好一鍋海鮮火鍋專門店 (Closed)

聽人講，好一鍋同一鍋堂係全港最好食既任食邊爐，所以我今日就黎到好一鍋試下，下次先再試埋一鍋堂！個日8點黎到，只見座無虛席，超多人等緊位，咁我地都唯有等，一場黎到，無理由空肚而回架嘛。等侯期間睇下個餐牌，即刻明白點解咁多人等位，原來只需要$138/位，湯底免費兼有得雙拼。我同朋友覺得好難以置信，亦都好擔心價錢平冇好野，點知事實證明，呢間餐廳的確係平靚正匯聚一身！打邊爐先黎個混醬是常識吧。准山蘋果雪梨🍐湯底比較清淡，原本以為會比較甜，所以我有少少失望。而四川麻辣鍋係超級有驚喜，因為我唔食得辣，開頭都唔敢試，後尾試左一啖真係返唔到轉頭，個辣度並唔高，唔需要飲水，係好香好香既麻辣味，用呢個湯底黎淥肉真係回味無窮。推薦👍🏻手打墨魚丸，好彈牙爽口。推薦👍🏻羊肉有好濃郁既羶味，而且比較薄，淥一淥就熟，我嗌左至少5碟for自己食。黑松露魚滑，爽口彈牙，黑松露味突出，口感好。另外仲有紫菜綾魚滑，都幾特別，出面好少見！推薦👍🏻粟米丸，最大特色就係入面有流心粟米餡，熱辣辣之餘又香甜，不過我食第7粒開始就覺得開始有啲滯啦。推薦👍🏻是日海鮮，無諗過放題邊爐都有咁新鮮既蜆，完全無沙粒，咬落去好多汁。肥牛有分手切或

任飲任食火鍋開到成行成市，價錢貴的食物質素就有返咁上下保證，價錢平的很多餐廳都會將貨就價，食物質素比較差。今日朋友推介我來這間，真係平靚正，所以推薦比大家。繁忙時間都係$158一位，價錢平之餘，食物質素唔錯，不會將貨就價。種類又多，最重要係劃幾多真係嚟幾多，大家食過任食餐又好，放題又好都會有個經驗，就係劃十樣嚟得五樣，呢一間一定唔會。而且時間都算長，坐低任飲任食2.5小時。湯底已經超過十款可選擇，我們選的湯底係馬來沙嗲皇拼鮮淮山蘋果雪梨鍋，先試濃味的沙嗲湯底，再試清潤的蘋果雪梨湯底，感覺即刻下火。調味醬油配料亦有好多款。不另外收費。食物款式可以話應有盡有，除咗一般丸類，仲有成本比較高嘅手打丸，仲有脆肉鯇魚腩、鱔片，肥牛都幾新鮮，手打蝦滑同墨魚滑好爽甜，海蝦好爽好新鮮，鮑魚大蜆都應有盡有。手切肥牛，美國肥牛，滋補花膠等等貴價食材都是任點任食的。肥牛肉非常新鮮，肉質鮮紅，切得很薄，放在湯底10秒左右就可以食用，牛味十足👍都是那一句，任點任食。飲品都係任攞， 飲品一樣都好多款，包括樂天韓國汽水、Jolly Shandy都有，如果不喜歡飲汽水的話，還有自家製的竹蓆茅根。甜品就是自製乳酪雪糕，有

六個人去到瓊華揾野食 六七點真係多人到間間都滿哂人 無啦啦有張傳單塞落黎 158蚊打邊爐任飲任食兩個半鐘😍😍即刻上去試下 簡左冬陰公同椰子雞湯底 冬陰公唔係好夠辣 椰子雞煲就幾濃 好好味👍🏻肥牛質素唔差 呢個價錢真係好抵食😋有得免費任拎飲品 總括黎講 抵食

岩岩新開個陣去食 做左會員之後可以留位 去到唔係等左好耐就可以入坐 服務好好 員工好有禮貌 送食物既效率都好高 可以用app order食物好方便 食物都好高質 肉係靚肉 牛唔係薄肉 食物選擇好多 飲品都好多選擇 甜品都好好味同好多選擇 除左食物 環境同服務都好好 坐得舒適 成餐飯都食得好開心好滿足 價錢同好多火鍋任食差唔多 但質素高好多 可能因為新開張既關係 有優惠仲抵食 但原價都唔太貴 都值得去食 所有野都做得好好 希望keep住 下次會再帶朋友去食過！依間食火鍋真係一流 好抵食！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！自問我係一個邊爐精，尤其任飲任食個隻，如果有follow開我就知我最喜愛嘅任食邊爐非一鍋堂莫屬，而今次我發現到呢間一鍋堂唯一勁敵！今次同朋友慶生，一日7人黎到瓊華中心好一鍋海鮮火鍋專門店玩番晚，由於店內只有一間VIP房，所以一定要早D book！瓊華中心同荃灣大鴻輝一樣，成棟都食肆林立！不過好在夠多lift，唔洗排好耐就上到去！一開門就見到好一鍋招牌！以呢個價錢黎講性價比十足！任飲！最鐘意佢有烏龍茶供應！鐘意點渾醬都得！呢度用落單紙落單，貴價食品如海蝦接人頭出，如果想要多d就要狂入紙，有點不環保每個鍋都各有特色，鐘意叫乜就叫乜，一定無伏，個人推介麻辣龍蝦鍋同木瓜魚尾！生料個人推介：炸魚皮、脆骨腩、鱔片、雞子、凍豆付呢度供應兩款牛，手切個隻同一鍋堂極似，都

突如其來同男朋友想去打邊爐，咁就諗起呢間啦，印象中服務呀⋯食物質素呀⋯都幾好既點知今次再去嬲到震！首先，我無book位我知係自己衰，我1945拎飛都要等成個鐘先入座！其次，我等唔係問題，但等位其間見住其他比我地更遲黎既更加早過我地入座！大家都係無book，點解佢地可以入去先？就住呢個問題，男朋友去問接待果位姐姐結果佢話：我地呢度係咁，係會安排多人既人座先。咩事呀？咁不如你一早講定兩個人可能要有排等？食埋今次無下次。

服務差，明明book左4位都可以比話冇位，比3個人座位既重要係搭位，佢話冇辦法。咁我唔book位啦！差，差，差，差，差，差，差差！好嬲呀！以後都唔會幫親呀！我會同朋講唔好幫親呀！

突然想打邊爐，收工同朋友齊齊look下openrice睇下去邊度食好🍱一開始諗住食大鍋口嘅，但係太多人要等到9點😳放棄……見樓下呢間未試過，價錢都ok，就黎試下😋雖然醬料選擇不多，但對我黎講都ok嘅👌野食都係比較大路嘅果d野，冇抱太大期望😅我揀咗沙爹湯地，朋友揀咗椰子雞，ok嘅~美國肥牛都有牛味嘅，蝦都彈牙👍手切肥牛一般般，牛筋腩就千其唔好揀，又鞋又韌！咬死人

自從第一次嚟食過宵夜火鍋，9：30要等一陣之外，呢幾次嚟捉到路夾啱時間唔使，即刻就有枱，爽極！晚餐價$176宵夜價$152真係抵！唔似其他店夜咗無嘢食，好一鍋依然足料無漏單，湯鍋更可以免費兩、三味，不過兩味夠嘞！三味個格細咗，如響鈴、麵餅、鮮蝦都放不進去。推介千島龍蝦丸，真係好食！湯底夠入味無偷工，飲品款式選擇多，仲有乳酪自助機，正斗！

今餐既體驗係：好彩比我發現到呢間高質邊爐！最令我覺得驚喜既係呢一間既服務態度，係我去過咁多間邊爐入面，最好既！！大家都知道一般打邊爐，有不少既店鋪服務態度都值得改善，而不少人都已經吾期望打邊爐會有幾好既服務。但係今次，我真係feel到d職員係友善既同服務態度良好！我地一同五個人，叫左個鴛鴦湯底，花鵰醉雞加四川麻辣，兩個湯底既味道都令人驚喜，特別係麻辣湯，呢間邊爐既四川麻辣湯底意外地出色，比起好多火鍋店既麻辣湯底更加好味同正宗！至於其他既火鍋配料，都真係幾好，吾好比人一種放左好耐既不新鮮感

聽朋友講平價任食火鍋好一鍋好多人去,所以個日就去旺角試下,估吾到佢係任食2.5小時,好少任食有咁多見過多數都90分鐘至兩個鐘,所以2個半鐘任食已經係佢優勢👍七點去到已經超級多人,book左大摡都要等二十分鐘左右,坐底之後枱上有order紙,order左胡椒咸菜豬肚同鯊魚骨候頭菇鍋,配料超級多大概都有120種,有海鮮,肉類丸類菜果D,平時打邊爐有既佢都有,味道整體吾錯錯,但環境係酒樓feel好多人個場好full好嘈個種,鐘意熱鬧既朋友應該吾介意,不過2.5小時係可以坐下食下飲下傾下計又再食下同又吾貴138-158hkd吾同時段,吾駛好似出面果D任食場成日食到好趕食吾切又食吾呔,難怪成晚多人到爆既任食

首先 環境還算可以 挺舒服 也不污穢 價錢200一個左右 還算合理點食物就比較不開心 因為你點食物 寫10都好都係按人頭比數目 我地兩人去食 每次得3片肥牛 2隻蝦 但牛肉丸有成6粒 都係採取用平價食物室飽你 支竹雖然唔係炸但不錯 但份量太多了唯一好處係 雖然牛同蝦每次份量少但都會比建議每次落單少d種類 唔係肯定會漏野飲種類少 飲竹蔗矛根水好了食物 建議叫 肥牛 牛肉 蝦 最不滿係 洗手間 得一格 而且無廁紙咁制

冬天和同學，朋友聚會多數都會打邊爐，今次我特別推介同學一齊食這間"好一鍋"因之前都有朋友帶我食過"好一鍋"佐敦分店，我食過後覺得直得再食，所以今晚就再介紹我的同學一齊食，因食物新鮮，款式都多和價錢合理，地點方便，服務態度都几好值得推介食物：肥牛，海蝦，脆鯇魚腩，湯底夠真材實料👍🏻👍🏻😋

上次同7個朋友去打邊爐。等左半個鐘黎得2碟。叫肥牛5碟上得3碟中係每碟得個4片。野食係好食。但係等左1個鐘食得個6碟野食中要一半都係菜。食完個個朋友都唔飽。曬錢。唔會在食呢間。

野好唔好食已唔係重點，重點係呢間餐廳啲人好冇品！大家以後唔洗訂位，因為呢條女係唔會理你，完全唔洗排隊，你同佢有關係就可以衝入去餐廳！佢超冇禮貌，完全冇教養，以後可以blacklist 呢間餐廳！