J & V Mini Kitchen

Open Now

Now Closed

因為隔離某間西餐廳原來要book位先有枱 所以食唔到🙈 但係又想食西餐 於是黎左呢間 入到去好有以前港式扒房的fu 野食都係扒為主 我地叫左肉眼扒同炭燒豬𩣑 佢哋前菜有湯同沙律 可能不太多人 佢地服務好好 上完沙律 見我地食完先上湯 再上埋包 個沙律隻蝦幾好食 龍蝦湯就少少咸 不過都有舊龍蝦肉 之後個牛扒同豬𩣑都好食 好腍 之後重有個野飲 完～

放lunch黎左呢到食，見呢間西餐lunch都主要係食扒，就入去幫襯下。叫左個西冷扒配薯菜，白湯。白湯仲配左塊蒜蓉包，薄薄地好脆口。西冷牛扒好大塊，略嫌太多肥膏，薯條即炸，大份都食唔晒。埋單$72的確抵食。

今晚食咗個二人餐，頭盤凱撒沙律ok，龍蝦湯唔錯，味道香濃👍🏻 主菜 牛柳鵝肝及炭燒黑豚鞍，質素相當不錯，仲有餐飲及甜品，$408呢個價錢算抵啦，環境靜靜地幾舒服，不過食完先醒起想寫食評，所以無影相。

本人已幫襯J &V超過5年以上，最初只是盲鍾鍾撞入嚟試吓！食過佢晚餐2人餐後就幫襯到現在。眼見這小店忽然多了很多負評，作為長期食客都想幫忙講句公道說話。   首先由頭盤沙律講起，蔬菜爽口新鮮配煙肉碎無得輸。 湯要了龍蝦湯，夠香濃。 主菜牛柳配鵝肝，一份要了3成，一份要5成，件件吋半厚沒有overcook，配鵝肝薯蓉，無得挑剔。 最後甜品忌廉雪糕泡芙，不過不失。凍檸茶都是普通貨色。 ＄408一個2人餐由頭盤食到尾有如此質素CP值已算高。 但針對的多是午餐較負面，應該是人手不足所致。亦已看到午餐時段招聘啟示，想講的是瘦叔叔晚餐時段已經忙到團團轉仍保持禮貌，沖茶上菜一腳踢，疫情下招聘維生一點都不容易，希望大家給小店一個生存機會。

香港所剩無幾既小店有連鎖店無既人情味裝修係舊舊地但乾淨既晚餐暗暗地好有情調播既歌都幾有feel唔會有星級店既拘謹感覺令人放鬆食物質素係有架，用料幾精$198個set dinner食西冷有咁既水準仲想點純粹食過幾次覺得呢啲小店唔應該被淘汰有水免費提供仲要有檸檬係度員工唔多見啲店員都一腳踢

新蒲崗小店西餐🤓🤓午市叫咗個炭燒雞排意粉😁😁有飲品、餐湯同麵包，好似$70幾，算系咁。忌廉粟米普普通通，味道唔錯不過質感唔算太好。蒜蓉包超級脆，蒜蓉味唔會太勁，我好鍾意🤪🤪炭燒雞排其實做得唔錯，好香，汁唔會太多但juicy同嫩🤪🤪🥰🥰唔油膩唔濃味，同埋都幾大塊架對我嚟講。但系個意粉就完全無汁，超乾。麵質其實唔錯亦都香，但系乾到我懷疑人生 🤪🤪

我尋日下午大概一點鐘去食，諗住食得好少少，就去咗呢間餐廳，唔食尤自可，一食把十幾火啊😡😡😡😡😡😡😡😡首先，呢度set lunch唔平，70~80蚊，中檔價錢，但係衰過茶餐廳嘅服務同體驗！！！！呢度嘅燈光唔夠，我咁啱被安排坐咗係一個最入近廚房同下欄個位度，黑漆漆，除咗兩個服務員不斷來來回回兵拎烹冷放嘢落下欄之外，我哋仲見到廚房冇戴罩！！好啦，食嘢先精彩我同太太叫咗一個豬扒同羊扒set. 豬扒，.坦白講係ok嘅，但個羊完全唔掂，80蚊比塊羊扒仲細過我去大X樂食早餐塊雞扒吇！！！！！！！！！！味道，係冇嘅，一陣雪味，食完好似冇食過。杯飲品先精彩，熱檸茶冇茶味，得兩塊檸檬，凍咖啡60%係冰，10%係留空間你自己落糖漿，頂佢個制飲咗兩淡就冇！！！餐飲，叫咗兩次先有人嚟，個個都話轉頭轉頭。呢度有一肥一瘦兩個服務員，肥嗰個都好d. 瘦嗰個完全唔掂！！！！！竟然趕人走，話出面有人等緊！！仲要係兩張枱嘅客都趕！！！雖然唔係趕我，但你收呢個價都趕人走，唔L係啊！？最後比錢，痴線，瘦嗰個做埋收銀，一路洗嘢，洗洗下走嚟收銀，找比我嗰幾張紙幣濕嘅！！！真係食到一肚氣！都唔好講佢冇幫客量體溫，提供搓手液，入座率不

今日要去一去新蒲崗，好耐無出街食，諗住食好少少，食個扒點睇？！～依條街不愁搵唔到食呀～餐廳多不勝數，但食扒的就寥寥可數，試過附近兩間都不錯，見呢間評語好壞參半，好奇之下驅使我一試！一試便知龍與鳳⋯入到餐廳感覺係⋯一個字「迫」！每張枱都緊貼隔離張枱，而且我真心唔明點解咁多人，你話佢特別平咩？又唔係呀～講服務，零分！因為兩個樓面架女侍應都係粗聲粗氣超趕人feel！我當日叫左扒餐，想要茄汁同喼汁，佢好晦氣咁答：「無喼汁！」Fine..無喼汁好閒啫⋯⋯但態度可以好啲囉下！餐湯要一紅一白⋯嘩！個白湯食到一嚿二嚿粉團，紅湯有不明物體⋯算，我當時運高睇佢唔到⋯亦都無投訴⋯之後同事點左個魚飯，我食意粉！主食份量少，我同同事都唔算大食，但真係唔夠食，唔係食下午茶喎大佬！我地坐正喺廚房對出果個位，佢地係咁捧住啲嘢出出入入，食得好唔安樂！最後點左餐飲花茶，佢拎左壺花茶嚟粗聲粗氣加句：「不設添飲！」喂呀～好無禮貌囉！首先，我無話要添飲，其實可以禮貌一點，等人食得舒服少少？你以為完咩？未！最離譜架地方未講，正正係因為我地坐正喺廚房門口對出，同事見到裡面有個男人係無戴口罩！WHAT?!無言⋯呢啲咁架時勢，唔戴口罩

星期一至五嚟食早餐，人客不多，價錢平，又好味。 所以我如果我經過開，都一定會幫襯 食炸魚柳早餐，只需$31,仲平過大家樂!不過,如果星期六或日人客比較多, 相對坐得冇咁舒服。

中午有幾個午餐可以揀，揀咗個all day breakfast，一上枱同事和我見到就知中伏，所謂凱撒沙律只係一堆生菜，咩都冇，腸仔係普通廚師腸，牛扒果然係好薄切，最正常應該得個牛角包。成個餐同屋企自己hea整冇分別。同事跟餐的花茶係茶包沖，顏色淡而冇味，茶包都可以做到咁呢下厲害。自己叫杯熱咖啡，苦澀無咖啡香，叫佢比多少少奶最後加多我$1？完全無講比錢先知。1點幾見其他客入黎已經同人講有幾個餐冇晒唔供應。厲害。

新蒲崗除左mikiki 之外，食店真係多到數唔哂，包括景福街，一字排開佔左7成係各種各樣既食肆。今次午市時間黎試下呢間J & V Mini Kitchen.餐廳大概只可以坐到15-20人左右，所以都要預早少少等位。⏰午餐有10款選擇，有飯類，意粉類，扒類同埋all day breakfast.🤔🤔午餐包括蒜蓉包，餐湯（羅宋湯或忌廉湯），仲有飲品。黑椒鑊仔牛柳日式焗飯：鑊仔牛柳夠淋，黑椒醬汁亦都配搭得唔錯，用鑊仔上夠哂特別。焗墨西哥煙鴨胸飯：煙鴨胸唔夠淋，個焗飯有炒飯底。每個焗飯都係即叫即整，個個都熱辣辣。黑松露醬煙肉野菌忌廉意粉：忌廉意粉有咬口，唔會太淋。煙肉絲同雜菇份量剛剛好。

新蒲崗區很多食肆，但不是茶餐廳的西餐，選擇就不是太多，朋友話不錯，來試晚餐，門外看不到店內環境，如果不是有朋友試過，我諗不會推門，進入店舖，室內空間不大，但有細店（非連鎖店）的特色，室內氣氛很好，前菜沙律很好喎，麵包熱辣，外皮脆卜卜，炭燒牛扒及牛柳美味，牛肉肉質靚貨，不會有渣，龍蝦湯，磨菇湯亦非常好，👍🏻即磨咖啡一流，咖啡豆是我的口味。為女仕選的玫瑰花茶很香。特別讚揚服務很好。兩人晚餐三百零元，值。在此區要食西餐，絕對推薦。

路過新蒲崗，補祝老公生日，聽聞呢度好多隱世美食，於是四圍行吓睇吓有咩好食～行過mikiki 對面，有間唔起眼嘅西餐廳，2人餐只係$388，仲要有埋鵝肝心諗：抵呀！跟住就行咗入去啦～入到去見到一個人都無，死啦⋯⋯會唔會中咗伏呢⋯⋯算啦，都入到嚟，咁就叫番個抵食2人餐啦～沙律 一啲都唔流，份量剛剛好，係麻醬沙律汁，我最愛嘅其中之一黑松露忌廉湯少少咸、多多香，黑松露味唔會太搶，令人回味無窮～龍蝦湯重口味嘅我，最鐘意咸香嘅龍蝦湯，香濃嘅蝦味配上跟餐嘅包，滋味十足！包跟餐嘅包都唔好睇少，外脆內軟，包嘅外皮仲要薄，切成一片片，微暖嘅包搽上牛油鵝肝伴牛柳見到咁厚嘅牛柳諗住佢會好韌，點知咬落一啲都唔會，好鬆軟，加上少少嘅咸香，真係食唔停口呀原來鵝肝加牛柳一齊食，味道又幾夾喎～炭燒西班牙黑豚胺有骨嘅豬扒係我最鐘意（因為夠淋），仲要大大塊，係抵食呀～雖然豬胺好厚，但係一啲都唔鞋，鬆軟多汁，仲一路食一路聞到陣炭燒香味成餐加埋一四百頭，總括嚟講係抵食嘅～ 希望可以去多次，而且下次去係老公請

幫襯過早午餐幾次，之前覺得都唔錯，仲介紹人去食吓。點知今次因為區區$2令我對呢間嘢全完改觀！話說佢早餐除咗正價menu之外，仲有特價外賣menu(只需$18/20，配飲品)，兩個menu我都幫襯過，但特價只買過三文治。今日第一次買特價天使麵配炒蛋，menu嘅價錢明明係$18，但佢收我$20，我好疑感但照俾錢先，再問佢唔係$18咩？佢答天使麵要加$2，我之後話你個牌唔係咁寫喎，佢竟然話“我哋呢度係咁，天使麵加$2”，而唔係俾其他更好嘅理由，你答我最近加咗價唔記得改menu都好啲掛！$2係好小事，但係咁樣做生意係咪有點過份呢？？？從今日起，我唔會再幫襯佢！

路經見到有間西餐廳便入去試試人不多，感覺是靜靜又舊式的西餐廳叫了個晚餐有濃濃的龍蝦湯，還有很多肉，份量足！套餐附送沙律，味道正常，如果蝦可以煎一煎會更好附送的牛油多士味道一流，很薄很脆，沾湯吃不停口餐飲選了玫瑰花茶，清香舒服主菜來了，是黑豚扒燒得很香！而且肉很淋，醬汁美味！配上一點黃芥辣更是滋味連肥膏也燒得香香的薯蓉味道很像肯德基但這個黑豚扒實在是10分推介！最後叫多個鵝肝雜菌意大利飯鵝肝香口美味意大利飯也煮得剛好不會太硬結帳大約三百多元今時今日也實在算是很便宜了！下次會再來試試其他菜式