日船章魚小丸子 (Closed)

出親旺角必食既一樣野! 咁多年黎水準都keep到!最鍾意佢個wasabi加沙律醬個味道真係好特別!今次友人試埋炸雞比隻雞比真係大得可怕@o@但到我地手果陣只覺得太多粉食落冇乜驚喜

同男朋友仔係咁食野,,,行過泥間野,,,又想食wo,,咁就買泥試下喇,,,,點知1拎上手,,,好鬼死熱,,,但食落去好好味~~男朋友不停地大讚好味,,,13蚊,,,都抵食喇,,,

比較喜歡以前的小丸子,因現在的燒汁太過甜,裏面的章魚粒過硬,亦唔多覺有椰菜木魚碎勁多,不過有些很難嚼

最中意黎呢度食小丸子！可能係我有loyalty, 覺得其他ge 小丸子比唔上呢度！加左價, 個感覺係d 食物反而有少少退步…d 小丸子唔再係熱辣辣, 有時無木魚, 得d 勁粗ge 紫紙…但overall 都係verygood!

在旺角街頭有很多賣章魚丸的店，但我唯獨喜歡這間，猶其中學時會經常買來吃呢。買了一盒和男友分享。喜歡這章魚丸有兩款醬，沙拉醬和芥末醬都好好味，而且加上燒汁和大量木魚，真的令普通的章魚丸生色不少。而章魚丸本身口感煙煙韌韌，也不會滿是粉的感覺，蠻好的。現在賣$13五粒，雖然加了價，但都比築地便宜多呢。

經過呢間鋪頭都會買盒章魚小丸子食，今日唱完k就同同學黎食。每人一盒章魚小丸子，拎上手感到個盒熱辣辣。急不及待開黎食，一啖入面有章魚小丸子、木魚、燒汁、沙律醬同wasabi。章魚份量不多，但加上wassbi同沙律醬，十分惹味!熱辣辣，食到個口不停咁陏。雖然加左價，但係都幾抵食，熱辣辣食特別好食!

比起其他同價既好好多唔會太多粉八爪魚ok大回下面o個位....塊板d位咪又係一樣點樣越來越細粒呀?

記得第一次食呢間d小丸子既時候，真係覺得好好食，又抵，只係12一盒。但上次去，已經覺得麻麻，但今次再識多次，完全覺得小丸子入面係無椰菜同八爪魚粒，只係d燒汁好味，而且d小丸子愈整愈細粒，仲要加左價，成$13一盒。雖然唔係話貴，但唔值囉。就好似某連鎖快餐店咁，d包愈黎愈細，但價錢就相反。

旺角主店的丸子比較脆身..果位哥哥落沙律醬冇姑寒! 超正..我就覺得惠康賣果D 比較多餡..各有各好啦惠康11蚊旺角13 蚊.貴2蚊姐

食完臭豆腐，又心思思想繼續食街邊野，於是走黎買盒小丸子同未試過呢間小丸子既阿思share。同上個食評一樣，熱係夠熱，可惜外層唔夠脆，燒汁太少，入面粒八爪魚好細，椰菜都無咩，幾乎成舊都係粉團，比上次黎食退步左。

早一排行開呢度, 見到呢間食店叫做日章魚小丸子, 師傅心諗佢d章魚小丸子應該唔差, 於是乎就決定黎呢度試下!正當想行去買時候, 師傅先發現要排隊, 條隊都唔算好長, 不過都至少有十個八個, 但係點都冇諗到街邊買野食都要排隊!排左大約五分鐘先買到一盒章魚小丸子, 章魚小丸子一盒有六粒, 賣相唔錯, 食落口第一個感覺就係熱辣辣, 但個皮唔太脆, 個汁太少比較乾身, 而d章魚真係好細粒, 椰菜比較多, 硬左少少加上味道一般, 唔算太吸引!總括黎講師傅覺得係一盒好普通章魚小丸子, 可以一試但絕對唔值得排隊黎試, 成盒章魚小丸子唯一可取就係新鮮熱辣, 不過師傅下次都未必會再黎!

9/11/2007 9:30pm放學行過又肚餓，好耐無食了而記憶中又不差，所以要左一盒章魚小丸$13~6粒價錢吸引~賣相都不錯~不過食落口個皮唔太脆，而且食落口感覺好似食緊有料雞蛋仔~料的確多~但主角章魚真係好細粒呀~我都明白一分錢一分費,唔可以拎佢同築地比~食完好飽，都係回憶中gar佢好食~唔再食啦~留番個好印象~

至好味既小丸子果日行街經過見多人排就打算試下食過幾間, 都有張住個口既感覺呢間真係至正, 多人排係有道理的

本人一想食小丸子既時候邊間都剎..就連惠x超級市場都食過幾次,但係自從食完呢間日之船既小丸子之後,我忍受唔到自己食其他店鋪既小丸子,哇...我一邊食一邊嗌好味,自己一人食曬6粒,之後再行番轉頭再叫多盒同人share,鍾意食小丸子既食家一定要食,d皮脆薄,章魚有咬口有香味,d汁唔太多又唔太少,好過格離街果d小丸子d皮厚過本書咁=.=雖然加價加到$13,但係我依然大嗌物有所值^p^"

從10元6粒漲價到現在13元6粒已經好久沒去幫襯了最近行過看到大排長龍就再試他一試保持水準沒有突破但不退步已經是進步啦~