板前壽司 (Closed)

六月二十七日 (星期日)看完血聘,再等了約一個小時,終於到了下午茶時段,儲印花行動再展開上次吃的壽司有點失望,今次我們轉行點小食上次點的海鮮沙律不錯,今回再encore同樣美味,材料豐富,三文魚,北寄貝,鮮蝦,蟹子等等很清爽,很怡人新品海老蝦卷用原隻的大虎蝦先炸再用紫菜和飯團包成蝦卷平時吃到的炸蝦卷當然不可比擬蝦肉爽嫩,老公仔連蝦頭也吃得一乾二靜炸雞軟骨似乎用多了粉來炸看起來比不時吃的大粒依然能有應有的鬆脆...最後用三文魚壽司作結最好只點三文魚腩,油份較充足不過飯始終有點鬆散我們卻犯了三大錯誤:一.卡上寫下午時段消費滿$35會有一個印花,比起平時要$50一個便宜多了,但我們卻看漏了這不包括公眾假期,今天是星期日呢!二,原定想換四個印花,即消費約$140,但計錯數,最後食了$129,約以$35計算,都有兩個,但因為錯誤(一),我們最後只得兩個三,又看漏了卡上的說明,起初以為派印花至七月十五日,但原來這是最後申請會員證日期,派印花只到六月三十日呢基於以上原因,我們要加把勁了!!!

都幾個月冇食過板前了, 今日一行三人來到叫了三文魚: 點解切得D 位咁奇怪, 好似D 頭頭尾尾.....海膽: 都算 ok 新鮮珍寶帆立貝壽司: 好肥美但係帆立貝刺身 ($25/6片) 就真係得好少好薄.....軟殼蟹手卷: 新鮮炸的, 正!D Wasabi 好似有D '宿宿地' 味, 好難聞......試試芝士蛋糕, 嘩, $18 得咁細舊......不過味道都OK, 但似雪糕多過似蛋糕!

同朋友未食中午飯，肚餓到震，5點幾入去食壽司。入到去坐正係班師傅門前，越坐越唔對路。第一﹕佢地無帶口罩，一邊整壽司一邊高談闊論。第二﹕我面前有位師傅切緊魚片，而佢隔離位哥哥仔係度噴緊消毒水落返板度，咁o的魚咪俾o的消毒水污染左囉??!!第三﹕有位師傅拎出一個裝滿魚生既盒出黎，放在剛切完魚既板上，轉頭未清潔好塊板又在上面切魚!!!我地隔離有對夫婦，見到咁，食左兩碟就走左喇~做飲食行業最緊要係清潔衛生，仲要佢地賣既食物係魚生為主，想起都覺得嘔心~希望Ricky San見到作出改善~

每次夜晚想食板前最後都被逼放棄，原因都是多人等...嗌到25X再拎飛已經係35X，成百人點等?所以次次都是食LUNCH TIME算了，是日放假的第一天，已食過了午餐咁岩經過家樂商場又見沒什麼人就和媽媽去過下口引吧~因為她是三文魚狂迷而我就係果D一舊都不掂的人。只喜歡貝類及海膽.....哈哈哈!店內人不多，坐下來就快快手點了我必食的幾款北寄貝壽司 - 現時的北寄貝已經由原始被切開的一塊升呢為現在大多數都是成塊咁包住舊飯，除了那些平價的壽司店之外。活赤貝壽司 - 最愛是活赤貝，味道新鮮!不會有怪味存在~海膽壽司 - 也是很愛食的!幾乎每次都會叫~要讚讚這個海膽香而不臭，紫菜又爆脆~油魚壽司 - 普普通通，都是黃色那一款較我討好!火灸三文魚 - 媽媽食了好幾碟了不過我沒再想試的動力了....埋單二百，平均每人一百左右!略略貴了一點點吧~

以前去板前食壽司覺得佢好食又唔貴但係而家...三文魚壽司 - 三文魚好薄(同以前比), D飯好實, 同超級市場有得FIGHT鵝肝刺身 - 好散燒玉子 - 冇以前咁滑, 好老火炙三文魚 - 唔知點解凍左=.=海膽 - OK三文魚子軍艦 - OK

不嬲都係板前FANS,覺得其他同類型壽司店唔夠佢水準穩定,咩都好食,點知....話說星期六一家9口去食LUNCH,諗住叫佢叫限定食品如糖心旦,金三文魚腩等,點知賣晒...赤貝刺身又得一份,失望...另以下食物都係冇水準的:1. 鵝肝刺身 - 散收收,見到都唔開胃,問個WAITER,佢話不嬲都係咁,吹漲2. 燒鵝肝 - 又薄又老,以前都唔係咁,而且份量少得可憐3. 明太子雞亦 - 唔熱,幾好食都係假,而且唔好食4. 魚背壽司 - 係我地一家9口O既至愛,質素係保持,不過以前係兩片,而家得一片,縮水...5. 火炙/ 正常二文魚壽司 - 嘩...舊魚薄過以前一半6. 牛乳湯 - 都係一家9口至愛,點知個湯淡到好似飲奶+水咁,唔係早得滯煲唔切嘛?!其餘都OK既,不過都係O個句,總括黎講水準都係超級下降,擺咁多錢宣傳,唔係張貨就價嘛...

放工後心血來潮, 同男友去左食板前6點幾又係閒日, 所以都唔駛等位入到去, 安排我地坐係右邊無自度加水的位所以全程一直無人加水囉, 但一D都唔多人點左以下食物:1. 三文魚壽司: 呢間會加少少芥末係飯上, 三文魚都幾新鮮2. 火炙三文魚: 點左2 round, 第一round都唔錯, D飯都夠燶, 三文魚都夠香. 但第2 round真係完全唔掂, 又硬又凍3. 芝士飛魚子: 每次食必點的, 水準一般4. 芥辣八爪魚: 又係每次都食的, 但少似比其他分店少八爪魚5. 蟹棒: 平時好似會有幾片木魚, 呢間都無6. 蟹肉蒸蛋: 差, 人地其他分店好食好多, 佢用蟹柳整但其他店真係有少少海鮮食物: 比起其他分店, 佢真係麻麻地服務: 真係差, 完全無人加水, 叫佢加水都要5分鐘!

Yesteraday, I had a dinner with my friends. The restaurant was full house and we need to wait.We wait for a long time, before the display board call us, we expected that we can go in the restaurant immediately.However, we still need to wait for their customer pay the bill.Then we can go inside after 10-15 minutes, then we order many things because we are very hungry.Finally, we paid $120 per person.Overall, it is not very expensive, but i think they can serve a better service.I observed that mos

我反而覺得呢間板前似千x個日我本來都想去....後來.唔想坐車.先去左板前價錢平的....三文魚唔叫最正...最正係帆立貝.仲有海水味,,個set壽司一百二十元...都好正...海膽都無怪味....貴價個的都有...唔錯.....

想試好耐，今日終於有機會金三文魚腩、金三文魚 好吃，魚肉味和三文魚差不多，但多帶點魚的甜味三色吞拿魚 OK牡丹虾 可以大隻D更好珍寶帆立貝 甜美肉厚日本溫泉蛋、糖心蛋 兩款都好食蟹肉蟹籽沙律 好多蟹籽啊依然保持穩定水準，難怪間間都人山人海，又不用做特價時段啦！

去旺角想食壽司, 想起了家樂坊的板前, 因為成日都有位! 不過係 order 枱位~最愛的珍寶帆立貝啊! 好鮮甜!!新試的蟹肉蒸蛋, 原來好得, 好多蟹肉! 底部仲有蟹柳同冬菇新出的「金三文魚」, well.... 食唔出同以前的有咩分別?海膽同鰻魚都好正呀 , 第一次食D 鰻魚係起走咗底下層肥膏/皮, 食入口好味好多!

都唔係第一次食,今次有相機影下就寫下啦~點解我會擔心個碟???因為圖1當圖1出現我眼前既時候,我覺得好奇怪,碟上只放2件壽司,點解2件會放在較邊邊既位置,而且其他位置又有咁多水印呢???仲要有好多一達達呀圖2圖3都有,件壽司"姐"住水印無咁明顯~,黑色碟會令"水印"更明顯,唔代表其他碟會無"水印"囉!!!可能係我諗得太多???可能係我見識少???可能係我孤陋寡聞???會唔會用完個碟就馬上"環保"地"重用再重用"呢???我既疑問到此為止!!!______________________________________________________________今次覺得好最好食係鵝肝壽司,雖時都比較耐,食到尾聲先至上檯,鵝肝煎到好香脆,鵝肝都算厚身,我和老公都異口同聲咁讚好食呀!!!甜珍寶帆立貝真係好肥美,非常巨大,加少少檸汁更鮮甜~不過炸蠔就無以前咁香脆,只係炸,都唔係吉列feel,以前係菜單係寫"吉列",現在係"炸".點失色.最後有其他選擇之下............我不一定再來~

前日左女友去左呢間店食晏,等左一陣,終於有位啦,叫左一d壽司,因為我地雖然坐迴轉位,但條迴轉帶上o既壽司竟然唔多過十碟,算,我寫.叫左三文魚,油甘魚,吞拿魚,板前蝦,虎蝦壽司......一定要試下虎蝦,勁有咬口,雖不至於彈牙,但蝦味勁濃,板前蝦尚叫新鮮,亦算有蝦味,可以一詆,其他的只可算係一般,壽司亦握得唔太好,好易散,愈食愈稅得只係一般...

今日同女朋友去板前食飯, 見到有新嘢-明太子雞翼. 於是叫咗一客. 當雞翼來到, 女朋友即刻夾咗一嚿擺入口, 唔夠兩秒即刻吐返出尼, 一驗屍成塊都係生嘅. 叫燒雞翼變咗雞翼剌身.火都尼埋..起身想叫經理尼睇, 女朋友禁住話我唔使咁激動, 係度嘈盞變咗新一代youtube港男. 結果淨係搵咗waiter cancel 咗個order. 宜家仲谷住度氣

別以為每一間板前壽司的質數都是差不多! 曾經光顧了其他分店亦不及家樂坊這分店的質數高...原因是從朋友介紹下到那兒找"人師傅",那兒的行政總廚.試過"人師傅"自創的菜式如南瓜蝦及鵝肝飯焦,簡式令我一試難忘!!!他在蝦天婦羅裡面釀入了南瓜,而且炸得一點都不油膩,外脆內軟,清新的口味真是難以形容!!!另外,鵝肝飯焦...在煎得脆卜卜的飯焦上加上了煎香了的鵝肝! 咬下去脆卜卜的飯焦再加入口即溶的鵝肝,食完後有一重好滿足的感覺!!!聽朋友說"人師傅"還有其他特式菜如炸蟹仔,炒象拔,煎釀切碎和牛,自製南瓜雪糕.等等等等,我們大家已經相約下個月再去"探望"一下"人師傅"了!!!