Izumi Curry (Closed)

星期六周圍都排哂長龍，見Izumi cafe唔洗等，拿拿聲入黎lunch。餐廳非常可愛，最岩小朋友。咖哩飯味道咖咖哩，個飯比較黏，唔係粒粒分明，賣相可愛，俾電話食就最岩。如果唔係唔洗排隊都唔揀呢度。

很喜歡這間餐廳，佢定時轉換主題，蛋黃哥走左，現在D Duck黎到， 我們2個女仔，一行過見到忍不到要吃鴨仔啦*^O^* 我們分別叫了1個 白汁海鮮飯和一個咖哩吉列豬朳飯，睇中佢隻鴨仔3D, 落單仲問服務員，一定要同餐牌一樣，唔同我不要，可能服務員都跟進了。首先白汁海鮮飯到，鴨仔形狀同碟上白汁很好看，像水中游一樣，我先淋左白汁落鴨仔頭上，就開動了，黃色飯我本以後係黃薑粉煮，食起來無特別氣味，白汁濃而幼滑，幾隻蝦仔和元貝，都是先煎再淋汁，煎後比較香口，讚! 朋友咖哩吉列豬朳，圖案亦很漂亮，鴨子係2D,則面游水，太陽蛋更是重點，和陽光玩遊戲，吉列豬朳是即炸，所以外脆內軟，無過火很軟硬適中，咖哩比想像香和辣，原本朋友以為日式甜咖哩，但原來這一款是辣的，少孩子一定食不到，好彩餐飲叫左可樂，舒緩一下，整體是很開心一餐飯，食物外觀漂亮，真的令心情也開心起來.

繼蛋黃哥之後又一傑作 b duck cafe我當然要朝聖一下啦 今次 午餐叫左個白汁海鮮飯 上枱時b duck 以立體造型坐咗喺碟上面 十分可愛旁邊配有白汁海鮮 彷彿b.duck係白汁海鮮裏遊泳白汁味道上蒜蓉唔太甜食到有少少奶油味 海鮮有蝦等等其他蝦嘅口感好彈牙唔會太老 食得出剛剛好熟 而且有肉配合係裏面肉質 味道適中唔鹹唔會太硬 而且配有 野菜伴碟造型可愛例如有 心形紅蘿蔔

下午茶時間，想吃個快捷的輕食，又見今期與B duck做緊crossover，雖然不是粉絲，但也想看看有什麼造型二人各點了一款，也點了一杯飲品飲品口味是巨峰提子味，沒什麼特別，但有心思點，就是鴨仔形的冰塊！而且用提子汁做，即使溶掉都不會令飲品變淡我點了煙肉蛋沙律，蔬菜還算新鮮，車里茄也很甜，有5塊煙肉，但小編其實不愛吃煙肉，所以都給朋友吃了，而蛋方面，原來有兩款，底下的是嫩滑的炒蛋，味道帶咸；上面是鴨仔形的玉子燒，味道偏甜，兩者都算不錯，也頗飽肚朋友點了滑蛋咖哩烏冬，沒有鴨仔玉子燒，但用鴨仔卡紙做裝飾，咖哩味不太濃，做湯底剛好，滑蛋跟沙律的一樣，烏冬水準中規中矩

< 洋食餐配蜜糖腸及煙肉 $99 >呢間以蛋黃哥做主題既餐廳，雖然我係遲左好多，但係終於朝聖到，而且完全唔洗等位就有位，相信我已經係最後一批朝聖果班，餐廳全部裝修裝飾佈置都係蛋黃哥，仲有勁多隻蛋黃哥既公仔可以比你攬住影個夠喇，講明先我冇咁做，咁對於食物既質素我都唔會期望啲咩，但求食到落口就可以了！不過碟飯個樣真係整得巧打耳呀！但係其實唔難，睇落好易整，煙肉就好似張被咁，而腸仔就係枕頭，但係味道不似預期，比我預期中差，好似煮熟就算，煙肉就冇乜問題，其實都好難有問題，因為只係煎熟就得，咁腸仔就個牌寫住蜜糖腸，但係一啲蜜糖味都冇，唯有當普通腸仔食，煎蛋果到真係唔多掂，全熟，太過熟，煎到成舊硬哂，呢個真係要檢討下，我覺得煎蛋咁基本既野至少都要做好去！至於黃薑飯真係完全冇味，定係其實只係落色素？當普通飯食都可以接受到，不過最敗北都係個咖喱汁，我只係食到酸酸地既汁就冇咖喱味既，得罪講句真係係超市買包日本咖喱汁都好食好多，至少改進下啲咖喱汁，成件事會好好多，不過講到尾主要都係比相機食！

知道蛋黃哥主題好耐，但一直都無去試，今日行街經過，就入黎食個下午茶，唔需要等位裝修都唔錯，周圍都係蛋黃哥。椅套都係蛋黃哥，sofa都係擺蛋黃哥公仔。失望既係d公仔好多污積，好舊，感覺好耐無清潔過，所以都係離遠影張相就算以上幾張都係餐牌，設計幾得意，選擇唔算多，全日都只係同一張餐牌，大概有十個餐揀～價錢偏貴...我地order左吉列咖哩豬飯，造型滿分，好可愛，蛋都好滑，而且食到有奶味，飯有點黏，但係係好食既～壓得幾實。反而個豬朳似係番炸，因為外皮好硬，而且邊邊位有舊肥膏～某些餐包埋一杯野飲，我地叫左蘋果汁～份量偏少，個杯好可愛～蘋果汁偏甜，都係等d冰溶得7788先飲😂😂😂整體黎講，真係試完就算～當然如果你係蛋黃哥忠實fd子就可能有唔同既comments

人氣爆燈的蛋黃哥 開店當然人流爆旺~~(香港取名梳孚蛋  蛋黃哥是我在台灣認識他時的名字XD)店內裝潢 全是蛋 上至天花板下至桌椅 全都浸淫在蛋黃哥的氣氛中~~~ Menu 也跟蛋黃哥一樣HEA在旁邊讓客人HEAHEA地點菜2個人去自然HEA點了2個飯芝士漢堡咖哩飯玉子流心咖哩飯一副吃我啦吃我啦的表情 XD 我當然大啖地咬啦蛋黃哥賣相 !!! 完全Feel 到佢HEA 樣咖哩!!!是我愛的日式咖哩 (當然啦izumi curry いずみカリー  係來自日本!!)芝士漢堡咖哩飯味道 !!! 雖然我私心地喜歡芝士 但漢堡的肉夠厚 口感好跟芝士配合得很好 咖哩+飯也是很讚玉子流心咖哩飯 !!! 賣相: 可能吃芝士漢堡咖哩飯飽了 所以吃這個時感到飯量很多建議 2個正常食量的女仔去一碟飯就夠了 另外+2杯飲料 還可Order甜品!!!!食得晒先至好嗌!!!! 唔好做大晒鬼!!!!

復活節想起了復活蛋,想起復活蛋又想起了蛋黃哥,於是去了葵芳的Gudetama Café 食蛋應下節,熱潮已過,唔洗掛隊即有位了。內堂面積頗大,不論牆身、枱椅及餐牌都有蛋黃哥的存在,餐廳周圍擺放了不少蛋黃哥的公仔及抱枕,感覺進入了蛋黃哥的世界呀。好可愛的公仔,見到就好想睡了。墊枱紙及枱面都是蛋黃哥。即睇有咩食。揀了一會兒,要了一個飯及一個小食。 比特飲吸引了。要自己落單。order紙。朱古力特飲,$55,友人的,試了點比較淡的朱古力味。蜜瓜特飲,跟餐+$35,淡淡的蜜瓜味,不太甜,但都幾多冰。杯墊都好得意呀。芝士漢堡扒咖喱飯,$129。賣相好可愛呀,除左食物是蛋黃哥造形外,連餐碟都印有蛋黃哥公仔,蛋黃哥個樣真係好嘆咁呀。好厚肉的漢堡扒,份量不少,肉質不算太鬆化,味道普通,蛋不算好滑但正常水準,芝士多但冇乜味,咖喱味不太辣,都ok呀。日式海鮮燒餅,$79。海鮮尚算足料,味道有點漏同滯呀。埋單後即去呢個影相位影下相呀。餐廳有個小小的位置有售賣蛋黃哥的精品。不少種類的精品。環境佈置上算不俗,置身在蛋黃哥的世界,食物味道普通,但賣相得左,價格少少偏貴,不過一試無妨,岩晒粉絲去呀。

收工約左表姐去葵芳食Izumi curry...今期佢搞主題餐廳，成間鋪都係蛋黃哥真係好得意，黃甘甘，好得意！仲有公仔比你影相！佢既menu同點餐紙都係蛋黃哥～野食全部都有佢既可愛造型Izumi curry不嬲野食物質素都唔錯！佢既咖哩汁，唔係辣咖哩既，甜甜地日本咖哩，啲汁超好送飯，好味到我食哂成碟飯無剩！而佢既蛋係好滑，唔會乾仲好滑，仲有蛋漿濕濕地咁！咁滑既呢啲蛋唔係到到都食到！吉列豬扒外面脆卜卜，肉唔會炸到'鞋'哂，仲有少少肉汁！如果炸到太乾，食兩舊都唔想食！條腸食仲係脆皮腸！唔會好咸，好味食個裝修同食埋咁好味既咖哩飯！滿足！

今天星期二，本人十分喜歡蛋黃哥，於是便自己一個人去這間餐廳吃飯。閒日中午不用等位便能入座，而且座位都坐不滿。我叫了奄列吉列豬扒咖哩飯，飲品叫了橙汁。味道方面，吉列豬扒是即炸的，十分脆口。而且豬扒十分大塊，厚度又足夠，幾抵吃。不過豬扒邊緣有肥膏，而且肉質有點粗糙，有點（鞋）。不過，豬扒整體味道不錯。咖哩飯方面，白飯是日本珍珠米，又圓又大粒。咖哩是日本咖哩，咖哩十分香濃而且不辣的。另外，整塊奄列覆蓋在咖哩飯上，奄列上面有蛋黃哥的樣子，十分可愛。而且奄列和飯一起吃時十分美味。飲品方面，橙汁是鮮渣橙汁，不過橙汁不太濃，味道一般。價錢方面，奄列吉列豬扒咖哩飯$119，橙汁跟餐送的，餐廳設有加一服務費，總共吃了$130.9，價錢都算昂貴。總結來說，這間餐廳的食物味道不錯，而且蛋黃哥又這麼可愛，各位蛋黃哥粉絲記得來試啊^_^

hea hea 下既蛋黃哥紅遍半邊天。本身對呢間餐廳無咩期望,因為一向唔fancy 卡通。點左2碟野試下。 明太子滑蛋烏冬個賣相好正,蛋黃哥個樣衰衰咁,好可愛！烏冬有明太子味道,但略為多味精,好在隻半生熟蛋夠滑,搭救下烏冬既囗感,令佢入口滑d。盞鬼在蛋黄哥震震下,幾可愛,令人胃囗大增。 而碟咖喱滑蛋芝士飯係推介,做得唔錯,有日本風味。重點係芝士, 成塊焗到乾乾地覆蓋住半邊蛋(好似訓係度既蛋黃哥張被) , 脆脆地少少燶散發住十分香濃芝士味! 炒蛋加左牛奶同牛油,好滑好香蛋味,配合埋少少辣既咖喱,口感好滿足。最抵死係蛋黃哥個樣! 嗯,有時感受下少女情懷都幾好 ☺️不過食物選擇唔多,建議加多幾款小吃,應該會吸引到更多港人。

在葵興放下需要修理的電器後，時間不太早，同行朋友表示想往新都會逛街，順便吃個LATE LUNCH，然後，想到了這裡。只是到達後才曉得，這裡也變成了卡通人物的造型餐廳，不過呢，V CITY的是薯仔頭，新都會的就是近日當紅的蛋黃哥。本人不特別喜歡蛋黃哥，不過既來之，則安之。用餐空間感覺很狹窄擠迫，不過舖天蓋地都是蛋黃哥的裝飾，餐紙，水杯，絕對可滿足蛋黃哥的粉絲.....眼見不少人都在拚命拍照。留意這裡的餐單跟一般IZUMI CURRY分店不同，供應食物款式極度有限，而且有每人最低消費$40及限時90分鐘的規定。有蛋黃哥加持食物也變得不便宜，我們叫了一個芝士流心蛋包飯和漢堡扒蛋飯，包果汁先生一杯，另加兩杯布甸，連加一接近三百多元埋單。侍應態度尚可，但同樣人手不足。等待上菜時間頗久。好了，終於上菜了。這裡的咖喱辣度只有一種，算是大家都可以接受的香辣，但當然無極辣不歡的人可能要失望了，飯量對女生算是足夠，男生而言較少。炒蛋算是嫰滑，漢堡扒太大件，口感略硬。至於流心芝士蛋包飯，據說每天限量供應，賣相相對而言比較繽紛奪目，蛋卷上有蛋黃哥的圖案加上芝士的流心和火腿夾心，惟熱度部份不及漢堡扒炒蛋般熱。果

蛋黃哥既HEA 勢實在難以扺擋，餐廳以蛋黃哥咁可愛既造型作佈置，Hea 慣既我當然要黎潮拜下...~~入到店內，周圍都係HEA 到爆既蛋黃哥,SOFA 上都有好多蛋黃哥既公仔, 入到黎真係成個人都可以好放鬆~~講返食,,,,哇, 真係唔講得笑, 係葵芳LUNCH 時間食飯，平時都係4-50, 今次打開個MENU, 見到平均都要$100, 係嚇左一嚇既,相信黎過一次後我都唔會再有下一次餐牌封面用上大大隻蛋黃哥~每樣食物都可以見到蛋黃哥既蹤影，蛋黃哥真係好可愛呀, 有餐紙係枱上比你寫ORDER GA..我們二人入去，叫左天婦羅咖喱烏冬$89及芝士漢堡扒咖哩飯(包蘋果汁)$129芝士漢堡扒咖哩飯(包蘋果汁)$129都大碟嫁, 蛋黃哥既造型令到我地都唔忍心食左佢，蛋下有塊好厚身既漢煲扒，加埋咖喱汁混合飯一齊食，正~天婦羅咖喱烏冬$89E 款味道較普通，天婦羅都好味, 份量大, 剛剛食得晒

蛋黃哥氣勢簡直無法可擋，輕易融入不同食物裡，為其外表加多一點分數。店內各種佈置，無一不是這位主角，化身在餐廳任何一個角落地方內。先看看午餐餐牌，定價竟然可以接近三位數字。定一定神，我們是身處於葵芳，而非銅鑼灣、中環。這間市場部真的值得一讚，Crossover蛋黃哥緣故，高價位情況下一樣有人慕名而來。桌上鋪上不同款式的餐紙，食物未到時，可拍下紀念一下。芝士漢堡扒咖喱飯芝士配合雞蛋鋪在漢堡扒上面，普通以為份量不是很多。深入剖析下，漢堡扒足足有2吋厚。周圍配上濃濃咖喱汁，再混合白飯，口感豐富。以女生來吃的話，是會吃剩很多。明太子海鮮烏冬這款相對比較輕盈一點，流心蛋混合烏冬加上海鮮配搭，別有一番滋味。蘋果汁杯子也是標示蛋黃哥圖案，但容量不多，頂多只能渴幾口。再看看裡面，發現冰粒何其大，大冰粒非它莫屬。假若除掉冰粒，真正蘋汁還剩多少毫升呢?以這個價位午市時間在葵芳吃，已經可以有更多高質素選擇。

朋友特意來找我吃飯，所以來到gudetama cafe X Izumi Curry食lunch，我們兩個也喜歡拍照，所以選了在這裡吃飯。原來是自己落單的，選好食物然後給店員，但是我們想吃豬扒咖哩飯，他們說飯還沒有準備好，要等45分鐘；難怪沒有什麼人，來這裡沒有咖哩飯吃等同沒有其他選擇。好貼題，我只想吃飯。最後點了沙律，鷄蛋畫了它的樣貌。味道沒有特別，蔬菜也新鮮的。烏東，湯底較淡，豚肉（又好像是义燒）肉質較實，有點「鞋」。