Italian Tomato Café (MOSTown新港城中心(4期))

Open Now

Now Closed

買咗件藍莓芝士撻，見到已經覺得好似縮左水。我無特登望清楚就食 食左差不多半件先發現啲藍莓發晒霉，crazy! 啲cream 又乾又硬，好明顯擺咗唔知幾多日咁。嚇到我即刻掉咗去。但係太遲之後已經開始搞肚痛！點都要寫返個食評！好心賣唔出都要檢查下啲食物品質 真係食死人架！員工做野唔細心 打返去投訴態度冷淡 淨係話要收返件cake 換返件比我 我點夠膽再食呀！發霉咁都照放出黎賣！ 一件幾十蚊嘅蛋糕又唔係平，仲要咁差！以後都唔會再幫襯。

是日元旦，嚟咗新港城中心食晚飯。見呢間有個有蛋糕又幾抵食嘅四人餐，之前食過佢嘅一人餐都ok，今次就試吓個四人餐。四人餐有一份沙律、兩份小食、一份意粉/燴飯、一份薄餅、一份主食，每人另有一餐湯、飲品同蛋糕🍰餐湯—忌廉湯喺Apps落單見佢有忌廉湯同雜菜湯揀，但今日只有忌廉湯提供。湯唔算好好飲，但好似比我上次嚟食一人餐個陣好味咗。餐飲—熱奶茶套餐飲品包冷熱紅茶、奶茶、咖啡、檸檬茶、檸檬水或汽水。我叫咗熱奶茶，味道一般。沙律—煙三文魚凱撒沙律沙律有兩個選擇，煙三文魚凱撒沙律或意式風乾火腿田園沙律。今次試咗煙三文魚，份量唔算多，味道都ok嘅小食—香脆雞翼，意式番茄肉丸套餐包兩個小食，香脆雞翼同意式番茄肉丸。呢兩個小食味道都唔錯👍🏻意粉/意式燴飯—火腿黑松露忌廉意式燴飯套餐有兩款意粉—芝士卡邦尼意粉、漁夫海鮮意粉，兩款意式燴飯—火腿黑松露忌廉意式燴飯、日本南瓜海鮮忌廉意式燴飯可供四選一。今次試咗火腿黑松露忌廉意式燴飯，賣相一般，味道就幾好。黑松露配意式燴飯一直都係絕配，呢度都唔例外。薄餅—四色芝士薄餅套餐薄餅有兩個選擇—廚師精選薄餅同四色芝士薄餅。今次試咗四色芝士薄餅，味道幾好👍🏻仲有個蜜糖醬，鍾

呢間餐廳睇落都唔似新開嘅，估唔到我竟然係第一個寫呢間餐廳嘅食評🙄一向幾鍾意食呢個牌子嘅蛋糕，晚飯時間就嚟叫咗個一人套餐，用套餐價加多一件蛋糕🍰一人套餐有忌廉餐湯，一杯飲品同埋一份四選一嘅主菜。套餐價錢就視乎主菜嘅選擇，我今次就叫咗海鮮意粉。而套餐加嘅蛋糕側可以喺當時蛋糕櫥窗內自選一件。我今次就叫咗藍莓芝士撻。跟餐忌廉餐湯+熱奶茶👎🏻忌廉湯基本上冇忌廉味，只有咸味。奶茶嘅茶味亦好澀。焙煎芝麻忌廉汁海鮮意粉👍🏻日式芝麻醬同埋西式忌廉汁混合嘅味道，個人覺得幾夾味。完全符合返餐廳日式洋風嘅風格。海鮮就有蝦，青口，蜆同魷魚，都算幾豐富。藍莓芝士撻👍🏻好好味😋藍莓爽甜，芝士蛋糕亦唔漏，仲有cream同杏仁片，正😄呢度啲蛋糕好好味，如果嚟食飯嘅建議都加件蛋糕食🍰