意八餐廳 (Closed)

意八餐廳其他地區都有咁啱嚟到藍田區 想食西餐就揀咗呢間啦佢哋嘅焗法式薯蓉焗田螺係每次必叫之選 薯蓉入味 入口即加埋田螺味道非常夾另外仲叫咗三款嘢食分別係墨西哥瘋狂辣肉醬意粉 記得明明以前食嘅時候係有焗過 今次完全冇局嘅跡象 就好似煮好咗嘅意粉再加一對醬上去咁樣 感覺比起以前差咗另外海鮮墨魚意大利燴飯 比預期中好味 有新驚喜 飯分量十足 一個人絕對食唔晒最後黑椒牛扒套餐 $100內嘅牛扒餐個人認為非常之抵食 牛扒份量大件 有配菜芝士蕃茄加薯條 仲有飯送 不過牛味道唔夠 牛扒煮得有啲過分熟

意八下午茶非常超值，如果4,5點去食，更加連晚飯都可以慳返！餐牌的選擇很多，飽肚的，輕食的，任君選擇。西多士是我哋至愛，次次來到意八都想食。新鮮煎起熱辣辣，配上牛油及糖漿，中間還夾著花生醬，美味。今次還點了芝士肉醬焗長通粉，份量真的很大，兩個人食都夠飽！完全唔係下午茶份量，簡直物超所值！芝士可以拉絲，肉醬與長通粉混合，每一條長通粉都被蕃茄肉醬包裹，啖啖都有蕃茄味，非常美味。肉醬看似不多，但混合起來卻非常足夠。下午茶也包了餐飲，例牌點了熱咖啡及熱杏霜，每次都好飲。

沒錯，又來食意八早餐！11點左右來到，今次很快就入座，坐窗邊，但沒有卡位，還是卡位比較舒服。今次我們點了美式早餐(雞扒拼煎蛋餐肉，厚多士)及沙嗲牛肉麵。雞扒比想像中細塊，蜜糖味，表面甜甜的，合我口味。雞蛋煎到蛋白香脆蛋黃流心，不錯。餐肉味道正常，配上蒜蓉厚多士，是一個非常豐富超值的早餐，午餐都可以省下了。沙嗲牛肉很多，味道濃郁，麵條硬度剛好，一如以往的好味。熱杏霜香濃，不太甜，熱辣辣，咖啡一如以往香濃！

我們一兩個星期就會來意八食一次早餐，因為食咁多次從來都無失望，每次食完都覺得很滿足。11點來到，例牌要排一陣隊，但通常早餐時間完結前就可以入座。意八的早餐時間做到11：20，比一般餐廳長，對很多人而言這20分鐘很重要：)這次我們點了美式早餐(煎豬扒，煎蛋，火腿，粟米，茄汁豆，脆肉瓜及厚多士)，還有鮮菌沙嗲牛肉麵。豬扒鬆軟香口，雞蛋還是流心的，蒜蓉多士外脆內軟，很不錯。沙嗲牛肉份量很足夠，味道也夠濃，麵質彈牙不會太淋。配上兩杯香濃熱咖啡，意八早餐從來無令我們失望過！

疫情期間很多餐廳都支持唔住倒閉，幸好深受街坊喜愛的意八仍然屹立不倒！我們週末都會去食下午茶，雖然例牌要等位，但都不介意，因為真係好食兼抵食！下午茶的餐牌也很吸引，選擇非常多，想飽肚一點可以食粉麵，輕食的有西多士，三文治，雞翼，pizza, 沙律，任君選擇，而家價錢相當抵，二三十元一個下午茶餐真係唔太多餐廳可以做得到，難怪意八深受街坊歡迎。今次我點了西多士，堂食，即叫即做，熱辣辣是最美味的。牛油在西多士面頭溶化，淋上糖漿，外脆內軟，中間夾著粗粒花生醬，正！另外點了巴馬臣芝士牛肉炒天使麵，下午茶而言份量拍得住午餐，芝士很香，牛肉炒得很嫩，夾著三色椒絲及洋蔥絲，增加口感。醬汁為茄汁，越食越開胃，食過很多次依然好中意。

呢間意八無論任何時間都很受歡迎，尤其早餐及下午茶時段更是大排長龍，皆因其食物都物超所值，而且味道很好，食幾多次都唔厭。假期的早上，11點來到門口仍然要排隊，幸好餐廳很大，排隊時間不算太長，十分鐘左右就可入座。今次我們點了豬扒通粉加美式早餐，連兩杯飲品都只需要$66, 其他茶餐廳都未必做到這個價錢。豬扒煎得很香口，通粉仍然很有咬口，不會太淋，還配上幾片椰菜，感覺更加健康。美式早餐十分豐富，有不同的食物任君配搭，今次我點了豬扒，煙肉，煎蛋，粟米，茄汁豆，脆肉瓜，少不了的就是大大塊香脆蒜蓉厚多士，加上一杯熱咖啡也只需$34，真是沒有太多地方可以食得到。順帶一提，也不是很多餐廳提供熱杏霜，但意八就可以飲得到，非常香濃。

嗰日游水之前，特登嚟呢度食咗個早餐。叫咗蕃茄湯米線配生菜同埋太陽蛋，仲加多塊蒜蓉多士添價錢相宜，出餐又快，食物質素同份量都不過不失，對得住佢嘅價錢之前都有試過嚟呢一間食晏晝㗎，都唔錯

長期捧場Itamomo的超值早餐，截單時間是11:20am。火腿濃湯加扁長形的義大利麵，好似日本豬骨面湯底，真係好味呀! 大火的蒜蓉牛油厚多士 (或可選牛角包)，面包燒香脆而不失軟熟，蒜香惹味。最正是自家泡制的香濃咖啡，奶香剛好，不苦，不加糖飲都得。呢份早餐份量可以飽肚到晚飯時間，吃得很滿足。其次推介早餐是 沙爹牛肉湯米，蒜蓉牛油厚多士只係加$2；香草雞扒早餐 ; 濃湯通粉/米粉可配兩款配菜等等.... 此店早餐好多選擇，服務爽快，食物水準一直保持得很好，價錢很合理，真心值得推介香港食店 !

係藍田啟田商場有間好多街坊都幫襯嘅抵食意大利餐廳 — 意八。今次係午餐時段過嚟呢邊，見唔洗等位就衝左入去。｛脆卜卜炸魚柳大和圓板燒 $63｝配菜非常豐富，有板燒野菜、蕃茄、薯角、煎蛋同珍珠飯，魚柳嘅肉質幾淋同唔太腥，加上蘸蛋漿炸完，就算唔太鐘意食魚嘅朋友都食到！｛香草野菌忌廉天使麵 $54｝好有驚喜，好creamy又濃嘅pasta sauce加埋野菌感覺幾健康。｛柚子芝麻烤雞翼 $25｝烤到外皮好香脆加上柚子醬汁同芝麻，唔會太甜，新鮮整好嘅雞翼真係好食到停唔到！

平時諗唔到食乜嘢都會嚟食飯，因為呢度性價比真係幾高，啲嘢食質素都唔錯。我最愛嘅係佢嘅鰻魚炒飯，呢個炒飯嚟到好大碟，上面鋪滿木魚，而且都好足料有好多鰻魚切成一粒粒，食落其實好有日本和風嘅味道。另外我都好鍾意飲佢嘅綠茶啫喱冰冰，叫少甜嘅話未到啱啱好，加埋佢嘅啫喱口感啱啱好。

因為住係附近見佢下午茶平平地咪幫襯下，都已經係常客，野食同味道都好正路….因為疫情關係成舖餐廳都俾半透黑色膠板遮住，但今次真係嬲嬲地，坐低揮手足足10分鐘係完全冇人理，但明明有職員見到！！真心建議！如果d職員咁唔得閒幫客人落單，不如俾多少少錢出嚟整個system俾客人自助落單啦！

$28 一個餐，豬柳蕃茄天使麵+蒜蓉包，跟餐飲其實$28都野無挑剔，蒜蓉包係無咩味，蕃茄湯都唔係好蕃茄，但價錢反映質素。$33 沙嗲牛肉公仔麵+蒜蓉包，跟餐飲係個渴唔夠熱，沙牛唔夠入味，同樣價錢反映質素。或者希望佢貴少少但做好啲啲。

用家感受，不是打手！7️⃣0️⃣CP值，平日晚餐時段，2人埋單$151免加一，平均每人$76，算經濟，坐得也舒服，味道合格的，但唔明咁早(太約730pm)多款食物飲品已經售清。5️⃣0️⃣位置，唔近地鐵，商場內，做街坊生意。7️⃣0️⃣環境，空間算大，坐得舒服。8️⃣0️⃣服務，下單快，上餐快準，耐心介紹。7️⃣5️⃣紐西蘭穀飼牛扒餐配黑椒计$82，無得自訂幾成熟，上碟似7成，個人覺老左啲，但好味嘅。配珍珠飯+太陽蛋+ 薯條+配菜，基本上好味。4️⃣0️⃣芒果啫喱冰，跟餐加$10，唔掂，似凍啲嘅芒果汁。5️⃣0️⃣Wasabi煙肉菌皇意大利飯$49，算平，但個人覺得唔好食，怪味。6️⃣0️⃣凍奶茶，跟餐加$10，正常。

價錢便宜平民嘅西餐廳，自從開咗喺樓下就一直久唔久都有去幫襯，由學生食到而家變左返工人士。以前最鍾意係食佢意大利飯，今次夜晚就叫咗扒，以呢個價錢來講質量都非常唔錯，配埋薯菜都幾飽肚，同另外餐牌嘅火鍋一樣都係晚市非常抵食嘅選擇。

星期日同老公想食個西餐屋企附近冇最後搭小巴去咗藍田食呢一間西餐廳平民化而且選擇多有lunch 有散嗌 最後叫咗個焗豬扒飯同埋 白汁雜菌意粉一杯芒果啫喱冰 同利賓納啫喱冰 豬扒飯豬扒鬆軟 反係用珍珠米，非常啱食 雜菌意粉，芝味無窮 ，麵質爽口配埋兩杯冰不過我個芒果啫喱冰就唔夠凍 反而老公個杯利賓納啫喱冰夠凍加咗個湯個湯係用蔬菜攪拌而成味道濃郁 十分足料 唯一要改善嘅地方係員工態度可以更加友善有時餐牌寫得唔太清楚客人又唔係員工其實未必明白嗰樣嘢食到底係嘢飲定嘢食嚟態度語氣可以客氣啲 被編排嘅座位都坐得闊落舒服整體感覺唔錯老公話下次食西餐可以外賣打包畀我返屋企食