意八餐廳 (Closed)

今日又入沙田做嘢，做到差不多三點搵埋朋友一齊去食下午茶！這間地方夠大很多位，同埋勝在唔使收加一，下午茶款式又多，中式西式粉麵飯同小食熱狗比薩三文治咩都有。鬆軟豬扒濃湯公仔麵 $32快靚正叫了豬扒公仔麵，湯底真的幾濃郁唔會死咸，豬扒大塊鬆軟唔韌，加埋凍檸茶真的爽呀！芝士焗米蘭肉醬長通粉 $38焗飯即叫即焗熱辣辣，下午茶很抵食大大碟都唔使四十元仲有埋嘢飲，芝士鋪滿在肉醬長通粉面，香滑芝士美味又有拉絲口感。凍檸檬茶同熱咖啡

這間食店多年来已成為我家的食堂，性价比高，比所有大型快餐連锁店的質素都要高。但是有一点極需要改善。在今天的日子，食店竟然没有任何电子支付系统，只能付现金。見微知著，可見老板的短视！另一更令人气愤的是各服务員身兼多職，我見到收银位姐姐要同一時間接外賣order/聽外卖电話/同厨房溝通，能人所不能。但实在太忙，得失客人亦不知。原因只系無良老板，請一個人做三個人嘢。雖然食物以价值得，但我以後会低制呢位無良老板

這間餐廳都有幾間分店，之前吃過另一間今次來找朋友就在他附近商場吃東西吧！將近一點五十分，朋友說兩點開始有下午茶呀！問我可以等一下嗎？當然可以啦！下午茶可以吃小食或粉麵也可，價錢還便宜一點。黑木耳活蜆豬骨湯泡珍珠飯這個泡飯用上黑木耳幾健康，蜆肉新鮮又鮮甜，豬骨湯底夠濃滑而珍珠飯有咬口感覺煙煙韌韌。巴馬臣茄香牛肉炒天使麵多數餐廳都是會做意大利粉，很少有天使麵食，所以見到餐牌有就選了這個，醬汁豐富天使麵掛滿芝士同番茄汁好惹味，牛肉炒得乾身。熱菜蜜和熱即磨咖啡

之前去圖書館外面收集箱還圖書後，帶小朋友到了附近愉翠苑商場吃下午茶。下午茶時間都很多人在外面等位，大約等了20分鐘，我們叫了三個下午茶各包一杯熱飲，價錢都算經濟實惠，而且免收加一；1. 野菌意大利蕃茄湯長通粉$312. 經典粗粒花生醬西多士$253. 黑木耳流心蛋豬骨湯泡珍珠飯$33整體來講蕃茄湯長通粉及豬骨湯泡珍珠飯嘅湯底唔算有太多味精；而西多士都有幾多花生醬，因為係粗粒花生醬嘅緣故，咬落有口感。希望疫情快點過去，可以去完圖書館後再來同小朋友 TEA一TEA。

在宿舍附近愉翠苑的意八餐廳，是我經常幫襯的，今天在外面做完野， 飢腸轆轆,一進餐廳，就要了個 蟹籽三文魚蛋白玄米炒飯，看似普通的蛋炒飯，但因為添加了炒得香噴噴的 蟹籽，三文魚和軟滑的蛋白，新鮮的蔥。整碟的炒飯炒得幾乾身的，粒粒分明，份量都很夠。

因為疫情關係，餐廳下午6:00後無堂食，自己一個人又懶得煮，所以在屋企樓下買個外賣簡簡單單就算，因樓下商場無乜食店，所以揀了「意八」外賣。晚市無堂食，真係好冷清清晚市外賣有20款可供選擇，仲包湯或飲品，另外賣自取仲有9折優惠收銀位職員好好，同我講可以加佢哋外賣Whatsapp 熱線，下次可以Whatsapp 預先落單，唔使在鋪慢慢等，真係好窩心1. 帆立貝海鮮龍蝦汁焗珍珠飯，連凍檸茶($62)。焗飯熱辣辣，海鮮豐富包括帆立貝、青口、蝦、魷魚，仲有茄子、南瓜、蔬菜、菇類等，龍蝦汁夠香濃。整體來說，職員服務態度良好，焗飯美味，於愉翠商場內水準較穩定的食店。

最近來光顧這間分多次，地方十分寬敞，即使是因疫情加上了格位板，出入仍然非常舒服自然；食材方面也很優質，餐牌食物選擇多，有豐富重量級，有輕盈瘦身級，豐儉由人。唯獨店舖大部份員工欠缺主動、熱誠、及積極態度，個個非常散漫，最近兩次來光顧的時候，門口都有大約10個客人在輪候，等了5分鐘，都沒有員工出來呼叫票號，當我終於被呼叫入座時，入到店舖內，看見起碼有八張空置已清潔的吉檯，不明白何解要在外面等這麼久。每每看見客人遞手呼叫，常常轉開面，裝作看不見，這方面店長需要培訓及提升員工質素。

因為疲情又嚴重咗 所以都係落街買外賣返屋企食 去咗呢間外賣自取有9折嘅意八～ 試下佢嘅下午茶— 芝士焗米蘭肉醬長通粉 原價$39 份量都幾大份 食完可以當埋晚餐食🙈 芝士份量澎湃 長通粉口感軟硬度適中 係略嫌成個意粉得芝士同肉醬有啲單調 同食到最尾太油🙈

今早要去威爾斯醫院覆診，所以去了附近愉翠園商場揾食先。見到意八餐廳的環境都唔錯，價錢亦唔貴，於是就入去食啦！叫了火腿通粉跟蒜蓉厚多士，首先，塊多士真係幾厚，比兩塊普通面包還厚，食完已飽了7成，碟通粉亦比大x樂的多一倍料同通粉，味道正常，冇話特別好食，但份量就好大份，最後配杯即磨咖啡，杯咖啡雖然寫住即磨，但係又唔覺特別香，都係普通過普通的咖啡味道。如果想揾間坐得舒服又飽肚，價錢又經濟的餐廳，意八算係一個好選擇。完

份量足夠，價錢合理。我點了葡國烤雞焗飯，送粟米忌廉湯。飯的味道不錯，但是烤的火力不太夠，吃時感覺飯太濕。烤雞不錯！因為皮有點焦脆。上面有芝士。而餐湯的味道一般。整體而言，我覺得體驗也是不錯，但沒有太感驚喜的地方。

沙田愉翠商場內要搵食都真係幾難，除左酒樓，快餐連鎖店外，想坐得舒服少少只有意八餐廳可以選擇。平日晚上7點幾，唔使等位可以直入。坐下發覺梳化近牆邊的位置好多塵，好明顯無抹過🤦🏻‍♂️🤦🏻‍♂️🤦🏻‍♂️餐牌除咗有意粉，焗飯，比蕯外，仲有大和圓板燒同涮涮牛鍋1. 脆卜卜魚柳配胡麻野菌汁($64)， 鐵板熱辣辣，配菜同樣夠熱，可惜個炒飯係暖嘅失色。另外胡麻野菌汁偏咸，建議不要一次過加晒落鐵板上。魚柳炸得脆卜卜，外層粉槳亦不算厚，可接受。2. 美國殼飼肥牛火鍋配牛乳豚骨湯($68)，湯底得個咸味，無牛乳同豚骨味，其他配菜一般，牛肉好鞋，同樣一般貨式3. 滋味芒果啫喱冰(加配價$10)，略為過甜。

如果你食厭咗連鎖式快餐店，咁啱又住喺第一城嘅，我就推介你食呢間啦，因為價錢一啲都唔貴，選擇無連鎖式咁悶，店舖又大，座位舒服，唔使自己拎，有侍應服務，但又唔使加一！最重要係，唔會有人企喺你隔離等位，令你有壓力，可以慢慢坐，上網、煲劇都可以

今日路過此店門口，覺得装修有别於其他食店，所以就入去試下，地方夠大，坐得舒服， 感覺幾好 😃叫咗個豬骨湯底帆立貝海鮮拉麵🍲但味道勁淡，帆立貝細到😔用料大家自己睇下😑😑

又約咗波友夜晚 8-10 打波，6點未夠到咗就入咗 Itamomo，仲有下午茶喎唔係唔叫呀 🤣🤣🤣2 個人叫咗 2 個餐，仲好貪心咁叫多個田螺，因為我鍾意食而呢度又平靚正嘛 🤭🤭 個田螺有好香蒜蓉喺面，底又有薯蓉，其實食完都有啲頂肚 😋個芝麻燒雞炒飯好香好好味，唔覺唔覺食咗好多，但佢碟頭好大，好似食極都仲有 😱😱個煙肉卡幫尼長通粉都好香，但始終個汁都係好漏，朋友見我食唔晒啲飯就棄保潛逃，寧願清埋我啲飯 🤣🤣老實講呢度的確抵食，碟頭又好大，要減肥就真係要諗諗啦 😛

今晚爸媽同家姐出去食飯，得返我一個人，我放工打算在街食埋飯先返屋企，搭車經過愉翠苑，就看下商場有什麼好吃，去到這間食店，就不其然入了去，因為每次對這間食店都頗有信心，所以諗都無諗就入去坐下。睇完餐牌，我好快就已經選好想食的東西，我今晚選了一個咖喱牛坑腩珍珠飯，另外再叫了一杯凍朱古力。咖喱牛坑腩珍珠飯上枱，飯同咖喱牛坑腩係分開上，咖喱牛坑腩入面有牛坑腩外，還有幾舊炸過的薯仔，個咖喱汁做得好香，有點辣，牛坑腩好腍，份量唔少，每舊的大細平均，味道好入味，薯仔炸過再加入咖喱入面烹調，所以不會令到薯仔溶在咖喱入面，薯仔煮得唔會太腍，剛剛好，白飯採用珍珠，飯有點煙靱，好有口感，加埋咖喱一齊食，真係一樂也！加埋一杯凍朱古力，朱古力味濃，甜度適中，每次來這裡都覺得水準依然，抵佢常常都有好多人排長龍的！