意八餐廳 (Closed)

住藍田既朋友都知，哩間餐廳長期星期六日朝早都多人等，今日有時間，就慢慢等下千島猪扒脆脆牛角酥食一個都幾飽，酥烘到脆脆同上手暖暖地，已經好吸引。個包用千島醬係搭得幾好，酸酸甜甜好開胃，我覺得個酥係為個包加分左。推薦～百里香雞扒腸仔蛋都ok，一般茶記出品多士係值得贊既，烘好即出，睇上去又靚，上面搽左蒜蓉，好香脆千島脆魚柳正正常常，份量應該係三個中最少的整體來講，不失為一個休閒既週末早餐，為一個帶來滿滿元氣😉

我諗藍田都算多連鎖快餐店，而當中咁多間快餐店入面。我諗意八算係數一數二好食嘅快餐。得閒無事去意八食個下午茶都幾正。我覺得意八最好食嘅下午茶係香辣肉醬焗扁意粉。佢呢間餐廳嘅焗類下午茶都好好食。

去探親戚經過商場，看到那裡大排長龍，就走近看看，原來是一間意八餐廳，反正有時間就排隊進去，價格合理，味道不錯，尤其係D炒粉類別，料足之餘，仲要好香，服務態度一般，可能實在太多人了，環境比較擁擠，值得推介就是不用收加一服務費。但D野食絕對不馬虎。

☕️意八餐廳合理之選琴日同女朋友整完護照，去附近搵野食。行下啓田商場，翻新完都幾靚，諗住去意八食下佢既抵食好味早餐，但係趕吾切，過左早餐時幾分鐘！星期六，11點半鬆d，吾洗點排隊！拎左籌碼吾洗兩分鐘就入座，入面都成8，9成滿座，個個都食緊餐廳既早晨套餐。午餐餐牌選擇都幾多，焗飯、意粉、拉麵、pizza……價錢都好合理！$5x再跟野飲/湯，食到叫做意式既野食，宜家都小可啦⋯⋯我叫左5204 得獎咖哩牛坑腩小鍋珍珠飯 飲凍奶茶 ($53+$2)食到一半先記得影相🤦🏽‍♂️個牛坑腩好快上到台，不過吾算熱，有小小攤凍左⋯⋯個牛吾算淋，冇乜肥肉，牛味都算ok。個咖哩汁一d都吾辣，偏向日式咖哩。鐘意辣咖哩既朋友千期吾好試🤣😂飯就熱既，配菜有紅蘿蔔🥕、椰菜、紫椰菜。女朋友叫左5206 米蘭原茄烤豬扒焗珍珠飯 飲熱檸水 ($49)可能即焗關係，等左都十分鐘先上。分量ok，多蕃茄，上面鋪左芝士。豬扒一般般，吾算厚，但都大塊，焗之前冇煎過，所以吾鬆口，得個淋字。👍🏻👍🏻👍🏻值得欣賞既係飯底係蛋炒飯，係真係炒過，吾係大x樂蛋碎撈飯，叫做有心既。女朋友鐘意紫椰菜，感覺健康，食上黎又甜甜地。下次要早小小黎食佢個早餐

今天是初三仲放假中，所以起床陪阿媽去行山和吃早餐，我們就去左藍田意八吃個早餐先，平時我好少去吃早餐怕人多要等位，今天可能是初三，所以人不太多，入去先看餐牌內有很多早餐選擇。我選左個火腿扁意粉，火腿是切絲加少少椰菜，最喜歡就是吃扁意粉，同平時出面的餐廳圓意粉唔同，扁意粉爽口過圓意粉，不會太腍或太硬，而且有件蒜蓉厚多士，上枱時熱呼呼的蒜蓉厚多士，見都就想一口食落肚，果然無失望十分香脆，都是$27超抵食。阿媽就叫左個鮮菌沙嗲牛肉扁意粉$28，但要另外加$2才有蒜蓉厚多士，阿媽都喜歡吃，所以佢也追加$2厚多士，鮮菌和牛肉很香吸左D沙嗲醬堅好味，意粉一樣爽口。阿媽叫左熱鴛鴦奶茶，而我叫左杯熱檸水，同其它餐廳分別不大，都好飲的。2人食到飽飽，嘻嘻！開開心心起步行山去。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

哩間Itamomo係藍田一直都好受歡迎，長期都有人等緊。平時食過，出品都正常，唔知係咪假期，廚房觸屏真係麻麻地，希望之後好D啦。帆立貝海鮮龍蝦汁意大利飯哩個飯其實都ok，龍蝦味好濃，如果可以再收乾D汁更好。飯既分量其實唔多，但海鮮都算係咁，而食量唔多既人啱啱好。香草野菌忌廉天使麺哩個麺真係唔太得。雖然忌廉野本身都唔預佢好濃味，但係哩個真係淡茂茂。而且，D汁會唔會太稀同太多 @@ 食到一半的情況，完全係浸住D麺。Lunch食哩份野，因為唔係lunch set，野飲要另計（半價）埋單都要140 ，CP值都唔高呢。

一行二人今日嚟到啟田商場嘅意八食晏。一嚟到門口已經見到好多人等位，好在好快已經有位。餐廳面積都幾大，入面坐滿食客。我哋叫咗兩個午時套餐，分別係：法式紅酒香茅燴牛肋骨配珍珠飯 ($51)、香辣意式番茄帆立貝海鮮扁意粉 ($51)，餐飲方面我哋叫左熱即磨咖啡 (跟餐免費) 及 熱柑橘檸檬 (跟餐+$2)。法式紅酒香茅燴牛肋條配珍珠飯，紅酒味同牛肋條十分搭配，牛味濃郁而且炆得夠腍，牛肋條嘅數量亦頗多，好食，推介👍香辣意式番茄帆立貝海鮮扁意粉，濃郁嘅番茄鮮味同辣味十分夾，意粉口感適中，加上入面都有幾多海鮮同雜菇，整體味道口感都唔錯。兩杯飲品味道亦夠濃，絕對冇話因為跟餐而欺場。今餐味道好食又實惠，十分唔錯！

係藍田到左食飯時間好多餐廳都會大排長龍而意八都無一例外而且仲要通常都幾多人食下都算等左唔係好耐我地就入左黎食LUNCH叫左佢個粟米湯黎飲味道都夠濃既同埋入面好多粟米粒粒而主食就叫左野菌意大利飯雖然睇落既份量唔多但意大利飯其實食落都幾濟所以都夠晒飽野菌味都香濃既整體黎講 藍田食西餐既首選

這間位於啓田商場的Itamomo，無論午飯時間或晚飯時間，店外總是一大堆人在輪候為什麼？因為便宜又好味啊我來這間餐廳的次數沒有過百次也至少有50次吧😂😂😂無論午市/晚市，性價比都很高食物款式多（pizza, pasta, risotto, steak, udon, ramen）總有一款合你口味星級夏威夷PIZZA（$43）午市每個套餐都會附送湯/茶啡（湯：牛乳粟米忌廉湯/意大利菜湯）牛乳湯味道不錯Pizza是mini size一個人吃剛剛好，味道不過不失，芝士頗多，惟餅底過於黏實

住得係藍田都應該冇可能冇聽過itamomo 呢間餐廳，一間抵食而又多選擇嘅意式餐廳。 不過平時就食開午餐同晚餐廳下午茶都係第一次試。 平時menu都唔見有呢個熱鍋，好似得下午茶有就決定試下。海苔活蜆豚骨湯泡珍珠飯熱鍋以下午茶份量嚟講，份量都幾足，一上枱已經聞到好香嘅麻油味。 呢個熱鍋其實係類似泡飯嗰類，啲珍珠飯浸咗係湯入面，好易入口，d飯又唔會太爛。成碗野有六七隻活蜆，好足份量。海苔鮮菌豚肉豚骨湯泡珍珠飯熱鍋同活蜆果碗差唔多，都係幾鮮味，鮮菌嘅份量都幾多，亦都同珍珠飯好配合。

話說早上11:15分先去到...諗住要食午餐...點知仲有早餐食呀坐底左叫左個魚柳、煙肉、腸仔、仲有厚多士原來佢地係11:30後先冇早餐架！我下次唔洗咁趕啦😌😌😌😅😅😅

朋友住係藍田，係佢介紹下就黎左呢間餐廳🍴度食番個靚靚早餐先，嘩！去列人山人海咁，好多人係門口度等位，我就拿拿林去拎左張飛先，可以選搭檯同唔搭檯、我見裡面咁多位就選左冇搭檯，不過要等成10幾張檯，好彩D食客都好快食完，等左15分鐘左右就有檯啦！睇完menu就揀左鮮野菌鴨胸扁意粉，配熱朱古力，朋友就揀左餐肉煎蛋🍳扁意粉，配熱奶茶，都係$28，真係好抵呀！好耐冇食過少過$30既早餐啦！😅😅 等左10分鐘左右就有得食啦！開餐啦！D餸都好多，幾好食！我最中意食菌類，鮮野菌真係好好味😋😋！唔怪之得咁多人食啦！性價比高～下次再黎藍田都要再幫襯過先得啦！👍👍

Lunch 去揾住藍田嘅朋友，佢話呢間又平又抵食，咁就梗係要嚟試吓啦！去到原來係意八，其實之前試過黃大仙果間分店都覺得唔錯，藍田呢間好大，所以三個人都比左個梳化位，好正！ 午餐選擇多而且價錢唔貴，所以都見有好多學生幫襯，要左個香辣番茄帆立貝扁意粉，意粉煮得啱啱好，唔會過淋過硬，個汁辣辣地好惹味！主餐牌同樣抵食，四隻柚子芝麻雞翼都係廿零蚊，味道都好好！本身想叫埋沙律果d，但又驚食唔哂，唯有下次嚟再食啦！

心血來潮事件簿 (15) 😋今日黎到意八依間餐廳食下午茶，之前食過夜晚都唔錯，今次終於有機會黎依到食下午茶😊適逢本尊近排減肥，下午茶唔想太多野，就求其叫左個煉奶粗粒花生醬多士😎依個多士果然唔錯，包底烤得好之餘，仲要份量十足👍 食落啱啱烤好，花生醬好夠，反而我就略嫌煉奶少左D飲品方面簡單叫左可樂，雖然可樂咁啱無凍嘅，但係店員都好貼心，問你要唔要冰底，服務Warm爆☺️餐廳仲有其他好多下午茶選擇，下次有機會再同介紹😇多啦～

住喺藍田既人都知道附近冇咩大商場，又冇咩好食😂 但itamomo都係一個食平靚正既options😋平時都係去開食晚餐，估唔到下午茶都有好多選擇，而且價錢由低至高都有～ -今次叫左呢個忌廉煙肉菌皇意大利飯🍛 值得一提既係，平時晚餐既餐牌係無呢個叫架，(晚餐有個相似既係有埋wasabi) 係下午茶同學生餐先有😋下午茶黎講，呢個飯都算份量大，而且都幾滯下～😂 所以如果唔係大食既建議可以嗌個light少少既🤪 個飯入面材料樣樣都好足料，有好多蕃茄粒、蘑菇同煙肉，連洋蔥粒都好多😂 仲有好濃郁既白汁味😋-另外加$3 可以加凍飲，叫左朱古力奶🍫🥛其實叫過好多次，覺得每次質素都唔同，但我覺得叫少冰會比較好，因為啲冰好大粒，飲到落尾有啲淡～-總括黎講，itamomo係一個開飯既好地方，因為選擇多，食物味道同份量都令人滿意，而且價錢都算經濟既😆👍🏻 至於服務我覺得有改善空間，啲waiter有時好似當見你唔到咁，而且多人食既時候態度都一般般～