Video
Read full review
2020-04-18
809 views
今日要去一去新蒲崗，好耐無出街食，諗住食好少少，食個扒點睇？！～依條街不愁搵唔到食呀～餐廳多不勝數，但食扒的就寥寥可數，試過附近兩間都不錯，見呢間評語好壞參半，好奇之下驅使我一試！一試便知龍與鳳⋯入到餐廳感覺係⋯一個字「迫」！每張枱都緊貼隔離張枱，而且我真心唔明點解咁多人，你話佢特別平咩？又唔係呀～講服務，零分！因為兩個樓面架女侍應都係粗聲粗氣超趕人feel！我當日叫左扒餐，想要茄汁同喼汁，佢好晦氣咁答：「無喼汁！」Fine..無喼汁好閒啫⋯⋯但態度可以好啲囉下！餐湯要一紅一白⋯嘩！個白湯食到一嚿二嚿粉團，紅湯有不明物體⋯算，我當時運高睇佢唔到⋯亦都無投訴⋯之後同事點左個魚飯，我食意粉！主食份量少，我同同事都唔算大食，但真係唔夠食，唔係食下午茶喎大佬！我地坐正喺廚房對出果個位，佢地係咁捧住啲嘢出出入入，食得好唔安樂！最後點左餐飲花茶，佢拎左壺花茶嚟粗聲粗氣加句：「不設添飲！」喂呀～好無禮貌囉！首先，我無話要添飲，其實可以禮貌一點，等人食得舒服少少？你以為完咩？未！最離譜架地方未講，正正係因為我地坐正喺廚房門口對出，同事見到裡面有個男人係無戴口罩！WHAT?!無言⋯呢啲咁架時勢，唔戴口罩
依條街不愁搵唔到食呀～餐廳多不勝數，但食扒的就寥寥可數，試過附近兩間都不錯，見呢間評語好壞參半，好奇之下驅使我一試！
一試便知龍與鳳⋯
入到餐廳感覺係⋯一個字「迫」！
每張枱都緊貼隔離張枱，而且我真心唔明點解咁多人，你話佢特別平咩？又唔係呀～
講服務，零分！
因為兩個樓面架女侍應都係粗聲粗氣超趕人feel！
我當日叫左扒餐，想要茄汁同喼汁，佢好晦氣咁答：「無喼汁！」
Fine..無喼汁好閒啫⋯⋯但態度可以好啲囉下！
餐湯要一紅一白⋯
嘩！個白湯食到一嚿二嚿粉團，紅湯有不明物體⋯
算，我當時運高睇佢唔到⋯亦都無投訴⋯
之後同事點左個魚飯，我食意粉！
主食份量少，我同同事都唔算大食，但真係唔夠食，唔係食下午茶喎大佬！
我地坐正喺廚房對出果個位，佢地係咁捧住啲嘢出出入入，食得好唔安樂！
最後點左餐飲花茶，佢拎左壺花茶嚟粗聲粗氣加句：「不設添飲！」
喂呀～好無禮貌囉！
首先，我無話要添飲，其實可以禮貌一點，等人食得舒服少少？
你以為完咩？未！最離譜架地方未講，正正係因為我地坐正喺廚房門口對出，同事見到裡面有個男人係無戴口罩！WHAT?!
無言⋯呢啲咁架時勢，唔戴口罩喺廚房出入係幾咁大獲！
出街食飯真係好大Risk！！
唉.....一肚氣食到，諗住俾卡找數，原來唔收卡！
淨係收Cash⋯⋯
我同事問佢可否俾張單我地？
呀～佢竟然望都唔望我地，成張單飛過嚟，係飛過嚟！
係咩態度？感覺很差！大家要小心！！
Post