意八餐廳 (Closed)

沙田愉翠商場內要搵食都真係幾難，除左酒樓，快餐連鎖店外，想坐得舒服少少只有意八餐廳可以選擇。平日晚上7點幾，唔使等位可以直入。坐下發覺梳化近牆邊的位置好多塵，好明顯無抹過🤦🏻‍♂️🤦🏻‍♂️🤦🏻‍♂️餐牌除咗有意粉，焗飯，比蕯外，仲有大和圓板燒同涮涮牛鍋1. 脆卜卜魚柳配胡麻野菌汁($64)， 鐵板熱辣辣，配菜同樣夠熱，可惜個炒飯係暖嘅失色。另外胡麻野菌汁偏咸，建議不要一次過加晒落鐵板上。魚柳炸得脆卜卜，外層粉槳亦不算厚，可接受。2. 美國殼飼肥牛火鍋配牛乳豚骨湯($68)，湯底得個咸味，無牛乳同豚骨味，其他配菜一般，牛肉好鞋，同樣一般貨式3. 滋味芒果啫喱冰(加配價$10)，略為過甜。