Izumi Curry (Closed)

這間店都開了好幾年，每年都有不同主題吸引食客，過去例如有小丸子，梳乎蛋等等，其實今次只是我第三次光顧這家店，雖然時常經過，但因為商場內有更多其他選擇，加上咖哩是這店的賣點，但它的味道不是太過吸引，今次為的是咖哩上的那塊漢堡扒，朋友說很好吃，所以特意再回味一下，漢堡扒是新鮮嫩滑的，而且非常厚身，但肉扒沒有什麼肉味，肉汁不太多，很難說是為了掛念這種味道而更想再多吃幾次，應該說這味道很容易被其他食物取締，不過午後店內客人不太多，是個坐得舒適的地方。

服務員由入座後 全部圍著傾計，嬉戲😑！ 由點餐到埋單 都是超過五次叫他們（每次都答 但冇左件事）服務水平極佳🙄。味道真的不錯，但今晚得三枱客尸 都可以這樣做 仲要成間餐廳都係服務人員的嘻嘻笑聲😑 了不起喔

哩間野想食好耐 今次終於黎食啦！點咗奄列牛肉咖哩飯，芝士牛舌咖哩飯奄列牛肉咖哩飯：係牛腩 咖哩汁好多 有少少辣 蛋夠滑芝士牛舌咖哩飯：都有好多芝士 同咖哩好match整體黎講 係好味 份量適中 價錢就有少少偏貴

同朋友行勻成個新都會廣場都唔知食乜好，經過呢間見冇乜人等啲圖片嘅賣相又好似幾吸引又突然想食咖喱就入左去 一碟係滑蛋咖喱吉列豬扒飯，另一碟係唔記得咩咖喱雞扒飯兩碟都等左好耐，可能新鮮即整掛，個滑蛋老左啲，唔係好夠滑，吉列豬扒還可以，唔會好鞋，都算有啲肉汁係入面，另一碟雞扒就炸得比較乾，但又未至於好鞋好韌。其實最想講係咖喱，少少微辣但都好辣，原本想要甜咖哩， 但係賣晒，不過將啲咖喱汁撈埋啲他他醬一齊食個味道又幾好幾特別，同埋好似冇咁辣

想食日式飯做午餐，懶惰的我不想行四層電梯上和民，想起Izumi Curry 都有日式丼飯，便一心試下。午餐時段一點多，店舖內只有約有六、七枱客，我選了角落的二人座位。點了日本丼午市套餐，包一杯蘋果汁及沙律。沙律🥗是椰菜絲、粟米及一粒車厘茄配上美味的芝麻醬（重申：是美味的芝麻醬而已）。賣相一點也不吸引。蘋果汁不過不失。等了約10分鐘的日本丼，即是吉列豬扒滑蛋飯。豬扒的麵包糠頗厚，豬扒有少少乾及硬，而滑蛋及洋蔥幾美味。繁忙的午市時段竟敢沒有什麼客人，座位都空空如也，侍應都站著聊天，可無辦法喔！就是沒有太多客人嘛～店舖裝飾幾有特色，但是套餐卻沒有太多選擇，畢竟是一間咖哩店嘛，主打咖哩，而且價錢實在不大眾化。結賬盛惠$69再加一（$75.9），一點都不便宜，沒有水，沒有牙籤，還要收加一，難怪生意淡淡。

其實星期五晚飯時間成間舖頭只係坐左一半人已經有陣伏味 我地三個人叫左一個咩芝士重型漢堡排咖哩飯 一個溫泉蛋牛肉飯 一個韓式烤雞飯 最經典一定係個韓雞飯 真心狗都唔食 泡菜又乾味道又好似過期咁 啲雞鞋過沙紙 屋企啲隔夜飯仲好食過佢 平時一粒飯都清既我都只係食左半碗都冇 食到好吃力呀溫泉蛋牛肉飯算係咁 同告野家打個和啦叫左三個飯 最後埋單成三舊幾水 我心諗總括黎講 喺呢度食飯 咖哩以外既野食真係千奇唔好叫 難食到冇野好講 隔離葵廣咁多野食 大家都係勿亂試

平時lunch time去開葵廣食埋啲雜食，今次同同事食翻啲正餐，俾門口個餐牌圖吸引咗，點知入到去坐底望到隔離枱果碟，一pat好水既咖哩，俾佢賣相嚇親，所以點左個招牌吉列咖哩豬排穩穩陣陣，仲加錢加咗隻蛋，以為係一切落去會流出黎果種，點知係實蛋。係個lunch set , 會配個細salad 同一杯飲料。Salad 唔差因為配左芝麻醬個咖哩就好普通，同平時係超市買既咖哩磚一樣味，啲豬排炸得吾夠穌脆，係日本食果啲好脆咖！八十幾蚊既lunch 真係唔抵食。

同朋友諗唔到食咩，於是見到呢間唔洗等位，就入左去食啦！成間餐廳都好有咖哩味！岩晒我啦好中意食咖哩朋友中意食呢度既奄列同吉列豬排，真係幾有水準既，奄列好滑好夠份量，吉列豬排都好香口同埋夠脆！另一位朋友就唔想食炸野，於是就叫左雞肉，都好好味，雞肉滑，同埋煎得好香架而我就梗係叫左個好邪惡既芝士！！！我真係唔肥唔中意，唔膩唔叫黎食呢個係茄子咖哩烏冬加芝士，聽個名好似好dry，但完全好驚喜呀！好好食呀啲烏冬好掛湯，好濃味，啲咖哩湯唔可以話係湯，係成碗咖哩汁咁，啲茄子本身都好juicy,同埋都好掛湯！好想再食多次呀！

當天的午餐 , 就落腳於 新都會廣場 的 Izumi Curry ~Menu ~ 我簡單的點了一個 Lunch Set, lunch set 供應時間是 11:30am - 2:15pm , 套餐包括飲品及沙律 , 都很抵食 ~ 餐飲我選擇了 Pepsi Light 汽水一罐 ~ 沙律是簡簡單單的日式雜菜沙律 , 沙律醬料是胡麻醬 , 味道正正常常 , 沒什麼值得好陳述 ~ 溫泉玉子特式牛肉咖哩飯 $ 75 : 咖哩飯大大碟 , 咖哩汁都算足夠 , 日式咖哩汁味道是偏甜 , 稱得上是濃香 , 稀傑度適中 , 辣度輕微 , 牛肉只得數件 , 都算是軟綿而且入味 , 把溫泉玉子跟咖哩汁撈起來和飯同吃 , 味道就是不錯 , 但真心不覺得有什麼 " 特色 " 可言 ~本篇完 ~

下就食飯，近近地行過試下呢間，之前係有主題餐廳，依家無，個食物一樣大同小意，叫左親子丼，雞完全無味，好靱。$62套餐有沙津同果汁，呢個地方咁價錢唔算貴，但唔會再來，失望！

行完街，當時已經3點半左右，諗住揾間有午市/下午茶既餐廳。咁佢門口大大個午市牌，而且唔使等位，感覺環境都舒適既，就入左去坐。餐桌上亦有午市套餐，但原來只供應到2點15分，而一個飯大概6~70左右；沒有午餐即同一價錢，少了飲品同沙律。(既然冇午市，點解唔拎走午市餐牌，誤導顧客呢?)咁都叫左個咖哩飯，只有珍珠飯幾好，咖哩偏辣，而吉列豬扒頭尾就勁大舊肥膏。食飽同個經理講埋單，之後又有枱客想落order... 佢竟然講左句:“梗係落單先，唔得閒理你地”。一句等等咪ok囉，唔需要咁講野~整體嚟講服務差，食物質素亦只係中下。埋單前，隔離枱都大大聲同個待應講，佢杯凍0茶冇味又唔夠糖水。

收工同同事去葵芳行下，之後揀左呢間餐廳，有好多款咖哩飯，今次試下牛舌食物好快就黎到，碟飯有好多汁，睇落好大碟，但原來好快就食晒。牛舌上面仲有芝士，D汁食落有少少辣，味道普通，但係d芝士就十分奇怪，好硬，完全唔溶，而且冇芝士味，只係好似一舊硬晒既野咁，而牛舌亦只有三片，實在係太少喇，D飯都比較少，食完之後都唔係好夠飽。埋單都要九十幾蚊，冇野飲，唔太抵食，而且份量細，味道一般，下次唔會再encore喇。

日式咖哩飯，一食落口感覺不太新鮮（雖然集團式及快餐好難避免不是一早整定，但感覺太不新鮮），真心覺得銀咖哩比起它們還要好！食物上桌不夠熱，最起碼飯要夠熱吧？咖哩的味道也是一般的，餐牌食物選擇好少，飲品又少，所以成件事都是很一般，而且收費也不便宜，一碟飯一百元左右，令人十分失望，如果只靠卡通人物包裝，而食物水準欠奉，這樣的餐廳還能維持嗎？*新都會店內的清潔度也要改善，不知是因為裝修舊了還是太多毛公仔。

今天，上课前跟朋友來這間午餐原本以為有小丸子主題🙃所以特登去，但有點可惜的是去到先發現什麽主题也没有🙃但是没關係因爲食物真的很好吃❤️而且地方很大，環境也很舒服，店員很有禮貌，整體來説很好先说说食物方面：那吉列豬排很入味，而且份量很多。我也加$5加了芝士，那芝士挺正的可以拉絲朋友也说很好吃那小吃章魚小丸子我跟朋友一起點，看到有芝士，所以故意點的，果然没令我們失堂也很入味❤️但若沙律能加多一些沙津酱會更好😂味道有點淡

味道ok，，，，，，，，，，，，，，，，，，服務員個個也很好！！！！！！！！！！！飲品種類不多。。。。。。。。。。。。。。今次去沒有主題............