Italian Tomato Café & Grill (灣景廣場) (Closed)

講到ITALIAN TOMATO，呢家店既菜式真係讓人驚喜連連😋！首先，佢既茄汁意粉簡直係正中紅心，條條彈牙，茄醬香濃得滯，真係夠哂味！再講講果個Pizza，底薄脆香，上面滿滿既配料，啖啖肉感，真係食落過癮！🍕望落甜品櫃既蛋糕，賣相吸引到不得了，食咗個Tiramisu，軟綿綿加咗雪糕般既冰凍感覺，咖啡同奶香味恰到好處，令人一啖接一啖！🍰飲品方面，果杯Mango Yogurt Smoothie都係必試之選，夠曬清新解渴，芒果香甜夾住酸酸乳酪味，原汁原味！食物質素嚟講，一流，味道方面又夠曬濃，而且分量都相當慷慨，係一個可以滿足肚皮之餘又唔洗太擔心荷包既好地方。下次同班朋友行過街又食唔到嘢，記得ITALIAN TOMATO係一個唔錯既選擇噃！👍

Dinner 牛扒餐$148 ， 牛扒同圖片份量相差一半，牛扒明顯不是全塊， 切了後半部做比另一個客？ 叫五成熟， 煎到八成熟 ， 好乾！問職員，佢話本身唔係依間鋪， 今日過嚟頂同事，完全冇幫我解決問題！ 好失望！

Italoan Tomato是一家以義大利料理為主題的餐廳， 這次由於不太肚餓， 點了豬扒包，這個豬扒包不僅美味，豬扒酥脆多汁，搭配軟綿的麵包，口感絕佳。兒童餐也是精緻， 造型可愛， 小朋友見了必定喜歡🥰 Italoan Tomato還提供多款精緻的甜品蛋糕，絕對能滿足您的甜品愛好。無論是巧克力蛋糕、提拉米蘇還是水果塔，它們都精心製作，味道令人驚艷。蛋糕的質地細膩，口感豐富，每一口都讓人陶醉其中。 此外，Italoan Tomato的服務也非常出色。工作人員熱情友善，樂於解答客人的問題，讓人感到宾至如歸。 總體而言，Italoan Tomato是一家值得一試的餐廳。無論是豬扒包還是甜品蛋糕，都表現出了他們對食物品質和客戶滿意度的高要求。如果你正在尋找一個可愛又美味的兒童餐，或者只想享受一個精緻的甜品，那麼Italoan Tomato絕對是一個不錯的選擇。

荃灣西真係冇乜好嘢食，只想平平哋食個tea set chill chill, menu有炸嘢拼盤個樣，不過我怕佢唔新鮮林晒，所以唔敢嗌，肉醬意粉set冇相，見佢$62，(+10%)又湯又沙律又意粉又嘢飲，以為好抵，點知一嚟到，原來全部嘢放晒喺一隻碟度，個湯放咗上去已經冇咗1/3空間，沙律得一啖😅仲要係林哂嘅，法包靭，個意粉少過半隻碟嘅份量，醬偏酸，所以要落芝士粉，不過芝士粉又潮晒😅 呢個set冇相睇真係出事，加埋一都差唔多$70⋯⋯ 灰公道啲講其實都飽嘅，湯，意粉同奶茶勝在夠熱，奶茶好夠花奶，唔水已經執到。成間氣氛冷清清，唉，搞到要寫食評發洩😆 唔會再去。

一向都好少食西餐的我，但為咗食Cake, 所以今次食埋西日風味嘅晚餐😁晚餐價好抵食，+$38可選一款Cake傳統粟米忌廉西湯，咸度和濃度適中，夠熱，滿意😋燒帶子意粉，但唔記得叫咩汁，感覺到帶子新鮮味道，有帶子的味道，唔係雪藏味，意粉軟硬度適中，覺得好好食😋香炸洋蔥圈&魷魚圈，炸度適中，香脆😋調醒嘅醬，好好味，不期然會食晒d醬😂一後西日餐廳的凍檸茶都一般，但呢個有茶香味，幾好！我嘅主角最後出場啦！我揀咗芒果撻食，芒果夠熟，甜度適中，係略嫌撻皮厚咗少少，滿意足😁

這一間Cafe是我經常光顧，真的很喜歡餐廳嘅環境同埋地點，地方不算大，坐位不算多，但坐得很舒服，再加上地點是在AEON內，shopping完，就可以順路去一去。今次約咗朋友睇戲，之後一起去食晚餐，我朋友和我一致選擇了這間餐廳，她亦很喜歡，我們點了一個二人餐，真係有好多野食，兩個餐湯，一個沙律（二選一），再選兩個主菜，我們選了德國炸豬手配薯條及雜菜，蝦肉黑松露忌廉意粉，另外飲品，我們都選了每人加$10升級特飲，食物的份量和質素👍🏻。

之前吃過晚餐，味道不錯。今次再去吃下午茶餐。餐廳下午時段較清安靜，坐得舒服。下午茶有八款選擇，甜品又有，意粉又有、小食或薄餅都有，花多眼亂不知選那款好。最後想吃飽些，就選了吞拿魚白汁蘑菇意粉配沙律，餐湯及蒜蓉多士跟咖啡。套餐的食物用一隻大碟盛載。我先飲湯，忌廉蕃茄湯，口感稠密，有淡淡蕃茄味。蒜蓉多士夠香脆，沙律菜爽口，意粉的白汁豐富，綿綿滑滑，吞拿魚及蘑菇的分量也適中，意粉彈牙，上檯仍能保持熱度。餐飲要美式咖啡，有濃郁咖啡味，不錯。

元宵節同太座喺附近櫥窗購物完，喺度食晚餐，侍應服務態度都算良好同幾有耐性，叫咗安格斯西冷牛扒套餐($148+10%) 。餐湯，唔係幾夠熱同濃，如果唔駛錢配埋香草蒜蓉牛油豬仔包或多士咁就perfect喇，可惜冇。主菜，牛扒叫咗七成熟但都有啲過火，肉味幾濃，最好趁熱唔係凍咗會變硬，不過啲薯條焾晒唔香脆要扣分，仲有個蘑菇汁偏鹹，所以整體就不過不失。最後係餐飲凍檸茶，冇乜檸茶feel，要加咗成3次糖水先啱我飲，所以呢度都要扣啲分。提提你加28蚊多件蛋糕，不過我就冇叫。

中午吃完中式開年飯，晚上改吃西餐。入去餐廳見到人不多，座位闊落坐得舒服，入座後待應送上暖開水給我們，服務貼心。三人要了兩個意粉分享。餐廳有一人前套餐供應，我們選了一份，一個主食配餐湯和飲品。什菜湯，湯內有很多椰菜，湯不是很稠，酸味不會太濃，鹹度適中。香煎帶子蒜香牛柳絲意粉，兩大隻帶子，兩面煎得少少焦香，肉質厚實，味道鮮甜，咀嚼容易。意粉掛上了油脂，看上去色澤溫厚，條條彈牙。雖然牛柳絲很幼細，混在意粉叢中，但也可吃到其味。另一款是散叫，煙三文魚蘑菇蒜香意粉。意粉也是彈牙爽口，煙三文魚以卷花造型放於意粉上，味道沒什麼特別，肉質也較實。意粉內有切成小粒狀的熟三文魚，口感粗，蘑菇片有多量，蒜香也隨著入口的意粉感受得到。兩個意粉上檯時都是熱騰騰的，所以也特別好吃。焦糖泡沫咖啡，奶泡入口香滑，咖啡味濃郁。餐廳有一個甜品櫃，內裏放滿了不同的自家製蛋糕，賣相十分吸引。惠顧堂食可加28元要一款46元以下的蛋糕，我也要了一件法國海鹽焦糖純米蛋糕。蛋糕口感綿密，焦糖忌廉帶著微微海鹽的鹹味，面層新鮮藍莓和紅桑子又帶來一點酸，整件蛋糕的味道十分均衡，吃完甜絲絲，作為一餐的結尾十分適合。整體來說，今晚的食物質素可

朋友聚餐，舒服任坐😌🫠星期六下午，唔多人，地方大，一去到就有位坐👍🏻叫左巴馬火腿沙律，煙肉薯條，菠菜意粉🤪本身想叫煙三文魚沙律但係個侍應話冇貨，sosad. 不過其實想講呢一餐有少少失望🫠個巴馬火腿好少，一個小花既size, 我同朋感覺都覺得唔夠喉，而個薯條同煙肉偏乾身，凍左仲難搞，麻麻地。反而個意粉出色，汁夠所以我覺得幾好食，但同圖片不符，幅圖係綠色既菠菜面，但實物只係普通意粉加幾條菠菜，好在佢都算好味，要不然真係失望透。同個侍應態度麻麻，😅好唔好見人見智啦，我覺得中下分數。希望其他分店會係好啲啦，因為我記得之前食唔係咁，係幾好味同好服務…🫠

Visited multiple times. the restaurant offer relatively big menu. I have tired afternoon and dinner menu including Pizza, spaghetti, soup, chicken and coffee.Coffee with cream, Soup, and chicken dish was delicious. spaghetti was pretty good. However, the pizza taste was average. The restaurant offers multiple cakes and desserts. Employees are friendly.

香港第五波疫情大爆發以來，中招人數日日有新高，打左針都唔覺得很安全，真係好驚驚！😨 政府呼籲留家不要外出，除非你係要強制檢疫，上年疫情嚴重時我每天都在上班，今年我可以WFH，但點都要落街買外賣或買食材回家做菜啦！以我同家人對食物質素既要求，唔可能叫app，除非迫不得已，因爲算你幾好食既食物，送到來都大打折扣！今天是情人節，一來沒有晚市，二來即使有我也不會在14/2在外吃晚餐，因為曾經有一年在一間餐廳吃情人節晚餐，但餐牌只有專為情人節而設計的AB餐，價錢還比平日貴一倍多，而且平時餐牌內的食物當天全部沒有提供，所以反正要使咁多錢，倒不如買一些自己喜歡的食物或食材回家自己煮更好。於是中午到了荃灣廣場一田和AEON搜羅一些靚牛扒、生蠔和魚生等等，後來和朋友通電話原來她也想購買晚餐食材，所以最後等埋朋友中午下班後一齊去Aeon supermarket購買，她下班後來到已是2:30pm。我今天早上除了喝過了一杯水以外，未有吃過任何食物，肚子巳在打鼓了，看到Italian Tomato Café內都沒有幾枱客，所以我們到Aeon內的Italian Tomato Café 先吃一個 late lunc

Italian Tomato Cafe @ 荃灣今日約左朋友去行街，想平平地食下西餐，就揀左黎到荃灣廣場附近既Italian Tomato Cafe試下。以前食佢D蛋糕就食得多，都係第一次試下佢蛋糕以外既食物。睇睇Menu發現佢set lunch都唔係貴，大概係$65-$138不等，包左餐湯同一杯野飲。黑松露忌廉汁帆立貝意式燴飯係我地係餐廳門口睇menu個陣已經揀好既set，因為佢有我嘅至愛黑松露！上菜個陣黑松露味道唔算好突出，要好近聞先聞得出。一共有4粒帶子，雖然細細粒但食落個帶子邊都有脆脆地既口感，味道都唔錯；佢既黑松露味唔係新鮮黑松露既味，但黑松露味都幾足夠，只係醬既份量多左少少；飯既份量好足，可惜係略為煮得過左龍，無risotto個種口感，D飯痴埋一舊既情況亦令係佢既扣分位。以$65一個set既價錢黎講，我覺得性價比都幾高。肉醬意粉法蘭克福腸配薯條係一份好靚既菜式，同一碟有好多種顏色，好吸睛！佢地沙律菜都幾新鮮，配上意大利醋真係幾好味！薯條都炸的幾好，唔會淋左/太乾；肉醬意粉就好驚喜，意粉煮得岩岩好，肉醬調味都調得好好，唔會太鹹，如果可以加多D芝士就更正哈哈！法蘭克福腸就相對普

係weekend周不時都會同阿媽黎italian tomato 食佢個lunch,因為覺得佢嘅意粉同飯整得都幾好食，不過比較可惜嘅係最近佢嘅set lunch已經唔再跟餐包今次我就試左佢個龍利柳黑松露忌廉芝士焗飯，而試完之後比我想像中妹好！其實好少可我會覺得白汁焗飯會好食，但呢個焗飯首先汁唔會淡而無味，芝士味香濃而黑松露香味我覺得恰到好處，唔會過濃搞到蓋過曬其他味但又好香口。而且，呢個飯仲有兩大塊龍利柳，好滿足！食完之後再嘆杯凍奶茶簡直過曬癮！

今晚行夜左.. 又唔知食咩好.. 近近地又想食件蛋糕🍰🍰... 兩個人 就揀左食意粉🍝啦.. 今次揀左帆立貝黑松露扁意粉..跟餐仲可以加$58 配埋湯特飲同一件蛋糕..抵食.. 湯就冇乜特別.. 中規中矩..荔枝玫瑰梳打特飲又幾好飲.. 唔太甜又有荔枝味..帆立貝黑松露扁意粉.. 好香嘅味再加埋蘑菇洋蔥配扁意粉... 好味..朋友呢就揀咗食意大利飯.. 有少少辣辣地又有蕃茄味.. 係清爽少少口味.. 小食再加咗個魷魚圈..蛋糕選擇有太多.. 今次就揀左士多啤梨黑森林蛋糕..好滿足😋...