Jacomax

Open Now

Now Closed

🔅藍芝士蘋果薄餅+Salami topping超級勁好食👍🏻👍🏻👍🏻👍🏻👍🏻勁香勁新鮮焗出黎又脆口，藍芝士唔會好漏，但又食到芝士味，比Mozzarella cheese 香，蘋果片完完全全融入芝士中帶著香甜的味道。加埋salami 絕對令個pizza 無咁單調，個味道更加出色！兩杯cocktails 都好飲👍🏻👍🏻不過因為得兩個人關係，所以叫左一個pizza 食都飽了。如果店家考慮可以賣半份pizza 就好了😝

咁耐以嚟都係食過2次因為真係有少少貴 (主要原因係因為兩次都係lunch食)但質素絕對係好！😋😋(話晒Viutv一哥都有幫襯過佢喎😎)首先 呢間嘅pizza餅底係薄批而條邊texture係比較煙煙韌韌絕對感覺到手工做出嚟先有嘅嚼勁👍🏿Gorgonzola & Apple 藍芝士蘋果薄餅 $178🙆🏿‍♀️必點！！！呢間店嘅招牌菜咁濟同埋喺出面都比較少有甜嘅pizza蘋果嘅清甜 加上可以拉絲嘅芝士再加上煙韌pizza邊芝士 蘋果片 pizza 出奇地夾喎！😍T-Rex 暴龍pizza $188🙆🏿‍♀️呢個係「鹹」pizza同埋肉 全部都係肉相比之下 呢個就真係比較常見有火腿、腸、辣肉腸 當然唔少得芝士啖啖肉得嚟 又唔算好漏呢個同蘋果梅花間竹嚟食會更突顯到雙方嘅鹹同甜嘅分別Creamy Crab Meat Rigatoni 忌廉蟹肉大通粉$158🙆🏿‍♀️其實第一道就上呢個大通粉我哋一行4人 見到好似份量好少咁但食落去因為真係好creamy 有少少漏熱辣辣上枱 仲要好好味同埋其實啲蟹肉喺晒底 都唔少每人雖然分得幾舊大通粉但撈埋汁食都真係幾正✅加一服務費

與友人shopping完, 就係中上環附近揾食, 見jocomax不用排隊就入左去. 食jocomax, 當然要order藍芝士蘋果pizza! what a creative cuisine~從來無諗過pizza加蘋果, 蘋果的甜度中和藍芝士的濃度, 又幾match~十級推薦. 招牌香辣海鮮粗意粉: 中規中矩, 海鮮俾得好慷慨, 辣味略嫌不夠(可能本人好食辣je). 薯條炸得好香口, 薯味好濃, 佐酒一流~可惜已經夠食, 否則會order埋雞翼, 唯有下次再試la~

一直都好想試Jacomax，但一直都冇事哈哈，最後喺error Dee哥影響下，同同事嚟呢度試吓先！三個女仔，一個Pizza一個pasta，開頭都驚食唔晒，最後梗係清晒啦😂😂正所謂，味道決定一齊切！Pizza我哋order 一個比較簡單嘅選擇，辣肉腸火腿，extra加蘑菇😛😛 其實開頭都驚佢pizza 底會一係太薄一係太厚，麗都係真係啱啱好，right to the point！我哋三個都好鍾意❤️Pasta 其實一開頭都驚食唔晒，點知食落又唔錯，唔會太creamy，出面好多時白汁都係落勁多cream，然後個味就會太甜同埋太膩，三個女仔share呢個portion 都ok~ 雖然唔可以成日食pizza做lunch，但係耐唔耐都可以放試吓哈哈

#上環#黃店#正宗#意大利薄餅➡️🔶jacomax🔶🍕🍝呢間其實最招牌係食甜既藍芝士蘋果PIZZA，但本身比較想食咸既口味，所以冇試到。佢D PIZZA 係得一個SIZE 12吋揀。⏬🔴#意大利辣肉腸PIZZA 🔴石爐烤係香D，同埋意式PIZZA個底通常都好乾爽唔會油冧冧，口感都係高質。佢個餅厚薄適中，底唔算好厚。食落有D麵粉香，批邊鬆脆，入面軟熟柔韌。辣肉腸唔覺辣，但好~咸😰‼️攪唔掂🤥，最後要沾另一碟野既汁先K.O到(好岩配酒食，應該揀其他味先岩我or揀多個口味share食好D)👅: 8.6/10💰:$168🔵#忌廉蟹肉大通粉 🔵呢個比PIZZA有驚喜，大通粉口感好好咬，可以掛到好多醬，個汁(非常多)香滑得黎唔會好杰，都幾濃厚既忌廉味帶點甜，食得出有一絲絲鮮甜蟹肉~融入埋個汁到，唔算膩，輕鬆連汁清完無難度。👅：8.8/10✔️💰：$158 

想試呢間嘅蘋果Pizza好耐啦，終於搵到機會喺冇乜人嘅時候去！當然要叫佢個超熱門蘋果Pizza啦，首先佢唔係用脆底而係有少少煙煙韌韌嘅薄餅底。藍芝士味道唔算太重，幾驚會有臭芝士味，食落有啲鹹鹹地幾得意。加埋烤得焦香嘅熟蘋果，食到甜味之餘，仲有煙煙韌韌加蘋果微脆嘅多重口感。而且pizza size 固定，兩個人食真心飽。我哋仲試咗佢個麥啤煮青口，份量好多。但係每一粒都煮到有酒香味，係一個好好味嘅開胃小食。而香烤黑椒雞翼雞皮好柔軟，雞肉多汁入味，好快就清晒啦。下次會想試埋佢啲意粉，聽講都好出色！

難得既2日連假,訓到中午,同男人過海食pizza,佢話以前偶爾食過哩間鋪頭既pizza,好想懷念下,去到發現哩度真係好適合大班人一齊食,因為pizza 好大個,兩個人好難食得多野,睇完餐牌,決定食個four chesse加錢加蘑菇,男人藐藐咀,有d 不滿,叫佢揀佢又唔揀,唔理佢,叫杯啤酒飲下好過,Pizza 黎到,滿滿既芝士同埋芝士,男人就話得芝士冇其他野,我咪話叫你揀唔揀,的確,芝士多到薄餅上既茄醬味都唔太feel到XD見佢黑口黑面,咪叫個黑椒雞翼,襯曬佢既面口,黑椒雞翼隻隻飽滿,外皮焗到脆卜卜,黑椒粒惹味,入面既肉白雪雪,滑溜溜,5隻雞翼,佢都食左2隻,結果仲食淨左2件pizza,請店員妹妹代為打包,見到人地食招牌蘋果pizza好正,但係唔好甜食,所以冇叫,下次約多d人一齊再試.

之前已經好想嚟試藍芝士蘋果pizza，奈何幾次經過都排曬隊，唯有轉場去幫襯其他黃店。今次嚟到已經就嚟九點，門口雖然無大排長龍，但亦坐無虛席，要等一張枱。因為我哋放工好肚餓，於是叫咗兩個pizza share，分別係好出名嘅Gorgonzola Cheese & Apple 同穩陣之選嘅Margarita。我哋首先食咗鹹嘅Margarita，個蕃茄唔會太酸，啖啖都好香芝士味，令人忍唔住一啖接一啖！好快清咗個Margarita,跟住就到久仰大名嘅Gorgonzola cheese & Apple！老實講，唔係好識欣賞🙈唔係難食嘅，但又覺得怪怪哋咁，唔係我哋鐘意食嘅味道咁囉。我會因為個Margarita再嚟，等我下次試吓其他Pizza先！

藍芝士蘋果薄餅 • HKD$178薄餅上面發發地毛d色就係藍芝士黎，聞落都真係幾臭🤣但食落就好濃郁，而且配埋蘋果薄片，咸咸地又甜甜地咁都幾過癮～最正係個薄餅用石爐即烤，一路等已經聞到超級香，食落個餅底勁香之餘外脆內軟🤤有機會要試埋佢哋其他Pizza😚炸魷魚 • HKD$88份量都合理～味道方面都唔錯，冇油溢味之餘魷魚味都幾出👍🏽而且食得出都幾彈牙，都幾新鮮😊Tips: 除咗上環店之外，佢哋喺銅鑼灣都開咗新店呀～

成個環境都好昏暗嘅感覺呢都幾有情調。食咗食咗香烤黑椒雞翼，卡邦尼意粉，忌廉蟹肉大通粉同埋暴龍pizza同一個有火箭菜嘅意大利風乾火腿Pizza。雞翼呢一兜就有五隻，係大隻小小啦既雞翼，可能係巴西種？外表焗得都好靚仔㗎令立立。2個 Pizza呢都好食，意大利風光火腿火箭菜係有可以拉絲既芝士。卡邦尼意粉呢，都好香好好食啊！但係蟹肉大通粉真係冇得頂呀，同外國水準一模一樣，蟹肉絲鮮甜 醬汁濃厚稠竭，大通粉個窿盛汁。當日很每一啖都係愉快嘅感覺，喺香港食到一啖呢個大通粉無憾啦yeah唔好睇我張圖得幾條啊，因為我哋人多呢個係我嘅份量。

呢間想食好耐！！但長期勁多人排隊，試過一次夜晚去，排左成廿幾人都有，就放棄左🥲 今次平日下午嚟到，唔駛等就入得😀試左好出名既藍芝士蘋果Pizza🍕 芝士好香同時蘋果好香甜，平衡返個口味，一人食半個pizza都唔會膩喎！正呀！同埋呢個組合好特別，平時用生果整野食都唔易整到好食架嘛～咁又做得唔錯喎！不過，另外個意粉就真係唔抵！呢個價錢食到一個好普通甚至講唔上係好食既意粉😳 入面有魷魚、蝦。成個粉好乾身，又好淡，食唔到有啲咩特別🙈 仲要都幾貴😳

終於食到Jacomax！呢間畀杜生吹奏過嘅意大利Pizza專門店成日都大排長龍，今次下晝四五點去，可以靜靜地咁邊同朋友傾計邊食pizza，真係正呀😝😋 藍芝士蘋果薄餅 Gorgonzola & Apple $178香港人對Pizza嘅認識都係不外乎Pizza H_t同Pizza B_x嗰啲千島海鮮同超級夏威夷，藍芝士蘋果呢個組合真係好特別🥳 睇住佢哋真係即拉即焗個pizza，見到圖中黑黑地嘅就係藍芝士，好似發咗霉咁嘅，其實就係要發咗霉先好食呀😝 有啲似食緊白汁蘑菇嘅感覺，鹹鹹地，仲拉到絲🤪 蘋果片薄薄地，咬落去仲有啲蘋果汁，甜甜地燶燶地嘅蘋果香味同芝士鹹味溝埋一齊都幾正😗 Pizza批底唔算好薄嗰隻，食到批邊都唔覺得口乾，絕對係高質製作😆

終於食到想食好耐但一直無機會食嘅JACOMAX!! 之前見到好多人排隊 今次晏晝~2點嚟唔洗點等位 但入面都幾乎滿座-忌廉蟹肉大通粉勁勁勁香濃嘅忌廉味 份量岩岩好 如果再大碟D 應該會漏到食唔哂蟹肉偏多 好足料!! 加上忌廉汁好夠 食落唔會好乾-蒜香蕃茄辣椒大通粉開頭食會覺得酸酸地 好開胃但後尾越食越辣 應該唔只落咗辣椒油 (我估有落墨西哥辣椒?)不過都幾惹味-香烤黑椒雞翼雖然表面有少少膿 但皮脆肉嫩好JUICY-建議大家先食忌廉蟹肉 後食蒜香蕃茄辣椒如果唔喺後者嘅重口味會蓋過哂D前者嘅味道-雖然以上2款大通粉都唔喺餐廳推介 同埋大通粉口感有少少硬但其實味道唔錯 值得試吓另外見好多人推介PIZZA 但今次得2個人食 怕食唔哂 所以唔敢嗌下次搵多啲人一定要試藍芝士蘋果PIZZA

一直都好想食jacomax 之前勁多人排隊 我真係搞唔掂 今日終於比我食到 真係好開心 🥳叫咗兩個Pizza外賣 第一當然要試吓想想食既 藍芝士蘋果pizza 仲有一個係意大利風乾火腿火箭菜pizza 藍芝士蘋果Pizza真係超級勁好食 可能我真係好鍾意食藍芝士 覺得啲芝士味真係好濃好香 仲有粒粒芝士係個Pizza面度 配埋蘋果嘅清香 簡直不得了意大利風乾火腿火箭菜pizza 呢個都好好食 火箭菜好新鮮風乾火腿亦都唔會焗到太硬 清清地都唔錯 希望下次可以食埋其他款式 咁就真係開心晒

講起呢間 #黃店 最出名就一定係呢款Pizza，早幾個月前外賣食過好好味，最近去堂食就失色咗，唔知是咪因為舊班底去咗新舖幫手呢？#藍芝士蘋果薄餅 $178 7/10——————————————即叫即製熱辣辣，餡料以藍芝士為主，不過無拉絲嘅🧀😂面頭有薄薄蘋果片🍎。一啖咬落去感受到芝士鹹香，酸甜蘋果片會中和返，所以都唔會太膩，一個人食3片都OK啊～