品:1. 芝士蛋糕林到死2. 冷烏冬汁淡而無味3. 圖文不符過分嚴重我下次一定吾會再食

板長唔係第一次幫襯啦，奧海城尼間搬咗來三期樓下，第一次來食，完全升級！首先係環境升級：新店地方闊咗，裝修靚咗。第二，餐具全部升級為陶碟或瓷碟。以前係全部塑膠碟。回歸正題：味道冇得輸！鵝肝壽司，外酥裏嫩，一啖落肚，yummy！赤蝦壽司，新鮮甜美，帆立貝壽司依然係咁爽口。牛舌壽司係我最鍾意食嘅之一，牛舌夠厚，咬落去好juicy！沖繩腸壽司個人覺得OK，因為我鍾意食比較煙韌嘅腸，尼個咬落去肉質實厚，還唔錯。牛舌軍艦，如果牛舌壽司太大，咁尼個就啱啱好將牛舌切成細細塊一啖食完（我個口比較大，其他人唔知啵）。隆重登場，原條蒲燒鰻魚壽司，依家做緊半價，鰻魚貌似比以前細咗D，不過都抵食啊！肉質厚，加上甜甜D嘅醬汁回味無窮。        總之今次三個人去食，滿足晒了，環境變靚，服務質素，食物質素都唔變。