板長壽司 (新安大樓) (Closed)

相信有看超級無敵獎門人，就會想起辣辣壽司，而板長就是鼻祖。豚肉手卷熟食首選，而且非常便宜。壽司黑松露醬的油甘魚保持到水準！而且不是每處壽司店可以品嚐。炙燒左口魚絕對有誠意，炙燒位置將多餘魚油迫出，食下一點也不膩。日式燉蛋非常有份量，有一隻大鮮蝦。不過燉蛋比例卻變少。食品方面，除了有多款食品售罄，水準也是水平高高之上。但可惜未能嘗試油甘魚鮫。最後，大為失望就是customer service。第一，吃到中途詢問店員，如有會員有何待遇？店員稱可以儲積分當作錢用。不過只能夠在一開始登入方可儲分。令人感到在點餐之前，店員沒有將店內會員推廣出去。第二，在得到會員可儲分的信息，我是在第三位店員口中得知。覺得店員沒有道明所有，而又不專業。幸好有叮叮伴我這個季候壽司怪吃這頓飯，才能嚥下這口氣。

大年初三 天氣熱辣辣好想食返啲凍野見到板長有開就入去食個午餐因為新年嘅關係筷子都唔同咗包裝寫住”好運韱” 中吉 打開是這樣 感情會開花結果?? Hoho由於今日係新年 所以係無套餐揀嘅 全部都要單叫落單係要用Apps 既，所以亦都冇紙Menu睇變咗所有人都要望住同一部電話 我哋三個人叫咗以下食物 仲即刻睇埋價錢添芒果飛魚子沙律 $38 都幾大碟 唯一覺得唔夠多沙律醬 變咗有少少乾火炙玉子同埋火炙三文魚壽司超級好食 好鍾意火炙三文魚 因為啲魚油已經逼左出嚟 變到好juicy 加埋芝士好好食火炙壽司盛$118 , 一客有九件味道還算OK 沒有什麼太特別嘅感覺但係覺得自己單叫更加好總括而言 還算不錯的壽司店吧

板長lunch好抵架，唔知大家有無試過呢？佢哋間唔中都會換下菜式，所以我都幾鍾意嚟呢度食，壽喜燒、泡菜豚肉冷烏冬、櫻花丼、番茄豬軟骨烏冬等都係我至愛😍。第一次食可免費入會儲分，第二次嚟食積分就可以扣除，差不多等於免加一，所以我覺得抵食架，而且水準仲幾高添👍🏻角切魚生三文丼定食 $68🥢🥢🥢🥢丼飯有幾澎拜唔駛我多講，主要刺身有三文魚同油甘魚，兩款都好新鮮，角切大粒超有口感，份量多到食唔完咁，三文魚有三大塊，肥美油脂豐富🤤，淨食刺身都飽咗一半，飯粒粒飽滿，食唔晒有d可惜。另外，套餐仲包咗一個沙律同麵豉湯，兩樣都好味架，絕對唔係hea貨一人共消費：$68

一個多月前的相約，與相識廿多年的小學同學特到此品嚐餐牌以外的美食。這一晚，經理特別為我們準備海膽，中拖，日本岩蠔，北寄貝，活赤貝，黃矛亭活魚，活帶子，油甘魚……。食品非常新鮮，當中的岩蠔我最欣賞，飽滿多汁，肉質清甜而又帶少許海水味。而那條黃矛亭活魚，更是我在未食這餐前從未認識過，肉質好特別，好新鮮，入口的感覺彷似遊在仙境…… yummy!經理更為我們安排一個舒適的位置，好讓我們能談談心，說說笑。經理熱情的招待，更是吸引顧客一而再，再而三的惠顧。話說我其中一位同學，更是以此處為他的飯堂，可想而知這裏是個怎麼樣的好地方。

剛同小朋友去完市政大廈室內遊戲室玩,有d肚餓，想起附近有間板長就去試下.一入去原來仲有五分鐘就last order，服務員立刻比個ipad我落order,立刻點左最愛壽司同燒玉子由左至右分別鮮帶子壽司（鮮味）、油甘魚-油子香未、拖羅池魚(一般）池魚王（吃過出面街好有魚味,但這裡就魚味一般）、吞拿魚赤砟壽司、大吞拿魚腩赤砟壽司（超肥美）同吞拿魚蓉（有塊紫蘇葉好夾呀)而燒玉子比較乾身😂因十點關門，時間關係，用左二十分鐘就走人

星期日八點鐘喺西環嘅食肆嚟講係非繁忙時間，不過唔知點解呢間食店嘅效率係非常之低，10幾件壽司都要等半個鐘，鄰卓order嘅魚生飯都要三趨四請，最後好唔耐煩話要取消嘅時侯先話等5分鐘就有，完全唔明D員工點做嘢，見人客就唔算多，但係等食嘅就大把，換咗喺附近嘅日式壽司店就已經食完好耐，呢D咁做法可能就係連鎖式食肆嘅幣病。🙄🙄雖然3個人只係叫咗1O幾件壽司，唔夠飽都唔夠胆再加單，怕怕。☹☹環境衞生方面，另一邊隔離枱客人一早走咗，但係我坐咗成粒鐘都無職員執枱。😖😖

呢排天氣真係令到好多人都傷風咳，我終於捱唔住要攞病假睇醫生，但病還病，都要醫飽個肚先，今次約阿媽嚟板長撐枱腳，平時多數同同事响荃灣板長食set lunch，貪佢多種類又抵食，但唔知點解西環呢間個menu咁少選擇同埋比較貴呢？三文魚親子丼定食 $68定食有沙律、麵豉湯同丼，其實價錢一ｄ都唔貴，三文魚刺身同三文魚籽都好新鮮，而且份量都唔算少，但最大問題係三文魚有骨，一個有經驗既師傅係唔會出現呢ｄ低級錯誤，希望下次嚟唔會再發生啦！其次個湯好油，飲咗碗底幾啖都唔想再飲落去；至於沙律就一定係好味，因為現盛嘢無難度。角切魚生三文丼定食 $68又係定食，但丼方面有兩件玉子、吞拿魚粒、蟹籽同兩件三文魚腩刺身，前者玉子、吞拿魚粒同蟹籽真係無乜特別，但最＂喜＂最＂驚＂就係三文魚腩，＂喜＂係三文魚腩好肥美，油份好足好香，＂驚＂就係同樣出現魚骨情況，雖然只得一條，但都足以令美味魚生大打折扣！兩人共消費：$150

今晚同女兒二人前往屋企附近的板長壽司，其實早大半年前都曾經食過一次，當時已經對該店印象麻麻(包括服務態度及食物質素)，今晚因女兒話唔想去太遠食，所以就因為貪方便又一次中“伏”。首先一行入店，店長問幾多位，我說兩位，當時店內已坐了約七至八成人客，我同女兒被安排坐在一個路口的二人枱位置，我覺得有位坐就OK啦！之後店長交了部平版電腦給我落單，但部電腦每按一吓掣都話不能連線，我向店長示意部機有問題，店長行“快”，快到是沒有說任何一句“我幫妳換過部”等的說話就一手接過我手上的電腦，之後亦好“快”的把另一部放回枱上，女兒先落order後才交部電腦給我，在我落單時女兒話部電腦好廢，我開頭唔明，但接過電腦後，便知點解，只要輕輕觸及畫面，便即時彈出下單請求，要不斷按“X”來取消下單，在我剛剛落好order之後，女兒所叫的食物亦陸續送上，到他們送上第三碟食物時，其實那張二人枱基本上已經沒有空間可能把食物放下，我當時曾要求送食物的女店員可否把鄰坐的枱與我合併，但店員未有理會，我真不明白，其實之前鄰坐也是兩人進食，但是卻有四人枱，現在他們離坐了，是否可把鄰坐的一張二人枱與我張二人枱合併呢！(最後到走都沒有人把

Shockingly bad excuse for Japanese food. The miso soup was cold and when we sent it back to the kitchen and it only came back AFTER we settled the bill. It wasn't hot second time around either. No attempt from staff to apologise. Sashimi was dry. The most disappointing was the sushi rice. I don't know what the chef puts in it but it tasted completely wrong. Never had Japanese food so bad that I felt compelled to write a bad review. Need to go home to wash my mouth out.

<<身為香港大學學生，可能你會覺得午餐晚餐都好難搵食，食黎食去都個幾樣今日本畢業生就以個人經驗介紹番你周圍有咩好野食/伏喇>><<If you are one of the HKU students who thinks nothing can suit your starvation around Campus. Please pay some leisure time to study my dining experience collection. If you cannot read Chinese, Please simply watch the pictures, follow the overall rating , or find the local mates for translating my comments>>介紹下日本野先，幫助各位男朋友帶女友去食下日本野喇。板長，全港都係板長，有咩好評。雖然唔係話試過曬全港咁多間，就假設佢地真係入同樣既貨，的確間間既質素都係莨莠不齊。番番黎講依間先，其實係唔錯

與小小儀去了公園放電，又逛了吉睇超市，滿載而歸，正想打道回府，見到板長壽司竟然有假日午市套餐而且價錢合理，便一起進去吃午餐順便歇歇腳～不知是否地區關係，平常家附近的板長假日是沒有午市套餐的～牛肉烏冬配壽司套餐$72: 6.5/10正常的水準和味道，欲很得小小儀歡心，差不多都是她吃掉了烏冬附上的壽司和卷物：8/10小儀卻更喜愛此附上的壽司，生蝦漿口又鮮甜，玉子加入香蔥，熟三文魚小卷配上紫菜碎和沙律醬，加上三文魚壽司，沒有因為是套餐而將貨就價蒲燒鰻魚丼$98: 7/10原先想點火炙三文魚親子丼，因為賣完，只好改點此貴＄30的鰻魚丼。鰻魚尚算厚身，份量也足，可惜不知道是否燒得稍為過火，有少許焦味，而本身已稍乾的飯，上面的鰻魚汁更是少得可憐，還好店員願意額外添加，如鰻魚沒有焦味也算值此價錢。因黑豚是板長會員有九折優惠，在假日可以以此價錢，舒舒服服吃個日式午餐，倒也值得給一個笑面～

蒲燒鰻魚丼😍賣飛佛😬呵呵-本身係見迷你海膽三色丼先$50 所以想去食，點知已經冇🙄（有啲都唔知真係賣曬丫，定只係廣告擺係到引人去😂）咁假日lunch set選擇都有十款，價錢由五十幾到一百幾😗都有烏冬/丼/壽司/刺身揀，都叫唔錯嘅😶-個蒲燒鰻魚飯個汁幾好，賣相都幾吸引㗎但係太少汁啦，下面變曬白飯就dry啲囉🌚鰻魚呢肉質嫩滑🐟但蒲燒鰻魚竟有些骨在內，不禁有少許失望😟個餐仲有麵豉湯🐽普通吧

已經有5-6年沒有到板長寿司用餐了, 想起以前,只會在剛剛出糧,便會與同事食一次, 而且每次都是大排長龍的.今個聖誕節仔仔話好想食一餐飯, 感染一吓聖誕節氣氛, 但已很夜, 見板長未關門故便決定豪一餐了!入到店內, 店員竟然向我派來一個高科技產品PAD?! 我想我真的太耐無來了!甜酸薑片始終最好味還是板長, 甜與酸味, 剛剛夠, 薑片醃得好脆.是必食佳品.大帆立貝寿司帆立貝鮮甜, 夠大.和風蒸蛋, 一般材料, 但時間控制得好好.雜錦天婦羅只得3隻蝦及幾片蕃薯等, 價錢太貴了.鹽燒三文魚頭是我最愛, 又含奧米加3的好食物, 燒得剛熟, 魚頭太肉, 好味!炸雞炸雞雖好味, 但SIZE有大有細好貴.炸軟殼蟹寿司軟殼蟹炸得夠熱, 香, 脆!已經好耐沒有和兒子, 這樣豪一餐了, 但食得開心, 都是值得的.

今晚來了山道的板長壽司，看見不用等位就一試。環境方面，店內大部份都是卡位，座位舒適度也不錯。不過桌子周邊的放餐牌及平版電腦位置衞生程度不太理想，有些可能是上手顧客弄跌的三文魚子，另外有些豉油及芥末漬。壽司飯很乾，魚生也不新鮮，似是擺放了很久。吃完沒有肚痛已是很幸運。

昨天晚上，去了山道的板長吃壽司。板長其實一直以來都是不錯的選擇，和元氣一樣，是連鎖店，貨新鮮而且是大集團。不過今天去到這裏，卻發覺質素其差。店坐滿人，不過也不是等了很久，等了五分鐘左右。以前去過他們一間太古城店，也是有此情況，其質素之差實在不能接受，後來結業。這些貨吃來吃去已去到中下質素，不知道為何大集團會是這樣，也可能是新人沒有經驗，貨品保存得不好。感覺上，他們沒有重視自己做出來的東西水準如何，只是很求其將食物給了客人，客人走了，就算了。我發覺如果店忙就會有此情況。但問心一句，這樣大的集團，也不能因為太忙而很求其將食物給予客人就算數；客人不說，並不等於沒有問題。他們自己沒有留意嗎？唯一的解釋，就是他們這間店內的員工也毫不重視。我特別說明這個蝦湯，在別的店喝的，完全不一樣。湯是凍的，這不關乎食物質素問題，而是常識。我去元氣，我從來沒有喝過凍的湯，真是想起也打冷震。喝了一口，也就不喝了。另外味道也有問題，感覺上極難喝。這可能是用粉沖的，而且時間久了，也就變味。板長給湯客人喝是隨便沖好，然後一直放在一旁，到冷凍時才給客人喝嗎？有沒有常識？答案是沒有。能夠這樣而可以給客人喝，我只能說，這間店