玉葉越式料理

Open Now

Now Closed

🙋🏻‍♀️我之前黎食呢間越南餐廳，都係食招牌河粉/順化湯檬🍜，或者食撈檬多~~~~~~🙅🏻‍♀️就從未試過order飯餐食🍚今日忽然好肚餓😆😆就試吓叫呢個越式香茅豬扒飯🐖，點知就出事😖💢塊豬扒勁乾勁硬‼️一啲都唔Juicy….👎🏼塊扎肉又勁鹹😣究竟發生咩事？😅另外我仲加左👇🏻香茅串燒雞肉（2串）好彩呢個都好食，同埋越式凍咖啡☕️依然好飲嘅。經過今次，下次唔會叫豬扒飯了😅

喺日出康城想食越南料理，諗都唔使諗食邊間😆，因為Lp 商場得一間越南餐廳🇻🇳就係Jade leaf 🍃 玉葉我哋入座時間大概12:30pm，有lunch set ，都幾抵食。老公叫咗碗順化湯檬，當中有牛腱、和牛丸、扎肉。“和牛丸”係精華所在😍咬落去會爆汁😆食落有啲似周星馳講嘅瀨尿牛丸一樣，彈牙爽口爆汁牛味濃，我同老公都超鍾意！可惜，得1粒半😅如果可以有多幾粒就好。跟餐叫咗杯越式凍咖啡☕️越南咖啡係配煉奶的，會偏甜。另外我叫咗碗河內墨魚餅撈檬，墨魚餅🍥好足料，好厚身，咬落去啖啖墨魚肉，好鮮甜好味🤤！跟餐追加咗兩件牛油雞翼(好重牛油味)Lunch set 有成10款唔同嘅小食可以追加，選擇都算幾多元化，同埋份量都算多！

食物凍，用料差，叫左個粉湯底唔夠味，麵口感太淋。不過好在同事服務好，有禮，同佢反映意見佢都耐心聆聽。所以衷心希望下次再去時，佢地有聽我意見，食物質素會有所改善。

今日夜晚去康城交收，咁啱到食飯時間。行過見到一間裝修都幾別緻嘅餐廳。咁啱門口有個工作人員，問我哋幾多位。抱住試一試嘅心態入去食返個晚飯。坐低後，我哋睇咗菜單，點咗一個豬扒湯河同埋牛肉撈檬。上菜後，買相都唔錯，再食，啲味道真係強差人意，啲豬扒同牛肉又乾又柴，咬都咬唔開。味道都真係同好多越南餐廳冇得比，用餐途中聽見隔離台嘅顧客都話啲嘢食好一般，下次真係唔會再嚟。雖然環境同服務都可以。但係佢啲出品，真係有待改善。

明明我撳飛係二人抬A008 , 點知佢係冇理由下俾咗張枱A009。我已經即時同佢講。但係佢完全態度勁差，話嗰張係搭枱。大前提係佢從來冇問過我搭唔搭枱，就比俾咗張枱人地。跟住叫我繼續等。咁既然係隨心派發枱比客，咁點解要人哋㩒飛？

環境唔乾淨，枱面油淋淋，好難食，炸魚餅同炸雞翼勁油加嗰個炸皮都係好難食個隻，pho 普通偏難食，又趕住收人碗，唔會再返去食。仲要食左二百幾蚊，超級唔抵，強烈建議唔好去食。

今日喺屋企諗住落街食個下午茶，見識左呢間我認為係康城最差服務嘅餐廳。入去無人帶位，叫我哋埋邊自己搵位坐。坐幾分鐘都無Menu，問佢攞，即刻西面。跟住飛兩本喺我哋前面。落單落錯 - 兩份變一份。叫佢改, 面更西。食物上枱，求其放，兩份配菜邊一份。食物水準極之一般，春卷炸到燶晒。叫佢俾兩杯水，抌低就算。30分鐘內食完走人，下午茶兩麵一春卷，盛為210 (仲要收加一)。你話抵唔抵。今時今日咁嘅服務態度，我希望你哋快啲發達，早啲唔使做。

去康城睇完戲之後搵嘢食，見到呢間唔使等位，坐得又幾舒服就一於試吓。重量級火車頭 $98一上枱見到超多芫荽🤣，入邊有扎肉、和牛丸、牛仔骨片同埋肉眼片，材料都幾豐富，湯頭濃郁，不過河粉碎左啲香茅雞扒撈檬 $78朋友話呢個正常發揮，雞扒份量都幾多，價錢少貴

人生第一次入康城，見到間越南餐廳靚靚地就走左入去食，結果中晒伏。西貢咖喱牛腩飯，首先唔知同西貢有咩關係，啲牛腩又少又硬到食唔到，而且除左上面兩舊下面全部都係啲頭頭尾尾食唔到既下欄，咖喱好似溝水咁完全無味，啲飯又淋到一舊舊。香茅豬扒湯河，豬扒又係硬到黐晒牙（不過都好過啲牛腩），個湯就中規中矩，唯一可取之處係河粉份量夠。越式炸春卷，一咬落去成口油，其他無咩特別，至少唔難食。成餐連加一$198，從味道黎講就算價錢減半都食唔過，可能康城真係無咩選擇，不過我就絕對無下次。

除夕日，約咗朋友去將軍澳行將軍澳新嘅天橋，行橋之前先去食個午餐，我叫咗個蕃茄扎肉湯金邊粉，有豆卜，芽菜作點綴。酸酸甜甜幾醒胃，朋友叫咗豬扒飯，佢話好味。豬扒煎得入味。

今晚選擇了這間越南餐廳, 雖然是越南菜, 但很自然會比較最近吃的泰國餐廳, 即刻比下去 😅 餐廳的裝修好像想把我們帶到森林裡, 假天花上空吊掛著一堆草, 牆邊再有一幅畫了各式各樣樹葉的畫, 環境是可以的。食物選擇不是太多, 只有幾款粉麵幾款飯類, 另外可以追加小食, 我們每人各自點了一個餐, 另追加了一個小食。鑊仔牛柳粒飯牛柳粒味道還可以, 但略為偏乾身。因為本身這個飯基本上沒有醬汁, 肉粒太乾就會吃得相對辛苦, 配料炸蒜跟洋蔥令整體不會太過單調。(由於本人不好青瓜, 所以青瓜伴碟是多餘的)香矛豬扒湯河粉湯河中配有青檸, 我們把青檸汁加入湯河, 豐富了湯河的味道, 又酸又咸, 之後都可以一直用這種吃法。豬扒沒有太重的香矛味, 既不香脆也不香口, 幸好沒有浸過時間, 但它只是普通的一塊豬扒。由於這裡沒有什麼特飲, 所以不多提。小食方面我們點的是玉葉牛油雞翼, 因為不美觀沒有刻意影相。 雞翼沒有牛油味, 卻滿是油, 有炸雞翼的外型, 卻吃不到它鬆脆的質感。 可算是我吃過最難吃的牛油雞翼!!至於服務方面, 職員是有禮貌的, 眼見有不少文章都反應服務問題, 我倒覺得服務是不錯的, 只是食物有待

同同事lunch黎到玉葉食越南野，叫左個河內湯河雙拼。配料揀左雞絲同牛𦟌。不過店員聽左牛𦟌做牛丸。我怕麻煩所以最終係食雞絲牛丸河。然後同事都有分啲牛𦟌比我試😆河粉分量超多，一大碗，係正常軟滑有米香嘅河粉。湯底係正常嘅牛骨湯底，都清甜嘅。配料方面就覺得有啲少🤔雞絲係普通鞋鞋地嘅雞絲。牛丸有兩粒剪開左一半做四份。牛丸係有啲肉汁，有少少彈牙嘅牛丸。牛𦟌好淋，牛味都濃郁。午餐包杯飲品，揀左凍蜜桃柑桔。係一杯蜜桃糖漿加梳打水，入面有半粒柑桔。佢落左好多糖漿所以好甜。河內湯河雙拼$68 凍蜜桃柑桔

有時煮飯煮到唔知傾乜好🤓就會想落樓下食 8點幾 唔使排隊 直入就得侍應都算有反應 叫野拎野無乜問題菜式🔸火車頭湯粉 套餐有野飲包 $98都幾好食 😋 燒牛肉撈檬 個樣嚇親我 以為炸到硬哂點知 條牛肉出奇地好食😍🫠 咖厘牛腩飯 係極之難食難難食啲牛全部咬唔開肉乾黎嘅⋯小食特別推薦🔸 春卷

上年12月剛搬入康城，諗住試下，入座時已問清楚係9點last order，點知坐低叫完嘢，到8點半就話要cut單last order，個個趕收工想趕你走咁既態度，我地叫個聖誕餐，所有嘢連甜品全部一下趕收工咁即刻上哂，個生牛肉河啲湯仲要唔熱，連煮返熱都懶，真係趕收工，問佢某樣食物辣唔辣，果個後生員工答“我未食過我都唔知喎”，我都唔識反應，之後我地都未食完嘢又未夠鐘關門，幾個員工除哂口罩喺隔離張枱傾計，最後，我地求其食完個聖誕餐就走，非常差既體驗，永無下次，亦忠告康城居民下次想幫襯都要諗清楚

差不多九點才去到康城，部份餐廳已經截客截單；見到【玉葉越式料理】門面裝修吸引、顏色搶眼，最重要9:00才截單，即刻衝入去。裝修以綠色為主色，同餐廳名字非常匹配。加上幾盞用仿籐作為裝飾的吊燈，整體風格充滿東南亞泰越風情。除了主餐牌之外，另外還有一個晚市套餐餐牌。可以揀越式粉麵、撈檬粉或者碟頭飯，價錢較單點便宜；雖然並非有齊主餐牌上的越式粉麵，就連最經典的越式生牛河也沒有，勝在可以用優惠價選擇一個迷你小吃，還包括一杯飲品。冇越式生牛河，只好轉口味揀【重量級火車頭  $98】；單點嘅話要 $118，唔知會唔會大碗啲呢？其實，除了生牛肉片之外，火車頭還有其他經典越式食材，包括越式扎肉、和牛丸、牛仔骨片及牛肉眼片；某程度上較越式生牛河更抵食。湯底有牛味，但有點假。牛丸彈牙，但究竟係唔係用了和牛？真係食唔出！不過，無論越式或潮式牛丸，最緊要彈牙、調味足夠，根本冇需要和牛的脂肪；太多油脂及欠缺肉質纖維的話，亦會無法做到牛丸的彈牙口感。兩款部位牛肉的味道皆相當不錯，軟腍、有肉味，冇筋膜。用套餐價錢追加小吃【玉葉牛油雞翼(2件)  $20】。調味尚算不錯，但欠缺了用牛油及麵粉炸香的香脆口感；炸得未夠脆，