亞玉冰室 (Closed)

是日午餐 亞玉冰室焗芝士卡邦尼意粉芝士味好濃，而且好夠味但就會越食越鹹，不過飲下野又可以中和返適合 重口味人士👍🏻我自己都鍾意好多人講話亞玉紅豆冰好正但身為控嘅我 梗係叫奶茶紅豆冰紅豆好甜好林好沙 一個字講晒 好正唔好以為我搞笑，真係有餐廳嘅紅豆係唔林同少硬另外之前都試過個王牌豬扒焗飯係呢2年都無食過大__樂來講佢都係咁好食，不過份量就無咁多一定要支持呢間鋪原因係老闆被人攻擊又出錢去支持 「香港人」良心店鋪

早排介紹過3蚊豆腐花既阿玉豆腐花原來佢地都有開茶餐廳既,過黎試下先!瑞士汁叉燒炒意粉, 沙爹牛肉牛油麵包,瑞士汁炒肉片烏冬一汁2種炒法 味道差不多 但係烏冬就彈牙少少 個汁幾香甜 叉燒偏瘦但咬落味道唔柴肉片吸左瑞士汁,幾好食,口感都幾軟淋 沙爹牛包, 餐包開半烘熱抹牛油再上沙爹牛肉 好惹味呀!好濃味!幾好食!元朗西裕街17號民康大廈地下4-5號舖消費$150

經過黃到金既亞玉 叫返個招牌蕃茄菠蘿焗豬扒飯$60 另加多個亞玉鴛鴦焗飯$62 比老婆試下 +2杯熱檸水 落單快 10分鐘都唔使就拎得 出面落雨 個老細仲叫我慢慢行 好窩心喎 茶餐廳既人情味呀 呢個外賣我拎到返屋企 到食個陣都差唔多成兩個鐘 最amazing係打開都仲出緊煙 熱辣辣 都唔使翻焗 蕃茄菠蘿焗豬扒飯保持一貫水準 酸酸地 蕃茄炒過 好香 豬扒亦都好入味 汁好多 痴滿哂成個豬扒飯 真係好好撈飯 炒飯底最正！不過可能多汁 個炒飯變到濕濕地咁 個亞玉鴛鴦焗飯普普通通 白汁果面係雞扒 紅汁嗰邊係豬扒 紅汁嗰邊嘅豬扒好食d 雖然個雞扒冇乜雪味 但係個白汁就一般般 其實下次最好都係食返佢嘅招牌焗豬扒飯 但我見d人堂食都有食佢既咖哩 都係一個唔錯既選擇 元朗快靚正之選 讚讚讚

朋友介紹元朗既亞玉 今日早到左未夠鐘打針唔俾入 咁就係打針前就黎個快既茶餐 店員既招呼就無乜 由頭到尾個女人幫我落完張單都無講過一句野 我少去茶餐廳 茶記既態度都幾特別 唔緊要 最緊要好食 先黎左杯奶茶 好耐無飲茶記奶茶 好滑 好香茶味 每一啖都好滿足 早知叫茶走邪惡一下啦 然後黎個蜜汁叉燒通粉 Umm個叉燒得4舊 好瘦 無乜色澤 個蜜汁呢？味道尚可 通粉偏硬身 湯底就無乜特別 少少咸味既湯 但當我無乜期望之際 黎左個多士炒滑蛋火腿 好好食！竟然係咁！個炒蛋好滑好香 無乜咸味 但我習慣係一啖啖咁撈上個多士度食 重點係佢搽係多士上面既牛油 真係好好食 多士係脆口的！火腿係茶餐廳先至有既味道 原來叫一個茶餐 配菜才是主菜！下次黎要識叫！到走個陣 個收銀姐姐好有禮貌 同頭先落單個位差天共地

入到去，乜都無問，就帶我起去搭枱，如果事先問一問就好啲，雖然要搭台都無咩，絕對明白因為香港成本貴，但係中間隔塊板是常識吧我望哂哂成間野，得枱同枱之間有板，其實預備塊板，備用都得掛黎過三次比過三次機會第一二次就出餐耐，反映完都話，廚房整係咁諗住今日唔趕時可以慢慢黎去到枱邊，見到人地都差唔多食完，咁就算啦點知就安排多個阿叔過黎，個阿叔件衫仲要著得一半每一次黎到都總係有啲事令我唔舒服，唔開心野食雖然係唔差，但係以家咁既時勢，的確有啲唔鍾意，你地話我太緊張又好，咩都好，但我唔想同人搭枱而中間無板

一場嚟到元朗國，去亞玉冰室食個下午茶，叫個人氣嘅芝士鹹牛肉蛋包，再配杯奶茶紅豆冰。個包焗到熱辣辣之餘仍然保持軟熟口感，入面鹹牛肉份量算多，加埋熱到溶哂變汁嘅芝士，簡直係完美配合，非常好食🤤。奶茶紅豆冰好大杯，茶味幾濃，由於我叫咗少甜，甜度亦啱啱好，唔錯。紅豆煮得夠腍有少少起沙，唯一感覺甜咗少少，不過整體嚟講，杯嘢係好飲嘅👍。

一直都知元朗亞玉好出名🥰山長水遠嚟到元朗點可以錯過亞玉冰室呀～話哂港式風情嘅今次叫咗一杯紅豆冰，一個甜食同埋一個鹹食🤣*瑞士汁豬頸肉炒丁*$50炒丁最緊要就喺夠乾身又唔膩，亞玉呢個炒丁真係做到。另外，個瑞士汁都好出味，唔係斎得個色水～豬頸肉都大大塊，認真足料呀👍🏻*紅豆西多士*$28亞玉嘅西多士都相當出色，今次就試埋個推薦紅豆西多士，一切開個陣紅豆香味即刻濟哂出嚟，入面仲有滿滿嘅粒粒紅豆呀～*奶茶紅豆冰*$26一嚟到見咁大杯奶茶紅豆冰真係呆咗呀，無諗過咗大杯，呢個份量2個人飲都好夠呀，而且個茶底都好夠香添呀👍🏻

呢間黃到金就唔使講，元朗所有街坊都知。但除咗黃，呢間野嘅野食仲要好足料！雖然價錢同出面嘅餐廳差唔多，但份量就有成1.5倍，每次食都食得飽我平時食最多係早餐，要留意早餐嘅三文治用嘅麵包好厚，係真係好厚，細食嘅人要注意但質素份量都好唔錯呢到嘅奶茶偏甜，平時少甜嘅可能比較想要半糖。

想講元朗真係有好多餐廳😂仲要好多都係💛但今次試呢間就有少少失望喇🥺✨常餐✨ $48 (凍飲+$3) 🥚🍞炒蛋望落係好靚仔🤣d蛋汁好吸引咁但食落口發現裏面嗰層係好熟🍳完全無炒滑蛋嘅感覺😖質感太實淨喇多士烘得太燶（反轉後面係再燶d🤨)同好似無搽過牛油咁(定其實真係無？😂)我食左一塊都放棄了感覺好似乾哽咁😩食多塊一定喉嚨痛😢叉燒通粉叫最正常🐷但湯底好淡無乜味叉燒好似唔太新鮮有陣up味咁🙈凍奶茶(少甜）就幾好飲幾滑唔澀口😛茶味香濃又不失奶味😎

♙沙嗲牛肉公仔麵(常餐)✓個人認為沙嗲牛肉麵係呢度嘅必食之選，沙嗲汁濃得黎唔會過咸，帶有好香嘅花生味，牛肉肉質同口感一食就食得出同一般茶餐廳有分別！♙黑椒牛肉炒烏冬 (下午茶餐)✓黑椒落得好重手，烏冬炒得惹味，牛肉質素同份量都值得一讚♙茄湯卜卜蜆烏冬✓卜卜蜆好足料，可惜有少少腥味，茄湯濃稠度可以降低少少，烏冬彈牙！♙熱奶茶✓茶味較重同香濃，個人非常喜歡♙去過呢度幾次 每次都會有驚喜，非常推介大家一試！

每一次想食comfort food就諗起亞玉，元朗咁多餐廳之中，佢既紅豆冰令我癮起既時候就會好想飲食物嘅種類有好多，大致上茶餐廳有既野佢都會有，仲要高質加埋大碟下午茶時間食好抵食，今次叫左個黑椒牛肉炒意粉另外叫左個焗豬扒飯，加埋個咖啡紅豆冰，炒意粉好有獲氣，黑椒味道香濃，size比午餐既小但女仔食既portion剛剛好！另外個焗豬扒飯⋯哇，一上到枱蕃茄味香到不得了，飯係炒飯底，連埋豬扒一齊食真係最好既配搭。大大杯咖啡紅豆冰我叫左走甜，加上紅豆蓉本身既甜就剛剛好啦！

下午茶時間去食 唔洗排隊但入面都有一定人數本身想入客家糍粑同埋豆腐花都冇咗😢店員好有禮貌好似係💛💛💛💛芝士鹹牛肉蛋包$35如果有得烘底就好覺得有啲太鹹，本身芝士都有鹹味+牛肉蛋係炒滑蛋，都幾好食焗芝士吉列魚柳飯勁多芝士係面，上枱個陣仲有泡泡(睇下左下角)入面係炒飯底，因芝士係蓋面魚柳已經唔脆仲好大陣雪藏味呢款芝士同上面包個款係有d唔同呢個整體好似無咩味咁加左$10有華田紅豆冰上枱時唔係話好凍，底個d仲係熱的😂紅豆煲到開花，幾中意食呢一隻紅豆華田本身已經甜，好岩愛甜者😋可以一試炸薯條小食🍟係曲薯無落鹽味調味料，係好原味圖中已經食左一部分😂正正常常，用油炸.另外叫左凍咸柑桔🍊好可憐無味🥲又唔夠咸又無咩柑桔味跟餐+$6

你望下，係傳聞中每個元朗人來到依間冰室都必點既阿華田紅豆冰呀😍！嗌常餐加$10就有，我想講杯紅豆冰差唔多有我半個頭咁大😂當初為咗拎杯嘢影相，我隻右手係經歷過千錘萬煉，有幾秒差d覺得自己再也hold唔住（好彩最後都係有）😊 杯嘢係超超超超濃，而且唔講唔知啲紅豆原來係要錢，如果唔係老闆點解會落咁多！？？？.今次我嗌既係常餐D - 漢堡扒、腸仔、牛乳炒滑蛋拼奶油豬($50)！唔係誇張個奶油豬係我成世人食過最好食嘅奶油豬，外脆內軟，啲奶油量可以話係enormous，雖然好肥but I like it！漢堡扒 都惹味過m記嗰d好多倍，配合淡淡地既炒蛋可謂係perfect match✌️雖然我覺得個蛋略嫌唔夠濃滑，但見佢其他配料咁高質，小小瑕疵唔算係啲咩😎.重點：間冰室黃到金👍原來咁啱去元朗展開一日遊/行山，用依餐start個good morning 係啱啱好！

聽人講呢度有杯打卡必點紅豆底嘅飲品，入到嚟諗多兩諗，年紀大甜嘢咪搞我喇。叫返凍檬茶算。環境大感覺舒服，坐得好疏落，不過職員就cool cool地咁。 睇完成套餐牌，時間正正下午茶，下午茶都40蚊起跳，餓餓地好想揀飯類選擇，但選擇唔合心水，正價飯56蚊，最後揀下午茶餐叉燒炒意粉。出餐都要小小時間，絕對唔係快餐，估計係即炒出嚟，上到枱都熱嘅，隻碟雖然有小小窩入去，份量對於我嚟講一般飽。 一眼望落去睇到色澤就好吸引，香味都有嘅，味道帶小甜，睇佢咁深色又唔係好咸，味道屬唔錯。 叉燒切片，厚薄正常，叉燒份量都叫合格，質地唔算多肥肉，雖然瘦瘦地唔會係硬崩崩，唔錯㗎喇，呢個價錢唔會再多要求。不過食完望吓碟底淨低嘅油，可以少啲油咁就健康啲又perfect。 總括嚟講都算抵，連凍飲$43埋單。

我已經食過幾次 今次終於記得影低相推介<沙嗲牛肉包>⭐️⭐️⭐️⭐️⭐️雖然佢賣相麻麻但麵包好軟熟沙嗲牛肉份量多 咬落啖啖都係沙嗲牛肉 加上沙嗲醬汁調較得好好麵包打開見到有查到牛油 所以食落除左有沙嗲牛肉之外仲有牛油味好有驚喜<凍咖啡、奶茶紅豆冰>⭐️⭐️⭐️1. 咖啡偏苦 奶較少 不過最鐘意係佢凍飲既杯 特別有茶餐廳風味 特別凍！👍🏻2. 同樣地奶茶茶味偏苦澀 可能同泡完茶放咗一段時間有關 紅豆味唔會過甜 值得一提係超大杯好抵飲💛💛香港人既店舖！緊係要支持！💛💛