Italian Tomato Café (置富第一城)

Open Now

Now Closed

叫了肉眼牛排同黑松露三文魚義大利燴飯（跟餐附送白湯 羅宋湯）白湯有番茄味，有啲奇怪但飲落都ok但羅宋湯有陣怪味唔識形容，唔建議叫。之後講個牛排，$140up嘅價錢，薄到喊，味道亦似超市20蚊果啲。真係科技牛排仲好食、抵食d。我地叫左7成熟，牛排表面濃左，好柴，食到苦味。男朋友話薯條冇鹽唔好食，我就覺得都還好，但個排真係唔得😣。然後意大利飯方面，黑松露味唔濃，但都叫有dd味。但個飯真係淡而無味，只可以撈埋啲有鹽嘅三文魚碎食。最唔得係個飯上面嘅煙三文魚卷，唔知係落左芝士粉臭定係三文魚本身臭，總之食落去係壞左嘅感覺，勁驚食完會出事所以冇再食。連埋加一兩個人$270我都出名劣食家，只不過佢收得呢個價錢，難食過薩利亞多多聲….大家都係食佢蛋糕好啦🥲。

今日要去威爾斯陪兩老覆診，試過一次太趕無食lunch點知一直等到5點先走得，中間想去買野食又怕miss咗叫名，最尾餓到肚都扁埋。🥲🥲🥲經歷過一次，穩陣起見，今次點都食咗個full lunch先去。Lunch hour勁多學生，度度都坐滿人，好彩第一城都算多食店。由於時間緊迫，決定搵間近84m巴士站附近嘅食店，呢間Italian tomato應該係最近，可以預啱時間一出門口就上車。Location一流👍🏻👍🏻👍🏻👍🏻Lunch 嘅價錢都算可以接受，又包餐湯，又包野飲，最重要係咁啱有檯唔洗等🤩🤩🤩上菜非常有效率，呢頭落完單，個頭即刻送上餐湯同咖啡👍🏻👍🏻👍🏻👍🏻啱晒趕時間嘅一族。餐湯有得揀😍😍😍雜菜湯或忌廉蘑菇湯。個湯好工整，有少少herb喺面，湯入邊有幾片蘑菇，好一貫熟悉嘅白湯味道😝Set lunch 已包凍熱飲。叫咗凍咖啡😍😍😍糖水同奶另外分開上，比客人可以隨自己喜好調較口味。非常貼心。黑松露忌廉汁帆立貝意式燴飯$65賣相可以👍🏻有碎蘑菇粒，少量三色椒。黑松露同白汁嘅味道都啱啱好。感覺好平穩。用嘅帆立貝都比較細粒，不過數量就大約有4/5粒左右。如果想食啖啖肉大大粒嘅話就會有啲失望。不過

今天去第一城探訪朋友, 因考慮有大小朋友, 所以就去了一間多選擇的西餐廳。小食拼盤拼盤內有風乾火腿/煙三文魚片/魷魚圈/雞中翼/薯條，超級豐富。有香脆又勁咬口的洋蔥圈/魷魚圈，有帶點鹹味的風乾火腿/煙三文魚，再食埋雞中翼都已夠飽肚。紐西蘭羊架紐西蘭羊屬草飼羊，肉質軟嫩，肉味濃郁，脂肪含量適中，而且不會太羶，食得好滋味。

公司提早收爐, 年三十晚就約朋友食個LUNCH! 因為朋友仲要WFH, 所以就搭車去佢屋企附近食啦! 我哋約左11:30, 唔知係咪時間尚早, 好多餐廳一係未開, 一係就提早收爐。咁見到Italian Tomato 開咗, 而且有位, D 位又濶落, 好啱我哋傾計, 於是就決定食呢間啦!MENU 都好多嘢揀, 最後我揀咗煙三文魚蘑菇蒜香意粉,套餐包餐湯, 餐包同飲品。餐湯係忌廉湯, 正常, 不太特別。煙三文魚蘑菇蒜香意粉好香蒜頭味, 煙三文魚都有幾塊, 夾埋D 蘑菇都幾好食! 食埋主菜後就上飲品, 我叫咗齋啡, 不錯!另外, 雖然坐出面, 但係都有店員注守, 唔會出現想落單而又冇人嘅情況。

很久沒有出外走走，今日去附近商場買下日用品同嘆個午餐啦！這間日式西餐廳，平時都會來吃飯，因為喜歡吃意大利粉同蛋包飯。這裡款式都很多有扒餐，吉列豬等兒童餐也很得意，見隔離有小朋友在吃此套餐。甜品也很出色有件裝蛋糕同班戟套餐跟餐湯同餐飲，今日是羅宋湯，蕃茄味道很香濃。香辣蕃茄肉丸蛋包飯，蛋包飯脹卜卜蛋很幼滑包著熱辣辣的珍珠米很煙韌，配上香濃蕃茄醬汁很夾，而肉丸爽脆彈牙。藍青口柏士圖天使麵，濃濃忌廉香草配天使麵很惹味，藍青口新鮮清甜。餐飲凍檸茶香濃熱咖啡

Happy Friday 所以去呢度食個午餐加個蛋糕，每件蛋糕另加$29。鮮果午餐，蒜蓉意粉炒得乾身美味，青、紅、黃椒絲亦冇馬虎，都夠軟身；燴飯就係我個女嘅至愛，夠入味又多汁，飯身又夠軟。每次最期待的係餐後揀蛋糕，男經理又好人，又介紹新切蛋糕選擇，他們的三重朱古力蛋糕味道一流，有切不如同口感的朱古力，將幾款集於一身，味道豐富，另外再點選傳統黑森林蛋糕，餅底有不少車厘子乾果，比普通餅店的黑森林質素更好，值得一試！

已前曾到過置富第一城廣場內的Italian Tomato，印象唔錯，便與朋友係度食下午茶，傾吓計。餐廳有兩部份，一邊在舖內，一邊在商場中庭，我們揀了中庭，貪其樓底高，較開揚。下午茶餐選擇多，有8款，因已食了午餐，不肚餓，便選較輕盈的。我見餐牌上的白桃香蕉班㦸幾靚，便選了；朋友揀了蛋糕，飲品我們都叫了熱咖啡。白桃班㦸先上，望上已不太喜歡，好似求求其其將整好的材料放在碟上。而更令我失望的是班㦸已經凍了，中間的cream 沒有白桃味，只有香蕉。說實話，凍了的班㦸，味道已扣8成。👎🏻👎🏻👎🏻朱古力杧果蛋糕也好不了很多，蛋糕不夠鬆輭，杧果亦不香甜，味道認真普通。咖啡亦不合格，不香亦不濃，完全無日本咖啡的獨特口味，失望！☹️唯一安慰是送了每人一個口罩套。Anyway Italian Tomatoe不會是我下午茶的首選。

呢度既蛋糕真係由細個就開始食，食足20幾年，但價格上始終都偏貴，所以有時反而選擇大型連鎖日系餅店，就冇買到italian tomato。雖然幫襯咁多年，但集團旗下既食肆餐廳又真係冇入過去，所以今日同friend約第一城，想簡單得黎又舒服，就索性揀食italian tomato cafe。黎到係夜晚7點幾，人唔太多，同friend都分別叫左意粉，明太子意粉同卡邦尼意粉。樓面似乎人手氾濫，但廚房就唔夠，出餐都有d慢。卡邦尼意粉一開始睇落份量唔算多，但食起上黎，其實都幾夠，始終好濃郁cheese同cream，會飽肚。然後愈食愈覺得好味，可能在於其他人，會認為只係普通卡邦尼質素，不過我要求唔高，我覺得夠濃味而汁又唔算少，就好滿意。至於明太子意粉亦都唔差，整體係OK，我諗最主要係d cheese真係好食，做開高質芝士蛋糕，所以可能入貨d食材都靚d。

中午黎到第一城，周圍都坐滿，只有麥當勞同佢有空位，坐低試下，開頭見佢55蚊包湯包野飲都唔貴，叫左個菠菜龍脷柳飯食，呢隻綠色比人既感覺真係........好清......新.......佢唔係菠菜汁 係好重忌廉味加菠菜咁，如果你鐘意咁既綠色你應該會好開胃，龍脷柳係炸既，如果你鐘意炸過龍炸到黑黑地色，佢會好岩你，仲有一粒切半既蕃茄仔係旁邊，可能佢覺得咁樣擺盤靚掛。凍檸茶都唔好對佢咩檸味或者佢茶味抱期望。

早排同男朋友喺第一城食晚餐，未食之前，經過呢度，俾佢個display櫃入面嘅焦糖香蕉批吸引左，已經同男友講，食飯要留肚，一陣過黎食甜品。我地今次選擇堂食，堂食會有加一收費，一座低，職員就俾兩杯水我地。我認為食甜品，有一杯水係好重要🤣我就梗係order左焦糖香蕉批啦，而男友就叫左個士多啤梨芒果蛋糕。先講男友果個先，其實係一個士多啤梨芒果忌廉海綿蛋糕，我無試到，但反正男友話士多啤梨好甜已值回票價。到我果個喇，其實我不嬲都好鐘意食banoffee pie,只要一見到menu有，我諗都唔洗諗一定會叫佢。呢度最面果層係鮮忌廉，中間果層係香蕉同埋焦糖忌廉。仲有一層朱古力蛋糕。之後個批底係朱古力味嘅。成個批唔甜，而忌廉都做得非常滑溜。食得我好滿足。男友仲搶住食添！到最後，唔夠喉，仲外賣多一個添❤️

擒晚同朋友又為左蛋糕去食tomato，真係好食嘅，佢d cake。叫左個二人餐，真係好飽下。扒反而冇咁好食。但我都係覺得tea黎食蛋糕好。因為佢正餐係冇乜特別嘅，叫做普通西餐啦。但蛋糕係好食嘅。

早前同朋友去咗第一城嘅Italian Tomato Cafe食下午茶，見到𥚃面既蛋糕好吸引，而且有好多選擇。不過最吸引我的是鮮果千層夾心餅，因為佢一層一層，好似拿破崙咁，如果係一層脆餅，一齊吉士，應該好好味～鮮果千層夾心餅（$38）鮮果千層夾心餅，樣子好吸引，水果顏色豐富。水果都算新鮮，而且都唔酸。吉士醬一如預期的甜，味道都OK。可惜讓我最期待的千層餅竟然完全唔脆🤦🏻‍♀️層餅全部「淋」，而且感覺有點兒「韌」，跟我原本期望的鬆脆，實在太失望😞了！失望⋯⋯⋯連用叉介開食都有困難

呢間連鎖餐廳以前我有幫襯過，知道佢質素唔差 ，而且都算抵食。早幾日中午食晏時段去到客人唔多，可以慢慢跟朋友邊傾計邊食晏，係香港好耐已經無見過咁清靜嘅餐廳環境了。店員服務好有禮貌，又俾我地隨意揀位坐，又不停幫客人添暖水。蕃茄雜菜湯味道濃郁，湯底足料。煙三文魚菠菜忌廉意粉，意粉煮得彈牙，醬汁又唔會太乾或者太濕，十分好味。蒜香欖油意式風乾火腿意粉，蒜香味濃配合鹹香惹味嘅西班牙火腿，每條意粉都入晒味。唯獨係杯咖啡真係麻麻地，無乜咖啡香味而且飲落苦得有啲澀口。

Italian tomato蛋糕就食得多，cafe都係第一次去，早幾日經過見到餐廳係商場中央另外有座位，感覺開揚又無乜人，所以就坐低食lunch。lunch set嘅價錢都算經濟，六十幾蚊一個餐包餐湯餐飲，而選擇都算唔少。先上來嘅係雜菜湯我地一行三人叫左個蒜香欖油意式風乾意粉、煙三文魚忌廉菠菜意粉同咖哩吉列魚柳飯share食，特別想讚店員十分細心，由於我地想叫咖哩少辣但係廚房做唔到，店員就主動提議幫我地將咖哩汁另上。兩碟意粉嘅調味都做得不錯，醬汁唔會過多又唔會油膩。魚柳亦都炸得脆口，只係炸粉略嫌厚了少少。最後餐飲叫了咖啡，美中不足嘅係杯咖啡嘅苦味都蓋過了應有嘅香味。不過整體而言食物水準都ok，店員親切，知道我地share食就主動送上三隻碟，又不停幫我地斟水，值得再去!

今晚同家人一行三人到該店用膳，時間為21:13。當時店內店外都無客人，我就向一位正在埋數的男職員詢問，問是否仍可以入內用餐，佢就講我地收10點算了，對眼全程望住枱面的錢。我一家人入了坐後，係無一位職員理會我地，最大原因可能係我阻住佢地收工。點完餐後，㕑房師傅從外面返回來，好快就出齊所有食物，時間為21:28，㕑房師傅換好衫出到舖面打卡收工，時間為21:30。最後我埋單走時，該位男職員仍在埋數，時間為21:42。到離開座位行出店舖時男職員一句多謝哂或拜拜都無，佢工作十分認真，無理會過客人的舉動，這些服務態度只此一家才體驗到，如你想感受一下比人無視的感覺，就揾日去幫襯下這分店啦。返到屋企回想了一會，最錯都係我一心想幫襯這品牌，兼阻住人地收工，食物都算一般。