愛茶 (Closed)

尖沙咁開嘅台式飲品真係愈黎愈多，迎合香港年青人嘅市場，但要突圍而出都唔容易！而今日我去試個間係愛茶，入到去，我好多企位可以比客人喺度飲野，唔使拎住杯野周圍走。呢度仲有一系列現成嘅樽裝茶可以買走，每日新鮮製造，味道應該唔錯！聽講呢度啲水果茶好出色，好新鮮，唔係罐頭生果，直情係好鮮甜。咁我哋就揀咗鮮果茶系列，鮮果香片$45同埋香檸香片$38。鮮果香片簡直係不得了，成杯充滿着唔同嘅生果，我哋揀咗先飲咗茶底，再打開杯蓋食生果，有菠蘿有提子西瓜等等嘅生果，全部都超級甜好爽口，食得出係真正嘅新鮮，同埋係靚貨黎！特別係提子，超級爽口好正！而香檸香片味道好清新，酸酸甜甜，好似好開胃嘅感覺，食飯前飲一定好Perfect！總括來講，呢度嘅水果茶都好高質，下次想試咪做緊promote嘅奇異果大理石同埋青提大理石，只係$29咋好抵！

最中意飲手搖既我係尖沙咀見到呢間「愛茶」好吸引我，於是買左兩杯飲！🥤🔶冠軍紅烏龍 $35有氣既茶你見過未？呢間就有，頂層個啲唔係芝士奶蓋，係泡飲落有啲似啤酒既感覺/味道，好得意！不過我都係中意飲純茶，試下無妨😃🔶草莓奶蓋大理石 $47個樣已經好靚，真係似大理石咁🍓飲落都好好味，佢用左新鮮草莓整，絕不是加工品推薦要試呢杯👍🏻另外仲有好多茶飲人，例如鮮果茶、純茶etc...我估應該好好飲，因為茶味夠濃！下次試下其他😋

最近真的很喜歡台茶， 無論珍珠系列、 奶蓋系列 、水果茶系列， 總是令人回味無窮。 雖然已是冬天， 但香港天氣不冷， 在街上逛街， 少不免會想買杯解渴飲品。今天放工後又去到我最喜歡的尖沙咀， 裝修簡潔乾淨的“愛茶”， 吸引了我的眼睛， 走進店內看看有什麼特飲。 原來愛茶係由英記茶莊主理， 想必這裏的茶 應該有一定的保證😁😁😁最後我和朋友選擇了：奶蓋草莓大理石🍓🍓🍓奶蓋綿密又滑， 草莓沙冰 香甜美味， 不會太過甜。鮮果冠軍紅烏龍🍉🍍🥝🍑🍐🍓🍇🍊這杯性價比非常之高， 有非常多水果， 西瓜🍉+奇異果🥝+菠蘿🍍+哈密瓜 🍈+西柚🍊， 茶味突出香濃有回甘。

台灣手搖奶茶開到成行成市，但今日在尖沙咀晚飯後經過新開的愛茶卻原來是陀地英記茶莊的概念店，自己人點都要支持下。店內主打不同的冷泡茶，也有較受年輕人歡迎的水果茶和芝士奶蓋，最特別是連港式茶餐廳才見到的茶啡配都有。店內接受不同的付賣方式，非常方便貼心。草莓奶蓋大理石($47)粉紅色的草莓配上芝士奶蓋就像粉紅色的大理石，賣相好靚。不像台式珍奶店可以選甜度，因為愛茶都標榜沒有加糖精，飲料都是少甜健康版。芝士是我喜歡的咸味芝士，不過略嫌冰粒打得不夠幼細。奇異果奶蓋大理石($47)用奇異果做的水果茶坊間較少見，味道酸酸甜甜幾清新。

招牌水果茶 完全一杯水果杯 配料+水晶 原來係圓形寒天水果款式豐富 有西瓜 西柚 奇異果 菠蘿好貼心仲有叉提供食生果茶底比較淡 可能配綠茶入口清新d 青提大理石奶蓋沙冰奶蓋質感幼滑 重奶味可惜無提供芝士奶蓋沙冰質感不夠幼細提子分量不足味道好淡 .-Yum：👅 👅 👅 /5Revisit:💃🏼💃🏼💃🏼/5Price: $50/head————————————————🌈 愛茶———————————————— . .#먹스타그램 #comfortfood #hkfoodie #foodporn #foodie

聽說這店的茶底不錯今天經過來試一試.- 青提奶蓋大理石原來是沙冰奶蓋有點微鹹 十分滑身下層的沙冰夠幼細有粒粒果肉感覺很新鮮而且即使沒點少甜也不算甜沙冰配奶蓋兩種口感 而且甜中帶鹹這配搭真的很不錯

直接入題 二話不說鮮果香片 FRUITEA JASMINE $45 鮮果茶其實都係第1次試依家店,所以就請店長講解一下當然SIGNATURE就要試真一點佢既味道標準的 700ＭＬ杯子,但第一眼就睇得出佢地既設計係有心思同講究, 絕對唔會杯. 用左磨沙視覺去包裝杯身, 增加個飲品的冷凍視覺味道店長自信地講到: 生果係每日購買的新鮮時令水果，今次依杯飲品入面就有青提、西瓜、菠蘿、士多啤梨、西柚、奇異果、青檸， 多種水果堆放而成! 拎上手非常重手同埋質到滿滿. 有質又有量! 本次要指名, 佢地既菠蘿係唔酸唔會整到個口麻麻, 絕對勝過高級超市的新鮮菠蘿片. 整體口味, 非常清新 感覺有如即開新鮮生果粒 絕無半點氧化或乾身苦澀我自己覺得建議食法: 應該係飲一兩啖先濕下個口, 之後開蓋食反幾啖生果肉! 因為咁先食得出邊款生果既滋味! 同埋可以新鮮味多元化D同LAST得耐D! 2下啜哂就真係會唔夠啵! 當然第2食法就係當佢係生果杯一啖啖咁放入口, 其實我拎左出黎影相, 1舊菠蘿都要分好幾次黎咬先食得完, 睇黎放LUNCH無心水或者想健美一點既女OL可以考慮下生果杯當LUNCH食呢。之後呢 拍檔都唔執

行行下街 見到有間好似未見過既珍奶舖 好奇心驅使我貢入去望下 望一望個menu 太多選擇 真係唔知揀咩好 店員就好有禮貌亦主動咁推介兩個比較多人叫既系列-水果茶同奶蓋大理石(因為個人唔中意d店員限死咁推介一兩款,所以咁樣比較大包圍得黎又縮窄範圍既推介我buy架😂)哩個位加分同朋友一人叫左一杯 草莓奶蓋大理石香提奶蓋大理石睇住店員整野飲嗰陣 好驚會係一大pat生果味糖漿/果汁咁落 點知 係見佢落d生果一d都唔會慳咁落 真係一大堆提子同士多啤梨打沙冰 所以d沙冰味一d都唔假 好濃好香提子同士多啤梨味 正😋😋😋而個奶蓋就不過不失la 好重cream味 唔易溶喺沙冰 哩個位先正 幾時想飲個奶蓋抆開個塞就飲到😛最憎d奶蓋勁快溶哂喺杯野飲度 愛茶既奶蓋完全冇哩個問題 抵讚呀👍🏻👍🏻👍🏻👍🏻飲完一杯好似食左一大堆生果 係健康人生既好開始呀😂

近來，香港的速飲店愈開愈多呀，聽聞英記茶莊都自己開返間，最後search 到似係呢間愛茶，就試試啦！裝修唔算出眾，而茶品都係個幾類，不過，有沙冰同水果茶，都算與眾不同啦！在台灣，飲過紅烏龍，竟然在這家店都有在賣，想就不想，立即點啦！ 紅烏龍是近幾年台灣人改良的烏龍，主要是南部為主，保留烏龍青香的味道，但欲帶有後發酵的紅茶製工。這家的紅烏龍不算太苦澀，配搭多款生果，最好味就係配搭菠蘿酸酸甜甜，飲落同其他鋪頭的水果茶自然，解喝！今次值得過來飲一下了！

食完飯就要去左買野飲。行到呢間愛茶，舖面寬闊，朋友仲見到茶飲店少見既咖啡，就揀左呢間。<草莓奶蓋大理石>（$47）草莓奶蓋大理石係愛茶既招牌，望下呢杯飲品個樣你就知點解佢會叫大理石了！呢杯飲品除咗個名特別，飲落去同出面既草莓奶蓋都好唔同。出面普遍既台式飲品草莓奶蓋都係偏甜，而愛茶既草莓奶蓋就酸酸地，陣味似真正既草莓酸味。平時飲台式飲品我都會叫少甜，但叫愛茶既草莓奶蓋就唔洗少甜，因為佢本身嘅甜度再溝埋草莓既酸味係配合得岩岩好。而愛茶既奶蓋亦同出面既奶蓋有d分別，出面既奶蓋偏咸，而愛茶既奶蓋就偏重奶味，而奶味中亦帶甜，因為呢杯野本身酸酸地，所以奶蓋既甜味就同杯野飲好match。<茶啡黑鑽冰>（$34）朋友揀左呢杯茶啡，要左多多啡，仲加左$5要奶蓋。朋友係咖啡愛好者，大讚呢度啲咖啡好飲，夠濃仲偏向果酸味。黑鑽意思係雲天，好爽口既口感。而且加左奶蓋一啲都無違和感。

-青提奶蓋大理石💠~做緊推廣29$~一入口係綿密creamy奶蓋，呢個奶蓋同一般飲既唔同，有啲似蛋捲蛋糕🍰既Cream，甜甜地，同水果味都好相融。都係用新鮮生果整，feel到青提子既碎粒混合入去碎冰入面，一啖有鮮果就唔會覺得碎冰淡，仲真係有”大理石”既口感。-鮮果香片☕️~47$~係滿滿既生果🍇🍓🍉🍍🍋🍎有青提、蘋果、士多啤梨、西瓜、菠蘿、西榴、青檸等等。水果比例真係好多，一啲都唔慳皮。至於個☕️茶底茶味淡淡飄香，靜靜咁陪襯住啲水果，有得飲又有得食，好一杯水果水果茶！

約左 老友食飯， 經過見到， 新牌仔未試過，見 它特價，便 購買一人一杯 請老友試下 ，茶味很濃 珍珠也不錯，但它的茶太濃 有啲澀口 ，不是我喜歡種類 ， 我喜歡偏淡帶甜的茶，但是 20蚊一杯 接受

原本打算逛驚安的，但驚安為配合美麗華商場關閉政策，今晚提早7時關門，沒有24小時營業，我們很失望。然後再逛四周，幾乎九成街鋪已關門，想喝杯飲品也要花時間找，朋友想起有次經過一間名愛茶的飲品店，我們碰碰運氣，幸好仍有營業。我一早鎖定喝鮮果茶，所以不用像朋友苦惱喝甚麼，大部份朋友想喝的都賣光，最後他選喝20元茶啡珍珠冰。朋友說20元這個價錢滿便宜，現今沒有甚麼沖調飲品那麼價低，而且超足料，咖啡味濃郁，奶蓋滑溜，喝完頗有飽足感。鮮果茶的茶底有數款選擇，香片，壽眉和紅烏龍，平時飲品店鮮有這些鮮果茶組合，最終我選喝鮮果壽眉。鮮果壽眉水果給得豪邁，水果塞滿一整杯，葡萄，西瓜，菠蘿，西柚，青檸，奇異果和士多啤梨，酸酸甜甜，非常清新，壽眉淡淡的茶香回甘，十分怡人。

第一次飲咁足料既水果茶！喂，人地叫鮮果茶呀，姐姐！哎吔是但啦！入面有好多款水果都好清甜，特別係青奇異果🥝！佢真係俾成個你！其他既厚切菠蘿🍍，青提子，士多啤梨🍓，西柚片都ok甜，係底下既西瓜🍉就冇咁甜，但真係好滿足囉！好啦，做人點可以冇選擇！所以茶底都有得你揀：香片，壽眉或紅鳥龍都有。 我覺得，呢杯野飲好美好。🌺🌼✨

叫咗杯珍珠奶茶，一飲落去 完全唔知係乜野，完全無甜味，無奶味，只有微微既茶味，我買既係珍珠奶茶，但成杯野只飲到好似 "加咗好多人溝淡咗既茶"…試過幾十間珍珠奶茶，出面可能有啲偏甜 有啲偏奶，但未飲過一間完全唔知自己飲緊乜既飲品 (我真係好少寫食評，但呢間野真係唔寫唔得)…另外杯壽眉王奶蓋，同事話未過咁既味，無奶味，上而層奶蓋好似食緊忌廉咁 =.=員工態度又唔係好，你要標榜用咩茶無問題，但要有茶香囉，淡到一個點，仲要真係唔明點解奶茶係 茶溝水味，完全無甜味，唔知乜味，賣相都還可接受，但啲味真係完全接受唔到！！！