Video
2-min walk from Exit B1, Hang Hau MTR Station
continue reading
Opening Hours
Mon - Sun
07:00 - 21:00
Above information is for reference only. Please check details with the restaurant.
【119】用家自費分享！Walk in 唔使等，七成滿。7️⃣0️⃣CP值，上次好食再去過，2023/10/11/三/16:36，下午茶時段，一人埋單免加一共$71。店在商場內，算易揾到，裝修有特色，暗暗地，店內空間大，坐得舒服，感覺乾淨企理，招呼有禮，QR code落單，上菜快，主食依然好，但蛋糕完全唔掂。8️⃣0️⃣下午茶餐龍蝦汁蕃茄焗豬扒珍珠飯$44，好好味。7️⃣5️⃣跟餐另加$ 8凍意大利泡沫咖啡，咖啡味差少少，都很好。2️⃣0️⃣追加$19雜莓忌廉蛋糕，失望，太硬太亁，好似隔夜，食咗一啖。
continue reading
其實意樂餐廳，都開咗好多間分店，坑口呢間都屹立不倒咗好多年，入邊裝修風格非常西式。一入到去，啲職員會用無線電耳機通訊「一位入𡁵嚟」，好似好pro咁！坐位算闊落，下午茶時間無乜人，都幾好坐。今次我就叫咗個pizza食。一上到嚟，個賣相唔錯，個pizza細細份，作為下午茶個份量岩岩好！個流心蛋係個pizza上面朗下朗下好吸引。一切開佢啲蛋汁流哂出嚟，正呀，勁有蛋香味，加埋有少少辣肉腸，好好味😋到凍檸茶喇，百分百集團嘅凍檸茶最巨爭議性架喇，一杯無檸檬嘅凍檸茶，仲算唔算凍檸茶呢，for me…why not?
continue reading
最近多次去咗「Itamama (東港城)」，食物質素都唔錯，但可能因為唔太鍾意去連鎖店，所以總係唔知食咩先會再去。今次試咗佢哋嘅煙三文魚蟹子蛋炒飯，真係有啲驚喜。呢碟炒飯色香味都好豐富，一食入口，蟹子蛋同煙燻三文魚嘅味道融合得好好，散發出誘人嘅香氣。飯粒個個分明，食落口齒留香，每一口都可以品嚐到鮮美嘅海鮮同埋煙燻嘅香味。呢道菜味道層次豐富，有鮮甜嘅海鮮味同獨特嘅煙燻香，令人回味無窮。下次唔知食咩嘅時候，會再去支持呢間食店。
continue reading
星期日想食個下午茶，順便行下商場，見呢間餐廳都好多選擇❤️炸魚薯條塊魚略嫌炸得有d過火，薯條就正常❤️牛肉他他配牛角包牛肉配他他醬味道好夾牛角包好脆，唔會太淋$40一個下午茶真係無得輸，份量正常，仲要包飲品，當然一d特式飲品要加錢
continue reading
千島pizza•野菌忌廉湯$68(逢星期五特價)🍕餅底脆口，係薄批嚟，餡料有紫洋蔥、蝦、千島醬同芝士，成個味道好難唔夾，大概有6寸大，呢個真係幾好食，小朋友好鍾意，下次黎會再order~🍄忌廉蘑菇湯正正常常，唔係特別濃郁又唔會好淡🥩安格斯牛配烤野菜薯條•野菌忌廉湯$160牛扒可以自己選擇生熟程度，叫左7成，味道都可以，肉質軟淋，但略為多筋，可以試一次，但下次就唔會再叫🦞龍蝦湯海鮮天使麵$74呢道意粉比較淡，食唔岀個湯有龍蝦味，配料有蝦、蜆、青口、冬菇片，天使麵質正常，呢樣都係冇下次
continue reading