大吉居酒屋 (Closed)

今次朋友問我喜不喜歡食放題，說這裡很抵食，問我有冇興趣試。訂了位18:45，仍是兩個佬去食。店鋪都幾易搵，但黑漆漆的裝修，乘電梯上到2/F 都摸不清正門在那！ 時間尚早，在座客人不多。被安排坐在小房間裡，很迫夾！坐低看看...嘩！ABCDEFG一套order紙，疊起來有成本電話薄咁厚！不過以ABCDEFG分開種類繁多的菜色，都幾整齊... 但眼花撩亂。牆上有通告說不要浪費食物... 發現店方送上的食物，是以客人的數量分大細，我們兩個人，每碟都很迷你，想深一層，這樣也好，可以試多些菜式，也不致因眼闊肚窄浪費掉。覺得特別好的菜式有（如上圖）： 燒雞翼 – 未見過攤開來燒，香脆好味，淨係手工都加分！ 燒羊仔骨 – 好入味，加上檸汁更開胃； 鰻魚飯 – 雖然細細碗，但D汁好正，烤鰻魚有水準； 蟹粥 – 好鮮味，又足料，粥內有半隻蟹； 雜錦三文魚飯 – 新鮮，混等恰到好處 （以前食過另一間，可能太凍關係，食到想嘔）； 焗蠔 – 招牌菜式？見牆上有poster必食推介… 芝士味好，唔腥，但蠔味香濃… 寫紙寫了幾次，最後才有兩隻來。服務一般，可能是坐了入小房（雖然沒有門，但有日式布簾），要叫侍應

最鍾意佢個鰻魚芝士卷,超正ar~~我一個人就食咗差唔多十件d刺身都好新鮮~去之前睇過其他人ge評價,佢地勁推薦個北海道牛乳海鮮鍋,雖然都ok,但唔啱我~我好鍾意食肉ga~~素食ge比較少食,但佢個什果沙律竟然令到我忍唔住食咗好多~佢d串燒~燒牛肉~芝士焗蠔~帶子~全部都好正ar~~d款式超多~真係試唔哂~~決定咗la~一定一定要再去食過ar~

昨日是第一次試食, 亦是昨天才訂座 ( 竟然有位, 這時仍未醒覺 ) . 第一道上的是刺身, 第一件試帶子 - 霉的; 再試甜蝦 - 腥的; 角螺盡現師傅刀功 - 細得可憐. 後來的枝豆 - 已浸至發白, 完全無味, 但麵豉湯又鹹到苦. 再加汽水要叫三次才來. 全晚最好食的是雪糕糯米糍.一言閉之, 有人請, 都要諗過, 唔好浪費我的 quota.

之前淨係食過大吉既 buffet dinner，第一次食 lunch，無 buffet。lunch time 真係好多人，記得 book 位。門口見到佢有個迷你 lunch 定食幾好咁，就叫了。成個餐既份量都幾夠：有餃子、牛肉飯、剌身、有個湯加前菜 (Tomato with 醋)。幾好味喎個 Tomato，同埋每樣野都有 d 等你試幾樣野。同行友人話個三文魚子飯好咸喎，唔知浸左 d 乜野。

上網見到有特價又見到都好多哈哈笑就去試下啦...點知食到一吐氣我同媽已經坐係門口位佢地話成間full哂得呢到但當時只係6點半得10%人咁都算啦我地叫左野食後起碼要20mins以上先有得食sashimi只係切同要焗既蠔都係呢個time真係等到有火叫人加茶加左好耐都加唔到最火既係之後我地隔離坐左4個人,佢地係熟客一坐低佢地就落單,唔駛5分鐘就有得食囉果個waiter幾熱心,只係幫佢地拿食物咁都算,加茶都只係加俾佢地就真係太過火囉..我同我媽只係坐係佢地隔離叫左幾萬年話加茶啦!一個人都冇囉唔該最後佢地只係食左一個鐘就話食飽食左好多野走左而我同我媽總係到等緊第2,3輪既野食..總要到最後差d趕唔切8點半走囉..真係想起都有火總要走既時候間店都只係80滿,我同我媽根本就唔駛坐門口位都冇問題囉真係佛都有火一定唔會再去,就算佢d野再幾好食佢唔improve佢d service 就真係886原來佢地只係照顧熟客唔理生客

尋晚去左有好多好評既大吉食晚市放題不過就去左中環分店, book左八點鐘, 店員再三提醒我地, 八點九後特價$138/位, 但係唔等得太耐, 所以用左大吉既coupon $158/位刺身有三文魚, 甜蝦, 帶子, 螺肉, 油甘魚, 甜蛋 吞拿魚賣晒樣樣都ok, 而且帶子好少放題店會有得任食, 正. 不過當然無出面咁大隻, 咁肥美啦甜蝦好像不太新鮮, 吃剩了…反而甜蛋很受歡迎, encore了很多次手卷, 壽司好鍾意迷你手卷size, 食多幾款都唔怕太飽, 試左吞拿魚睟, 蟹子, 牛油果蟹肉, 如果d紫菜脆d就好喇沙律蘆葦沙律 – 有好多蘆葦肉, 好甜, 加埋d醬, 食家真係無介紹錯, 真係好好味, 鍋海鮮牛乳, 牛肉鍋海鮮鍋有好多料, 有蝦, 魷魚, 帶子…見到湯底好奶白色, 不過竟然無咩牛奶味牛肉鍋 – 我最喜歡入面既粗粉絲, 不過個湯底過份的甜, 甜得難以入口, 差!!!炸物都係d大路野, 不過我最欣賞炸南瓜, 好甜啊~~~仲有炸薯蓉, 好香口, 八爪魚丸都唔錯燒物燒鯖魚十分之好味, 半條上, 好大條, 熱騰騰, 燒得很香口, 唔駛好耐就食晒喇~~(推介)其他如雞翼, 牛肉都唔錯同

正如標題咁, 我以前試過一d好垃圾o既放題之後, 真係有好耐無試過食放題, 食完今餐之後, 我又覺得ok喎~本身我係想對大吉對面果間吉x, 但係full左, 無計啦~打去大吉問下有無位, 有位喎~咁就去try下~!一入到去, 都無問我叫咩名book左幾多個就叫我入去坐喇, 因為仲有幾檯吉位呱~!一見到d order 紙, 都好似幾有誠意~印得幾靚~不過個場唔係好大, 同埋都幾嘈~有樣o野好攪笑, 我同男朋友一坐低就有個waiter走埋黎挨o係牆到擺哂pose 咁介紹有北海道海膽, 佢個pose真係好嚇人囉~我同男朋友都覺得最好食係和牛串, 我地兩個叫左8串, 雖然都估到佢唔會用好靚o既和牛, 但係都叫做有牛味同有油o既甘香~同埋真係即叫即燒, 抵讚~!!天婦羅都ok, d炸槳唔太厚, 炸得都叫做乾身, 但係個天婦羅蝦好似唔同平時食果d, d肉唔似熟蝦果種實實地o既口感, 反而有d似甜蝦果種稔稔地, 我地覺得怪怪咁, 無再order, 而南瓜佢又用左d太熟o既, 又係太稔~~>.<吉列o野d炸槳有少少硬~個蟹粥就真係好甜, 唔似係味精果隻, 好味道!!!!d sushi就

$158 任食, 用埋 openrice 優惠券, 送左清酒一支 , 抵 d刺身食左好多個round~~回曬本, 叫咁多, 黎足咁多.推介雪花牛柳粒, 甜蝦 ,三文魚, 牛油金菇壽司就淨係食象拔蚌壽司，因為刺身係無既另外佢炸野都唔錯service幾好, 一大班人食算抵

一直幫襯碗屋ga；雖然$300/位、係貴左D…但喺中環都算係一間唔錯的食店… 星期五晚來到大吉呢間食店，樓面服務人唔夠招呼。唔知係未返工、淨係請唔到人？地方咁小，迫埋D人坐底…聞到一陣一陣臭味唔知喺邊度漂出來？行入則所見到一大堆女人用的姨媽巾，都冇見人來清理。仲要$200/位樓上自助餐… 菜款少得可憐，比起碗屋簡直係不甚一比、不於至評…味道方面都唔使我多講啦。可能係我先入位，因為我見到D咁個情況，食乜都沒胃口啦… 炸物：冬茹、牛燒得太耐，都乾晒；入嘴好多油，好硬…　 魚生：唔夠甜、食起身唔夠新鮮…　 蟹皇翅：味道好濃，放太多味精… 豆腐沙律唔係幾掂…蟹粥亦嫲嫲… 三文魚：唔夠新鮮；口感差。 蟹子手卷：蟹子太少，未挾D飯起身都散晒啦… 我覺得呢間食店食物質素普通；一間居然沒招呼的食店，地方小、環境差、坐得迫…居然仲要收$200/位樓上,仲要限埋D食客時間。我覺得食呢餐晚餐被人厄…

上星期去食晚餐 buffet, 當係慶祝某朋友生日. 其他朋友負責安排&訂枱, 我事前無查過亦未試過呢間野, 無偏見無立場下去食左餐.首先第一個感覺係D位好窄, 枱與枱之間都好窄. 我行入去我個位時, 要穿過兩張枱中間. 兩張枱唔可以臨時移開D俾我過, 因為佢地另一邊都各有其他野頂住. 於是我要"gut"高腳, 打側身, 屁股"long"上其中一張枱邊緣, 慢慢褪入去. 之後去廁所同走, 加埋出入左兩三次, 我自己唔方便, 隔離枱相信亦唔開胃.然後係D食物好的式, 壽司一啖就食晒落口. OK, 咁放題嘛, 反正任嗌, 細件我咪嗌多幾碟囉. 問題係嗌左佢又黎唔齊. 10樣有4,5樣無黎到, 相反又黎左一D我地無嗌既野. 落單好亂. 最後根本食唔飽, 但又要俾足每人份錢, 我覺得有D搵笨囉. 係咪刻意黎少D野賺我地多D先?!基本上, 除左餐廳位置嚮威靈頓街, 我諗唔到佢有乜理由收近$200一位囉

每次來大吉, 都一定要叫蟹粥 因為實在係太好食la.....我愛上蟹粥既原因, 係因為佢既蟹真係好鮮甜, 做得非常之好@@埋單都係兩百零三百蚊，食到好飽，重有ｄ係貴野，算抵食．期望唔高反而感覺唔錯, 店內服務不俗, 款式都幾多, 味道又唔錯, 最好就係唔洗等位嘛總括來說，可以再光顧!!!

跟朋友到大吉吃放題，一開門地方都算大，但都唔係幾乾淨既…呢D都冇所謂、最緊要係D野好味…未試都未知？原來D野味道咁差？　 刺身：不甚突出，唔新鮮，冇魚味、食過醋鯖魚，唔夠新鮮，頗乾… 壽司：冇醋，飯好實…　 三文魚好肥，好唔得、真係超唔得，令我好失望…又唔夠鮮甜、好似冇咩味咁。我都唔明點解？　　我地都未試過一間放題食到咁失望？水準亦麻麻，待應個個口黑面黑咁…　上菜的速度很慢，每一次order完都要等好耐…一般貨色，都唔使咁貴啦？下次都唔會幫襯啦…

12月31日~ 每次揭飲食雜誌揭到餓餓地, 總會見到大吉既全版廣告. 淨睇佢介紹既食物種類, 已經覺得幾吸引~ 於是, 襯住大除夕夜, 我地2個為食怪就唸住黎呢度食飽飽, 順便就過埋隔離蘭桂坊感受下countdown既氣氛!因為係除夕夜, 所以要$198加一. ::: 刺身壽司類 ::: 種類都幾多~ 三文魚吞拿魚劍魚腩同d騾肉貝類都有~ 最開心係有埋甜蝦同帶子!! 而且都幾新鮮!! 直頭覺得d三文魚肥美過頭, 仲要勁厚切, 食完真係滯咗陣! 甜蝦都唔係惹少架~ 大隻過出面迴轉壽司. 帶子係薄切的, 但新鮮, 而且出面真係好少有得任食帶子~ 好好!特別推介如和牛壽司, 試下囉~ 都幾有牛味既, 但係肉地就一般喇.::: 和食類 ::: 叫左幾款沙律食. 有和風豆腐, 和牛沙律同埋雜果沙律. 全部都好味! 和風豆腐好清新, 和牛沙律夠惹味. 雜果沙律用上不少西瓜哈蜜瓜粒, 當甜品食一流! 食咗2 round!跟住仲試咗d大路野如牛柳粒, 燒三文魚, 牛肉烏冬, 喬麥麵等. 都不過不失~::: 串燒類 ::: 串燒類都唔吝嗇地有和牛, 羊髀, 蝦等. 仲有雞翼, 冬菇之類既蔬菜. 牛肉粒都

2個人食，食到好飽~我和我老公已幫襯過大吉幾次, 不過中環係第一次, 今次幫襯有新驚喜1) 因為有蟹粥 (真係好有鮮味,值得推介) & 雪花牛柳粒, yummi!!2) 上左大吉個網 download 左張 coupon, 每位 @158 加一, 抵!三文魚, 甜蝦刺身肥美我仲同老公飲左3大支 ASAHI tim ! (買2送1)170 蚊過下放題癮的話, 食得過!

平時睇雜誌都知有哩間野，真正會黎係因為阿媽話有親戚食過話好味，所以推介我地黎食無諗過間野係咁細間，d枱亦都唔大張，都勉強夠放既，跟手又係攞出openrice張卷換酒飲我就唔想飲了，阿媽話：唔好飲咁我地就緊係飲返汽水啦，我當然係叫可樂啦，但只有百事，男友同阿媽叫既橙汁同提子汁汽水，個罐古古怪怪，真係唔知邊度出品，不過有得飲好過無得飲啦，好口喝架麻上枱速度都算快，唔覺有拖時間既chopstick至於刺身就唔知係唔係我地好彩，真係好鮮，我同阿媽都不其然狂叫黎食，從未食刺身食得咁多呢，當然包括我最愛既甜蝦剌身都係食唔停口，到而家都仲回味緊點解會咁好味　very GOOD呀至於一定會食既吉列蠔，嗯，一樣有水準呢唔知幾時開始，阿媽愛上了秋都魚，一食食了一條半其他食物都係一般般好正常，麵食就爭左D不過哩度最唔好既係服務，明明個場咁細，d侍應都好似當你透明咁，又係無個有笑容算，都會再黎既 唔算貴麻