翠湖茶餐廳

Open Now

Now Closed

🖍️序👉🏻👉🏻到長康做完野，還有點時間才吃晚餐，找了這間茶餐廳回味一下，因為好耐好耐好耐之前都黎過食，印象不錯的，所以今次再來，而且附近其實無咩食🤭🏡環境👉🏻👉🏻4點半到餐廳，十零張卡位，有3,4枱顧客，加上開著新聞，但客人與電視的聲浪都不大，很好～到我走的時候，大概5點零，有6,7枱客～另外，要頒個獎比個清潔嬸嬸🏅全程大概半小時的餐飲體驗裡，我縮腳縮左3次😂雖然我唔知佢拖緊咩、點解要咁做，但簡單啲諗，係值得欣賞既😂🍗食物👉🏻👉🏻餐蛋麵，凍奶茶少甜少冰，符合期望🙂

好耐冇返青衣，見到翠湖重係度，裝修過干淨左(真係好多年冇黎，可能裝修左一段時間), 入去食個飯，發現以前最得既扒餐冇晒，變左小菜多，就隨意叫左個牛柳，唉~~實在不敢恭維，個湯似係平日食碟頭飯西汁加水，意粉一早整定，上既時候一夾就得，所以唔熱好乾，總之就唔會話好食，牛柳冇咩點，調好味既牛柳炸左再淋個汁就上得，唔好有期待。同屋村其他幾間茶餐廳大排檔都重keep到水準既時候，好老實真係扣好多分，都廿幾年，真係希望佢地改善下。

香港新舊交替好迅速，有些東西可能被遺忘，今早約咗朋友嚟打波，走進長康邨一間舊屋村內的茶餐廳食個早餐，一向食開火腿通粉繼續試一試，一啲都冇揸流灘，火腿和鮑片足料，一般茶餐廳都係唔食或唔起眼嘅多士，在這裡竟然用上丹麥酥，竟然有驚喜價錢35蚊，性價比高。雖然店內裝修一般，卡位間隔較為窄，但勝在有人情味，很多客人也是街坊客，地方雖舊，但整潔。 牆上貼有手寫板餐牌，總有一種懷舊氣氛，在這裡享受一個悠閒早餐，已經充滿力量。

曾經黎過幾次，因為呢間餐廳既汁真俾好正，仲要有個農夫包配咖哩雞球，擔擔麵醬既西多等等，而覺得呢間係隱世茶記，今日再黎望到門面廚房，感覺靈魂人物已非昔日之人，直頭心中暗叫，唔通市道差而易手叫既野黎左知道出事了，公主忌廉湯𣶷而無味，而且竟然有冬瓜粒同豆腐粒入饌………………，曾經食過熱辣辣脆卜卜既肉絲炒麵亦都已經失去上次既水準，至於鐵板嫩牛柳既洋蔥汁，一見已經水汪汪，絕非當日要專登叫黎點麵包既洋蔥汁，跟餐意粉亦唔再係茄汁炒過，只係求其用蒜蓉撈一撈，更遑論係炒過，只係比白烚好少少，而鐵板牛柳同中式牛柳味道近乎一樣雞髀飯既黑椒汁偏甜，感覺係一隻汁開出幾隻汁一樣………………唯一仲ok係椒鹽鮮魷，或者叫錯野，不過應該唔會再有下一次囉，自今仗之後，同朋友們又少一個飯聚地方

今日第一次試下翠湖呢個$118嘅家庭餐，真係超級抵食，一個小菜，一條魚，仲有一個菜同埋有例湯都係$118,熱飲加$3凍飲加$5 ，京都豬扒整得好好食，豉汁蒸黃花魚肉質好滑，不過碟蠔油菜心就麻麻地，不過呢個價錢算係咁！另外仲嗌左個鐵板餐$68有西湯，同埋有嘢飲，個鐵板餐幾好食又香，黑椒汁勁辣，我覺得都可以！

翠湖茶餐廳 (青衣)——————————————————鹹魚雞粒炒飯 💸 $40Size正常，啲飯唔係好夠乾身，但係都炒得幾香，唔會太鹹。保齡球咖哩雞球 💸$68見佢個名好特別所以叫咗，佢係一個挑空咗嘅包再放啲咖哩雞入去，雞都有好多舊，味道正常，係幾有特色，不過啲薯仔冇調味又冇煎香。——————————————————翠湖茶餐廳 (青衣)地址：青衣長康邨長康第2商場3樓306號舖

今日新裝修 . 價錢貴左一兩蚊 食物一樣無改變 .  選擇仲少左相比其他附近餐廳 味道一般 價錢一樣重點來了 ... 快餐 永遠都係個幾款 其中快餐  -- 豬扒飯係每日都會有既選擇 只係個汁唔同下午茶餐  -- 亦都有豬扒麵 亦都叫比較多人叫既餐 豬扒永遠 係永遠都係凍既  <-暖都稱唔上 相信有食過就知其他抄炒麵 味道一般 份量比較多 抵食少少意見提供 __ 食左2x年既人上.............................. 

屋村茶記大多數都係嗰啲味，都唔需要多講㗎啦！不過佢個炒蛋、火腿奄列、沙嗲牛肉麵同多士都算係做得唔錯！難得老闆肯換過D新嘅杯杯碟碟，好有田園風味啊！食茶記就冇得講究健唔健康㗎啦，我都只係好間唔中會獎勵自己食一次，睇睇啲油盡左人事架啦學杜生同馬田話齋：炒蛋一定多油！個沙嗲湯真係一絕，淨係睇過食水已經知道夠味，有花生同沙嗲香！雖然係大江面， 但都算幾好食，雖然我食唔晒，係因為我細胃者，唔關個味道先！嘢飲都沖得唔錯㗎，舊時朋友都好欣賞個檸茶嘅茶底，我個人就鍾意飲熱杏霜，或者再邪惡啲飲凍華田後記：啱啱開始逃犯條例風波嘅時候，落去食只會聽到啲藍絲大叔大嬸喺度講啲後生仔…唔好唔啱，唔知點解見到人哋寫佢係黃店？員工都換過批，以前老闆做埋收銀，依家請左個後生阿姐返嚟，我希望冇搞錯啦，咁我會食得安樂啲#黃藍是政見但好食是良知

這餐廳歷史悠久，今次是在裝修後第一次光顧，還是一間充滿街坊人情味的小店，老闆在下午茶人不多的時間與老顧客一起討論時政，說逃犯條例，林鄭和政府的不是😂看來這間店是間有良心的黃色小店。食物還不錯，小朋友最喜歡吃這類的薯條，覺得脆脆的，又不太鹹，與一直的味道一樣。我也喜歡他們的咖喱牛腩，和揚州炒飯，味道真是十分香呢！價格一直保持在相宜的水平，典型的屋村茶記，難怪周圍很多居民都會光顧。侍應和顧客也有講有笑。支持黃店！

屹立係度多年的翠湖係不少街坊的心水食堂，即使附近開多了間連鎖食店亦無損佢嘅地位....只因為它能提供大眾化貼地的價錢，仲有食物水準維持到始終如一嘅水平，所以深受唔少嘅街坊愛戴...$30幾蚊一個中午或晚上嘅快餐，已經好多地方都搵唔到，呢個價錢仲可以去邊度搵呢？呢度嘅咖喱牛腩飯同燴汁飯都係唔錯嘅選擇！未試過嘅街坊不妨一試呀！

咁啱我今日喺青衣就來吃一餐午餐，我見樓下間餐廳勁多人，我又唔想同人逼。結果搵到呢間嘢，叫翠湖茶餐廳。心諗，咁少人幫襯，會唔會好難食呢？如我所料。我叫左碟嘢叫做白汁海鮮飯，以為係咩海鮮，原來係魚塊，仲要係勁難食果隻，白汁冇味。叫左杯凍飲仲要係有死蟻浮屍嘅。估計佢地嘅水吧係勁污糟。啲姐姐服務態度超差。點解咁少客，都唔係冇原因嘅。至起碼，我以後來到長康都唔會幫襯呢間囉。貼錢買難受。

呢日忙完都好夜，正擔心無地方搵食之際，呢間餐廳竟然仲未關門喎，當然就興高采烈咁衝入黎食啦。我地三個人，食呢個三人套餐就啱哂啦好快我地就決定要：中式牛柳+豆腐魚腩+蒜茸白菜仔價錢都唔係貴，優惠價只係$118豆腐魚腩，不過不失，但又無咩驚喜，不過騰在兩者比例適中，唔會變左淨食豆腐或魚腩中式牛柳，嘩呢個真係勁高質呀，牛柳口感軟腍可口，肉質彈牙有牛味，一些都唔靭，顯然是新鮮上乘的牛柳蒜茸白菜仔，唔好睇少呢個菜，每餐有菜先健康，又補足返一餐的纖維質，呢個菜係成餐的重要配角真不負眾望，幾好食又鮮甜呢個三人餐真係性價比好貴，不過我地咁樣先食，吹下水都十點幾，得返我地最後一枱走，阻住人收工添，但都好有笑容同服務唔會想趕我地走，哈哈加上幾好食值得再encore

青衣有新西南體育館，既然有家住青衣嘅友人帶路，咁就去試下羽毛球啦打完波波梗係要食飽飽地頭蟲友人帶咗我嚟呢個舊式茶餐廳食tea我哋揀咗最近窗口嘅卡位坐，咁啱就日落、望出去嘅景色真係好靚可以話係從高處遠眺青衣景色，見到餐牌以為要沙律同薯條二揀一，點知原來兩樣都有，正友人叫咗炸魚柳，魚柳外皮炸得香脆，薯條幼身易入口👍🏻我就叫咗牛扒，牛扒係下午茶嚟講算唔錯，另加燒汁味道唔錯茶走唔記得影相，茶味都唔錯估唔到青衣都係咁嘅選擇👍🏻

何其舊式的門面，但是奈何，在市區又怎會找到門面有這麼廣闊的餐廳，就是在這些舊式屋邨的商場才會有。下面都已經比領剪收購，有些已經翻新。如果這個商場的食肆，都被收起，或者結束營業的話，那就完全沒有特色了。活動之後來下午茶，發現原來早餐比午餐還是下午茶更加貴，下午茶有薯條沙律。薯條是幼條的，輕微油膩，還算是脆。而沙律就比較失望，因為是沙律醬撈雜豆，即是蘿蔔、粟米、青豆那些雜豆。吉列魚柳也普通，薄薄一塊，但是炸粉也不太少，因此內裏的魚其實不太厚，普普通通，作為下午茶就不錯。鴛鴦走，沒有什麼鴛鴦味道，咖啡味完全蓋過了奶茶味，可能就是因為這間店舖的奶茶不夠濃香。

一間幾好的餐廳，味道不錯，又平，值得一試。最鐘意他們的咖喱牛腩飯，咖喱 微辣，很香，牛腩分量不少，通常很軟，聽說以前曾上過報紙。早上的沙爹牛肉也不錯，很多小朋友都特別喜歡。我常常喝的奶茶也不錯，幾美味。大家如果有空的話，可以試這兩款食物，又大又便宜。這間茶餐廳有好長的歷史（超過20年），一路做街坊生意，但領展常常加租，不知會不會有影響呢？希望此類茶餐廳能繼續經營，因那些員工都好nice，對你很親切。