翡翠茶餐廳

Open Now

Now Closed

翡翠茶餐廳葵涌葵豐街53-57號福業大廈地下2號舖今晚嚟開葵芳工廠區呢頭做嘢，見時間尚早未夠鐘，所以就隨便搵左間餐廳入去食早餐可能都成10點，所以餐廳有大把位任坐我相信應該lunch time會座無虛席價錢同出面茶餐廳比算係抵手既質素唔錯，味道同份量都正常埋單$33蚊

Lunch 叫左公司樓下茶記外賣兩餸飯，菠蘿京都豬扒同蒜蓉炒椰菜菇，京都豬扒已切成小塊，醬汁酸甜，十分開胃，送飯一流。蒜蓉炒椰菜菇也十分香口，椰菜咬落仍然爽口，不會過熟。白飯是熟的(我認為是十分重要)。配上一杯可樂，十分飽肚，盛惠37個大洋。

每一次來到葵涌工廠區，都是來來去去的那幾間工廠食堂，不過既然來到，就既來之則安之吧。翡翠茶餐廳雖然不是第一次來，但是在沒有甚麼選擇下，來多一次吧。其餐牌沒有更改過，只有像上次一樣的，對於午市套餐，卻又興趣不大，也不想吃飯，思量了一刻，就點來這個。豉椒牛肉炒河。對於牛河，似乎真的太久沒吃，用上豉椒來炒，更加少有啦。材料都是那幾樣吧，紅綠甜椒加上紅辣椒，再加上洋蒽和豆豉，和牛肉一起炒，但是這一碟牛河，卻沒有紅甜椒，不知道是否落少了呢？牛肉都是鬆鬆軟軟的，河粉滑淜的。芡汁卻用上生粉煮的，因此較為濃稠。熱奶茶。是一杯有茶香和业醇的奶茶，仍有淡奶的順滑，只是沒有糖份的調味，帶來了茶的茶澀味道。奶茶不落糖，也許已經成為了在下的習慣。一個人食午飯，茶餐廳就是最好的地方，讓一個人可以在過百款食物中任選，是不錯的選擇。

久唔久在下都會在工廠區裡吃午飯，而且多數在觀塘區裡的工廈裡。今次卻來到葵芳的工廠區，當然沒有觀塘區工廈食堂那麼怎多呢！話實雖然是在工廠區，但是也有茶餐廳的，就好像是今日到訪的翡翠茶餐廳，感覺上不似是食堂，而是堂堂正正的茶記格局，沒半點食堂的感覺。或者是在下於食堂，以至茶記的快餐午餐吃多了，吃到也不想再吃，於是從餐牌中，點選了一款碟頭飯來吃，起碼感覺上是即炒粉麵飯，不會覺得是「大鑊飯」吧。豉椒魚菘飯似乎幾新穎的碟頭飯，一般來說，豉椒確實帶給人一種惹味而有點帶些微辣的感覺，但是配上肉片，牛肉或班腩，或多或少都會吃到有點苦悶，但是換上了魚菘，卻又有換然一新的感覺，除了惹味之外，其魚菘質感卻又似是鯪魚，滑得來又有種吃鯪魚和魚片感覺，沒有骨也沒有胡椒粉在內。凍奶茶雖然是單點，但是跟餐卻又可便宜一點。凍奶茶質感都幾滑，帶有茶香，也夠順滑，也算一杯好茶。午飯時間，總會看到侍者忙過不停，漏單有所難免，幸好在下並未遇上這樣情況。

成十一點半，近排食油利食物多想清清地食過麥皮營養早餐，幸好阿姐話知道我連續兩天都話無麥皮餐，所以今天做比我兩分鐘內到，先來蛋治妙得都好滑而且保持蛋汁份量隨時一隻蛋以上架而且充滿蛋香麥皮少甜做到稀濃情度適中凍檸茶少甜亦做到地方夠大一個坐四人卡位坐得舒服趕得十二點前走，留番枱比人做午市

呢間茶餐廳我之前幾乎日日都幫襯叫奶油多, 凍O茶, 但昨日想食五香肉丁餐肉米, 黎錯左個麵, 我打去同佢講黎錯, 唔該換返個,點知之前果碗麵係好明顯有五香肉到係面, 但之後碗米, 一打開係冇五香肉到既, 個外賣阿姐話係底, 我係佢面前撈黎撈去比佢睇,擺明就係冇既, 跟住我未係第一碗"筆"返兩粒過黎啦, 跟住個阿姐仲話我唔公度, 其實佢同我同事都好清楚見到第二碗係冇五香肉丁,但佢都當睇唔到, 巳經好嬲, 再打電話落去同個收銀阿姐講, 佢竟然話第一個師父唔同第二個師父, 仲話啲五香肉丁返貨貴, 你唔幫襯唔緊要丫,我真係好嬲LAW , 就算返貨貴都好, 我都真係有比廿五蚊佢地, 點知得啲五香肉丁水, 一粒五香肉丁都冇, 呢間餐廳真係令我好失望......連我啲同事見到都好嬲, 以後都唔會再幫襯佢地丫

某早返工途中,腦海突然彈出一隻糯米雞;說時遲那時快,望到呢間茶餐廳路邊宣傳板--早餐B:糯米雞!!! 推門而入,收銀姐姐已經有禮地講早晨(讚!!),即時落個早餐B外帶先。等候期間,收銀姐姐比張印有電話既紙仔我,叫我下次可以打電話叫定,咁就唔駛等咁耐,返工趕時間嘛......真係貼心!!另一位阿姐又笑晒咁將早餐交比我,又多謝前多謝後!!呢種服務態度真好。糯米雞相信係來貨,因為味道同福香園所賣既好相似,糯米飯唔會太淋或太硬,幾好口感;內容有一小片洋火腿、一小截雞翼、一小段肥臘腸另外一大堆有獻肉碎、冬菇絲;味道偏咸溝埋飯之後都ok,但好重師傅,食完之後要勁飲水,試過算數。凍奶茶仍然偏淡,普普通通。有機會再試其他早餐,晨早見到呢2位阿姐既笑容,人都開心D!!

午飯時間未肚餓,等到下午茶時間至叫野食,今期試下翡翠,曾經食過lunch,質素都唔錯,今次試下佢既tea。吉列豬扒湯烏冬:為免浸淋豬扒,同事特別order要另上。豬扒一大片分為2塊,香氣撲鼻,炸得相當香脆,味道都ok,不過稍嫌豬扒薄身左少少,口感無咁好。烏冬唔係太淋,ok; 湯底係潮州麵個種有炸蒜、芫茜個款,所以味道會比普通湯惹味好多,碗烏冬食落都好味d,呢樣係比較有驚喜。凍奶茶: 茶味一般,不過不失。外賣可以翻炒,堂食就要諗諗,尤其午飯時間,可能間格問題,呢度比其他飯堂係嘈好多。

在葵芳前後返了兩年幾工，對於工廠區的茶記有聽聞，卻未試過。一日放工四圍走，想不到在廠區附近發現這間光潔企理的翡翠茶餐廳。　向來都對大學canteen的各款小食有情意結：魚柳包、雞翼沙律、肉丁麵等，平價得來夠滋味，發現一間靚茶記當然開心!　這裡的下午茶時間特別長，茶餐一直供應至6:45pm。我可以放工後來吃個茶餐再上堂，不用再食三文治!一連幾日來試不同茶餐，都是新鮮即叫即製，簡單而味美。最難得人不多，坐在大大的卡位，看大大的平面電視聽新聞很舒服!　各位，這將是我的上堂前飯堂~