Italian Tomato Café & Grill (灣景廣場) (Closed)

有個客今日請食西餅，我揀咗呢個什莓Mousse 蛋糕🍰！（應該係有蛋糕底嘅批Pie）外型好靚好吸引見到都好想食！食落層次感好強烈，什莓既酸中帶甜。酸味中和咗整個蛋糕嘅甜味令到件蛋變得更有層次感吖！！

乜宜家Italian tomato質素差成咁？以前都覺得正正常常，我半年冇黎過食咋，呢個所謂黑松露雜菌意粉真係變到好差！其實一上菜見佢咁乾，已經睇得出中曬伏，原本都算啦，求其食，都唔打算影上黎，但佢難食到一個點，食到一半就影低佢！一上菜，望落係勁乾，算啦唔緊要，連聞落都可以冇咩黑松露香味，都算……食落有少少菇菌味我已經收貨，可惜對唔住，係冇，食落就係好乾好乾，冇其他味，只得意粉陣味，意粉又煮得太硬，冇左佢杯餐飲同餐湯我直情係需要乾啃！而上面黑色一點點嗰啲“黑松露”只係裝飾品黎。天呀，點解可以差成點，我半年前喺上水分店食都冇咁差架！至少會整個sauce去煮個意粉…嗰時真係仲有啲菇味架！

星期天的下午來個休閑下午茶。走了Italian Tomato 食蛋糕, 叫了一個王牌士多啤梨蛋糕同埋朱古力黑森林. 下午茶餐一個set $53. 王牌士多啤梨蛋糕水準依然高, cream好soft 軟綿綿好似棉花糖咁, 一啲都唔甜, 好好味, 士多啤梨甜中帶少少酸，算好高質素。但是黑森林就偏向較甜，cream有點油膩真係食一件就夠。地方夠大座位充足，而家嘅荃灣來講都算係一個休閑點，可以靜靜地傾計唔會太迫。＄53有咁嘅環境可以坐喺度慢慢食好過去Starbucks飲杯咖啡啦。

午飯時段，快速食飽個肚開工，裝修內外都幾靚，好容易吸引人入去食嘢。今日食午餐，「吉列魚柳煙肉柏士圖意粉」配「忌廉湯」「蒜蓉多士」「熱咖啡」「忌廉湯」味道不錯，雖然一d料都冇，但送「蒜蓉多士」ok，「蒜蓉多士」整得好香脆「吉列魚柳煙肉柏士圖意粉」，呢個意粉辣辣地幾得意，冇禁沉悶，吉列魚柳炸得脆卜卜，好香口。最愛「熱咖啡」，咖啡香濃，一d都唔苦澀

今天睇戲之前去左食呢間食物質素都麻麻服務亦尚可個人泥講吾會特別推介價錢吾係特別平 就算set dinner其實都係平單點幾蚊講下d野食:呢個茄子千層面味道幾好 芝士都十分夠好濃味 不過分量其實吾多 容器係細正方形 有大概3 4層面豬仔骨本身幾好食嘅 好軟又入味 啖啖肉 唯一扣哂分嘅係 d薯條係凍嘅 呢個價配凍薯條 真係有少許過分呢個薄餅係脆 但一d味都無 連基本蕃茄醬個味都無 可以不試呢個蛋糕認真不錯 吾太甜 吾會漏 個朱古力餅底苦苦地 同上面嘅cream 好夾 全餐最好食呢個總括泥講 有d失望 我應該都吾會有下次😂 不過味道呢d野又真係見人見智嘅🤔🤔🤔

前日(1-4-2017 Sat)同老公食完晏,專程行o黎呢o度買Openrice介紹o既櫻花芝士忌廉蛋糕(https://www.openrice.com/zh/hongkong/article/%E9%A6%99%E6%B8%AF%E9%83%BD%E6%9C%89%E6%AB%BB%E8%8A%B1%E7%A5%AD-%E9%80%A3%E9%8E%96%E9%A4%85%E5%BA%97%E6%AB%BB%E8%8A%B1%E7%B3%BB%E5%88%97%E8%9B%8B%E7%B3%95%E7%94%9C%E5%93%81-a2996).我o地去到,只見有櫻花芝士忌廉蛋糕,冇櫻花蘋果芝士撻,我o地決定買兩件$36.00o既櫻花芝士忌廉蛋糕切餅返屋企,夜晚同爸爸一齊食.食完晚飯,我o地就開動喇,原來佢o既膠紙黐成一個袋咁,一抽個邊就可以成件拎出o黎.我同老公食一件,爸爸自己食一件.面上o既櫻花味cream鹹鹹酸酸咁,酸味好似莓o既酸味;忌廉滑;蛋糕口感輕盈.但老實講,咁樣o既味道我唔係好接受.而原來兩年前o黎堂食時,已經見過佢(o個次食評: https://www.openr

羅宋湯、蕃茄肉醬螺絲粉，一般西餐廳水準，正常，不算特別。意粉汁好吃，蕃茄加上芝士，好味。雖然份量略小，但配上蛋糕剛剛好，而且本來餐廳主打是蛋糕，留肚食蛋糕是最好。岩鹽蛋糕：初頭想吃藍莓芝士餅，可惜入座後已沒貨。普通、抹茶和岩鹽蛋糕三選一，最後選了岩鹽。蛋糕鬆軟，配合淡淡的岩鹽，確實特別，本人十分喜歡。因為本來被蛋糕吸引就決定到此店吃晚飯，結果等了超過45分鐘，差不多1小時才可入座。原因一是餐廳有一部份被閒置了，而且未知原因，事後有人詢問店員也確定那部份是不能就座的，但還是未有說明原因。原因二是大部份食客，吃飽後超過一小時也不會離座。當我進去點餐到開始吃晚飯，直至吃完，隔離三枱由我進場時已吃完的食客分別2人、2人和8人也還是沒有離開。雖然Cafe原意是讓人任坐，但門口巳有數十枱客在等的情況下，餐廳是否應考慮設置用餐時間呢？雖然心中略有不滿，不過，當吃完晚餐，再吃到美味的甜品就會覺得非常滿足。果然蛋糕才是此店的重點，實在非吃不可。

除左平時見到好多款蛋糕之外，呢間cafe就有埋正餐食，而且價錢仲唔貴添。芝士焗肉醬千層面：所謂既千層面其實只有2層，味道係ok既，但份量真係太少，個盆基本就得一隻手板咁大，好似兒童餐咁雙重芝士紅酒汁牛肋肉焗通粉：咪睇佢其貌不揚咁，估唔到佢先係驚喜位。啖啖都食到芝士，仲要係拉芝個隻，勁過食pizza!牛肋肉亦好淋好好食，美中不足既係個汁咸左小小。玫瑰朱古力：俾佢個名吸引左而叫，但係除左面頭既玫瑰花之外其實就冇乜玫瑰味，個人覺得應該用白朱古力沖先會出到玫瑰味囉...

Cakes here are the best! Had lunch here and chose a main with dessert and a cup of coffee ☕️! The black truffle risotto which was nice and hot (I hate eating food that warm when it's suppose to be hot). The coffee is brilliant, not too acidic, just right for me! Then the best part... Lemon Cheese Tart 😋😋, not to sour, not too sweet... superb! Made my day ☺️☺️

今日收半日, 約朋友去荃灣TEA一TEA, 呢間Italian Tomato 地理環境好好西鐵站行過去只係幾分鐘卡位闊落, 坐得舒服又可以同朋友慢慢傾計我點左個SET  LUNCH, 香蒜欖油蜆肉意粉成個意粉好香~ 蒜味都幾重~ 我個人覺得都幾好味~蜆肉好多好足料~ 唯獨份量不算好大~作為一個輕食既LUNCH / TEA就差不多~個SET重配有餐湯同餐飲呢個價錢同味道來說~ 都算抵食~埋單時先知道點餐第二SET有半價~因為侍應完全無提及過~我同朋友都好驚喜~

晚上七時到荃灣吃晚餐，到處都是人，隨便找了間Italian Tomato Cafe，也要等十分鐘才能入座。餐廳不大，但環境尚算乾淨。侍應態度不太友善，也不會主動幫你倒水。巴馬火腿薯仔沙律 $55先點一客沙律開開胃～蠻多巴馬火腿，鹹香適中；薯仔有點硬，配沙律醬有點膩，如果配橄欖油或黑醋會好點。意式香草醬烤薯意粉 $65最簡單的意粉，想不到最好吃。香草真的蠻香，薯仔烤得香口而軟熟，意粉彈牙，不用很多配料已經很好吃，感覺清新。蒜香柏士圖醬乾茄煙三文魚意粉 $68看名字好像很厲害，還是期間限定。雖然同樣用了香草醬，但味道被香蒜和煙三文魚蓋過。可半價加配特飲～我們點了芒果沙冰 $18，蠻清新，不會太甜。Italian Tomato始終還是蛋糕最好吃，可惜今晚胃口一般，吃不下甜品，主食相對之下不過不失。

係last order叫左呢個焗忌廉蘑菇三文魚飯，味道不過不失，啲汁唔夠撈飯，飯雖然有少少濕，但忌廉汁都幾乾，好在三文魚同蘑菇都入得口。我加左56蚊有湯，蛋糕同餐飲，湯我強烈建議唔好加，好似飲鹽咁，鹹既程度非常人可以接受。蛋糕每次都會叫，士多啤梨大大粒，夠哂甜。

叫左3個lunch。。。冇味。。。叫左兩個蛋糕都唔好食。。之前食幾好，宜家就難食左好多。。唔會再去了仲要食左百幾蚊。我轉左個街口食其他野都好好多。。。個個章魚忌廉意粉淡mui imo...

上星期五和朋友在荃灣吃飯之後，我和朋友分開坐不同交通公具返屋企 ，朋友揀坐巴士，我揀坐西鐵返屋企,當我行到灣景廣場見到這間好出名甜品店,它的芝土蛋糕好似幾好 ，亦有看過它的評價似乎麻麻,我對食評只當參考，並不會信晒食評,每個人對食有不同感覺，我信自己旳味蕾，如果冇親自吃過又點知好唔好,我買了紐約芝士蛋糕，價錢30元,我覺得不是太貴,芝士蛋糕出奇地不太甜,蛋糕甜味剛剛好，蛋糕cream的口感好滑,它的芝士蛋糕芝士味好濃郁，今次是外賣.它的店員服務和環境不評論，我不是堂食,我等店員拎蛋糕不是等好耐,它的蛋糕整好放在凍櫃，可以揀八達通或現金俾錢味道芝士蛋糕，這件蛋糕芝土味好濃郁，而且甜味不是太甜,我成件吃曬，十分好味價錢30元又不算好貴。可以接受這個價錢。好味值這個價錢

星期六行完aeon，肚子好空虛，於是試左呢間店鋪！下就1:30左右，並沒有太多客人，直接入座！服務員好快送上一杯清水試左烤雞肉凱薩沙律：不需十分鐘，沙律送上台！最下層系沙律菜，番茄粒！上面撒左芝士粉，再鋪上烤雞肉與烤多士！沙律菜沒怎麼切片，只系撒上芝士粉，夾在一起食只系感覺是在食生菜與芝士粉為何連沙律醋也不放少少吊味烤雞肉只是烤了一會覺，亦沒有什麼味道，淡！最差的是：多士十分硬沒有味道，咬一口就沒有再試！與圖差別太多了另外試左豆乳牛油果蝦肉意粉：牛油果夾左豆乳，其實沒有試出豆乳味！但重重既牛油果好香，混系意粉十分香，滑滑的，夾左大粒蝦肉，蝦肉好鮮甜，大粒，意外地好味最後試左一甜品：焦糖香蕉蛋糕厚重既cream上塗左適量既焦糖，甜度剛好，不會遮蓋cream既香味！中間是海綿蛋糕夾香蕉片，新鮮香蕉夾埋幾好味最下層系朱古力餅底，夾埋一齊食真系甜滑脆並列，混合得剛好